Татарстанда балалардан җыелган акчага Украинадагы сугышка җибәрү өчен УАЗ машинасын сатып алганнар

Татарстанның Биектау районы мәктәпләре ярминкә вакытында кергән акчаларына УАЗ машинасы сатып алган. Бу хакта үзенең Telegram-каналында район башлыгы Равил Хисаметдинов хисап биргән. Моңа "НеМосква" каналы игътибар иткән.

Район башлыгы машинаның ачкычын хәрбиләргә тапшырган.

"Машина безнең сугышчыларга зур файда китерер дип өметләнәбез", дип язган ул.

Биектау район газеты бу районның сугышка җибәргән 23нче машинасы булды дип искәртә.

▪️Февральдән башлап мәктәпләрдә "Үзебезнекеләрне ташламыйбыз" дигән ярминкәләр үтте, балаларга пешкән әйберләр, кул эшләнмәләре, тозланмалар, кайнатмалар алып килергә кушылды. Мондый ярминкәләрне балалар бакчаларында да оештырдылар. Балалар һәм аларның әти-әниләре хисабына күпме акча җыюлары әйтелми.

📷 Фото: Равил Хисаметдинов телеграм каналы

#Татарстан
@azatliqradiosi

Көн язмасы: Татар телен гаиләдә өйрәнергә өндәгән һәм Татарстанга азатлык теләгән 63 яшьлек ханымга 80 мең сум штраф салганнар

Азнакай районы мәхкәмәсе Тамытык авылында яшәүче Рүзилә Шәрәфетдинованы Telegram каналда калдырган аудио язмасы өчен 80 мең сумга штрафка тартты.

Бер эксперт-лингвист ясаган нәтиҗәләргә таянып аны Татарстанны Русиядән аерырга һәм "урыс, россиян һәм русия хакимиятенә" каршы торырга чакыруда гаепле дип таптылар.

Бу хакта Азатлыкка җәмәгать эшлеклесе, активист, "Яңарыш Татар Халык Партиясе" дип аталган хәрәкәт җитәкчесе Иршат Хәбиб хәбәр итте.

Азатлык әлеге аудиоязмаларны тыңлап чыкты, Шәрәфетдинованы нинди фикерләр өчен хөкем итүләрен өйрәнде.

▪️Рүзилә Шәрәфетдинова — Азнакай районы Тамытык авылында яши. Элек сәүдә өлкәсендә эшләгән. Соңгы елларда урын өстендә ятучы 92 яшьлек әнисен карый, 12 мең сум пенсиягә яши. 90нчы елларда Чаллы милли хәрәкәтендә катнашкан. 2017 елда Татарстанда татар телен укыту ихтыярига күчерелгәннән соң телне сакларга өндәп урам җыеннарына чыккан.

👉 Язманы Азатлыкта укыгыз. VPNсыз монда укып була.

#Татарстан
@azatliqradiosi

Путин инаугурациясе алдыннан Русия хакимиятләре Мәскәүдә иминлек чараларын көчәйтә

7 май алдыннан күреләсе махсус чаралар турында "ВЧК-ОГПУ" Telegram-каналына хәбәрдар чыганаклары сөйләгән.

🔹 Мәскәүгә һава һөҗүменә каршы өстәмә системнар китерәчәкләр, ә шәһәр үзәгендә пилотсыз очкычларны бастыру өчен куәтле радиоэлектрон көрәш чаралары куелачак.

🔹 Кешеләр күпләп җыеласы урыннарга, машина юлларына якын булган бөтен торак йортларны да полиция тикшереп чыгачак.

🔹 "Вагнер" хосусый хәрби ширкәтенең элемтәдә калган бөтен сугышчыларына 7 май көнне өйдән чыкмаска кушылган. Аларга җәмәгать урыннарына чыгу, зур төркемнәр белән йөрү, камуфляж, шеврон һәм бүләкләрен тагып күзгә күренү тыелган.

