❗️"Тяжело с татарским" хурлык премиясенә быел Казанның транспорт системы лаек дип табылды

Быел Дөнья татар яшьләре Казан шәһәренең җәмәгать транспорты системында татар теленә җитәрлек икътибар бирелми дип тапкан.

Ни өчен? Дөнья татар яшьләре форумы рәисе Райнур Хәсәнов өч сәбәпне атады:

✔️Казанда йөри торган җәмәгать транспорты сәхифәсе һәм мобиль кушымта татарча эшләми.
✔️Светофорларның аудио сигналлары да татарча яңгырамый.
✔️Кондукторсыз маршрутлардагы экраннарда, күрсәткечләрдә татар теленә урын һаман табылмый.

Хурлык премиясе белән бергә "Мин татарча сөйләшәм" чарасында татар телен хөрмәт иткән оешмалар да телгә алынды. Быел рәхмәт хатына Т-банк белән Nordwind Airlines ширкәтләре лаеклы дип табылды.

👍Т-банк үз банкоматларында хезмәтне татар телендә күрсәтә, мобиль кушымтаның татарча версиясе дә эшли.

👍Nordwind Airlines авиаширкәте үз очкычларында татар телендә игъланнар ясый.

▪️"Мин татарча сөйләшәм" акциясе кысаларында "Тяжело с татарским" антипремиясе 2012 елдан бирле тапшырыла. Әлеге "бүләк" татар телен санга сукмаган, эшчәнлекләрендә дәүләт теленә урын бирмәгән, телгә битарафлык күрсәткән оешмаларга бирелә. Антипремия башлыча дәүләт оешмаларына бирелә дип аңлата оештыручылар.

👉Тулырак монда укыгыз.

Тукай туган тел шигыре төрле телләрдә ничек яңгырый?

Азатлык Радиосының 2017 елда чыгарган видеосы.

Бәйрәм кичендә балаларга Габдулла Тукай әкиятләрен укыгыз!

Аларны Азатлык Радиосының "Әйдә!Online" татар теле өйрәтү проекты әзерләде 👇🏻

Башкортстанның халык артисты Фидан Гафаров вафат.

Ул гомер буена Мәҗит Гафури исемендәге Башкорт дәүләт академия театрында эшләде.