የኢትዮጵያ ልማት ባንክ የ2017 ዓ.ም የዘጠኝ ወራት የእቅድ አፈጻጸም ግምገማ አደረገ፤

የኢትዮጵያ ልማት ባንክ ፕሬዝዳንት ዶ/ር እመቤት መለሰ በመሩት በዚህ የግምገማ መድረክ የዘጠኝ ወራት የዕቅድ አፈጻጸም ሪፖርት በስትራቴጂክ ፕላኒንግ ቼንጅ ማኔጅመት ዳይሬክቶሬት የፐርፎርማንስ ማኔጅመንት ዲቪዥን ኃላፊ በሆኑት በአቶ ንጉሤ ወንድሙ የቀረበ ሲሆን፣ ከፍተኛ እና ዝቅተኛ አፈጻጸም የተመዘገበባቸው ዘርፎችና ዲስትሪክቶች ተለይተው እነሱን መነሻ ያደረጉ ሰፊ ውይይቶች ተካሂደዋል በተደረገው ግምገማ የባንኩ አፈጻጸም  ውጤታማ በሚባል ደረጃ ላይ መሆኑ ተገምግሟል፡፡ ለአፈጻጸም እንቅፋት የፈጠሩ ጉዳዮች ተለይተው፣ በባንኩ በኲል ያሉ ውስንነቶች ተሟልተው፣ ድክመት የታየባቸው አፈጻጸሞች መሻሻል እንዲያሳዩ በክብርት ፕሬዝዳንቷ አቅጣጫዎች ተሰጥተዋል፡፡

ከዚሁ ጋር ተያይዞም የኢትዮጵያ መንግሥት ሀገራዊ የማክሮ ኢኮኖሚ የዘጠኝ ወራት አፈጻጸምን በተመለከተ የኮርፖሬት ግብርና ዘርፍ ፕሮጀክት ፋይናንሲንግ ምክትል ፕሬዝዳንት አቶ ጌታቸው ዋቄ በዋና ዋና፣ የኢኮኖሚ መለኪያዎች የነበረውን አፈጻጸም ግንዛቤ በሚፈጥር መንገድ በዝርዝር አቅርበው በተሳታፊዎች ሰፊ ውይይት ተድርጓል፡፡ የሀገራዊ ማክሮ ኢኮኖሚያዊ አፈፃፀሙ ይበል የሚያሰኝ እና ተስፋ ሰጭ እንደሆነ ታይቷል፡፡

የኢትዮጵያ ልማት ባንክ በዚህ ሀገራዊ የማክሮ ኢኮኖሚ አፈጻጸም ውስጥ ስላለውና ስለሚኖረው ድርሻም ሰፊ ውይይት ተደርጓል፡፡