АҚШ Суриядаги ҳарбий базаларини ёпади

Вашингтон Суриядаги ҳарбийлари сонини ҳам қисқартиришни режалаштирган. Ҳозирда мамлакатда тахминан икки минг нафар америкалик аскар бор. Контингент қисқаришига ИШИДга қарши курашда сўнгги ўн йил ичида эришилган “сезиларли муваффақиятлар” сабаб қилиб кўрсатилган.

Батафсил: https://azon.global/4156

©️Azon Global

Қирғизистон собиқ президенти сиртдан 11,5 йилга қамалди

Бишкекнинг Первомайск туман суди собиқ президент Алмазбек Атамбоевни қатор жиноятларни содир этганликда айбли деб топиб, уни сиртдан 11,5 йил қамоқ жазосига ҳукм қилди. Атамбоев Чуй вилояти Қўй-Тош қишлоғида ер участкаларини ноқонуний йўл билан олганликда, коррупцияга йўл қўйганликда, шунингдек, 2019 йил да оммавий тартибсизликларни уюштирганликда айбдор деб топилган.

Батафсил: https://azon.global/4157

©️Azon Global

Тошкентда 19 ёшли йигит қимор туфайли ўзини осиб ўлдиргани айтилмоқда

Ижтимоий тармоқларда 19 ёшли йигит онлайн қиморда катта миқдорда пул ютқазиб, ўзини дарахтга осиб ўлдиргани ҳақидаги хабарлар тарқалди. Бош прокуратурага кўра, жорий йилнинг 31 май куни Яшнобод тумани Истиқлол кўчасидаги дарахтдан 2006 йилда туғилган, Сирдарё вилоятининг Оқолтин туманида яшовчи Ф.Ў. исмли йигитнинг арқонга осилган жасади топилган. Айни пайтда тергов ҳаракатлари олиб борилаётгани айтилмоқда.

Батафсил: https://azon.global/4158

©️Azon Global

Ташриқ такбирлари қачон ва қандай айтилади?

Бу йилги такбири ташриқ 5 июнь бомдод намозидан бошланиб, ҳайитнинг тўртинчи куни, яъни 9 июнь аср намозига қадар айтилади. Ҳанафий мазҳабида ташриқ кунлари ҳайит кунидан кейинги уч кун ҳисобланади. Демак, такбири ташриқни арафа куни бомдод намозининг фарзидан сўнг айтиш бошланади ва ҳайитнинг тўртинчи куни аср намозида тугатилади.

Батафсил: https://azon.global/4159

©️Azon Global

Арафа кунининг рўзаси

Оиша розияллоҳу анҳодан ривоят қилинади: "Расулуллоҳ соллаллоҳу алайҳи васаллам: "Арафа кунининг рўзаси минг куннинг рўзаси кабидир", дедилар" (Шуабул иймон).

Батафсил: https://azon.global/4160

©️Azon Global

Иқтисодий, ижтимоий ва сиёсий ислоҳотларнинг олдида диний-ахлоқий ислоҳот туради. Агар бунга эътибор қилинмаса, ҳамма иш чала бўлади ва охирига етмайди.
Чунки миллатлар юксалган бўлса ахлоқ билан юксалган. Таназзули ҳам ахлоққа боғлиқ бўлган. Буни фақат қорин ғамида бўлган одамгина тан олмайди.

Маҳбусликнинг 25-куни

#unutmaymiz_unuttirmaymiz #MubashshirAhmadga_ozodlik

©️Azon Global

Агар имтиҳондан ўтсам, мусулмон бўламан... ва отим билан ҳажга бораман.

“Бу сўзлар 24 ёшли Абдуллоҳ Эрнандесга тегишли бўлиб, Аввалига фақат бир орзудек эшитилганди, лекин у ваъдасида турди.”

Испанияда яшарди. Талаба эди. Имтиҳон арафасида ичидан шундай қарор қилди:
Агар шу имтиҳондан ўтсам — мусулмон бўламан.

Имтиҳонни топширди. Сўнг, исломни қабул қилди.
Ва ўзига яна бир ваъда берди:
"Бир кун келиб, отим билан ҳажга бораман".

©️Azon Global

Тошкентга 361 кг эшак гўштини олиб кетаётган ҳайдовчи ушланди | Жараён

Томоша қилинг 👉 https://youtu.be/elFcAiwQDbs

©️Azon Global

Афғонистонда Қурбон ҳайити муносабати билан юзга яқин маҳбус озод этилди

Афғонистоннинг Лагман вилояти ҳокимияти Қурбон ҳайити муносабати билан марказий қамоқхонадан 91 нафар маҳбус озод этилганини маълум қилди. Бу чора Афғонистон ҳукумати томонидан эълон қилинган махсус амнистия доирасида амалга оширилган. Олдинроқ, қўшни Нангархар вилоятида ҳам 317 нафар маҳбус озод этилиб, 385 кишига тайинланган жазо енгиллаштирилганди.

Батафсил: https://azon.global/4161

©️Azon Global

Саудия Арабистонида Ҳаж зиёратига борган 76 минг киши ҳибсга олинди

Саудия Арабистони ички ишлар вазирлиги Ҳаж маросимлари бошланиши арафасида 75 мингдан ортиқ кишини ҳибсга олди. Жамоат хавфсизлиги бош директори Муҳаммад ал-Бассамийнинг сўзларига кўра, Маккага кириш учун ҳақиқий рухсатномага (Ҳаж визаси) эга бўлмаганларни депортация, жарима ва 10 йил давомида мамлакатга кириш тақиқи каби жазо чоралари кутмоқда.