Узган атнада Европарламент Путинны легитим президент итеп танудан баш тартты. Кабул ителгән резолюция текстында Русиядә узган сайлаулар "фарс" дип атала, ә Путин турында әйткәндә махсус рәвештә "президент" сүзен кулланмыйлар.

👉 Бу турыда тулырак Азатлыкта укыгыз. VPNсыз монда укып була.

@azatliqradiosi

"Бердәм Русия" депутаты эшләмәүчеләрне "кортлар" дип атап русияләр өчен "хезмәт лагерьларын" торгызырга чакырды

Томски Канун чыгару думасы депутаты Екатерина Собканюк эшләмәүче русияләрне "безнең тәндәге кортлар" дип атады һәм алар өчен хезмәт лагерьлары булдырырга тәкъдим итте. "Болар булган бит инде" ди ул һәм эшләргә теләмәүче "кешеләр нык күп" дип аңлата. Собканюкның чыгышыннан өзекне NGS.RU басмасы чыгарды.

"Төзелештә бетончылар, эретеп ябыштыручылар, арматурчылар, электрчылар юк. Аеруча бетонны җылытып торырга кыш көне кешеләр җитми. Ә бездә кыш алты ай дәвам итә. Ниндидер хәлиткеч чаралар кабул итәргә кирәк: безгә кешеләр җитми. Иртәгә тагын да күбрәк җитмәячәк", ди депутат.

▪️Соңгы вакытта Русия түрәләре "хезмәт лагерьлары" турында даими телгә ала башлады. Совет чорында мондый хезмәт лагерьлары совет хакимиятенең төп сәяси репрессияләр коралы һәм бушка эшләүче эшчеләр чыганагы булган.

"Хезмәт лагерьларын" кайтарырга чакырган башка тәкъдимнәр турында Азатлыкта укыгыз. VPNсыз монда укып була.

@azatliqradiosi

Казанның иске татар зиратында олугъ шәхесләр каберләренә QR-кодлар куела башлады

Бүген Казанның Иске татар зиратында Остазларны искә алу көне үткән. Ислам динен кабул итүгә 1000 ел исемендәге Казан мәдрәсәсе бу чараны ел да 2 май үткәрә. Бу хакта Татарстан мөселманнары диния нәзарәте җиткерә.

Быелгы Остазлар көненең төп үзенчәлеге — каберләргә остазның исеме, әтисенең исеме язылган QR-кодлы такталар урнаштырылган. Барлыгы шундый 50ләп такта кую каралган.

Зиратка килгән кеше бу такта янына телефон камерасын якын китереп, шунда ук күренекле шәхесләрнең тормыш юлы һәм эшчәнлеге белән таныша ала диелә хәбәрдә.

👉Тулырак Азатлыкта укыгыз. Ачылмаса, монда басыгыз.

#Татарстан
@azatliqradiosi

БРИКС җыенына Габдулла Тукайның "Шүрәле" әкияте 15 телдә дөнья күрәчәк

Татарстан хөкүмәте БРИКС саммиты һәм спорт уеннарына 6 китап нәшер итәчәк. Моңа 3 млн 425 мең сум каралган.

Бу хакта республика премьер-министры Алексей Песошин имзасы куелган фәрманда әйтелә.

🔸Алар арасында Габдулла Тукайның "Шүрәле" әкияте бар. Ул 15 телдә дөнья күрәчәк. Моңа 694 мең сум каралган.

🔸Моннан тыш өч телдә — татарча, урысча һәм инглизчә "Татар халык әкиятләре" бастырылачак. Басмага 939 мең сум каралган.

🔸Тарихчы археолог Равил Фәхретдиновның "Татар тарихы" китабы да өч телдә дөнья дөнья күрәчәк.

🔸Шулай ук халыкара чарага "Татарча-урысча-инглизчә сөйләүлек" әзерләнәчәк.

