Игорь Комаров гүзәл заттарҙы Халыҡ-ара ҡатын-ҡыҙҙар көнө менән ҡотланы

Игорь Комаров Волга буйы федераль округында йәшәүсе гүзәл заттарҙы Халыҡ-ара ҡатын-ҡыҙҙар көнө менән ҡотланы. Рәсәй Президентының Волга буйы федераль округындағы тулы хоҡуҡлы вәкиле 8 март байрамы уңайынан ҡатын-ҡыҙҙарға мөрәжәғәт итте.

Бөйөк Ватан һуғышы ветераны Ҡотлогилде Төхвәтуллиндың дәһшәтле йылдар хәтирәләре менән уртаҡлашты

Еңеү яҙын Берлиндан етмеш саҡрым алыҫлыҡта ҡаршы алып, тотҡонлоҡта булған бер төркөм яҡташтарын үлемдән ҡотҡарған. Әбйәлил районы Мәхмүт ауылынан Бөйөк Ватан һуғышы ветераны Ҡотлогилде Төхвәтуллиндың дәһшәтле йылдар хәтирәләре - БЮТ ижади төркөмө әҙерләгән репортажда.

Башҡорт академия драма театрында «Ваня ағай» пьесаһы буйынса сәхнәләштерелгән спектакле күрһәтелә

Мәжит Ғафури исемендәге Башҡорт академия драма театрында 13 һәм 14 мартта Антон Чеховтың «Ваня ағай» пьесаһы буйынса сәхнәләштерелгән спектакле күрһәтелә. Уны Санкт-Петербургтан саҡырылған режиссер Степан Пектеев ҡуйған. Режиссер быға тиклем «Ваня ағай»-ҙы марый телендә сәхнәләштергән.

Борай районында «Дуҫлыҡ бейеүҙәре» төбәк-ара милли мәҙәниәттәр фестивале үтте

«Айыҡ ауыл» республика фестивале буйынса тормошҡа ашырылған финалда быйыл Борай районынан Алтай ауылы ҡатнаша. Ошо маҡсатта урында төрлө осрашыуҙар, мәҙәни-спорт саралары ойошторола. Әлеге байрамда Башҡортостан район-ҡалалары фольклор коллективтары менән бергә, күрше Удмурт республикаһы һәм Пермь крайы вәкилдәре лә ҡатнашты.

Өфөләге Көрәш һарайы илдәге иң яҡшы спорт комплекстарының береһе

Бөгөн бында тағы ла бер ҙур турнир - грек-рим көрәше буйынса 21 йәшкә тиклемгеләр араһында Рәсәй беренселеге башланды. Ул Рәсәй Геройы Максим Серафимов исемен йөрөтә. Башҡортостан башлығы Радий Хәбиров социаль селтәрҙәрҙә Рәсәй спорт министрлығы һәм спорт көрәше федерацияһы президенты Михаил Мамиашвилиға республикабыҙҙы ошондай мөһим сара үткәреү урыны итеп һайлағандары өсөн рәхмәт белдерҙе.

Хәйбулла районы Аҡъяр үҙәк район дауаханаһы белгестәре халыҡҡа күсмә диспансер тикшереү үткәрҙе

Ауыл кешеләренең һаулығы даими табиптар күҙәтеүендә. Хәйбулла районы Федоровка ауылында Аҡъяр үҙәк район дауаханаһы белгестәре халыҡҡа күсмә диспансер тикшереү үткәрҙе. Төпкөлдә йәшәгән ауыл кешеләренә заманса медицинаның яҡынайыуы хаҡында киләһе яҙмала.

Быйыл республикала 1 сентябрҙән эттәргә чип ҡуйыу мотлаҡ буласаҡ

Закон проекты өҫтөндә Башҡортостан парламенты эшләй. Ошо маҡсатта республика бюджетынан 80 миллион һум аҡса бүленгән. 2027 йылға тиклем процедураны бушлай үтергә мөмкин буласаҡ.

Башҡортостан махсус хәрби операцияның көн тәртибенә йәлеп ителгән алдынғы субъекттар иҫәбенә инде

Был хаҡта Мәскәүҙә махсус операцияға ярҙам итеү темаһына арналған матбуғат конференцияһында Сәйәси мәғлүмәт үҙәге етәксеһе Алексей Мухин белдерҙе. Эксперттар билдәләүенсә, Башҡортостан - 2022 йылда Донбассҡа гуманитар конвой ебәргән беренсе субъект булды.

