Хәерле иртә, дуслар! Яңа атнаны башлыйбыз һәм дөньяда ниләр бар, ниләр юк - шуларны барлыйбыз.

🔸Русия саклану министрлыгы белдерүенчә, бүген төнлә Русиягә 75 дрон атылган. Ростовта - 47, Краснодар краенда - 8, Кара һәм Азар диңгезендә - 17 дрон бәреп төшерелгән. Туапсеның НПЗсына БПЛА калдыклары төшкән, корбаннар юк диелгән.

🔸 Джо Байденны президент сайлауларына намзәтен куймаска Байденның киңәшчеләре М. Донилон белән С. Рикетти үгетләгән. Шулай ук Нэнси Пелоси да Байденны президентлыкка бармаска киңәш иткән.

🔸Камала Харриска намзәт буларак президент кампаниясендә катнашыр өчен инде 50 млн доллар акча җыелган.

🔸Звенигород шәһәрендә Сталинның һәйкәләнең башын җимергән ир тоткарланган. Аңа вандализм турында җинаять эше ачылган.

🔸Бурятиядә Монголия белән чиктә булган күпер җимерелгән. Русия белән элемтәсез ике район калган.

🔸 Башкортстанда "Урал батыр варислары» этнофестиваль уза. Белорецки районындагы чарада "Катай сылуы", "Катай батыры", "Катай көрәше", "Мәргән укчы" бәйгеләре уза.

🔸Чистай шәһәрен тәртипкә китерер өчен 20 млн сум акча кирәк. Бу сумма дәүләт сатып алуларда чыккан.

Әлегә шулар. Көнегез матур узсын!

📍 Кем ул Камала Һаррис? Көн язмасын тәкъдим итәбез.

Джо Байден сайлау алды узышыннан чыкканнан соң, аның урынына президент сайлавында Камала Һаррис катнашу ихтималы югары. АКШ вице-президенты Камала Һаррис эре фиркадән президент вазифасына тәкъдим ителгән беренче төсле (ак тәнле булмаган) хатын-кыз була ала.

Һаррис намзәте АКШ президенты өчен көрәшне төптән үзгәртәчәк. Соңгы айларда ул Байден белән Дональд Трамп арасында реванш уены буларак кабул ителде. Алар 2020 елда Ак йорт өчен инде көрәшкән иделәр. Һаррисның сайлауда катнашуы көрәшнең алгы сызыгына намзәтләрнең сәламәтлеге түгел, сәясәтне һәм башкарган гамәлләр турында бәхәсне кайтара ала.

Нинди гаиләдән ул?

Аның әнисе, Шьямала Гопалан – биолог, ул Кушма Штатларга Берклидагы Калифорния университетында белем алу өчен күчеп киткән. Әтисе, Дональд Һаррис, Калифорниягә Берклида икътисадны өйрәнү өчен 1961 елда күченгән.

Һаррисның әти-әнисе Берклида сивил хокуклар өчен көрәшчеләр буларак таныша. Кечкенә чакта Һаррисны Калифорниянең ак районындагы мәктәпкә йөртә, ата-анасы аерылгач, ул әнисе һәм апасы белән Монреальгә күченә.

Белеме нинди?

Һаррис АКШка Һовард университетында (Вашингтон) укыр өчен кайта, сәясәт белеме һәм икътисад өлкәсендә дәрәҗә ала. 1989 елда ул Калифорния университетының юридик факультетны тәмамлый. Калифорниянең юридик даирәсендә ул бик тиз таныла, ахыр чиктә ул 2003 елда үз җитәкчесен җиңеп, Сан-Франциско прокуроры була.

Ул җиңә аламы?

Һаррисның җенесе һәм этник чыгышы аның 2024 елгы сайлауда шансларына ничек тәэсир итәчәге әлегә аңлашылмый. Кайбер американнар хатын-кыз президентка әзер түгел дип әйтелсә дә, Һаррис потенциаль рәвештә Демократик фиркадән күңеле кайткан кара тәнле сайлаучыларның бер өлешен кире Яуларга мөмкин.

Тагын кызыклы фактлар 👉 безнең сайтта.

Парижда Олимпия уеннары 26 июльдән 11 августка кадәр үтә. Ләкин анда барысы да эләгә алмаячак.

400 меңләп кешене Уеннарга үткәрмәгәннәр. Бу кешеләрне радикаль хәрәкәтләр белән элемтәләрдә, дәүләт иминлегенә куркыныч тудыруда, кискен уңчы яки кискен сулчы оешмаларның вәкилләре булуда шикләнгәннәр.