2024 елда Татарстан хөкүмәте китаплар бастыру өчен җәмгысе 62 млн 738 мең сум бүлеп биргән. Барлыгы 76 китап бастыру каралган.

Алар арасында тагын нинди китаплар бар? Азатлык сайтында укыгыз. Ачылмаса, монда басыгыз.

#Татарстан
@azatliqradiosi

Хәерле җомга иртәләре булсын! Азатлык сезне иртәнге хәбәрләр белән таныштыра.

🔸Лондон Украина сугышта Британия коралын Русия территориясендә куллануга каршы түгел. Бу хакта Reuters-ка Британиянең чит илләр минитры Дэвид Кэмэрон белдергән. Британия Украинага ел саен 3 млрд фут стреллинг акча күләмендә ярдәм итәчәген белдерде.

🔸Raiffeisen Bank Русиядә бизнесы киметергә җыена. Банк кредит бирү хезмәтен Русиядә туктата. Raiffeisen Bank сугыш башлану белән Русиядә эшләмәячәген бер белдергән иде, әмма эшләп калды, ул элегә чит илләр белән эшләүче сирәк банкларның берсе булып кала. Чит илләргә киткән кешеләр аның аша сату, алу, акча күчерү эшләрен башкарды.

🔸"Газпром" 24 ел эчендә беренче тапкыр еллык чыгымнары турында хисап тотты. 2023 ел эчендә 629 млрд сум акча югалтылган. Сәбәбе - Европага сатылган газ күләме кимүе. "Газпром" өчен иң керемсез ел 1999 ел булган.

🔸2022 елда Кырым күперен шартлату өчен каты ракет ягулык кулланылган. Ул йөк машинасының кузовында яткан полиэтилен рулоннары арасына яшерелгән. 10 тонн тротил дәрәҗәсендә шартлау булган. Аны GPS-навигатор ярдәмендә шартлатканнар. Болар барысы да экспертиза нәтиҗәләре. Аның хакта "Коммерсант" яза.

🔸Анатолий Чубайс Изриалдә Тель-Авив университетында Русияне тикшерү институтын оештырган. Бу Русияне яңа тарихын өйрәнеп, элеккеге хаталар ны кабатламаска кирәкле дигән журналист Алексей Венедиктовка. Анатолий Чубайс "Роснано" җитәкчесе иде, Русия Украинага басып кергәч, ул Русиядән китте.

🔸Кичә Камал театрында "Тукай Казана кайткан" спектакленең премьерасы узды. Бу ике ел элек Тукай премияләрен тапшырган вакытта М. Җәлил исемендәге татар дәүләт опера һәм балет театрында күрсәтелгән тамашаның яңартылган версиясе. Ул вакытта Татарстан парламенты депутатлары "Тукай мондый булмый" дип шау-шу куптарган иде, тамашаны тәнкыйтьләгән иде. Премьра бүген дә дәвам итәчәк һәм тагын 26 июнь күрсәтеләчәк. Аның режиссеры - Айдар Җәббәров, пьеса авторы - шагыйрә, сценарийчы Резеда Гобәева.

🔸Ел башыннан Башкортстанда янгыннарда 7 бала һәлак булган. Янгыннар Мишкә, Белорет, Бишбүләк, Дуван районнарында булган. Балалар һәлак булган фаҗигалар хосусый йортларда чыккан.

🔸Бу атнада Русиядә соңгы эш көне. Кичә ял ителде. Ә Азатлык көн саен эшли. Ничек кенә булмасын безне укыгыз, безнең хакта башкаларга да сөйләгез.

Карьера буенча ничек үсәсе?

Башкорт активисты Фаил Алсыновка хөкем карары чыгарган хөкемдар Элина Таһирова югарырак урынга күчерелә ала. Һәрхәлдә яңа эш урынына ул гариза язган, аңа уңай җавап килгән. Бу хакта "Аспекты" яза.