Мобилизация буйынса хеҙмәт иткән ире артынан махсус хәрби операцияға

«Жаворонок» ҡушаматлы фельдшер 2022 йылдың декабренән алып алғы һыҙыҡта. Махсус хәрби операцияға ул мобилизация буйынса алынған тормош иптәше артынан юллана. Тәүҙә ханым Красный Луч ҡалаһындағы дауаханала медицина ярҙамы күрһәтә, аҙаҡ Оборона министрлығы менән контракт төҙөй. Тыныс тормошта ул Өфөнөң 5-се ҡала дауаханаһында шәфҡәт туташы булып эшләгән. Ә хәҙер «Башҡортостан» полкының медицина взводы санитар-фельдшеры. Әле ул башлыса алғы һыҙыҡта яраланған һалдаттарҙы эвакуациялау менән шөғөлләнә. «Жаворонок» иҫәбендә йөҙҙән ашыу яугир һәм ҡотҡарылған ғүмер.

Өфөлә яугирҙарҙың ғаиләләре менән осрашыу үтте

Халыҡ-ара Ҡатын-ҡыҙҙар көнө уңайынан Өфө фән һәм технологиялар университетында махсус хәрби операцияла ҡатнашҡан яугирҙарҙың әсәләре, ҡатындары, балалары менән осрашыу үтте. Гүзәл заттарҙың барыһы ла юғары уҡыу йортонда эшләй. Вуз тарафынан хәрбиҙәрҙең ғаиләләренә ярҙам саралары ла ҡаралған.

Миәкә районында Советтар Союзы Геройы Миңлеғәле Ғөбәйҙуллин иҫтәлегенә хәтер саралары үтте

Бөйөк Ватан һуғышында дошман амбразураһын кәүҙәһе менән ҡаплаған һалдаттың тыуған ауылы Өршәкбаш-Ҡарамалыла ауылдаштар һәм ҡунаҡтар геройҙың һәйкәленә сәскә гөлләмәләре һалды, Миңлеғәле Ғөбәйҙуллин исемен йөрөткән музейҙа экскурсия ойошторолдо . Урындағы мәҙәниәт йортонда тарихи шәхес хөрмәтенә сәхнәләштерелгән тамаша күрһәтелде.

Баймаҡ районы Темәс ауылында милли ат сабышы уҙҙы

Баймаҡ районы Темәс ауылында Бөйөк Еңеүҙең 80 йыллығына, махсус хәрби операцияла ҡатнашыусыларҙың һәм уларҙың ғаиләләренә ярҙам итеү йылына арналған милли ат сабышы уҙҙы. Ярыштың бағыусылары, ойоштороусылар, ауыл хакимиәте яугирҙарға аҡсалата ярҙам күсерҙе.

Өфөлә студенттар кампусының Альфа башняһына нигеҙ һалынды

Өфөлә донъя кимәлендәге Евразия фәнни-белем биреү үҙәгенең юғары уҡыу йорттары араһындағы студенттар кампусының Альфа башняһына нигеҙ һалынды. Тантанала Башҡортостан башлығы Радий Хәбиров, Рәсәйҙең фән һәм юғары белем биреү министры урынбаҫары Айрат Ғәтиәтов ҡатнашты. Шулай уҡ кампус биналары комплексын төҙөү мәсьәләләре буйынса эшлекле кәңәшмә уҙҙы.

Күркәм байрам уңайынан Башҡортостандың гүзәл заттарын Радий Хәбиров тәбрикләне

Бөгөн яҙҙың иң күркәм байрамдарының береһе - Халыҡ-ара ҡатын-ҡыҙҙар көнө. Беҙҙең илдә был көн 1919 йылдан рәсми байрам булараҡ билдәләнә. Тәүҙә ул Халыҡ-ара эшсе ҡатын-ҡыҙҙар көнө тип атала. Ә егерменсе йылдар аҙағында «Халыҡ-ара ҡатын ҡыҙҙар көнө»нә үҙгәртелә. 1966 йылда 8 март дәүләт кимәлендә рәсми ял көнө тип таныла. Күркәм байрам уңайынан Башҡортостандың гүзәл заттарын Радий Хәбиров тәбрикләне.