Париж йөзләгән чит ил кешесен — журналистларны, физиотерапевтларны һәм техник эшчеләрне кертмәячәк. Кара исемлеккә Русия һәм Беларус ватандашлары, шулай ук башка илләрнең вәкилләре кергән. Париж алар арасында шымчылар була ала дип шикләнә.

Шул ук вакытта ул Уеннарга Халыкара олимпия комитетында (ХОК) эшләүче русияләр кертелгән.

Җәйге Олимпиада хакында тулырак 👉 монда бар.

@azatliqradiosi

Фәлсәфәче Александр Дугин КВНы тыярга кирәк дип саный

Ул уенны әхлакый нормаларга сыймый дип саный. Бу уенда Владимир Зеленский канташты, хөкемдарлар арасында Максим Галкин утырды, ди ул.

Дугин фикеренчә, Русиядә бары тик әхлакый күңел ачу чаралары булырга тиеш. Мәсәлән, әйлән-бәйлән йөртү, туган як буйлап сәяхәтләр итү.

"Иң яхшысы - изге урыннарны зыярәт итү. Калганын тыярга. Сәламәт халыкның сәламәт ял итү мөмкинлеге булырга тиеш. Ә менә болар түгел", дигән фәлсәфәче.

Ничек сезгә бу тәкъдим? КВНны караучылар калдымы әле монда?

Бүген язучы, публицист Гаяз Исхакыйны искә алу көне.

70 ел элек ул нәкъ шушы көнне - 22 июлендә Әнкарада 76 яшендә вафат була. 1954 елда аның соңгы туе уздырыла. Кызыклы факт. Төркиядә кеше кайда үлә, шунда җирләнәргә тиеш. Шундый канун. Әмма Гаяз Исхакыйны Истанбулга алып килеп җирлиләр. Төркиядә 15 елын кичергән язучыга искәрмә чыгарыла.

Исхакый туган җирендә җирләнүе турында хыялланган булса да кабере солтан илендә. Кабере Истанбулның Әдернәкапы зиратында урнашкан.

Гаяз Исхакый үлеменә мөселман буларак алдан әзерләнә, кызы Сәгадәткә васыятнамә дә язып калдыра. Вафат булгананнан соң кемгә хәбәр итүенән башлап үзеннән калган мирасын кемгә ничек бирәсенә кадәр җентекле итеп яза.

▪️Мөһаҗирлеккә дучар булган Исхакый бәхетле булганмы? Бу хакта монда аңлатыла.

▪️ 2013 елда Германиянең Һумбольд университеты каршындагы тавыш архивында Гаяз Исхакыйның тавышы яздырылган дүрт минутлык аудиозма табылган иде.

▪️Монда "Зиндан" "Сөннәтче бабай" әсәрләрен тыңлап була.

Су астында калган татар авыллары, сез ни хәлдә?

Көн язмасын тәкъдим итәбез. Ул су казасы нәтиҗәләре турында.

Быелгы яз язгы ташулар белән истә калачак. Җәй уртасы булса да, Оренбур, Курган, Төмән, Омски һәм Русиянең башка төбәкләрендә су һәлакәте эчендә калучылар әлегәчә тормышларын рәткә китерү белән мәшгуль. Иртеш, Ишем, Сакмар кебек зур елгалар ташты, ә бу елгалар буенда сәйлән кебек татар авыллары тезелеп киткән. Су һәлакәтенә каршы татарлар күп очракта ялгыз калып, үзләрен, авылларын коткарды. Башка еллардан аермалы татар авылларыннан кешеләр эвакуацияләнде. Берничә сәгать эчендә кешеләр малларын, үзләрен коткарды.

— Ярдәм булачак дип вәгъдә иттеләр. Шәт, алдамаганнардыр, — ди авыл кешеләре. — Болай хакимияткә ышаныч әллә ни юк. Элек тә үзебезне үзебез кайгырттык, алга таба да шулай булачак. Безнең авыл үзебездән башка кемгә кирәк?

Каза күрүчеләрнең һәрберсенә 20 меңешәр сум акча биргәннәр. Алар ул акчаны "Ялап куярга ярап куйды" дип әйтә.

Орск, Карагай, Усть-Ишимларга күпме акча биргәннәр? Эвакуацияләргә дучар булган авылларны төзекләндерү өчен күпме вакыт китәчәк? Татарстаннан ярдәм барысына да җиткәнме?

👉 Төп сәхифә
👉 Көзге сәхифә

🔻Татар язучысы Мөхәммәд Мәһдиев әсәре нигезендә сериал төшерелә

Кеше китә – җыры кала" 20 сериядән торачак. Кино Татарстанның Питрәч районының Шәле һәм Әлбәдән авылларында төшерелә.