Ничек башкарылган бу эш? Башкорт активистына хөкем чыгарган һәм "Башкорт" оешмасын экстремистик дип таныган хөкемдар моннан соң кайда эшлиячәк?

👉 Моннан укыйсы. Ачылмаса, 👉 монда басыгыз.

Төркия Израил белән сәүдә итү эшен туктатты

Сәбәбе - Газзә сызыгындагы вазгыять. Төркиянең сәүдә министрлыгы аңлатуынча, чикләүләр тынычлык урнашканчы һәм Газзәгә һуманитар ярдәм кертергә рәхсәт ителгәнче дәвам итәчәк.

Израил җавап итеп Әнкараны сәүдә килешүләрен бозуда гаепләде. Израилнең тышкы эшләр министры Исраэль Кац Төркиянең диңгез портларында Израилдән килгән һәм Израилгә китәргә тиешле көймәләргә хәрәкәт итәргә бирелми диде.

Bloomberg мәгълүматларына күрә, Төркия белән Израил арасындагы иң керемле сәүдә ул тимер һәм корыч сатуга бәйле.

🔺Telegram-да фикер калдырган иргә 30 мең сум штраф салынган. Бу хәл Казанда булып ята

Казанның Яңа Савин районы мәхкәмәсе Павел Садивскийны гаскәрне "кимсетү"дә гаепле дип тапкан һәм аңа 30 мең сум штраф салган. 8 апрельдә чыккан бу хөкем карарын мәхкәмәнең эш кәгазьләреннән "Idel.Реалии" тапкан.

Административ эш материалларыннан күренгәнчә, Павел Садивский "Быть Или" дигән Telegram-канал чатында берничә фикер калдырган, ул анда Украина белән Фәләстиндәге хәрби хәрәкәтләр турында фикер йөртә.

"Фәләстиннәр белән украиннарны чагыштырасың. Украиннар тынычта яши иде, тик безнең бөек алга алып баручыбыз Путин килеп бу үзенең җирләре булуын әйтте. Ягъни 100 ел элек булган вакыйга өчен бугазларны хәзер кисәргә, хәзер көчләргә кирәк мени?", дигән ул.

Мәхкәмә фикеренчә, Павел Садивский Русия кораллы көчләре абруен какшаткан һәм "дискредитацияләгән". Мәхкәмәдә ул үз гаебен таныган һәм шәхси карашларымны белдердем дигән.

Бу ир тагын ниләр язган? 👉 Моннан укыгыз. Ачылмаса, 👉 бу сылтамага басыгыз.

🥶 Алга таба көннәр салкынайтачак…

Казанда салкыннар аркасында мәктәпләргә, бакчаларга һәм хастаханәләргә яңадан җылылык бирәчәкләр. Ә башта 20 апрельдә, көннәр кызу тора башлагач җылыны өзгәннәр иде.

Казанда җылылыкны былтыр 5 октябрьдә бирә башлаганнар иде, 20 апрельдә төгәлләнде. Җылыту чоры 198 көн дәвам итте, алдагы ел белән чагыштырганда 12 көнгә иртәрәк бетте. Казан мэры Илсур Метшин урамда 15 градус җылы булганда шәһәрне җылытып тору "артык кыйммәткә төшә", ә май аендагы суыкларга "ничек тә түзәрбез әле" дигән иде.

"Татарстан гидрометеорология үзәге һава торышы начараячагын кисәтә. Якын көннәрдә температура нульгә кадәр төшәчәк. Киләсе атна башында да салкын булачак", дип яздык монда. Ачылмаган очракта монда басыгыз.

📍Русия матбугат иреге ягыннан 180 ил арасында 162нче урында тора

Бер ел эчендә матбугат иреге рейтингында Русия ике урынга югарырак күтәрелгән һәм хәзер 180 ил арасында 162нче урынга чыккан. Бу "Чикләрне танымаучы репортёрлар"ның яңа хисабында әйтелә.

