Башҡортостандың пилотһыҙ осоусы аппараттарҙы күҙәтеүсе үҙенең станцияһы бар

Шулай уҡ власть органдары билдәләүенсә, оператив иҫкәртеү системаһы эше лә яйға һалынған. Йәғни, пилотһыҙ осоусы аппараттар башҡа төбәк яғынан Башҡортостан биләмәһенә йүнәлгәндә үк белгестәр уны асыҡлап күҙәтеп барған.

Республика етәкселеге «Башкиравтодор» предприятиеһын тарҡатыуҙан һаҡлап ҡалды

Был турала бөгөн оператив кәңәшмәлә Башҡортостан башлығы белдерҙе. Радий Хәбиров әйтеүенсә, төбәк власы юл ремонттары өсөн яуаплы төп операторҙың эшен тотороҡландырырға тырыша, тик шул уҡ ваҡытта предприятиены көрсөккә терәтергә теләүселәр ҙә табыла. Башҡортостан етәкселегенең хоҡуҡ һаҡлау органдары менән берлектәге эшмәкәрлеге предприятиены һаҡлап ҡалырға булышлыҡ итә.

Оператив кәңәшмәлә һайлау йомғаҡтары һәм медицина үҫеше ҡаралды

Уҙған йәкшәмбе Башҡортостанда үткән һайлауҙарҙа махсус хәрби операцияла ҡатнашҡан 13 кеше депутат мандаты алған. Радий Хәбиров уҙғарған аҙналыҡ оператив кәңәшмәлә берҙәм тауыш биреү көнөнә йомғаҡ яһалды. Төбәк етәксеһе шулай уҡ яу яланында хәбәрһеҙ юғалған Рәсәй Геройы Илдар Суфияровтың кәүҙәһе табылыуы тураһында хәбәр итте. Оператив кәңәшмәләге ошо һәм башҡа темалар тураһында киләһе репортаж.

Радий Хәбиров: Башҡортостан сәнәғәт объекттары өҫтәмә һаҡлауға мохтаж

Пилотһыҙ осоусы аппараттар һөжүменән һаҡланыуҙың ҡатнаш системаһы ярҙамында ауыр эҙемтәләргә юл ҡуйылманы. Был турала Радий Хәбиров республиканың террорға ҡаршы комиссия һәм оператив штаб ултырышында белдерҙе. Кәңәшмә эшендә төбәктең көс структуралары, министрлыҡ-ведомство, эре сәнәғәт предприятиелары етәкселәре ҡатнашты.

Башҡортостанда Һаулыҡ һаҡлауҙың беренсел звеноһы яңыртыла

Ҡырмыҫҡалы районы Шәрипҡол ауылында фельдшер-акушер пункты асылды. Медицина учреждениеһы “Оҙайлы һәм әүҙем тормош” милли проекты ярҙамында барлыҡҡа килде. Яңы бина заманса медицина ҡорамалдары менән йыһазландырылған. Һаулыҡ мөмкинлектәре сикле пациенттар өсөн шарттар булдырылған. ФАПта Шәрипҡол, Октябрь һәм Ивановка ауылдарынан 400-гә яҡын кешегә медицина ярҙамы күрһәтелә.

Радий Хәбиров Башҡортостандың МХО ветерандары ассоциацияһы ултырышында ҡатнашты

Радий Хәбиров Башҡортостандың махсус хәрби операция ветерандары ассоциацияһы ултырышында ҡатнашты. Унда ойошманы артабан үҫтереү, хәрбиҙәрҙең һәм уларҙың ғаилә ағзаларына ярҙам итеү мәсьләләлре тикшерелде. Төбәк башлығы билдәләүенсә, ассоциация алдында торған бурыстар иҫәбендә-һәләк булғандарҙың исемен мәңгеләштереү, инвалид ветерандар хаҡында хәстәрлек күреү, хәрбиҙәрҙе тыныс тормошҡа яраҡлаштырыу, белем биреү, эшкә урынлаштырыу.

Башҡортостан танкистары һөнәри байрамын яу ҡырында ҡаршыланы

Рәсәй танкистары һөнәри байрамын билдәләне. Армияның көсөн һәм ҡеүәтен билдәләүсе яҡташтарыбыҙҙы байрам менән Радий Хәбиров ҡотланы. «Башҡортостан» 31-се мотоуҡсылар полкының Советтар Союзы Геройы Сергей Зорин исемендәге танк батальоны егеттәре был көндө лә эш өҫтөндә хәрби дежурҙа ҡаршы алды. Улар махсус хәрби операцияның Ҡыҙыл Лиман йүнәлешендә бурысын үтәй.

