«Азаттык» радиосу
5.15K subscribers
4.04K photos
519 videos
29 files
6.83K links
«Азаттык» радиосунун кызыктуу маалыматтарын окуңуз.
Кайрылуулар үчүн: @azattyk_elunu +996550988755
Орусча канал: @azattykrus
Download Telegram
Орусия: Генерал Москаликтин өлүмүнө байланыштуу кылмыш иши козголду

Орусиянын Тергөө комитети Балашиха шаарынын чет жакасында “Фольксваген Гольф” автоунаасы жарылганы боюнча "киши өлтүрүү жана жардыргыч заттарды мыйзамсыз жүгүртүү" беренеси менен кылмыш ишин козгоду.

ТАСС агенттиги Тергөө комитетинин маалымат катчысы Светлана Петренконун маалыматына таянып, жарылуудан Орусиянын куралдуу күчтөрүнүн Башкы штабынын негизги оперативдик башкармалыгынын орун басары, генерал-лейтенант Ярослав Москалик каза болгонун жазды.

25-апрелде алыстан башкарылган бомба Москалик автоунаага жакындаганда же отурганда жарылган болушу мүмкүн экенин Baza Telegram каналы жазды. Жарылуу Москалик жашаган үйдүн түбүндө болгон.

@azattyk_radiosu
Ватиканда Рим папасы Францисктин тажыясы өтүп жатат

Ватикандагы Ыйык Петр аянтына миңдеген киши чогулуп, Рим папасы Франциск менен коштошууда. Тажыяны уюштурууну Кардиналдар коллегиясынын деканы, кардинал Жованни Баттиста Ре жетектейт.

Францисктин сөөгү соңку 100 жылдан ашуун маалда биринчи жолу Ватикандын сыртында, Римдеги Санта-Мария-Мажоре базиликасына коюлат.

Рим папасынын тажыясына 50дөн ашуун өлкө жетекчилери, анын ичинде АКШ, Аргентина, Франция, Германия, Италия, Польша, Филиппин, Финляндия жана Украинанын лидерлери, Британиянын жана Жаңы Зеландиянын өкмөт башчылары барды.

Папа Франциск 21-апрелде 88 жаш курагында дүйнөдөн өттү.

@azattyk_radiosu
Please open Telegram to view this post
VIEW IN TELEGRAM
Канадада фестивалда жоон топ адамды автоунаа коюп кетти

Канаданын Ванкувер шаарында фестиваль өтүп жаткан көчөдө бир канча адамды автоунаа коюп кетти.

CBC News маалымат агенттиги полицияга шилтеме берип жазгандай, каза болгондор жана жараат алгандар бар, бирок курмандыктардын так саны азырынча белгисиз.

Окуя жергиликтүү убакыт боюнча кечки саат сегиз чамасында 41- Чыгыш авенюсу менен Фрейзер көчөсүнүн кесилишинде Филиппиндин Лапу-Лапу күнүнө арналган фестиваль өтүп жатканда болгон.

Айдоочу кармалганы менен полиция толук маалымат бере элек.

@azattyk_radiosu
Индия менен Пакистандын ортосундагы абал 22-апрелде Кашмир жана Жамму аймагында Индиянын жарандары каза тапкандан кийин курчуп кетти.

Индия Пакистанды транс-чек аралык терроризмди колдогону үчүн айыптаса, Пакистан өкмөтү 26 адамдын өмүрүн алган чабуулга тиешеси жок экенин айтууда.

Нью-Дели менен Исламабад ортосунда кырдаал курчугандан бери дипломатиялык жана соода байланыштары чектелди, башкы чек ара өтмөгү жабылып, бири-биринин жарандарына берилчү визаны жокко чыкты. #rfe_rl

@azattyk_radiosu
Иранда порттогу жарылуудан каза болгондор 25 кишиге жетти

Ирандын түштүгүндөгү Бендер-Аббас шаарындагы Шахид-Ражаи портундагы жарылуудан каза болгондордун саны 25 кишиге жетип, 1139 адам жараат алганын IRNA агенттиги жазды. Порт жайгашкан Хормозган провинциясында үч күндүк аза күтүү жарыяланды.

Ишемби күнү портто катуу жарылуу болуп, Бендер-Аббас шаарынын батыш тарабындагы өндүрүштүк ишканалар жана бир катар жайлар жабыркаган. Ирандык медиа билдиргендей, жарылуунун айынан алыстагы бир канча имараттын терезеси күбүлүп түшкөн.

Кризистик кырдаалды башкаруу боюнча ирандык уюмдун өкүлү Хоссейн Зафари жарылуу химиялык заттар контейнерде туура эмес сакталгандан улам чыкканын айтты. Бирок себеби белгилүү болмоюнча, азырынча бул тууралуу так кесе айтууга мүмкүн эместигин билдирди.

