Жол эрежесин одоно бузгандар айдоочулук күбөлүктөн ажырап, аны кайра экзамен тапшырып гана ала алат.
Ички иштер министрлиги айдоочуларды кайрадан сынакка жиберүүнүн тартибин иштеп чыкты.

Трамп Киев менен Москва ок атышууну токтотуу тууралуу "токтоосуз" сүйлөшөрүн билдирди.
Вашингтондун соңку аракеттерин кандай бааласа болот? Кремлдин көздөгөнү эмне?

Кыргызстандын базарын кытай картөшкөсү каптады. Муну менен катар Орусиядан келген жылкы, бодо мал жана үй канаттуулардын саны 5-6 эселеп көбөйсө, Түркиядан ташылган жумуртка жалпы импорттун 80% жетип жатат.

#украина #орусия #путин #зеленский #трамп #бүгүназаттыкта

Бастрыкин орус жарандыгын алган 20 миңдей мигрантты "тутуп алып" Украинада согушка салышканын билдирди

Орусиянын Тергөө комитетинин башчысы Александр Бастрыкин орус жарандыгын алган 20 миңдей мигрантты "тутуп алып" Украинадагы согушка жөнөтүшкөнүн билдирди. Ал бул тууралуу 20-майда Санкт-Петербургдагы эл аралык юридикалык форумда айтты.

Бастрыкин аталган комитеттин кызматкерлери Орусиянын Ички иштер министрлиги жана Росгвардия менен бирге бул өлкөнүн жарандыгын алган, бирок аскердик каттоого турбаган чет өлкөлүктөрдү "тутуп алуу" максатында такай рейддерди өткөрүп жатканын маалымдады.

"Биз мындай орус жарандыгын алган 80 миңдей адамды кармап алдык, алар майдан мындай турсун, аскер комиссариаттарына да баргысы келбейт. Биз эмнегедир Өзбекстанда, Тажикстанда жана Кыргызстанда жашагысы келбеген мындай 20 миңдей Орусиянын "жаш" жаранын майданга жөнөттүк ,-деди Бастрыкин.

Буга чейин "Азаттык" Орусиянын Украинага каршы согушунда теги кыргызстандык кеминде 70 киши набыт болгонун аныктаган. Алардын 38и Кыргызстандын жараны. Калганы теги кыргызстандыктар. 10 адамдын колунда эки өлкөнүн тең паспорту болгон.

Бул согушта дагы канча кыргызстандык жүргөнү, канчасы майып болгону тууралуу так маалымат жок.

https://smarturl.click/w44yv

Орусиянын Екатеринбург шаарынын Борбордук райондук аскер соту 2022-жылдын март айында аскер комиссариатын өрттөгөн деп терроризмге айыпталган 27 жаштагы Алексей Рожковдун иши боюнча өкүм чыгарды. Ал 2022-жылы Кыргызстанда колго түшүрүлүп, 2023-жылы Орусияга депортацияланган.

Бишкектин Октябрь райондук соту 21-майда эркин журналист Канышай Мамыркулованын тергөө абагындагы мөөнөтүн 4-июнга чейин узартты. Процесс маалында айыптоо актысы окулду жана анда Мамыркулованын Фейсбуктагы баракчасындагы билдирүүлөрү камтылганы белгилүү болду.

БУУ Газадагы гуманитардык абалга тынчсыздануусун билдирип, азык-түлүк, дары-дармек эң жакын арада жеткирилбесе, анын арты апаатка алып келерин эскертүүдө. Израил блокадасын алып, машинелерди өткөргөнү менен бул жараян жай жүрүп жатканын, жүктүн көлөмү жетишсиз экенин эксперттер белгилешет.

Эл аралык коомчулуктун, анын ичинде Еврошаркеттин сынына карабай Израил Газадагы согушту кеңейтип, күн сайын анклавды аткылап келатат. Израил бийлиги АКШ жана Евробиримдикте террордук деп таанылган ХАМАСтын жайларын жок кылып жатканын айтууда.

Вашингтондун борборундагы Жөөт музейинин жанында Израилдин элчилигинин эки кызматкери киши колдуу болду жана аларга ок чыгарган деп шектелген жаран кармалды.

Маалыматтарга караганда, окуя кечки саат 9дар чамасында болгон. Би-би-си элчиликтин бир аял жана эркек кызматкери музейде Газанын тургундарына жардам берүүгө арналган иш-чарадан кетип баратканда атылганын ошол жолугушуунун уюштуруучуларына шилтеме кылып жазды.

Праганын шаардык соту Орусиянын башкы прокуратурасынын журналист Фарида Курбангалееваны Орусияга экстрадицияло өтүнүчүн четке какты. Маалыматка караганда, Курбангалеева соттук отурумга ден соолугуна байланыштуу катыша алган эмес.

