📹 Путин мен Тоқаев, Жанболатты тергеу, сотталған миллионер

Ресей Сыртқы істер министрі Қазақстан президентінің пікіріне сын айтқаннан көп өтпей Путин мен Тоқаев телефонмен сөйлесті. Екеуі нені талқылады? Алты жылға сотталған оппозициялық белсенді Жанболат Мамайды прокурорлар 5 күн тергеген. Оған тағы бір айып тағылды ма?
Қазақстанда бизнес жасап, Ресейге кеткен миллионер сотталды. Ресей Балушкинді қайтара ма?

АҚШ Украинадағы соғысты аяқтау келіссөздерінен бас тарта ма?

АҚШ президенті Дональд Трамп 18 сәуірде Украинадағы соғысты реттеу бойынша келіссөздер "шырқау шегіне" таяды деп мәлімдеді.

"Нақты бір белгіленген мерзім жоқ, бірақ біз мұны тезірек жасағымыз келеді... Егер қандай да бір себептермен тараптардың бірі процесті тым қиындатып жіберсе, "сіз ақымақ екенсіз, бұл ақымақтық деп тек кері шегінеміз", - деді Трамп Ақ үйде.

💬Қазақстанның АҚШ-тағы елшілігі мәлімдеме жасап, АҚШ-тан депортациялау туралы шешім шыққан қазақстандықтарды тезірек елге оралуға шақырды.

Мәселе АҚШ-тың көші-қон заңын бұзып, сол елде әлі жүрген қазақстандықтар жөнінде болып отыр.

Елшіліктің айтуынша, Америка билігі мұны CBP Home қосымшасы арқылы ерікті түрде жүзеге асыруды ұсынып отыр. Хабарламада оның сілтемесі де берілген.

Бұл жолды таңдағандарға мынадай мүмкіндіктер берілмек:
▫️рейсті таңдау құқығы
▫️тапқан ақшаны сақтап қалу
▫️ұстау мен депортациядан аулақ болу
▫️болашақта АҚШ-қа оралу мүмкіндігіне ие болу
▫️билет таппағандарға қосымша көмек беру

Елшіліктің сөзінше, бұдан бас тартқан азаматтарға бірден депортация қаупі төнеді және сот шешімін орындамағандарға ірі көлемде айыппұл салынуы мүмкін.

Бұған дейін АҚШ-та заңсыз жүрген мыңдаған мигрант депортацияланатыны, оның арасында Қазақстанның жүздеген азаматы бары хабарланған еді. Ақпанда олардың кейбірі Коста-Рикаға жіберілген еді