💢كيفاش نقدر نوض صبح بكري نقرا ؟⁉️

● اولا ،لازم ترقد بكري
●قبل ما ترقد دير النية بلي غدوة رح تقوم الليل يعني قبل الفجر تنوض تصلي زوج ركعات .
●تريغلي الرافاي ايذا كنت حاب تنوض على الخمسة مثلا كل 5 دقايق
يعني هكا : 4:45_4:50_4:55_5:00_5:05 ...و هي رايحة نوغمالمو فهمتو
●و التيليفون لازم تحطو بعيد عليك
بحيث تنوض ليه ، يعني تضطر توقف من بلاصتك بش طفيه ، و ديروه صوتو عالي بش تزرب طفيه بش متنوضش الدار 🙂
المرحلة هاذي ساهلة، الناس قع تقدر تفطن ، مي قليل لي يقدر يقعد فاطن.
تسما وش نديرو ،
●غير تنوض ، روح ديراكت للدوش تغسل و اتوضا ، بش تصلي ركعتي قيام الليل لي نويت تصليهم لبارح
تدعي ربي يوفقك و تلحق وين حاب
●تنوض دير قهوة لروحك ، الكافيين يفطنك مليح،
●و اهم حاجة روح لأي بلاصة في داركم بش تقرا
ماعدا شمبرتك وين ترقد
خاطر لا اراديا المخدة تجذبك ليها و تغريك بش تولي ترقد
و ماكاش منها هاذيك تع راني نحفظ و مكسل في السرير ، خاطر بعد بضع ثواني رح تلقا روحك راقد
راك تقرا حتى يلحق لفجر ، صليه، و اقرا ماتيسر من القرآن اضافة الى اذكارك(اشياء مهمة ماتعجزوش عليهم) و كمل قرايتك عادي
و ايذا عييت ف النهار تقدر دير قيلولة نصف ساعة بش تقدر تكمل و تحافظ على تركيزك✅.

🪴ملاحظات:
بش تولي تنوض بكري من المستحسن تبدا بالتدريج
🌱يعني نتا راك تنوض على الثمنية ، ماتقدرش ضربة وحدة تعود جسمك ينوض على الخمسة ديراكت، من الافضل ، تنقص بالنص ساعة، ولا اقل ، يعني مثال ، ليوم تنوض على 6:30 ، غدوة على الستة، و هكا حتى تولي تنوض على الخمسة .

🍃كاين دراسة تقول بلي ، تستغرق دورة النوم الواحدة ساعة و نص، تقدرو تقلبو عليها عجزت نكتب كلش، مي الزبدة، انو ديرو الرافاي نص ساعة قبل موعد استيقاظكم، بش كي تنوضو تكونو كملتو دورة نوم كاملة و تنوضو بكامل طاقتكم🔋💚