"Русия дәүләте бәйсез журналистикага Тәре яуларын дәвам итә", дип яза "Чикләүләрне танымаучы репортёрлар". Русия Украинага каршы сугыш башлаганнан соң мең ярымнан артык журналист Русиядән китәргә мәҗбүр булган. Медиа белән аларда эшләүчеләр хакимиятләрдән "ят агент" һәм "теләнмәгән оешма" тамгалары ала. Журналистиканы ирегеннән мәхрүм итү дәвам итә, диелә хисапта.

Башкаларда хәлләр ничегрәк?

Беларуста журналистларны экстремизмга каршы көрәш дип эзәрлеклиләр, бу ил рейтингта 167нче урында тора.

"Ят агентлар" турындагы канун кабул иткән Кыргызстан 120нче урында. Грузиядә дә шундый ук канун кабул ителә, ул бер ел эчендә 26 урынга төшеп 103нче урынга чыккан.

Украинада вазгыять яхшырган: ил 18 урынга күтәрелеп, 61нче урынга чыккан. "Чикләрне танымаучы репортёрлар" моны "сюрприз" дип атый. Алар искәртүенчә, сугыш бара торган Украинада журналистларны азрак үтерә башлаганнар, ә сәясәт журналистикага тыкшынуын киметкән. Әрмәнстан да алты урынга югарырак күтәрелгән.

👉 Хәбәр ачылмаса, бу 👉 сылтамадан файдаланыгыз.

Казан йортлары ишекләренә дроннар һөҗүме турында кисәтүче плакатлар эләләр

А4 форматлы плакатларда пилотсыз очкычлар һөҗүм итә калса нишләргә кирәклеге өйрәтелгән. Шулай ук аларны һавада ничек күреп алырга икәне язылган.

Күптән түгел Казанда 626 күпкатлы йортның идән асларына яшеренү урыны дип язылган элмә такталар кагачаклары хәбәр ителгән иде.

▪️2 апрель иртәсендә Татарстанга — Русия Украинага каршы сугыш башлаганнан бирле беренче тапкыр — дроннар һөҗүм итте. Һөҗүмдә 14 кеше, шул исәптән ике үсмер яраланган иде. Дроннар һөҗүменнән соң, Татарстан президенты Рөстәм Миңнеханов республикадагы ашыгыч хезмәтләрне гадәттән тыш хәлләргә әзер торырга чакырды.

👉Тулырак Азатлыкта укыгыз. 👉Ачылмаса, монда басыгыз.

«Газпром» 25 ел эчендә беренче тапкыр зыянга эшләгән

2023 елда чиста зыян күләме 629 млрд сум булган. 2022 елда ширкәт 1,2 трлн сум табыш алган иде.

Хисаптан күренгәнчә, югалтулар «Газпром»ның газ өлешендә булган: 1,2 трлн сум. Нефть өлкәсе 765 млрд сум (2022 елдагыга +11%), электр энергетикасы – 50,8 млрд сум (минус 35%) керем китергән.

Газ сатудан алынган табыш күләме 2 тапкырга кимегән. Бөтен кимү чит илләргә сатуга карый: чит илгә сату кереме 2,6 тапкырга кимегән. Эчке базарга сату 14% арткан.

«Газпром»ның зыянга эшләвен «Ведомости» сораштырган экспертлар газны чит илгә сатуны киметү һәм ягулыкка экспорт бәясенең төшүе белән аңлата.

«Ингуш бәйсезлеге комитеты» (Ğalğay Kortamuqalen Komitet) Русиядә «теләнмәгән оешма» дип танылды.

Быел гыйнварда аны «ят агентлар» реестрына керткәннәр иде.

Комитет 7 гыйнварда Истанбулда бәйсез Ингушетия тарафдарлары җыеныннан соң оешты. Аңа ингуш милли активистлары, сәясәтчеләре һәм җәмәгатьчеләре керде.

