⚡️Azərbaycan xalqından qəsdən və məlum səbəblərdən gizlədilən və diqqətdən yayınan həqiqətlər:

/7-ci hissə/

Azərbaycandakı İsrail bazaları

⚠️2012-ci ildə İsrailin Azərbaycanda hərbi hava bazasına çıxışı olduğu barədə geniş məlumat yayılmışdı.

Azərbaycanın ikinci Qarabağ müharibəsində torpaqların azad edilməsindən bir neçə ay sonra İsrailin Zəngilanda “ağıllı şəhər” yaratdığı iddia edildi. Daha maraqlısı, Azərbaycan mediasında İsrailin Ağalı kəndində italyan şirkəti ilə birlikdə “Mozarella istehsal edən süd ferması” qurduğu bildirildi. Həmin ərəfədə İsrail jurnalistləri həm bu “ağıllı şəhəri”, həm də Füzulidə yeni tikilən hava limanını ziyarət etdilər. Hər iki məkan isə faktiki olaraq kimsəsiz ərazilərdədir.

İsrail-İtaliya əməkdaşlığı sahibkarlıq kimi görünsə də, onun əsl məqsədi sual doğurur. İsrailin Azərbaycandakı keçmiş səfiri Corc Dik Zəngilanı “ağıllı şəhərə çevirmək üçün Azərbaycan–İsrail–İtaliya əməkdaşlığı”nın başladığını açıqlamışdı. Digər tərəfdən, Rusiyaya qarşı tətbiq edilən enerji sanksiyalarından sonra İtaliya qaz tədarükünün 20%-ni Azərbaycandan əldə edib.

İsrailin Azərbaycan–İran sərhədində gizli kəşfiyyat fəaliyyəti ilə bağlı açıq sübut yoxdur. Əks halda bu, gizli qalmazdı. Lakin güclü ehtimal mövcuddur. Hətta bu ilin əvvəlində sosioloq Devid Filips “İsrailin İrana qarşı Azərbaycanda 73 baza yaratdığını” iddia edib. Onun iddiaları üçün açıq sübut olmasa da, bəzi məxfi məlumatlara çıxışı ola biləcəyi ehtimalı irəli sürülür.

2024-cü il oktyabrın 25-də İsrailin İrana endirdiyi hava hücumu zamanı dörd pilotsuz uçuş aparatı (PUA) və ya daha çox ehtimalla qanadlı raketlər, Tehran şəhərinin 370 km şimal-şərqində yerləşən Şahrud Kosmik Mərkəzinə aid raket yanacağı qarışdırma obyektini hədəfə aldı. İran mənbələri hücumun Xəzər dənizi istiqamətindən həyata keçirildiyini, iki raketin isə vurulduğunu bildirdi. Alastir Kruk (keçmiş Britaniya diplomatı və Beyrutda yerləşən Münaqişələr Forumunun yaradıcısı və direktoru) da eyni iddianı irəli sürərək hücumu canlı şahidlərdən eşitdiyini qeyd etdi. Onun sözlərinə görə, raketlər Mucahidin-e-Xalq terror təşkilatı tərəfindən atılıb. Əgər Mucahidin-e-Xalq bu raketləri Xəzərin şimalından atıbsa, sual yaranır: belə böyük silahlar onların əlinə haradan keçib?

Dövlət maraqları prizmasından baxanda, İsrail Azərbaycana milyardlarla dollar dəyərində hərbi texnika satıb. 2020-ci il Qarabağ müharibəsinə qədərki illərdə Azərbaycanın illik silah idxalının orta hesabla 60%-i İsrailin payına düşürdü. Eyni zamanda, İsrail ənənəvi olaraq neft ehtiyacının 40%-ni Azərbaycandan təmin edirdi; 2021-ci ildə isə bu göstərici 65%-ə qalxmışdı. İlham Əliyev İsrail–Azərbaycan əlaqəsini “buzdağına bənzədərək, onun doqquzdan bir hissəsinin görünən, qalan doqquzdan doqquz hissəsinin isə görünməz olduğunu” bildirmişdi. Bu ifadə “Azərbaycanın İsraillə Gizli Simbiozu” adlı və sonradan "Wikileaks"-də yayımlanan sənəddə də əks olunmuşdu.

2012-ci ildə İsrailin "Haaretz" nəşri yazıb:

“ABŞ rəsmiləri Foreign Policy jurnalına bildiriblər ki, İsrail bu hərbi bazalara bir sıra səssiz siyasi və hərbi razılaşmalar vasitəsilə çıxış əldə edib. Mən yazılı sənədin mövcudluğuna şübhə edirəm. Amma heç bir şübhəm yoxdur ki, əgər İsrail təyyarələri hücumdan sonra Azərbaycanda enmək istəsələr, buna icazə veriləcək. İsrail artıq son iyirmi ildir Azərbaycana dərin şəkildə inteqrasiya olunub.” – regionda diplomatik karyerası olmuş sabiq ABŞ diplomatı qeyd edib.

İsrail mediasının yazdığına görə, İsrailin Azərbaycanda azı bir keçmiş sovet hərbi hava bazasına da çıxışı var. Bu xəbərin ingiliscə versiyası orijinal ivrit mətnindən bir qədər fərqli idi və bir neçə Azərbaycan bazasının İsrailə açıq olduğuna işarə edirdi. Xəritədə “A” ilə işarələnmiş çəhrayı balon – Azərbaycanın Sitalçay bölgəsindəki keçmiş sovet hərbi bazasını göstərir. Hətta peyk şəkillərində də Sitalçayın İsrail bazası ola biləcəyi qeyd edilir. Əlbəttə, bunu təsdiqləyən açıq rəsmi sənədlər mövcud deyil.

Ardı olacaq...

©️Cihad Həsənli

💀Massonların və Qlobalistlərin dünya əhalisindən gizlətdikləri həqiqətləri öyrənmək üçün
👉@cihad313 kanalına üzv olun