Башҡортостан хәрбиҙәре халыҡ-ара ҡатын-ҡыҙҙар көнө уңайынан видеоҡотлау яҙҙырҙы

Фронт һыҙығынан тәбрикләү сәләме. Башҡортостан хәрбиҙәре халыҡ-ара ҡатын-ҡыҙҙар көнө уңайынан видеоҡотлау яҙҙырҙы. Ул Салауат Юлаев исемендәге ирекле батальондың телеграм каналына һалынған. «Һеҙҙең хәстәрлегегеҙ, мөхәббәтегеҙ һәм ярҙамсыл булыуығыҙ беҙгә көс һәм киләсәккә ышаныс бирә. Ватан һаҡсылары гүзәл заттарға һәр ваҡыт эргәләрендә булғандары һәм донъяны яҡшы яҡҡа үҙгәртергә тырышҡандары өсөн рәхмәт әйтә.

Халыҡ-ара Ҡатын-ҡыҙҙар көнөндә эшләгән гүзәл заттар бөгөн гөлләмәләр менән бүләкләнде

Байрамда ла улар эш урынында. Халыҡ-ара Ҡатын-ҡыҙҙар көнөндә эшләгән гүзәл заттар бөгөн гөлләмәләр менән бүләкләнде. Өфөнөң Октябрь районы хакимиәте башлығы тәү сиратта торлаҡ-коммуналь хужалығы хеҙмәткәрҙәрен тәбрикләне.

Миәкә районы Үҙәк мәҙәниәт һарайына яңы автобус

Ижади коллективтарҙы һәм балаларҙы мәҙәни сараларға йөрөтөү өсөн транспортҡа учреждение Башҡортостан башлығы Радий Хәбировҡа «Тура бәйләнеш»тә мөрәжәғәт иткәндән һуң эйә булған. «Кесе ватан мәҙәниәте» федераль проекты буйынса һатып алынған автобус урындағы мәҙәниәт йорттары өсөн ҙур ярҙам булып тора.

«Йылдың иң яҡшы табибы» республика конкурсына ғаризалар ҡабул ителә

Төбәк этабын үткән аҡ халатлылар Бөтә Рәсәй финалында ҡатнашыу хоҡуғын аласаҡ. Рәсәйҙә 2000 йылдар башынан тормошҡа ашырылған сара быйыл да лайыҡлы һөнәрмәндәрҙе билдәләр тип көтөлә. Тулыраҡ киләһе яҙмала.

Хәйбулла районында ғаилә ҡиммәттәренә араналған телевизон конкурсҡа йомғаҡ яһалды

«Йәш ғаилә - ауыл киләсәге». Хәйбулла районы Федоровка ауылында ғаилә ҡиммәттәренә араналған телевизон конкурсҡа йомғаҡ яһалды. Ғаилә ҡиммәттәрен үҫтереүсе һәм һаҡлаусылар хаҡында ентекләберәк киләһе яҙмала.

Баймаҡта һаулыҡ мөмкинлектәре сикләнгән ҡыҙ балалар өсөн бал үтте

Бәләкәй принцессалар өсөн - яҙ байрамы. Баймаҡ ҡалаһының балалар ижады үҙәгендә 8 март уңайынан һаулыҡ мөмкинлектәре сикләнгән ҡыҙ балалар өсөн бал үтте. Тулыраҡ киләһе сюжетта.

Ир-егеттәр менән иңгә-иң: хәрби ҡатын-ҡыҙҙарҙың ҡаһарманлығы

Һуғыш - ҡатын-ҡыҙҙар эше түгел тиһәләр ҙә, бер генә яуҙы ла гүзәл затһыҙ күҙ алдына килтереү мөмкин түгел. Улар яугирҙарҙың ныҡлы тылы, ярҙамсыһы, хатта ҡоралдашы ла. Махсус хәрби операция ла шул иҫәптә. Ирекмәндәр, гуманитар ылау ташыусылар, ашнаҡсылар, шәфҡәт туташтары... Ҡатын -ҡыҙҙарҙы төрлө вазифаларҙа һәм эштә осратырға мөмкин. Әммә улар Һуғышта ла нәфис зат вәкиле булып ҡала белә.