Гриптан вакцина яһау өсөн сентябрь-ноябрь уңышлы һанала

Белгестәр ошо хаҡта белдерҙе. Ҡулланыусылар хоҡуғын яҡлау хеҙмәтенең Башҡортостан идаралығынан хәбәр итеүҙәренсә, республикала 200 меңдән ашыу кеше был ауырыуҙан прививка эшләткән. Вакцина ауыр эҙемтәләрҙе булдырмаҫҡа, өҙлөкмәҫкә, пневмонияны иҫкәртергә ярҙам итә. Башҡортостанда киҙеүҙән 2 миллион ярым кешегә прививка яһау ҡарала. Уларҙың 600 меңдән ашыуы балалар. Медицина учреждениеларына тейешле препараттар килтерелгән.

Радий Хәбиров ике үҫмергә парашют менән һикереү мөмкинлеген бүләк итте

Башҡортостан Башлығы Радий Хәбиров ике үҫмергә парашют менән һикереү мөмкинлеген бүләк итте. Илназ Дәүләтов менән Максим Назаралиев республика башлығы менән уҙған йәкшәмбелә «Геройҙар биләмәһе»тип аталған үҙенсәлекле балалар өсөн слетта осрашты. Һәм бер аҙнанан һуң малайҙар парашюттан һикерҙе. Был хаҡта тулыраҡ киләһе яҙмала.

Башҡортостанда туристар һаны арта

Уҙған йылда 2 миллион 200 мең кеше республикаға сәфәр ҡылған. Инфраструктураны яҡшыртыуыға 1 миллион һумға яҡын аҡса йәлеп ителгән. Быйыл “Туризм һәм ҡунаҡсыллыҡ” милли проектына ярашлы, “Янғантау” һәм “Торатау” геопарктарын үҫтереү дауам итә. Республикала “Туризм академияһы” программаһы булдырыла. Ул милли туристик маршрут һалыу, ҡунаҡханаларҙа номерҙар фондын арттырыу, профессиональ кадрҙар әҙерләүгә нигеҙләнә.

Өфө-Ырымбур федераль трассаһында капиталь ремонт башланды

Өфө-Ырымбур федераль трассаһының Стәрлетамаҡтан Ашҡаҙар ауылына тиклемге участкаһында капиталь ремонт башланды. Күләмле төҙөлөштө бигерәк тә көньяҡ райондарҙа йәшәүселәр көтөп алды. Һөйөнөслө яңылыҡ менән социаль селтәрҙәрҙә Радий Хәбиров уртаҡлашҡан.

Дәүләт Йыйылышы-Ҡоролтайҙа президиум ултырышы үтте

Парламентарийҙар көн тәртибендә мөһим закон проекттарын ҡабул итеү һорауҙарына туҡталды. Дәүләт мөлкәтен хосусилаштырыу, күп балалы ғаиләләргә ярҙам итеү, Бөйөк Ватан һуғышы осоро балаларын дәүләт органдарында сиратһыҙ хеҙмәтләндереү, мутлашыусыларҙан зыян күргән граждандарға бушлай юридик ярҙам ойоштороу һәм башҡа мәсьәләләр иғтибар үҙәгенә ҡуйылды.

Бер төркөм яугирҙар махсус хәрби операция биләмәһенә юлланды

Бөгөн бер төркөм яугирҙар махсус хәрби операция биләмәһенә юлланды. Сираттағы үҙәкләштерелгән оҙатыу сараһы «Өфө-арена» алдындағы майҙанда үтте. Ватан һаҡсылары ике аҙна ялда булған. Был ваҡытты улар башлыса яҡындары янында үткәргән.