Фильмда – 100гә якын театр актеры, ә халык күп булган күренешләрдә 200гә якын кеше катнаша. Аның режиссёры – Александр Долматов.

Кайчан күреп булачак аны? 👉 Монда яздык.

▶️ Ә әлегә без бу үлмәс әсәрне искә төшерер өчен аның 👉 аудиозмасын тыңларга тәкъдим итәбез. Аны "Әйдә. Online" проекты әзерләгән иде.

Русиянең төрле төбәкләреннән 250ләп мәктәп укучысы Төньяк Кореягә ялга киткән

Алар "Сондовон" аланында ял итәчәк, дип хәбәр итә Приморье төбәге хөкүмәте.

Укучылар бу аланда 22 июльдән 2 августка кадәр булачак. Алар "ике илнең дуслыгын ныгыта торган чараларда катнашачак, җилкәннәр астында диңгезгә чыгачак, тхэквондо һәи рәсем ясау белән шөгыльләнәчәк", диелә хәбәрдә. "Корея көне", "Русия көне", "Дуслык киче", "Сәләтле балалар сәхнәсе" дигән чаралар ниятләнә.

▪️Күптән түгел Русия президенты Владимир Путин Пһеньянга барган иде. Шуннан соң хакимият тарафлы "Беренчеләр хәрәкәте" Төньяк Кореядәге балалар аланында Русия үсмерләренә җәйге ял оештыру турында игълан итте.

▪️ "Беренчеләр хәрәкәте" сайтыннан күренгәнчә, балаларның Төньяк Кореяга сәфәрен дәүләт түләргә әзер.

Татарстан һәм Башкортстан балалары Төньяк Кореягә барамы ? Бу хакта 👉монда.

⚡️ Азатлык радиосы журналисты Алсу Кормашева җомга узган яшерен мәхкәмәдә 6,5 ел колониягә хөкем ителгән

Татарстан Югары мәхкәмәсе аны "хәрби фейклар" таратуда гаепле тапкан. Бу хакта мәхкәмә сүзчесе Наталья Лосевага сылтанып, Associated Press хәбәр итә.

Элегрәк Югары мәхкәмә матбугат хезмәтендә "Медиазона"га утырышларның ябык килеш алып барылачагын хәбәр иттеләр. Associated Press язуынча, мәхкәмә карары узган җомга игълан ителгән.

Тулырак 👉 монда укыгыз.

📍 Русиядә чит ил ватандашлары белән хезмәттәшлек итү турында кимендә 40 җинаять эше ачылган

Иң еш кешеләрне Украина ягында сугышучы "Русия азатлыгы" легионы яки Украина белән белән "элемтәләр" өчен гаеплиләр.

Чит дәүләтләр белән "элемтәләр" өчен өч җинаять эше ачылган: Польша, Латвия, Британия белән элемтәләр өчен берешәр эш.

Тулырак 👉 монда укыгыз.

🚫 Русия Думасына урысча белмәгән чит ил ватандашларын депортацияләү турында канун өлгесе кертелгән

Мондый канун өлгесен Думага бүген ЛДПР фракциясе кертә. "Безгә бары тик телебезне һәм илебез тарихын өйрәнгән белгечләр генә килергә тиеш", ди фирка башлыгы Слуцкий.

Ул Русиягә "бары тик талантлы һәм икътисадка файдалы" чит ил эшчеләрен генә кертергә кирәк дип саный.

Мәскәү янындагы "Крокус Сити Холл"да теракт булганнан соң Русиядә мигрантларга басым һәм аларга карата тискәре риторика арткан.

Бу хакта 👉 безнең хәбәрдә укый аласыз.

Янган өйне төзекләндерү өчен — Украинадагы сугышка

Татарстанның Минзәлә шәһәреннән 19 яшьлек Илья "җиңүгә үз өлешен кертү һәм гаиләсенең матди хәлен яхшырту өчен" контракт төзеп Украинадагы сугышка киткән.

Бер ай элек аның гаиләсенең йорты, ишегалды корылмалары, мунчалары янып беткән.

— Контракт белән хезмәт итәргә карар кылуымның бер сәбәбе – йортны торгызуда әти-әниемә ничек булса да ярдәм итү. Әнием башта каршы төшкән иде, әмма соңрак бу карар белән килеште, — дип сөйләгән Илья.

Республикада яшәүчеләрнең "җиңел генә баеп кайтуга" өметләнеп, "ихтыяри" батальоннарга керүләре турында Азатлык моңарчы да язган иде.

Илья турында тулырак 👉 монда укыгыз.

Татмедиа фотосы.