@azattyk_radiosu
Fitch Кыргызстандын насыя рейтингин “туруктуу” деп баалады

Экономика жана коммерция министрлиги Fitch агенттигинин насыя тобокелдиги боюнча рейтингинде Кыргызстан “туруктуу” деңгээлде деп бааланып, алгачкы жолу “B” категориясы ыйгарылганын билдирди.

Маалыматка ылайык, Fitch 2022–2024-жылдары Кыргызстандын Ички дүң өнүмү (ИДӨ) жылына орточо 9% деңгээлинде өсүп турганын көрсөтүп, энергетика жана тоо-кен тармагына инвестициялардын көбөйгөнүн белгилеген.

Moody’s агенттигинин эл аралык насыя тобокелдиги боюнча рейтингинде Кыргызстан 2024-жылы “тобокел” абалдан “туруктуу” деңгээлге чыккан.

@azattyk_radiosu
«Азаттык» радиосу
Жогорку Кеңеште "Ата-Журт Кыргызстан" фракциясы көрсөткөн Жамиля Исаева, "Ишеним" фракциясынан депутат Нурбек Сыдыгалиев жана Алай округунан Улан Примов төраганын орун басарлары болуп шайланды. https://www.azattyk.org/a/31650631.html
Жамиля Исаева вице-спикерлик кызматтан кетти

Жогорку Кеңештин төрагасынын орун басары Жамиля Исаева 28-апрелде өз каалоосу менен вице-спикерлик кызматтан кетти. Бул тууралуу парламенттин басма сөз кызматы кабарлады. Ал депутат катары ишин уланта берет. Жамиля Исаева “Ата-Журт Кыргызстан” фракциясынын квотасы менен 2022-жылдын 12-январында төраганын орун басары болуп шайланган.

Жогорку Кеңештин спикеринин үч орун басары бар. “Элдик” депутаттык тобунан Нурланбек Азыгалиев, “Ишеним” фракциясынан Нурбек Сыдыгалиев шайланган. Эми Жамиля Исаеванын ордуна башка депутат шайланышы керек.

@azattyk_radiosu
«Азаттык» радиосу
Ошто “жалданмачылыкка” шек саналып төрт адам кармалды. Алардын арасында Ош мэриясынын маалымат бөлүмүнүн кызматкери жана жергиликтүү журналист бар. Мамлекеттик кызматкердин жалданмачылык беренеси менен кармалышы эмнени билдирет? Лондондогу сүйлөшүүлөрдүн…
“Жалданмачылыкка” шек саналып кармалгандардын экөө үй камагына чыкты

Бишкектин Биринчи май райондук соту “жалданмачылыкка” шек саналып кармалган Орусиянын “Россотрудничество” уюмунун Кыргызстандагы өкүлчүлүгүнүн филиалы – Ош шаарындагы “Орус үйүнүн” кызматкери Наталья Секерина үй камагына чыгарылганын билдирди.

УКМКнын тергөөчүсү анын бөгөт чарасын өзгөртүү тууралуу арыз берип, райондук сот аны 25-апрелде канааттандырган. Ушул эле күнү бул иш боюнча айып тагылган дагы бир шектүү С.В.Т. аттуу адам да үй камагына коё берилген. Ал Жалал-Абад облусундагы Майлуу-Суу лампа заводунун кызматкери экени кабарланган.

Улуттук коопсуздук боюнча мамлекеттик комитет (УКМК) Ошто “жалданмачылыкка” айыптап төрт кишини кармаган. Кармалгандардын бири Ош шаарынын мэриясынын маалыматтык камсыздоо бөлүмүнүн башкы адиси Сергей Лапушкин. Дагы бири журналист, Орусиянын “Россотрудничество” уюмунун Кыргызстандагы өкүлчүлүгүнүн филиалы – Ош шаарындагы “Орус үйүнүн” кызматкери Наталья Секерина экени белгилүү болгон.

Андан тышкары С.В.Т. жана В.В.А. аттуу дагы эки адам кармалган. Булардын бири Жалал-Абад облусундагы Майлуу-Суу лампа заводунун кызматкери экени белгилүү болсо, орусиялык маалымат каражаттары төртүнчү шектүү Виктор Васильев экенин жазышты.

Ошентип, “жалданмачылык” иши боюнча Сергей Лапушкин менен Виктор Васильев камакта жатат. Биринчи май райондук соту алардын бөгөт чарасын өзгөртүү боюнча сотко арыз түшпөгөнүн билдирди.