Уңышлы хәрби заданиенан һуң лайыҡлы наградалар

Салауат Юлаев исемендәге батальон яугирҙарының бер төркөмө Миңлеғәле Шайморатов миҙалы менән бүләкләнде. Рәсәй гвардияһы составындағы подразделение Белгород өлкәһендә хәрби бурысын үтәй. Яҡташтарыбыҙ дәүләт сиген һаҡлау, диверсия төркөмдәрен асыҡлау буйынса хәрби заданиелар башҡара. Хеҙмәттә айырыуса батырлыҡтар күрһәткән яугирҙар Шайморатов миҙалдарына тәҡдим ителгән. Беҙҙең өсөн Башҡортостан наградалары мөһим һәм ғорурлыҡ, ти Салауат Юлаев вариҫтары.

Ейәнсура районында Юнир Дәүләтшинға арналған иҫтәлекле урын асылды

Ейәнсура районында махсус хәрби операцияла батырҙарса һәләк булған Юнир Дәүләтшинға арналған иҫтәлекле урын асылды. Геройҙың яҡындары көсө менән төҙөлгән баҡсаға «Хәтер» тип исем бирелгән.

Әбйәлил районы үҙәгендә «Рено Логан» машинаһы шартлаған

Асҡарҙа янып киткән автомобилдә зәңгәр яғыулыҡ ҡоролмаһы булған. Кибет алдында шартлаған машинаның водителе контузияланған. Ваҡиға шаһиттары әйтеүенсә, ғәҙәттән тыш хәлгә тиклем транспорт эргәһендә газ еҫе сыҡҡан. Осраҡ буйынса тикшереү ойошторолған.

Евразия фәнни-мәғариф үҙәгендә йәш ирекмәндәр өсөн «Интенсив уҡыуҙар» асылды

Өс йөҙҙән ашыу студент федераль эксперттар һәм тәжрибәле белгестәр ярҙамында белемен камиллаштыра. Егеттәр һәм ҡыҙҙар оло йәштәге граждандарға, ауыр тормош хәлендәге кешеләргә, ауырыған пациенттарға ярҙам күрһәтергә өйрәнә. Махсус курсты тамамлаған студенттар Интенсивтың финалында социаль мөһим проекттарын яҡлап сығыш яһаясаҡ.

Республикала тын юлы сирҙәрен йоҡтороусылар арта

Рәсәй Ҡулланыусылар хоҡуғын яҡлау хеҙмәтенең республика идаралығынан белдереүҙәренсә, һуңғы аҙнала 20 мең 300-ҙән ашыу кешегә шундай диагноз ҡуйылған. Шуларҙың яртыһы – 14 йәшкә тиклемге балалар. Башҡортостанға 500 меңдән ашыу доза вакцина ҡайтарылған. 400 меңдән ашыу кеше грипҡа ҡаршы прививка яһатҡан.

Өфө-Ырымбур федераль трассаһында капиталь ремонт башланды

Был турала Башҡортостан Башлығы Радий Хәбиров социаль селтәрҙәге сәхифәһендә хәбәр итте. “Беҙ республика халҡы, бигерәк тә көньяҡ райондарҙа йәшәүселәр түҙемһеҙләнеп көткән күләмле төҙөлөш башланыҡ. Стәрлетамаҡ һәм Ашҡаҙар ауылы араһында юл өлөшө 4 һыҙатҡа тиклем киңәйтелә, йәйәүләр өсөн үткәүел, йүнәлештәрҙе бүлеүсе барьер ҡуйыла һәм юл яҡтыртыла”, - тип яҙған республика етәксеһе. Әле бында коммуникацияларҙы күсереү, ер эштәре башҡарыла. Ул киләһе йыл аҙағына тиклем әҙер булырға тейеш. Радий Хәбиров “Росавтодор” һәм “Приуралье” юл идаралығына рәхмәт белдерҙе.

Баймаҡ районы Урғаҙа ауылының социаль-мәҙәни үҙәгендә икмәк һәм муллык көнө билдәләнде

«Кесе Ватан мәҙәниәте» проекты буйынса ойошторолған байрам ысын мәғәнәһендә хеҙмәтте һәм уңышты данланы.

Өфөлә ватан ҡағыҙ аҡсалары тарихынан ҡыҙыҡлы факттарға арналған экспозиция эшләй башланы

Купюралар күргәҙмәһе. Башҡортостандың милли музейында ватан ҡағыҙ аҡсалары тарихынан ҡыҙыҡлы факттарға арналған экспозиция эшләй башланы. Оҙаҡ ваҡыт илдә тәңкәләр генә әйләнештә була. Купюралар 1769 йылда барлыҡҡа килә.