‼️Орусияда курулушта иштеп жаткан үч кыргызстандыкты уранды басып каза болду

Орусиянын Геленжик шаарындагы курулуштагы кырсыктан үч кыргызстандык каза болуп, дагы бири ооруканага түштү. Бул тууралуу Кыргызстандын Тышкы иштер министрлиги кабарлады.

Маалыматка ылайык, 4-майда Геленжик шаарындагы курулуш аянтчасында топурактын алдынан үч кыргыз жаранынын сөөгү чыгарылды. Учурда сөөк шаардагы өлүк сактоочу жайга жеткирилди. Кырсыктан дагы бир кыргызстандык жабыркап, ооруканага жаткырылган.

Маркумдардын сөөгүн мекенине жөнөтүүгө байланыштуу иш-чараларды көзөмөлдөө үчүн окуя болгон жерге элчиликтин кызматкери жөнөтүлдү.

@azattyk_radiosu

Кыргызстанда дагы бир аял, ЖОЖдун окутуучусу өздөрүн ИИМ, УКМК жана Улуттук банктын кызматкерибиз деп тааныштырган шылуундарга алданганын айтып чыкты. Буга чейин алдамчылар ушундай эле схема менен журналистти алдап кетишкен.

АКШ президенти Дональд Трамп жекшембиде NBC News телеканалына курган маегинде Орусия- Украина согушун токтотуу боюнча тынчтык келишимине жетерине ишенерин айтты.

Журналист Киев менен Москванын ортосунда келишим жакынбы деп сураганда, Трамп: "Буга үмүт артам" деп жооп берди. Ал кошумчалагандай, "АКШ бул максатка жакындап калды, бирок бир тарап менен жакын, экинчи тарап менен анча жакын эмес", - деди, бирок кайсы өлкө тууралуу сөз болуп жатканын тактаган жок.

Кытайдын лидери Си Цзинпин үч күндүк расмий сапары менен Орусияга барат. Бул тууралуу Кремл да, Кытайдын Тышкы иштер министрлиги да расмий маалымат таратты. Сапардын жүрүшүндө кытай лидери Экинчи дүйнөлүк согуштун 80 жылдыгына арналган мааракелик иш-чарага катышат.

Түндүк Корея Орусияга 15 миңдей эмгек мигрантын жиберген. Бул тууралуу The Wall Street Journal жана Reuters басылмалары Түштүк Кореянын чалгын кызматына шилтеме кылып жазды.

Орусиянын статистикалык маалыматтарына караганда, 2024-жылы өлкөгө кирген түндүк кореялыктардын саны былтыркыга салыштымалуу 12 эсеге өскөн.

Быйыл үч айда Орусияда каза болгон 18 кыргызстандыктын сөөгү мекенине жеткирилди.

Бул тууралуу Кыргызстандын Орусиядагы элчилигинин үч айдагы ишмердиги тууралуу маалыматта айтылат.

Краснодар крайындагы Геленжик шаарында курулушта үч кыргыз жаранын уранды басып калып, каза тапты. Бир киши ооруканага түштү.

Йемендин башкалаасы Санаага сокку урулуп, ал үчүн хуси козголоңчулары АКШны айыптады. Ишембиде хусилер Тел-Авивидеги эл аралык аэропортко ракета аткан.

Кыргызстанда соңку эки жылда киберкылмыштар 30% көбөйгөнүн милиция билдирди. Жакында эле жогорку окуу жайдын окутуучусу 80 миң долларын алдатып ийгенин "Азаттыкка" айтып берди.


#орусия #хусилер #жаңылыктар #мигранттар

Дели жана Исламабад аскерлерин толук даярдыкка келтирип, өктөм билдирүүлөрдү жасашууда. Чек арага жакын аймакта атышуулар токтой элек. Индияда мусулмандардын үй-мүлкүнө жана өмүрүнө кол салган учурлар катталды, Пакистан коңшусунун армиясы жакын арада өз аймагына бастырып кириши мүмкүн экенин жарыялады. Мунун баары 22-апрелде Кашмирде болгон теракттын кесепети. Кандуу окуя үчүн Дели Исламабадды айыптап жатат.

Украин дипломаттары АКШнын президенти Дональд Трамптын администрациясы менен ийгиликтүү иштеше алабы? "Азаттыктын" украин кызматынын суроолоруна саясий ишмер жана дипломат, Украинанын мурдагы тышкы иштер министри Вадим Пристайко жооп берди.

Өзбекстанда камактагы ишкер, президент Мирзиёевдин күйөө баласынын ишенимдүү кишиси, санаалашы Улугбек Шадмановдун United Cement Group (UCG) компаниясына таандык «Кварц» айнек заводу мамлекетке өттү.

«Кувасайцемент» заводунун ээси да алмашканы кабарланууда. Шадманов беш ай мурда Дубайда кармалып, быйыл жыл башында Ташкентке экстрадицияланган. Ал президент Шавкат Мирзиёевдин кичүү күйөө баласы Отабек Умаровдун жакын кишиси катары эсептелип келген. Шадманов камалгандан кийин анын активдерин башкаларга өткөрүү иши жүрүп жатканын айткандар бар.

Саясатчы Султанбай Айжигитов Улуттук коопсуздук комитетинин кызматкерлеринин үстүнөн президент Садыр Жапаровго жана Башкы прокуратурага арыз жазганын билдирди

Москва облусу эки күн катары менен дрон чабуулуна кабылды. Украинага да сокку урулуп, Одессада бир адам набыт болду, Харьковдо чоң базар өрттөнүп кетти.

