БМТ штаб-квартирасида Суриянинг янги байроғи кўтарилди

Нью-Йоркдаги БМТ штаб-квартирасида Суриянинг яшил, оқ ва қора рангли, учта қизил юлдуз тасвирланган янги байроғи расмий равишда кўтарилди. Ушбу маросимда Суриянинг ташқи ишлар вазири Асад аш-Шайбоний иштирок этди.

Батафсил: https://azon.global/3836

©️Azon Global

Трамп: “Биз Ғазога меҳрибон бўлишимиз керак”

Оқ уй раҳбари исроил* бош вазири Бинямин Нетаняху билан телефон орқали мулоқот чоғида Ғазо секторига озиқ-овқат ва дори-дармон етказиб беришга рухсат беришини сўради. Трампнинг айтишича, исроил томони бу мурожаатни яхши қабул қилган.

Батафсил: https://azon.global/3837

©️Azon Global

Cаудия "ноқонуний зиёратчилар" учун жазони кучайтирди

Яқинлашиб келаётган Ҳаж мавсуми олдидан зиёратчилар оқимини тартибга солиш бўйича саъй-ҳаракатлар доирасида Саудия Арабистони ички ишлар вазирлиги виза муддати тугаганларни "қаттиқ жазога тортилиши"дан огоҳлантирди. Қонунни бузганларга 13 минг долларгача жарима солиниши мумкун.

Батафсил: https://azon.global/3838

©️Azon Global

Ўзбекистон ва Қирғизистон “Чашма” булоғидан биргаликда фойдаланади

Ўзбекистон ва Қирғизистон расмийлари "Чашма" булоғидан эркин ва тўсиқсиз фойдаланиши тўғрисида келишиб олдилар. Унга кўра, Чашма булоғи Қирғизистон ҳудудида қолади. Ўзбекистон фуқаролари эса, булоқдан эркин фойдаланишлари мумкин бўлади.

Батафсил: https://azon.global/3839

©️Azon Global

Ўзбекистонда олтин экспорти ўсди, энергия импорти эса қисқарди

Ўзбекистон шу йилнинг биринчи чорагида $3,57 млрд қийматда олтин экспорт қилди. Бу ўтган йилнинг шу даврига нисбатан 34% кўп. Қимматбаҳо металллар мамлакат умумий экспортининг 44%ини ташкил этди. Энергетика соҳасида эса импорт кескин камайган. Нефть ва нефт маҳсулотлари импорти $443,1 млнни ташкил этиб, 16%га қисқарган.

Батафсил: https://azon.global/3840

©️Azon Global

Қрим Россия билан қолади –Трамп

Қрим Россия билан қолади ва Зеленский буни билади, аммо яриморол унга ўтиб кетишига Барак Обама айбдор. Бу гаплар АҚШ президенти Доналд Трампнинг Time журналига берган интервюсидан олинган. АҚШ етакчиси урушни 24 соат ичида тўхтатиш ҳақидаги ваъдасини "ҳазил" ва "муболаға" деб атаган.

Батафсил: https://azon.global/3841

©️Azon Global

Тил ўрганиш яхши, аммо...

Психологларнинг таъкидлашича, тил ўрганиш фақат луғавий эмас, балки ҳиссий тафаккурга ҳам таъсир қилади. Инсон янги тилда фикрлай бошлаганида, ушбу тилга хос ҳис-туйғулар ва реакциялар ҳам онгида акс этади. Шу сабабли ўз тилида фикрламайдиган ёшлар ўз халқи руҳий меросидан узилади. Мухлиса Маҳмуд мақоласидан.

Батафсил: https://azon.global/3843

©️Azon Global

Путиннинг "тил фронти" Ўзбекистонга кўчдими?

"Талқин" кўрсатуви

Томоша қилинг 👉 https://youtu.be/8qkaUM-Jta4

©️Azon Global

Эронда кучли портлаш: 4 киши қурбон бўлди

Эрон жанубида жойлашган Бaндaр-Аббос шаҳридаги, Ислом Инқилоби Гвардияси Корпусининг асосий денгиз базаси жойлашган ҳудудда кучли портлаш содир бўлди. Маълумотларга кўра, ҳодиса натижасида тўрт киши ҳалок бўлган, 516 киши жароҳат олган. Бир нечта бинолар эса жиддий зарар кўрган.

Батафсил: https://azon.global/3844

©️Azon Global

Папалик Тарихи: Исо Масиҳдан Ватикан давлатигача бўлган йўл

Исо Масиҳдан кейин Пётр Қуддусда ваъзлар айтишда давом эттирди, кейин Антакия ва Римга борди. Римда миссионерлик ишларини олиб бораркан, ҳукумат томонидан ушланиб, хочга михлаб ўлдирилди. Шу воқеадан сўнг Римдаги насронийлар уни маънавий етакчи сифатида қабул қилишди. Папалик тушунчаси шу асосда шаклланди. Кейинги барча папалар Пётрнинг вориси деб ҳисобланди.

