Башҡортостанда ужым игенен урыу тамамланды

Был турала бөгөн хөкүмәттә оператив кәңәшмәләВице-премьер-Ауыл хужалығы министры Илшат Фәзрахманов белдерҙе. Бөгөнгә игендөйөм майҙандарҙың 89 процентында урылған. Уңыш - 3 миллион 400 мең тонна. Шәкәр сөгөлдөрө баҫыуҙарының57процентына эш теүәлләнгән. 300 меңтоннанан ашыу уңыш алынған.

Баймаҡта мосолман зыяратын кәртәләү тамамланды

Изге эштә район һәм ҡала хакимиәте, хеҙмәт коллективтары, барса халыҡ ҡатнашты. Тулыраҡ киләһе яҙмала.

Шишмә районында Ҡатыҡ байрамы үтте

Байрам уңайынан район мәҙәниәт һарайы алдындағы майҙанда «Милли ихата» һәм «Милли аш-һыу» темаларына бағышланған күргәҙмәләр ойошторолдо. Бында урындағы халыҡ һөт ризыҡтары, тәм-томдар тәҡдим итте. Күргәҙмә алдында һәүәҫкәр артистар сығыш яһаны, театрлаштырылған тамаша күрһәтелде. Көн дауамында оҫталыҡ дәрестәрендә хужабикәләр ҡатыҡ, эремсек, сыр бешереү тәжрибәһе менән уртаҡлашты.

Өфө районында автоспорт һөйөүселәрен берләштергән сара үтте

Автоспорттың йәйге миҙгеле тамам. Уға Өфөнөң Зинин ауылы эргәһендә техник спорт төрҙәрен берләштергән Джимхана фестивале менән йомғаҡ яһалды. Сараға килгән тамашасылар күрһәтмә уҙыштар шаһиты булды, көслө моторҙар геүләүен ишетте, ретро автомобилдәр менән таныша алды. Юғары тиҙлек яратыусы төрлө һөнәр эйәләрен берләштергән спорт сараһы хаҡында репортаж.

Алдағы төндә Башҡортостанда 4-9 градусҡа тиклем һыуытып, ҡырау төшөүе көтөлә

Автомобиль юлдарында төндә һәм иртәнгә ҡарай томан төшә, күреү мөмкинлеге 500 метрғаса сикләнә. Ел төньяҡ-көнбайыштан секундына 5-10 метр тиҙлектә иҫә. Ғәҙәттән тыш хәлдәр министрлығының Башҡортостан буйынса баш идаралығы электр һәм газ ҡорамалдарын, шулай уҡ мейесте файҙаланғанда янғын хәүефһеҙлеге ҡағиҙәләрен теүәл үтәргә кәңәш итә. Юлдарҙа һаҡ булығыҙ, дистанцияны һәм тиҙлек режимын һаҡлағыҙ!

Радий Хәбиров 2025 йыл аҙағына тиклем Пугачев урамын файҙаланыуға тапшырыу бурысын ҡуйҙы

Башҡортостан башлығы Радий Хәбиров 2025 йыл аҙағына тиклем Пугачев урамын файҙаланыуға тапшырыу бурысын ҡуйҙы. Һүҙ «Дуҫлыҡ Монументынан Геофизиктар урамына тиклем участка тураһында бара».

Башҡортостанда йылытыу миҙгеле башланды

Башҡортостанда 2 меңдән ашыу социаль учреждение һәм 7 меңгә яҡын күп ҡатлы йортҡа йылы бирелгән. Йәмғеһе 50 районда йылытыу миҙгеле башланған. Радий Хәбиров әйтеүенсә, энергия ресурстары менән тәьмин итеүҙе һауа торошона ҡарап һәр муниципалитет үҙе хәл итергә тейеш. Халыҡҡа уңайлы шарттар тыуҙырыу мөһим, тине төбәк етәксеһе аҙналыҡ оператив кәңәшмәлә.

