አንበሳ ኢንተርናሽናል ባንክ  የሶስተኛ ሩብ አመት  እና የዘጠኝ ወር የስራ አፈፃፀም ግምገማ ስብሰባ እየተካሄደ ነው፡፡

የአንበሳ ባንክ ከፍተኛ የስራ አመራር አባላት፣ የዋና መ/ቤት የስራ ኃላፊዎች እና  የዲስትሪክት ስራ አስኪያጆች በባንኩ  ሶስተኛ የሩብ ዓመት የስራ አፈፃፀም ዙሪያ ዛሬ ሚያዝያ 18 ቀን 2017 ዓ. ም በ አዲስ አበባ  በባንኩ ዋና መስሪያ ቤት የመሰብሰብያ አዳራሽ ዉይይት እየተካሄደ ነው፡፡ 

በውይይቱ ላይ የባንኩ የ2016/17 በጀት ዓመት የ9ወር ኮርፖሬት ዕቅድ አፈፃፀም ሪፖርት ቀርቦ ሰፊ ውይይት ተደርጎበታል፡፡

የባንኩ ፕሬዝዳንት አቶ ዳንኤል ተከስተ በውይይቱ ላይ እንዳስገነዘቡት እስካሁን የተመዘገበው አፈፃፀም አበረታች ቢሆንም ለበጀት ዓመቱ የተቀመጡ ግቦችን ለማሳካት በተቀማጭ ገንዘብ ማሳደግ፣ በውጪ ምንዛሬ ግኝት፣ በዲጂታል ባንኪንግ አገልግሎቶች ማስፋፋት እና የባንኩን የተከፈለ ካፒታል በማሳደግ ዙርያ  ትኩረት ሰጥቶ መስራት ያስፈልጋል ሲሉ ገልፀዋል ።

ስለሆነም የቀሪው ሩብ ዓመት አፈጻጸም ውጤታማ ለማድረግ አሁን የታዩ ጉድለቶችን አርሞ የተሻለ ስራ ለመስራት የሚያስችል ዕቅድ ተነድፎ በትጋት መስራት እንደሚገባም አመልክተዋል።

አሁን ላይ ውይይቱ ቀጥሎ የረጅናል ኦፊሶችና የዲስትሪክቶች አፈፃፀም በጥልቀት እየተገመገመ  ይገኛል።

በስብሰባው የዋና መስሪያ ቤትን ጨምሮ የሦስት ሪጅኖች እና 13 ዲስትሪክቶች የሥራ ኃላፊዎች ተገኝተዋል።

 
አንበሳ ኢንተርናሽናል ባንክ
  የስኬትዎ አጋር!