©️Azon Global

Саудия Арабистони ўзбекистонликлар учун электрон виза беришни вақтинча тўхтатди

Саудия Арабистони Туризм вазирлиги Ўзбекистон, Тожикистон ва яна ўнга яқин давлат фуқаролари учун электрон виза хизматлари вақтинча тўхтатилганини маълум қилди. Айни пайтда онлайн портал орқали электрон виза олиш имкони тўсиб қўйилган.

Батафсил: https://azon.global/3845

©️Azon Global

Минтақа давлатлари сув ресурсларини ўзаро тақсимлаб олди

Марказий Осиёнинг беш республикаси вакиллари Сирдарё ва Амударё сув ресурсларини тақсимлаш бўйича протоколлар ва келишувларни имзоладилар. Унга кўра, Сирдарёдан қишлоқ хўжалиги эҳтиёжлари учун тахминан 11,9 миллиард куб метр сув, Амударёдан эса, 40 миллиард куб метр сув олиш режалаштирилган.

Батафсил: https://azon.global/3846

©️Azon Global

Эрондаги портлаш оқибатида 25 киши ҳалок бўлди

Расмий хабарларга кўра, порт ҳудудидаги ёнғин ҳали ҳам тўлиқ бартараф этилгани йўқ. Кучли портлаш ва олов натижасида ҳаво сифати кескин ёмонлашган. Шу боис маҳаллий ҳокимият барча мактабларни вақтинча ёпиш ҳақида қарор қабул қилди.

Батафсил: https://azon.global/3847

©️Azon Global

Хитой баҳсли кимсасиз оролни эгаллаб олди

Хитой Филиппин яқинида жойлашган баҳсли оролни ўз ҳудуди сифатида эълон қилди. Орол майдони 200 квадрат метрдан бироз каттароқ бўлган қумли қирғоқдан иборат. Халқаро ҳуқуқ меъёрларига кўра, бундай орол атрофида 22 километрлик ҳудудий сувлар устидан суверенитетни таъминлаш ҳуқуқини беради.

Батафсил: https://azon.global/3848

©️Azon Global

Ўзбекистонликлар учун БААга кириш тақиқландими?

Олдинроқ ижтимоий тармоқларда Ўзбекистон фуқароларининг БААга кириши тақиқлангани ҳақида хабарлар тарқалганди. Ташқи ишлар вазирлиги матбуот котиби бунга муносабат билдирди.

Батафсил: https://azon.global/3849

©️Azon Global

Россия ва Хитой Кашмирдаги терактни тергов қилишда иштирок этиши мумкин

Покистон Мудофаа вазири Ҳаважа Муҳаммад Асифнинг баёнотига кўра, Россия ва Хитой Ҳиндистон назорати остидаги Жамму ва Кашмир штатининг Паҳалгам ҳудудида содир бўлган теракт бўйича халқаро тергов жараёнига қўшилиши мумкин. Вазирнинг таъкидлашича, Исломобод ҳарбий тўқнашувни бошлаш ниятида эмас, бироқ, агар Ҳиндистон кескинликни кучайтирса, Покистон бунга муносиб жавоб қайтаради.

Батафсил: https://azon.global/3850

©️Azon Global

Япония меҳмонхоналарида исроил* фуқароларидан тилхат олинмоқда

Киото шаҳридаги Wind Willa меҳмонхонаси исроил* фуқаросидан рўйхатдан ўтиш жараёнида ҳарбий жиноятларга алоқадор бўлмаганлигини тасдиқловчи тилхат ёзиб беришни талаб қилди. Айтилишича, воқеа исроиллик меҳмон паспортини регистрация бўлимида тақдим қилганида юз берган.

Батафсил: https://azon.global/3851

©️Azon Global

Босқинчи исроил* армияси асосан аёллар ва болаларни ўлдирмоқда

Айтилишича, исроил* армияси Ғазо аҳолисини атайлаб ва тизимли равишда нишонга олиб, уларни қасддан ўлдирмоқда. Мавжуд маълумотларга кўра, ҳарбий ҳаракатлар бошланганидан буён 18 мингдан ортиқ бола ва 12,4 мингдан зиёд аёл ҳалок бўлган.

Батафсил: https://azon.global/3852

©️Azon Global

Ўзбекистонда туғилиш кескин камайди, ўлим эса ошди

2025 йилнинг дастлабки уч ойида 198,1 минг нафар бола туғилган. Бу 2022 йилдан буён энг кам кўрсаткич ҳисобланади. Статистика қўмитаси ҳисоботида келтирилишича, ўтган чоракда 41,4 минг ўлим қайд этилган. Бу ҳам 2022 йилдан буён энг юқори кўрсаткич.

Батафсил: https://azon.global/3853

©️Azon Global