Фарида Курбангалеева Орусиянын көзөмөл органынын өтүнүчү тууралуу быйыл 10-февралында Чехиянын полициясы аркылуу кабардар болгон.

Вашингтондо үрөй учурган кылмыш - Израил элчилигинин эки дипломатын атып кетти. Кылмышка шектүү Чикагонун тургуну кармалды.

Орус бийлиги мигранттардын кайда жүргөнүн көзөмөлдөйт. 30-июндан тарта Орусияга кирерден мурун катталуу керек.

Жаңы чектөөлөр Орусияга бараткан кыргызстандыктарга кандай таасир тийгизет?

Кыргыз тилине байланышкан талкуу парлементте күчөдү. Депутаттардын бири зарылдык десе, "популизм" деп сындагандар да бар.

Мурдагы президенттин уулу Кадырбек Атамбаев өзү мүчөлүк кылган “Социал-демократтар” партиясына карата соттук иштер аяктаганына карабай ага чет жакка чыгууга тыюу алынбай жатканына даттанып, чек ара бекетинде кармалып калганын билдирди. Милиция болсо анын иши өзүнчө өндүрүштө экенин маалымдап, Атамбаевдин жактоочусунан чектөөнү алуу боюнча арыз түшпөгөнүн кабарлады.

Орусия менен Украина бири-биринин аймактарына чабуулун улантууда. Бейшембиде Москвада жана башкалаага жакын жерлерде бир нече аэропорт убактылуу жабылды.

Ош шаарынын казысы, дагы бир диний кызматкер кармалды. Атайын кызмат казыятта такай мыйзамсыз акча чогултулган деп айыптады.

Мурдагы президенттин уулу Кадырбек Атамбаев эмне үчүн өлкөдөн чыга албайт? Ушундай эле чектөөгө камалып, кийин акталып чыккан журналисттер дагы кабылганын айтышты.

20 жылдан бери мугалим болуп иштеген, беш балалуу аял батирге муктаж. Мугалимдер менен дарыгерлер мамлекетик ипотекага кантип илинет?

Мамлекеттик ипотекалык компанияда мугалимдер жана дарыгерлер үчүн өзүнчө тизме түзүлүшү керекпи? Жогорку кеңеште айрым депутаттар 50% дароо төлөп ипотекадан батир алып жаткандардын айынан бул кызматкерлерге кезек тийбей, батир алууда кыйналып жатканын айтып чыкты. Мамлекеттик ипотекалык компаниясы программада көрсөтүлгөн ченемдер менен гана иш алып жатканын белгилеп, кимдин бирөөнүн кезегин жылдыруу мүмкүн эместигин билдирүүдө.


#ипотека #мугалим #батир #кыргызстан

2024-жылы Кыргызстанда калктын акчалай кирешеси 12,9% көбөйдү

Кыргызстандын калкы 2024-жылы 926 млрд сом акчалай киреше тапты. Мындай маалыматты Улуттук статистика комитети жарыялады.
Муну менен калктын номиналдуу акчалай кирешеси 2023-жылга караганда 18,6% көбөйгөн.
Жогорулап жаткан керектөө бааларынын индексин эске алуу менен эсептегенде калктын 2024-жылдагы реалдуу акчалай кирешеси 881,9 млрд сом болуп, өсүш 12,9% түзгөн.

Калк номиналдуу акчалай кирешенин 73,2% эмгек ишмердигинен тапкан. Калган 14,4% социалдык трансферттерден, 8,6% жеке көмөкчү чарбалардан жана 3,8% башка булактардан түшкөн.
Кыргызстанда акчалай кирешени бөлүштүргөндө калктын социалдык катмарларынын арасындагы айырма өтө чоң. 2023-жылы кирешеси эң аз 20% катмар менен эң байманалуу 20% калктын тапкан кирешесинин ортосундагы айырма 10 эсеге жеткен. https://www.azattyk.org/a/33422929.html

Бишкекте унаа коюп кеткен өзбекстандык студент мекенине жеткирилди

Бишкекте машина уруп кетип, бир жарым айдан бери комада жаткан өзбекстандык студент Азиза Гулмуродова мекенине жеткирилди. Улуттук госпиталдан ырастагандай, бейтапты 24-майда учак менен алып кетишкен.
Маалыматты Өзбекстандын бийлигине жакын булактар да бышыкташты. Алардын билдиришинче, Азиза Ташкентке жеткирилди.
Бишкектеги Эл аралык медициналык университеттин акыркы курсунда окуп жаткан өзбекстандык Азиза Гулмуродова 2-апрель күнү жолдон өтүп баратканда машине уруп кеткен. Жол кырсыгы көчөгө коюлган видео байкоого түшүп калган. 25 жаштагы Азиза кырсык болгондон бери ооруканада эсине келбей жаткан.