@azattyk_radiosu
Гимндин жаңы варианты коомдук талкууга коюлбайт

Кыргызстанда мамлекеттик гимндин жаңы варианты коомдук талкууга коюлбайт. Бул тууралуу Жогорку Кеңештин Социалдык саясат боюнча комитетинин 28-апрелдеги жыйынында белгилүү болду.
Маданият, маалымат жана жаштар саясаты министри Мирбек Мамбеталиев депутат Аида Исатбек кызынын суроосуна жооп берип жатып, мекеме аралык комиссия гимндин жаңы текстине 4-5 вариантты тандап алып жалпыга маалымдоо каражаттарына жарыялап, Жогорку Кеңешке сунуштай турганын айтты. Андан кийин музыкасына сынак жарыяланат.

47 адамдан турган мекеме аралык комиссия буга чейин сунушталган долбоорлорду угуп чыгып, мазмундук жана көркөм талаптарга толук жооп берген чыгарма табылган жок деген бүтүмгө келген. Ушундан улам гимндин текстинин жана музыкасынын жаңы вариантына кайрадан сынак жарыяланган.

Сынактын жеңүүчүсүнө 1 млн 500 миң сом берилет. Экинчи орунга 1 млн, үчүнчү орунга 500 миң жана төртүнчү, бешинчи орундарга 250 миң сомдон каражат тапшырылары айтылган.

@azattyk_radiosu
Please open Telegram to view this post
VIEW IN TELEGRAM
Гүлнара Каримованын чет жактан кайтарылган активдеринин бир бөлүгү мугалимдерге сарпталат

Өзбекстандын мурдагы президенти, маркум Ислам Каримовдун тун кызы Гүлнаранын Швейцариядан кайтарылган активдеринин бир бөлүгү 600 миң эне менен балага жана жүз миңдеген мугалимдерге сарпталат.

Өзбекстандын Экономика жана каржы министрлигинин маалыматына ылайык, Каримованын активдерин башка өлкөлөрдөн кайтарып алуу боюнча иш алып барган бул министрлик эне жана баланын ден соолугун сактоо багытына 43,5 миллион доллар бөлгөн. Перинаталдык борборлорду жабдууга 31,5 миллион доллар сарпталат. Бүгүнкү күндө медициналык мекемелерге 5840 жабдуу жеткирилген. Сатып алуу жана импорттоо процесстери Улуттар Уюмунун катышуусу менен ишке ашырылууда.

50 миң медициналык кызматкерди окутууга 5,5 миллион доллар бөлүнөт.

Мындан тышкары, Гүлнара Каримованын активдеринин 25 миллион доллары мектептерди жабдууга жана мугалимдердин квалификациясын жогорулатууга жумшалат.

@azattyk_radiosu
Түндүк Корея аскерлери Украинага каршы согушуна аралашканын расмий ырастады.

Президенттер Трамп менен Зеленский Ак үйдө кайым айтышкандан кийин өткөн аптада Ватиканда жолукту. Трамп Путинден Украинага сокку урууну токтотуп, тынчтыкка жетүүнү талап кылды.

Прокуратура “Апрель” телеканалынын ишмердигин токтотууну өтүнүп, сотко кайрылды. Журналисттик коом бийликти сындоо кылмыш эмес экенин белгилеп, эркин медианын абалына кабатыр болууда.

https://youtu.be/gs8Eb6vDmwg
Кыргызстанда президенттик шайлоо мындан ары январь айында өтөт

Кыргызстанда мындан ары президенттик шайлоо иштеп жаткан президенттин ыйгарым укуктары аяктоочу жылдын январь айынын төртүнчү жекшембисинде өткөрүлөт. Шайлоону ага төрт ай калганда Жогорку Кеңеш дайындайт. Мамлекет башчы сунуштаган мыйзам долбоорун парламент 16-апрелде кабыл алып, Садыр Жапаров ага 28-апрелде кол койду.

“Президентти жана Жогорку Кеңештин депутаттарын шайлоо жөнүндө” конституциялык мыйзам боюнча президенттик шайлоо октябрь айынын үчүнчү жекшембисинде өтмөк. Мындан ары шайлоо эми январь айынын төртүнчү жекшембисинде болот.

@azattyk_radiosu
‼️БУУнун комитети сотто Жакупованын, Нарын Айыптын укугу бузулган деп тапты

Бириккен Улуттар Уюмунун (БУУ) Адам укуктары боюнча комитети Кыргызстандын мурдагы бийлиги юрист, “Адилет” укуктук клиникасынын негиздөөчүсү Чолпон Жакупованын жана маркум журналист Нарын Айыптын укугун бузган деп тапты. Бул тууралуу комитет жарыялаган чечимде айтылат.

БУУнун комитети адвокат менен журналистке каршы 2017-жылы мурдагы президент Алмазбек Атамбаевдин пайдасына чыгарылган соттун чечимдерин талдап ушундай жыйынтыкка келген.

