#شرکت در مسابقه
سومین همایش #زادگاه_من_شهیدآباد«بائیکلا»

اون قدیما امه پِرون چی دنگ وفنگی داشتنه
آیِش دله نماشته سر چی کلٓه ونگی داشتنه

وشنا بتیم بلوزونه،دشت تیمه جاره لو زونه
خنه گلی لینگ تیساپه چوبی اودنگی داشتنه

خنه دله بپیسه کوب چینی کله ی تشِ کلو
اتا گوشه گوگزا دوس چه جای تنگی داشتنه

کنٓان بِن کِرک و سیکا کلوم دله منگو دوشا
سرپیش چلو لاستیکی سطل گت خلنگی داشتنه

اَمه مارونِ خسه تن چی صاف و ساده ماربینه
دِلواپسه وچون بیبون نماشته ونگی داشتنه

مِه خسه پِر خِش صدا مسجد شیه اذان گته
وِنه اذان که درایمو چی دله تنگی داشتنه

هوای هم ره داشتنه رگ و ریشه ی پِ شینه
بی غل وغش آدم بینه دلِ یک رنگی داشتنه

کمک کایِرِ پِییزِما کر،کناربیه خِرخِشی
اَتی خرجی امام رضا،حال قِشنگی داشتنه
( #هدایتی_بایی )

👉 🆔 @baeikola 🌺🌹