Комитет максатлары – ингуш җәмгыятен азатлык һәм бәйсезлек идеясе тирәсендә берләштерү, мәдәни һәм дини үзтәңгәллекне саклау, бәйсез Ингуш дәүләте өчен нигез булдыру һ.б.

Украинадагы сугышта Татарстан белән Башкортстаннан кимендә 3560 кеше һәлак булган

Әле 30 апрель көнне генә кимендә 3535 кеше дип хәбәр иткән идек. Өч көндә исемлеккә тагын 25 кеше өстәлде, шул исәптән, Татарстаннан — 13 кеше, Башкортстаннан — 12 кеше.

Безнең хисапка күрә, Путин режимы башлаган сугышта Татарстаннан кимендә 1575 кеше, Башкортстаннан кимендә 1985 кеше үлгән.

Бу саннар тагы да зуррак була ала, хакимиятләр үлүчеләр турында тулы мәгълүматны яшерә.

Бүген 3 май, сугышның 800нче көне.

#сугышта_үлүчеләр

#Татарстан
#Башкортстан
@azatliqradiosi

Джо Байден Азатлык журналисты Алсу Кормашева җинаять эшен янә телгә алды

3 майда, Дөнья матбугат иреге көнендә АКШ Ак йорты президент Джо Байденның белдерүен чыгарды. Ул "2023 ел соңгы вакытларда журналистлар өчен иң күп үлемнәр китергән ел булды" дип белдерә һәм моның бер сәбәбе дип Газзә сызыгындагы сугышны атый. Анда бик күп журналистлар үтерелде, күпчелеге фәләстиннәр, диде ул.

— Моннан тыш, узган елда бөтен дөнья буйлап 30дан артык журналист төрмәләргә утыртылды - бу соңгы дистә елларда иң зур сан. Русиядә америка журналистлары Эван Гершкович һәм Алсу Кормашева Wall Street Journal һәм Азат Европа/Азатлык радиосында эшләүләре белән бәйле төрмәгә ябылды. Ә Остин Тайс инде 12 елга якын Сүриядә тотык итеп тотыла, — дип искә төшерде Байден.

Байден "бөтен дөньяда журналистларны канунсыз тоткарлаулар" — "матбугат иреген глобаль бастыруның" мисалы дип әйтте һәм якындагы атналарда "моңа чаралар күрергә" вәгъдә итте.

29 апрельдә Джо Байден Владимир Путинны Алсу Кормашева һәм Эван Гершковичны кичекмәстән азат итәргә чакырган иде.

👉Тулырак Азатлыкта укыгыз. 👉Ачылмаса, монда басыгыз.

Хәерле иртә хөрмәтле укучыларыбыз! Бүген 4 май, шимбә, әлеге сәгатькә булган кайбер хәбәрләрне барлыйк:

🔸Татарстан президенты Рөстәм Миңнхеанов эш сәфәре белән Африкадагы Гамбия республикасына килде. Ул анда Ислам хезмәттәшлеге оешмасы әгъзаларының XV саммитында Русия делегациясен җитәкли.

🔸Казанда быел 9 майда Җиңү көне салюты булмаячак. Бу иминлек саклау белән бәйле диелә. Парад булачак.

🔸Русия һәм Украина саклану министрлыклары бер-берсен төнге һөҗүмнәрдә гаепләде. Харьковта дрон һөҗүме нәтиҗәсендә 4 кеше яраланган диелә. Аннексияләнгән Кырымда ракетка каршы тору системы 4 ATACMS ракетын бәреп төшерде дип белдерелә.

🔸АКШта криптобиржа аша акча юууда гаепләнгән русияле Александр Винник гаебен таныган һәм прокуратура белән килешү төзегән. Бу хакта адвокат Аркадий Бух хәбәр итте.

🔸Русия шикәр экспортын вакытлыча тыйган.