«Торатау» геопаркының Юнеско глобаль селтәренә инеүе-илдең тышҡы сәйәсәтен яҡшыртыуға тос өлөш индерә

Был турала Радий Хәбиров оператив кәңәшмәлә белдерҙе. Республика башлығы абруйлы статус алыуға ҙур көс һалған фән эшмәкәрҙәренә дәүләт наградалары тапшырҙы. Торатау геопаркын Юнеско исемлегенә индереү тураһындағы ҡарар 6 сентябрҙә Чили республикаһында үткән 11-се халыҡ-ара конференцияла ҡабул ителде.

Башҡортостанда йыл аҙағына тиклем 620 лифт алмаштырыласаҡ

Уларҙың барыһының да файҙаланыу ваҡыты тамамланған. Заманса яңы лифттар хәүефһеҙ ҙә, уңайлы ла. Өфөнөң Адмирал Макаров урамында программаға ингән күп фатирлы йорттарҙағы эш барышы хаҡында киләһе яҙмала.

Бөрйән районының Иҫке Собханғол урта мәктәбенә-100 йыл

Тарихи дата айҡанлы белем усағында мәктәп коллективы, мәғариф ветерандары, сығарылыш уҡыусылары ҡатнашлығында күләмле байрам сараһы үтте.
Тантана яу ҡаһармандары һәйкәленә сәскә һалыуҙан башланды. Ә мәктәп алдында ҡунаҡтарҙы 100 йыллыҡ юбилей менән 100 ҡурайсы тәбрикләне.

Өфөлә коммерция булмаған ойошмаларға дәүләт ярҙамын күрһәтеү һорауҙарына арналған семинар үтте

Белгестәр әйтеүенсә, гранттар фондына төрлө йүнәлештәге ғаризалар ҡабул ителә. Быйыл тәү сиратта ғаилә ҡиммәттәрен пропагандалауға, физик мөмкинлектәре сикләнгәндәрҙе яҡлауға, махсус хәрби операцияла ҡатнашыусы яугирҙарҙы һәм уларҙың ғаиләләрен хәстәрләүгә йүнәлтелгән проекттарға өҫтөнлөк биреләсәк.

Фәйзи Ғәскәров исемендәге дәүләт академия халыҡ бейеүҙәре ансамбле 87-се ижад миҙгелен асты

Башҡортостан дәүләт концерт залында үткән тамашала легендар балетмейстр ҡуйған композициялар менән бергә, донъя халыҡтары бейеүҙәре башҡарылды. Ижад миҙгеленең тәүге премьераһы сәхнәләштерелде.

«Юлдаш» – 25 йыл тыңлаусылар менән бергә

Башҡортостандың төп милли радиостанцияһы – «Юлдаш»ҡа 25 йыл! Сирек быуат дауамында ул тыңлаусыларҙы йыр-моң, хәбәрҙәр һәм тура эфир менән ҡыуандырҙы. Бөгөн «Юлдаш» – һәр өйҙәге яҡын дуҫ, рухи юлдаш.

Республикала туристик объекттар арта

4 инвестиция проектына ҡуртымға ер участкаһы бирелә. Белорет районы Асы ауылында ял базаһы төҙөү ҡарала. Инвестор был проектҡа 620 миллион һум аҡса һалырға ниәтләй. Әбйәлил районында “Эко ауыл-2” тигән ял үҙәге төҙөлә. Дыуан районында глэмпинг-парк асыла. Уның майҙаны 3 гектарға яҡын. Башҡортостан хөкүмәтенең матбуғат хеҙмәтенән ошо турала белдерәләр. Өфө районында юл яны комплексы һалына. “Туристик инфраструктураны киңәйтеү сәйәхәтселәр һанын арттырырға мөмкинлек бирә. Шулай уҡ республика иҡтисады үҫешенә йоғонто яһай”, - ти эксперттар.