Бишкек шаардык ички иштер башкы башкармалыгы өзбекстандык студент кызды сүзүп кеткен 26 жаштагы айдоочу камалганын билдирген. Бул фактыга байланыштуу кылмыш иши козголуп тергелип жатканын, тиешелүү экспертизалар дайындалганын кабарлаган.

https://smarturl.click/vdq22

Укук коргоочу Турсунбек Акун башынан жана колунан жаракат алды. Бишкекте Кыргызстан демократиялык кыймылынын 35 жылдыгына арналган иш-чарада чуу чыкты.
Бишкекте Чыңгыз Айтматов проспектин кеңейтүүнүн алкагында Киргизия конушундагы үйлөрдү сүрдүрүү аракеттери башталды. Азырынча канча үй сүрдүрүлгөнү так эмес.

26-майда Бишкек шаарынын мэриясы баш калаанын Чыңгыз Айтматов проспектисинде президенттин администрациясынын “Ынтымак ордо” имаратына жакын жайгашып, “кызыл чектен” өтүп кеткен деп табылган айрым турак жайлардын дубалдарын сүрдүрө баштады.

Тургундар курулушка уруксат кагазы бар экенин айтып, кенемте төлөп берүү маселеси чечилбегенин билдирүүдө. Алар мэриянын кызматкерлерине каршылык билдирип, короолорун буздурбаганга аракет кылышты. Жеринде милиция кызматкерлери көз салып турат.

Вице-мэр Жамалбек Ырсалиев буга чейин тургундарга эскертүү берилгенин, алардын "айрымдары гана каршы болуп жатканын" айтты.

Ош: "Келечек" базарынын көчүрүлүшүнө нааразы соодагерлер мэр менен жолукту

Ош шаарында 27-майда "Келечек" базарынын көчүрүлүшүнө нааразы болгон соодагерлер чогулду жана алар менен мэр Жеңишбек Токторбаев жолукту.

Чогулгандар бул базарда 1200дөй адам соода кыларын, контейнерлерди, соода түйүндөрдү убагында мыйзамдуу жол менен сатып алышканын, колдорунда кызыл китептери турганын айтышты. Башка базарга көчүрүү менен алардын жеке менчик укугу бузулуп жатканын айтышты. Соодагерлер алардын пикири эске алынбай, убакыт берилбей чукул көчүрүлгөнү жатканына нааразы болушту. Бул базар машиналардын тыгынына себепкер эместигин айтышты.

Мэр Токторбаев соодагерлердин 20дай өкүлүн ушул жума күнү кабыл аларын, ага чейин мэрия айтылган дооматтар тууралуу ойлонорун билдирип, маселелерди ошол жерден талкуулап сүйлөшүп алууну сунуштады. Чогулгандар бул сунушка ынап, тарап кетишти.
https://www.azattyk.org/a/33425459.html

Сот Жоомарт Карабаевди күнөөлүү деп таап, пробациялык жаза чегерди

Бишкектин Биринчи май райондук соту Улуттук илимдер академиясынын мурдагы кызматкери Жоомарт Карабаевди күнөөлүү деп таап, пробациялык үч жылдык жаза чегерди. Ошондой эле ага 50 миң сом айып пул салды.

Карабаев процесстин алдында "Азаттыкка" учкай комментарий берип жатып, иш жетиштүү тергелбегенин, прокурорлор бир канча жолу алмашканын айтып, күнөөсүн мойнуна албай турганын дагы кайталады.

Карабаев былтыр июлда Улуттук коопсуздук комитетине (УКМК) суракка чакырылгандан кийин камакка алынган. Ага Кылмыш-жаза кодексинин "Массалык башаламандыктар" жана "Бийликти күч менен басып алууга ачык чакырык" деген беренелери менен айып коюлган. Кененирээк: https://www.azattyk.org/a/33425508.html

Жаңылыктар | 27.05.2025 | Сот Жоомарт Карабаевге 3 жылдык пробациялык жаза чегерди

- Көз карандысыз экспертиза жүргүзүүдө "күч органдары кийлигишерин" айтып чыккан Жоомарт Карабаевге сот пробациялык үч жылдык жаза чегерип, 50 миң сом айыппул салды. Карабаев өзү айыпты четке какты.
- Киевге курал-жабдык берген Украинанын Батыштагы өнөктөштөрү мурдагы чектөөнү алып салды. Ал тапта Кошмо Штаттардын президенти Дональд Трамп Орусияга санкция салууну карап жатканы кабарланды.
- "Киргизия" конушундагы кызыл чектен чыгып кеткен деген дубалдары түрттүрүлгөн үй ээлери мэриянын үстүнөн сотко арызданат. Мэрия шаардын башкы планына ылайык иш жүрүп жатканын билдирди.
https://youtu.be/df4EBTvsXEI