"Алабуга" икътисади зонасы инженеры 2,5 млн сум ришвәт алуда гаепләнә

Чаллы мәхкәмәсе 32 яшьлек Самир Мостафаевны ике айга сак астына алган. "Алабуга" икътисади зонасының капиталь төзелеш идарәсе өлкән инженеры зур күләмдә ришвәт алуда гаепләнә.

Тикшерү мәгълүматынча, ул "Алабуга"да бер сәнәгать объекты буенча башкарылган эшләр турында акт имзалау өчен подряд оешмасыннан 2,5 млн сум алган. Аңа 12 елга кадәр төрмә яный.

▪️"Алабуга"да төрле сәнәгать оешмалары урнашкан, шул исәптән анда Украинадагы сугышта кулланыучы дроннар җитештерәләр. 2 апрельдә аның җирлегенә пилотсыз очкыч килеп төште. 14 кеше яраланды.

Мәктәп укучылары һәм цензура. Русиядә әдәбият дәресләре нинди булачак

Яңа уку елында Русиядә мәктәп укучылары урыс әдәбиятын яңартылган програм нигезендә укый башлаячак. Русия мәгариф министрлыгы фәрманында бу "геосәяси вазгыять үзгәрү сәбәпле" дип аңлатыла.

Өлкән сыйныфларда уку мәҗбүри булган әсәрләр исемлегеннән репрессияләр турындагы китаплар юкка чыккан. Мәсәлән, 10 һәм 11 сыйныфлар Варлам Шаламовның "Колым хикәяләрен", Георгий Владимовның "Тугры Руслан" әсәрләрен, Оруэлл белән Хакслиның антиутопия романнарын укымаячак.

Аның каравы митрополит Тихон Шевкуновның (аны "Путин рухание" дип йөртәләр) "Империянең үлеме. Русия сабагы" әсәрен өйрәнү киңәш ителгән.

"Русиядә цензура һәм үзцензура күптәннән бар. Хакимиятләр цензураны 2000нче еллар башында кертте дияргә дә була. Ә үзцензура аңа кадәр дә бар иде. Чикләүләр матбугат чараларыннан башланды, ә хәзер моны бөтен җирдә күрәбез. Китап кибетләрендә дә, түрәләрнең эшчәнлегендә дә, социаль челтәрләрдә дә. Шуңа күрә цензура тыюларының нәтиҗәләре, хәтта хәзерге сәяси вазгыять үзгәрсә дә, бик озак барачак әле дип борчылырга кирәк", ди тарихчы һәм мәдәният социологы Илья Кукулин.

Мәкаләне тулырак Азатлыкта укыгыз:

👉Төп сайтта.
👉Көзге сылтама.

Казан чүп яндыру заводына җиһазны Кытай корпорациясе җитештереп бирәчәк

"РТ-Инвест" ширкәте Казан янындагы чүп яндыру заводына җиһазлар җитештерү өчен Кытайның Chongqing Sanfeng Covanta Environmental Industry Co., LTD. корпорациясе белән килешү имзалаган.

"Төп җиһаз Кытай ширкәте заводында җитештереләчәк, бу ширкәт дөньяда һәм Кытайда 250дән артык проектны уңышлы тормышка ашырган инде", дигән "РТ-Инвест" баш мөдире Андрей Шипелов.

▪️Казан янында чүп яндыру заводы 2020 елда төзелә башлады. Проект нигезендә, корылма Hitachi Zosen Inova — Швейцария һәм Япония консорциумы җиһазы нигезендә эшләргә тиеш иде.

2022 елда Русия Украинага каршы сугыш башлаганнан соң санкцияләр сәбәпле Hitachi җиһазы Татарстанга китерелмәячәге билгеле булды. Заводны төзеп бетерү вакыты кичектерелде.

👉Тулырак Азатлыкта укыгыз. 👉Ачылмаса, монда басыгыз.