Чолпон Жакупова жана Нарын Айып Кыргызстанда өз укуктарын коргоонун башка куралы калбай калганын айтып, 2018-жылы апрель айында БУУнун комитетине кайрылып, кесиптик ишмердиги үчүн ал кездеги президенттин куугунтугуна кабылганын айтышкан.

2017-жылдын жазында ошол кездеги башкы прокурор Индира Жолдубаева “Zanozakg сайтына чыккан айрым материалдар ошол кездеги президент Алмазбек Атамбаевдин ар-намысына шек келтирди” деп сотко беш доо арыз берген. 2017-жылы аталган сайтка Чолпон Жакупова менен маек жарыяланган.

Бишкектин Октябрь райондук соту башкы прокурордун Алмазбек Атамбаевдин ар-намысын коргоо жөнүндө арызына ылайык, Zanozakg сайтынан жалпысынан 27 миллион сом өндүрүү тууралуу чечим чыгарган. Анын ичинен басылма 15 миллион сом, журналисттер Нарын Айып 9 миллион сом, Дина Маслова 3 миллион сом доого жыгылган.

Андан тышкары “Адилет” клиникасынын жетекчиси Чолпон Жакупова ​3 миллион сом, “Ата Мекен” партиясынын юристтери 10 миллион сом төлөөгө милдеттендирилген. Кийин Алмазбек Атамбаев бул доолордон баш тарткан.

Жогорку сот Zanozakg сайтын негиздеген Дина Масловага, Нарын Айыпка, укук коргоочу Чолпон Жакуповага байланыштуу райондук жана шаардык соттор чыгарган үч өкүмдү өзгөртүүсүз калтырган.

Бирок бул соттук доолордон соң Zanozakg сайты ишмердигин токтотууга аргасыз болгон. Буга чейин БУУнун комитети сотто журналист Дина Маслованын да укугу бузулган деп тапкан.

@azattyk_radiosu
Media is too big
VIEW IN TELEGRAM
"Орус аскерлеринин көбү согуштан чарчады". Мурдагы "вагнерчинин" баяны

Михаил (аты өзгөртүлдү) «Вагнер» компаниясына жалданган мурдагы жоочу. Согуштан качып, мекенине кайтып барган Михаил анонимдүү шартта журналисттерге баштан өткөргөнүн айтып, майдандагы чыныгы көрүнүш Орусиянын жашоочуларына жетпей турганын, телеберүүлөрдө аларга башкача маалымат берилип, кадрлар көрсөтүлүп жатканын белгиледи. Коопсуздукка байланыштуу Михаилдын жүзү, кайсы өлкөнүн жараны экени айтылбайт.
Кыргыз-тажик чек арасына зым тартуу иши башталды

29-апрелде Кыргызстандын, Өзбекстандын жана Тажикстандын чектешкен жериндеги Стелла аймагында, тагыраагы Баткен районунун Төрт-Гүл айыл аймагынын Кошмоло жерлигинде кыргыз-тажик чек арасына зым тартуу иштери башталды. Бул тууралуу президенттин Баткен облусундагы ыйгарым укуктуу өкүлүнүн басма сөз кызматы билдирди.

Чек араны тосуу иштери үчүн бул аймакка атайын талаа шаарчасы курулуп,чек арачылар үчүн шарттар түзүлгөн. Атайын техникалар алынып келинген. Биринчи этапта 420 км аралыкта кыргыз-тажик мамлекеттик чек арасына зым тартылат. Чек арага зым тартуу иштерин ушул жылдын аягына чейин бүткөрүү пландалган.

@azattyk_radiosu
Please open Telegram to view this post
VIEW IN TELEGRAM
Султанбай Айжигитов жубайы менен кошо УКМКга чакырылганын билдирди

Жакында БШК депутаттык мандатынан ажыраткан Султанбай Айжигитов УКМКга суракка чакырылганын билдирди. Бул тууралуу ал 29-апрелде Фейсбуктагы баракчасына жарыялаган видеодо билдирди.

Анда саясатчынын үйүнө УКМКнын кызматкери келип, жубайы экөөнү тергөөгө чакырганын көрүүгө болот.

Тасмада өзүн УКМКнын кызматкери деп тааныштырган адам Султанбай Айжигитовдун жубайынын Жогорку Кеңештин депутатынын жардамчысы кызматына орноштурууга байланыштуу Кылмыш кодексинин 337-беренеси ("Кызмат абалынан кыянаттык менен пайдалануу") боюнча иш тергелип жатканын, анын алкагында Айжигитов жана жубайы көрсөтмө бериши керектигин билдирген. УКМКнын кызматкери делген адам Султанбай Айжигитовду күбө катары чакырып жатканын да кошумчалаган.

Бул иш боюнча Улуттук коопсуздук боюнча мамлекеттик комитети комментарий бере элек.

@azattyk_radiosu