CENTCOM rəhbəri general Erik Kurilla İranın mümkün hücumu zamanı İsrailin cavabını koordinasiya etmək üçün sabah İsrailə səfər edəcək.

İranın Mehr agentliyi Müdafiə Nazirinə istinadən xəbər verir ki, Tehran üzərindən bütün uçuşlar yerli vaxtla 00:00 da təlim mqəsədilə dayandırılacaq - Reuters

Düzəliş:

Reutersin xəbəri Mehr tərəfindən yalanlandı

İsrail İranın diplomatik təmsilçiliyini yerlə bir edib, generallarını öldürüb sonra da “İran bizi vursa, cavab verəcəyik” deyib qurban roluna girməsi (Fələstindəki bu qədər vəhşilikdən sonra) həqiqətən də üzsüzlüyün ən gözəl misalıdır. Dünya düzəni, siyasəti təmiz pozulub və görünür ki yenidən qurulmağa ehtiyacı var.

İran rejiminin hadisələri nəzarətdən çıxaracaq tərzdə cavab verəcəyini düşünmürəm, ehtiyatlı olacaqlar. Amma itirməyə başladığı Qərb dəstəyini qazanmaq üçün qəsdən İranı küncə sıxışdıran İsraildən hər şey gözləmək olar.

Sionizmin gəldiyi son nöqtə

Gərginlik baş versə daha çox paylaşım edəcəyim üçün indidən bildirim ki, yuxarıda İsrailə münasibətim necədirsə, İrana da elədir, bilənlər bilir. Qeyd edim buraya.

İsrailə hücumun bu həftə sonu olacağı artıq əsas kəşfiyyat dairələrinə məlumdur deyəsən. Səyahət xəbərdarlıqları, təxliyyə məlumatları ard-arda gəlməkdə davam edir. Marko Rubio da hücumun qəti olduğu barədə az öncə yenidən məlumat verib.

İordaniya hava sahəsini bütün uçuşlara bağlayıb.

İsrail 1000 nəfərdən artlü bütün toplantıları bu gecədən ləğv edib.

Joe Biden təcili istirahətdən Ağ Evə qayıdıb.

İsrail XİN səfərlərini ləğv edib, təhlükəsizlik şurası təcili toplanır.


İsrail Səhiyyı Nazirliyi təcili yoxlanışlar və toplantılar keçirir.

İsrailin öz mənbələrinin verdiyi məlumata görə, Netanyahu bu həftəsonunu Qüdsdə amerikan milyarder Simon Falicin evində keçirib. Səbəb: Falicin malikanəsinin çox irəli səviyyədə təhlükəsiz bunkerinin olması. Oktyabrın əvvəlində Bibi yenə raketlər atılan zaman Falicin Qüdsdəki evində qalmışdı

İranın göndərdiyi PUA-lar çox güman ki, xeyli hissəsi İraq üzərində ABŞ qırıcıları tərəfindən zərərsizləşdiriləcək. Ehtimal edirəm ki gecəyə doğru da ballistik raket və qanadlı raketlərdən hücumlar olsun. Bunlara cavabın nə olacağı ancaq səhər saatlarında bilinəcək

İranın planı İsrail HHM-lərini kütləvi dronlarla məşğul etmək, sonra ballistik raketlərlə hücum etməkdir. Ən uyğunun görünən plan budur. Amma gərginlik o həddə artsa, İsrail də əks hücum edəcək, yəqin ki.

Qanadlı raketlər İsrailə doğru hərəkət edir. Videolar yayılmağa başlayır

Ballistik raketlər də İsrailə doğru hərəkət edir. Yaxın 1 saat ərzində zərbələri (və ya havada zərərsizləşdirmə) görə bilərik artıq

Əsas ilkin zərbənin Negev çölündəki aviabazaya endirələcəyi gözlənilir.

Ballistik raketlərlə bağlı çıxan xəbərlər qeyri-dəqiqdir kimi görünür, çünki bu vaxta kimi zərbələr və ya havada zərərsizləşmə olmalı idi

Maraqlı açıqlamadır

Bu günlər ərzində ABŞ maksimum çalışacaq ki, İsrail İrana cavab zərbəsi endirməsin və məsələ burada bitsin. Amma müharibənin böyüməsi üçün Netanyahu hər şeyi edər.

Düşünürəm ki, ABŞ prosesi nəzarətdə saxlaya biləcək

Gecə boyunca İranın göndərdiyi dronlar, qanadlı raketlər və atdığı ballistik raketlər demək olar hamısı zərərsizləşdirildi ABŞ və İsrail tərəfindən. Bəzi hərbi infrastruktura minimal zərər dəydi hədəfə çatan ballistik raketlərdən.