Һуғыш балалары тураһында закон проекты беренсе уҡыуҙа ҡабул ителде

Уға ярашлы, айырым категория граждандарға күп функциялы үҙәктәрҙә дәүләт хеҙмәттәре сиратһыҙ күрһәтелә. Спикер Константин Толкачев белдереүенсә, бындай норма өлкән йәштәгеләр һәм хәрби бәрелештәрҙә ҡатнашыусыларға бюрократик кәртәләрҙе кәметеү мөмкинлеген бирә. Башҡортостанда әле һуғыш балаһы статусында булған 113 меңдән ашыу кеше йәшәй. Был исемлеккә 1927 йылдың 22 июненән 45-се йылдың 3 сентябренә тиклем тыуғандар инә.

"Ағиҙел" Свердловск өлкәһе хоккейсыларын 13-2 иҫәбе менән еңде

Ҡатын-ҡыҙҙар хоккей лигаһында даими беренселек дауам итә. Бөгөн был командалар араһында тағы бер уйын ҡаралған. Лигала 7 команда сығыш яһай. "Ағиҙел" үткән миҙгелдә чемпион булды.

Башҡортостан менән яңы төбәктәр араһында хеҙмәттәшлек үҫә

Бөгөн Донецк, Луганск халыҡ республикалары, Запорожье, Херсон өлкәләре халҡы бөйөк Рәсәйҙең бер өлөшө булырға ҡарар итеүенә өс йыл тулды.
Ошо мөһим ваҡиға менән Башҡортостан башлығы Радий Хәбиров ҡотланы. Рәсәйҙең яңы төбәктәрендә йәшәүсе ҡәрҙәштәребеҙ тураһында даими хәстәрлек күрелә. Беҙҙең яугирҙар ҡулдарына ҡорал алып, биләмәләрҙе нацистарҙан азат итә, тыныс халыҡты дошмандан һаҡлай.

1 октябрҙән республиканың барлыҡ муниципалитеттары ла йылытыу миҙгелен башларға бурыслы

Йылы менән тәү сиратта социаль учреждениелар тәьмин ителә. Был балалар баҡсалары, мәктәптәр һәм һаулыҡ һаҡлау объекттары. Ә бына торлаҡ йорттар биш көн дауамында уртаса тәүлек температураһы 8 градустан түбән булған осраҡта ҡаҙанлыҡҡа тоташтырыла.

Бөгөн төндә республикала ҡырау төштө

Һауала һәм тупраҡ өҫтөндә -4, -9, таулы райондарҙа 10 градусҡаса тиклем ҡырау төштө. Ирәмәл тауында һәм Сибай ҡалаһында бер көн элек ҡар яуыуы күҙәтелгәйне.
Башгидромет фараздары буйынса,алдағы көндәрҙә яуым төшөмһөҙ, аяҙлы- болотло һауа торошо көтөлә. Һауа температураһы төндә 0, +5° тирәһе, көндөҙ +7, +12° градусҡаса йылыта.

Архангел районында дәүләт автоинспекцияһы хеҙмәткәрҙәре иҫерек комбайнерҙы тотҡан

Эскән килеш рулгә ултырған аграрий тураһында инспекторҙарға битараф булмаған замандашыбыҙ хәбәр итә. Комбайнерҙы трассала туҡтатҡан автоинспкекторҙар 58 йәшлек ирҙең ысынлап та эскән булыуын дәлилләй. Тағы ла бер комбайнерҙың водитель таныҡлығы булмауы асыҡлана. Ике иргә ҡарата ла административ протоколдар төҙөлгән.

Шаран районы Баҙғый ауылында модулле фельдшер-акушерлыҡ пункты асылды

Яңы бина «Оҙайлы һәм әүҙем ғүмер» милли проекты буйынса сафҡа ингән. Бында халыҡҡа беренсел медик-санитар ярҙамы күрһәтеү өсөн барлыҡ шарттар ҙа тыуҙырылған. Иркен яҡты бүлмәләр медицина хеҙмәткәрҙәре һәм пациенттар өсөн дә уңайлы.