#عاشیق_قوربانی_شعرلر


بو‌ کیتاب 336 صفحه‌ده بؤیوکلر اوچون شعر کتابدیر . بو کیتاب 1397ده تبریزده چاپ اولوب‌دور.

وئرمرم سنی

باشینا دوندویوم آی پری زادا،
جان ایچینده جانا وئرمرم سنی .
نئیلرم بوستانی، نئیلرم باغی،
یوز باغ و بوستانا وئرمرم سنی.

داغلاردا مارال سان، دوزلرده جئیران،
آلا گوزلرینه من اوزوم حئیران،
اوردوباد، نخجیوان، شاماخی ، شیروان،
کلی گورجوستانا وئرمرم سنی.

«قوربانی» دئر: جان ایچینده جان گله،
یاش یئرینه گوزلریمدن قان گله،
جمالین گورمگه سلیمان گله،
تختی سلیمانا وئرمرم سنی.

https://bit.ly/35lfLKT