İranın və ABŞ-ın da hədəfi bu idi - İran öz gücünü göstərmək və cavab verə bilmək üçün nəzarət edilə bilən hücum təşkil etsin. Bundan sonrası Netanyahunun müharibə iştahından asılıdır

Bir də həmişəki kimi bizim mediada xeyli feyk xəbərlər tirajlanırdı axşam, məsələn, Azərbaycanın hava sahəsinə əlavə yüklənmənin olması və s. ilə bağlı.

Məs. haqqın.az

Bu insanların adi bir araşdırma qabiliyyəti yoxdur ki bir öncəki heçolmasa 2 günün eyni saatda olan datasına baxaraq görsün ki, həmin saatda qərbdən Asiyaya çıxan uçuşlar bu dəhlizdən keçir və həmişə gecə yarısı sıxlıq olur.

Peskov sülhməramlıların Azərbaycandan çıxdığını təsdiqləyib.
Maraqlı gedişatdır.


https://m.gazeta.ru/army/news/2024/04/17/22808684.shtml?fbclid=IwZXh0bgNhZW0BMQABHcmO-TRPs6zG5t5NFpx2851BJk1cYZwpFnpb2gXR1-_ALTLmrzMwNrQ-eQ_aem_ATvwZdLkZytNuBLXstp9E1P1rqkjXgDGU8zxATKRfohQskWgp3fb2IsAq0UzLgmYURM

Xatırlayanlar bilər ki, hələ ilk gündən mən Xankəndinin qayıdacağını, Rusiyanın da buranı tərk edəcəyini əminliklə demişəm. Düşündüyüm kimi də oldu.

Lakin insanlar bir yerdə yanılır. Rusiyanın çıxmasına görə digərlərinə acıq verənləri və s. görürəm. Sanki Rusiya qeyd-şərtsiz sakitcə çıxıb gedir və biz tam azad oluruq.

Son iki ildə Ermənistanın Qərbi, Azərbaycanın da Rusiyanı və onun idarəetmə dəyərlərini seçməsinin qarşılığıdır bu gün olanlar.

Qərb ikiüzlüdürmü? Hə. Onların sözünə və vədlərinə inanmaq olarmı? Yox. Yenə də Rusiyanın müttəfiqi olmaqmı yaxşıdır? Əlbəttə ki, yox. Amma artıq seçim edilib.

Bundan sonra Ermənistanla sərhədi dəqiqləşdirib sülh bağlamasaq, yenidən Rusiyadan və bu dəfə əlavə olaraq Qərbdən asılı qalacağıq. Müharibə ritorikası bitirilib inkaşafa köklənməsək bundan sonra heç nə yaxşıya getməyəcək

İki nöqtəyə toxunum:

1) Bu qəzada hansısa kənar əl axtaranların arqumentləri gülməli görünür. 1994 istehsalı olan, ehtiyat hissələri olmayan, Visual Only - yəni, yalnız vizual görüş vasitəsilə uçan, müasir radarları və s. olmayan bir helikopterlə qatı duman şəraitində dağllq ərazidə uçmaq özü intihardır elə.

2) Akıncı dronunun üzərində olan, qalıqları aşkar edən optik kamera Kanada istehsalı Wescam-mx20 dir. Düzdür Türkiyənin öz istehsalı ASELFLIR də istifadə olunur amma bu səviyyəyə hələ gəlib çatmayıb.

3) Mənim ehtimalım budur ki (99% belədir), getdiyi yerdə önünü görmədiyi üçün təpənin üstünə çırpılıb sadəcə. Bu helikopterlərin hərəkət qabiliyyəti çox aşağıdır kəskin trayektoriya dəyişikliyi edə bilmir. Təpəni görüb reaksiya verənə kimi çırpılıblar.

Çinin Tayvanı tam mühasirəyə alaraq təlimlər keçirməsi, məncə, 3-4 ildir dediyim 2020-ci illərin sonlarında gözlənilən işğal əməliyyatının hazırlığıdır və bu planın reallığını bir qədər də artırır. Bunun üçün Çinə hələ bir neçə il də lazım olduğunu düşünürəm. Dəniz qüvvələrini bu sürətlə artırmağa davam etsələr istədiklərini səviyyəyə qısa müddətdə çatacaqlar. Hazırki geopolitik mənzərə də Çin üçün əlverişli hazırlıq mühiti yaradır.