Наполеондун катына кызыккан, Америкадан дарыгер алдырткан, астрологдун сырдуу төлгөсү үчүн миндеген доллар. «Евразия үчүн эркиндик» уюму Казакстандын экс-премьери-министри Карим Масимов кантип байыганын жарыялады.

#айжигитов #масимов #москва #киев #бүгүназаттыкта

Чеченстандын лидери Рамзан Кадыров кызматынан бошотууну суранды. Бул тууралуу ал "Чечня Сегодня" агенттигине билдиргенин "Эркин Европа/Азаттык" радиосунун "Кавказ. Реалии" долбоору жазды. Басылма жазгандай Кадыров мындай сунуш менен кимге жана качан кайрылганы так белгисиз.

Орусиянын Москва, Тула жана Сарански аймактары 7-майга караган түнү дрон чабуулуна кабылганы кабарланды.

Баштапкы маалыматтарга караганда, Тулада дрондор аскердик ишканаларды бутага алган, Саранскиде оптикалык була (оптоволокно) заводунда өрт чыкты. Орусияга караган Мордовия Республикасынын башчысы Артем Здунов башкалаа Саранскиде коркунуч тууралуу эскертүү берилгенин кабарлап, жашоочуларды этият болууга, коопсуздук эрежелерин сактоого чакырды.

Astra Телеграм-каналы жергиликтүү тургундар тарткан видеолорду жарыялап жатат. Анда өрт, жалынды, түтүндөрдү көрүүгө болот.

7-майда Бишкек-Москва каттамдары кармалып жатканын "Манас" эл аралык аэропорту кабарлады. Маалыматка караганда, Москвага авиакаттамдар убактылуу токтотулду.

"Домодедово аэропортунан жергиликтүү убакыт боюнча саат 06:30да уча турган YK960 каттамы аба мейкиндиги жабылганына байланыштуу уча элек. Ушул эле аэропортко уча турган YK883 рейси кармалып турат", - деп айтылат маалыматта.

Түркияда кармалган кыргызстандык мугалим Азамат Нурмат уулу менен адвокаты жолугуп чыкты. Бул тууралуу мугалимдин жубайы Ирзван Пахридин кызы билдирип, 12-майда Азамат Нурмат уулуна үй-бүлөсү менен телефондон сүйлөшүүгө мүмкүнчүлүк түзүлөт деген маалымат бар экенин айтты.

Индия менен Пакистан бири-бирине сокку урду. Эки тараптан 30дан ашуун киши каза тапты. Эки өлкө 70 жыл бою Кашмир аймагын талашып келет. Кыргызстан кырдаалга тынчсыздануусун билдирди.

"Манас" аэропортунан Москвага учкан авиакаттамдар убактылуу токтотулуп, кайра жанданды. Үч күндөн бери орус башкалаасы дрон соккусуна кабылууда.

Ватиканда кардиналдар жаңы папаны тандоого киришти. Дүйнөдөгү эң байыркы жана купуя сакталган шайлоо кандай өтөт?

‼️Австриялык Freedom for Eurasia уюму Казакстандын мурдагы премьер-министри, Улуттук коопсуздук комитетинин экс-төрагасы Карим Масимовдун кантип байыганы жана жыйган дүнүйөсүн эмнеге короткону жөнүндө 72 беттен турган изилдөө жарыялады.

Баяндамада Масимовдун ортомчунун жардамы менен "Казактелекомдун" акциясына ээлик кылганы, Казакстандын элчилиги аркылуу Наполеондун каттарын сатып алганы, АКШдан бир топ дарыгер чакыртканы жана орусиялык белгилүү астрологго кайрылганы айтылат. "Азаттыктын" казак кызматынын журналисттери баяндаманын авторун кепке тартты.

"Наполеон комплекси. Казакстандын премьер-министри Карим Масимовдун жемкорлугу" деп аталган салмактуу изилдөө беш бөлүмдөн турат. Изилдөөдө коңшу өлкөдөгү таасирдүү аткаминердин Айгүл Нуриева аттуу жарандын жардамы менен "Казактелекомдун" акциясына кантип ээлик кылганы айтылат. Бул тууралуу маалымат буга чейин да жарыяланган. Ал эми Freedom for Eurasia муну документтер менен далилдей алганын белгилейт.

@azattyk_radiosu

Кыргызстандын президенти Садыр Жапаров 8-9-майда орус президенти Владимир Путиндин чакыруусу менен Москвага иш сапары менен барат.

Президенттин администрациясынын тышкы саясат бөлүм башчысы Сагынбек Абдумуталиптин мындай билдирүүсү мамлекет башчынын расмий сайтында жарыяланды.

Ичин өрт чалып, жалынын сыртка үйлөгөндөй оор, күйүттүү үшкүрүк болот. Чоң энемдин үшкүрүгү ушундай эле...

Президент Садыр Жапаров саламаттыкты сактоо министри Эркин Чечейбаевге Республикалык диагностикалык борбордогу көйгөйлөрдү жоюуга эки күн убакыт берди.

Бул тууралуу президенттин маалымат катчысы Аскат Алагөзов билдирип, Фейсбукка Жапаровдун аталган борборго барган видеосун жарыялады.