Батафсил: https://azon.global/4162

©️Azon Global

Трaмп етти мусулмон давлат аҳолисига АҚШга киришни тақиқлади

АҚШ президенти Доналд Трамп етти мусулмон мамлакат аҳолиси учун АҚШга киришни тақиқловчи фармонни имзолади. Тақиқ Эрон, Афғонистон, Яман, Ливия, Судан, Сомали ва Чад фуқароларига тегишли. Ҳужжатда бу чоралар АҚШнинг "терроризм"га қарши сиёсати билан боғлиқ экани айтилган.

Батафсил: https://azon.global/4163

©️Azon Global

Қурбон ҳайити куни Тошкент метроси бепул бўладими?

Қурбон ҳайити кунида Тошкент метрополитени одатдагидан икки соат олдинроқ иш бошлайди. Бундан ташқари, байрам муносабати билан метро соат 03:00 дан 10:00 га қадар барча йўловчиларга бепул хизмат кўрсатади.

Батафсил: https://azon.global/4164

©️Azon Global

Бу ёзда Ўзбекистон, Тожикистон ва Қозоғистон "Баҳри тожик"дан сув ичади

2025 йилнинг ёз мавсуми учун Қозоғистон, Тожикистон ва Ўзбекистон ўртасида "Баҳри тожик" сув омборидан фойдаланиш бўйича келишув имзоланди. Маълумот учун, "Баҳри тожик" (илгариги "Қайроққум") сув омбори – Тожикистондаги энг йирик сув манбаларидан бири бўлиб, 1950 йилда Сирдарё дарёсидан сув олиш мақсадида қурилган.

Батафсил: https://azon.global/4165

©️Azon Global

Мубашшир Аҳмад иши турк ҳуқуқшунослари нигоҳида

Истанбул вилоят иммиграция бошқармаси Мубашшир Аҳмад (Алишер Турсунов)га нисбатан “жамоат тартиби ва хавфсизлигига таҳдид солганлик”ни сабаб қилиб кўрсатган ҳолда депортация қилиш қарори қабул қилинганини айтди. Бироқ бу иддао Туркия Жумҳурияти ваколатли муассасалари ва халқаро ҳамжамият назарида ҳеч қандай қонуний ва аниқ асосга эга эмас. Турсуновдан Туркияда, Ўзбекистонда ёки бошқа бир давлатда жамоат тартибини бузадиган ҳеч қандай ҳаракати йўқ ва у ҳеч қанақасига жиноий жавобгарликка тортилмаган – Кая Картал, “Инсон ҳуқуқлари ва мазлумлар учун бирдамлик” уюшмаси (MAZLUMDER) раҳбари, ҳуқуқшунос.

Батафсил: https://azon.global/4166

©️Azon Global

Ўзбекистон Афғонистонга 183 тонна инсонпарварлик ёрдами жўнатди

Ўзбекистон Қурбон ҳайити байрами муносабати билан Афғонистон аҳолисига жўнатган 183 тонна озиқ-овқат маҳсулоти Балх вилоятига етказилди. Инсонпарварлик ёрдами таркибидан ун, гуруч, шакар, макарон ва қандолат маҳсулотлари, ўсимлик ёғи, тез тайёрланадиган таомлар, қизил ловия ва мош ўрин олган.

Батафсил: https://azon.global/4167

©️Azon Global

Босқинчи исроил фаластинлик маҳбусларни ўлдирмоқда – ҲАМАС

Фаластиннинг ҲАМАС қаршилик ҳаракати босқинчи исроил кучлари ҳибсдаги фаластинликларни ҳам аста-секин ўлдириб юбораётганини маълум қилди. Ҳаракатга кўра, маҳбуслар ишғол режимининг мислсиз қийноқларига солинмоқда ҳамда сионистлар томонидан қатл этиляпти.

Батафсил: https://azon.global/4169

©️Azon Global

Қурбонлик сўйишда ниятнинг аҳамияти

Қурбонлик қиладиган киши ҳайвонни сўяр экан, зиммасидаги вожиб ибодат – қурбонликни адо этишни ният қилиш лозим. Чунки ниятсиз қурбонлик амалга ошмайди. Инсон ҳайвонни сўйиш орқали гўштни қўлга киритади. Бу ишдан Аллоҳга қурбат (яқинлик) ҳосил қилиш учун эса ният бўлиши шарт.

Батафсил: https://azon.global/4168

©️Azon Global

Ғанимат дамлар

Бугун Арафа! Бу кунда дуо мустажоб бўлади.. Эҳтиёжманд, ғам-ғуссага ботган ва орзу-умид эгалари учун умидбахш бир кундир. Бу сония ва дақиқалар олтинга тенг: дуо қилишга шошилайлик. Салаф солиҳ уламоларимиз айтишади: "Эҳтиёжларимизни Арафа кунига жамлаб қўяр эдик. Чунки, биз бу кунда дуолар ижобат бўлишига қаттиқ ишонар эдик". Шу ўринда бир илтимосимиз бор: дуоларингизда Устозимиз Мубашшир Аҳмад домлани ҳам унутманг, бугундек қутлуғ дамлар ҳурмати, дуоси мақбул инсонлар ҳурмати, кўпчиликнинг дуоси ҳурмати устозимизни тез орада озод бўлишларини, яна кўп йиллар динимиз ва миллатимиз хизматида бардавом бўлишларини Аллоҳ таолодан ёлвориб сўранг!..

Батафсил: https://azon.global/4170

©️Azon Global

Президент Ўзбекистон халқини Қурбон ҳайити билан табриклади

Шавкат Мирзиёев халқимизни, шу жумладан, ҳозирда хорижий давлатларда бўлиб турган ватандошларимизни ҳам улуғ айём билан қутлаб, уларга соғлик-омонлик тилади.

Батафсил: https://azon.global/4171

©️Azon Global