“Azercell Telekom” Azərbaycan Respublikası Elm və Təhsil Nazirliyi və Təhsil İnstitutu ilə birgə əməkdaşlıq çərçivəsində növbəti “AZERCELL CUP” 🏆 müsabiqəsini elan edir. Məktəblilərin informatika və kompüter elmləri sahəsində inkişafının dəstəklənməsi məqsədi daşıyan müsabiqədə 6-7ci sinif şagirdləri iştirak edəcək.

Müsabiqəyə qeydiyyat https://azercellcup.org saytı üzərindən 15-19 may tarixlərində təşkil olunacaq. Üç mərhələdən ibarət müsabiqənin birinci turu 20 may saat 10:00-20:00 arasında keçiriləcək. Yarışmada 2 proqramlaşdırma dili istifadə eləmək mümkün olacaq C++ və Python 💻.

Müsabiqənin qeydiyyatı və sistemin təlimatı ilə tanış olmaq üçün bu videoya baxa bilərsiniz https://azercellcup.org/azercellcup2024-guide. Şagirdlərin yarış mühiti ilə tanışlığını təmin etmək üçün 15-19 may tarixlərində əvvəlki illərin sualları əsasında sınaq imtahanı keçiriləcək. Qeydiyyatdan keçənlər sınaq imtahanında iştirak edə bilərlər. Sınaq imtahanının nəticəsi əsas yarışa təsir etmir, sadəcə təcrübə toplamaq məqsədi ilə təşkil edilir.
Müsabiqədə 2000 şagirdin iştirakı nəzərdə tutulub. Yarışın sonunda 24 nəfər qalib elan ediləcək 🥇🥈🥉. Qaliblər beynəlxalq olimpiadalara hazırlıq dərslərinə cəlb olunacaqlar.

Qeyd edək ki, 2017-ci ildən etibarən informatika fənni üzrə beynəlxalq olimpiadalara hazırlıq prosesi “Azercell Telekom” MMC-nin dəstəyi ilə həyata keçirilir. Bu müddət ərzində Azərbaycanın bölgələrindən və paytaxt məktəblərindən olan şagirdlərimiz fərqli yaş qrupları üzrə müxtəlif miqyaslı proqramlaşdırma müsabiqələrində ümumilikdə 70 medal qazanıblar.

Ətraflı məlumatı azercellcup.org saytında əldə edə bilərsiniz.
Rəqəmsal gələcəyi birlikdə proqramlaşdıraq !

20 may 2024-cü il tarixində “Azercell Cup” 🏆 müsabiqəsinin birinci mərhələsi virtual formatda www.azercellcup.org saytı vasitəsiylə keçirilib. Ümumilikdə birinci mərhələ və sınaq turu üçün 2009 nəfər müraciət edib. Yarış əsnasında 389 nəfər tərəfindən göndərilən 3119 həll avtomatik yoxlanılaraq qiymətləndirilib. Birinci mərhələnin nəticələrinə əsasən həll göndərib 0-dan çox bal toplayan bütün iştirakçılar – ümumilikdə 165 nəfər növbəti turda iştirak hüququ qazanıb. Növbəti turlar haqqında məlumat saytda yerləşdirilib və iştirakçıların nəticələri şəxsi kabinetində indi görünür.

Artıq 3-cü ildir ki, təşkil edilən AzercellCup müsabiqəsi 6-cı və 7-ci sinif şagirdləri arasında, 3 dildə (Azərbaycan, rus və ingilis), şagirdlərin proqramlaşdırma və alqoritmik təfəkkürlərini ölçmək üçün iki proqramlaşdırma dili vasitəsi ilə (Python və C++) keçirilən müsabiqədir.

Müsabiqənin nəticələrinə əsasən yüksək nəticə göstərən şagirdlər informatika fənni üzrə beynəlxalq olimpiadalara hazırlıq dərslərinə cəlb ediləcəklər.

Qeyd edək ki, 2017-ci ildən etibarən informatika fənni üzrə beynəlxalq olimpiadalara hazırlıq prosesi “Azercell Telekom” MMC-nin dəstəyi ilə həyata keçirilir. Bu müddət ərzində Azərbaycanın bölgələrindən və paytaxt məktəblərindən olan şagirdlərimiz fərqli yaş qrupları üzrə müxtəlif miqyaslı proqramlaşdırma müsabiqələrində ümumilikdə 70 medal qazanıblar.

Rəqəmsal gələcəyi birlikdə proqramlaşdıraq!

Azercell Cup 2024 🏆 Final turu bazar günü saat 10:00 da ADA Universitetində keçiriləcəkdir.

Ünvan: Əhməd bəy Ağaoğlu 61, Bakı.

Plagiarism yoxlanıdıqdan sonra 200 və 200dən çox bal toplayan şagirdlər (https://azercellcup.org/azercellcup2024-round-2-results) finalda iştirak edə bilərlər.

İmtahana gələrkən şəxsiyyət vəsiqəsi və Təhsil aldığınız ümumtəhsil müəssisəsindən arayış gətirməyiz xahiş olunur.

Hörmətli iştirakçılar bugün təşkil edilən Azercell Cup 2024 🏆müsabiqəsinin final turunun nəticələrinə əsasən 24-cü yer və 24-cü yer ilə eyni nəticə göstərən şagirdlər medal qazanmışdır 🥇🥈🥉.

Nəticələr ilə aşağıdakı link vasitəsilə tanış ola bilərsiz (http://azercellcup.org/azercellcup2024-final-results).

Beynəlxalq olimpiadalara hazırlıq dərsləri növbəti tədris ilinin əvvəllində təşkil ediləcəkdir.

Mükafatlandırma haqqında məlumat isə növbəti tədris ilində veriləcəkdir.

Qalibləri təbrik edirik, bütün iştirakçılara uğurlar arzulayırıq!

"AZERCELL CUP 2025" müsabiqəsinə qeydiyyat davam edir! 🏆

Azercell, Elm və Təhsil Nazirliyi və Təhsil İnstitutu ilə birgə əməkdaşlıq çərçivəsində informatika və proqramlaşdırma sahəsinə maraq göstərən 6-7-ci sinif şagirdlərini bu nüfuzlu müsabiqəyə qoşulmağa dəvət edir!

Gənc istedadlar üçün əla fürsət:
✅ Qalib olan iştirakçılar üçün xüsusi təlimlər təşkil olunacaq.
🌟 Təlimlərdə fərqlənən şagirdlər gələcəkdə informatika fənni üzrə milli komandanın üzvü olmaq və ölkəmizi beynəlxalq yarışlarda təmsil etmək imkanı əldə edəcəklər!

📌 Müsabiqənin 1-ci turu: 05 aprel 2025-ci il, onlayn formatda keçiriləcək.
📆 Son müraciət tarixi: 04 aprel 2025
🔗 Qeydiyyat üçün: https://azercellcup.org

Azercell 2017-ci ildən etibarən informatika fənni üzrə beynəlxalq olimpiadalara hazırlıq prosesini fəal şəkildə dəstəkləyir. Bu illər ərzində məktəblilərimiz beynəlxalq proqramlaşdırma müsabiqələrində ümumilikdə 90 medal qazanıblar!

💜 Gənc istedadlara uğurlar arzulayırıq! Öz bacarığını göstərmək fürsətini qaçırma!