İsraildə baş verənlər Yom Kippurdan sonra baş vermiş ən dəhşətli haldır. Bundan sonra Qəzza zolağının tamamilə İsrail tərəfindən ələ keçirilməməsi təəccüb doğurardı. İsrailin yekun reaksiyası yaxın saatlarda tam bilinəcək.

Dünən İsrailin İranı vurma ehtimalı barədə yazı yazıb yarım saxladım, bu gün bu hadisələr baş verdi. Deyəsən o gün də yaxınlaşır.
İndi baş verənlər İsrail kəşfiyyatının böyük uğursuzluğudur.

Eləbil oyundur

Belə biabırçı false-flag olmur. Özü də Yom Kippurun 50-ci il dönümündə. Mossad çox hazırlıqsız yaxalanıb

Hazırda Fələstinli qrupların sızdığı ərazilər

İsrail Qəzza zolağı ətrafını tam evakuasiya edir. Gecədən başlayaraq ordunu döyüş mövqelərinə yerləşdirir. Arxa planda isə tam mobilizasiya həyata keçirilir. Ordu start mövqeyini tam tutuqdan sonra hücuma keçiləcək. Amma şimal sərhədlərini də Hizbullah ilə döyüşə tam hazır vəziyyətə gətirməyə məcbur olduğu üçün iş bir qədər çətindir. Buna görə səfərbərliyi tez bir zamanda həyata keçirməyə çalışırlar. Yaxın günlərdə bölgəni çox böyük döyüşlər gözləyir…

Və budur, İsrail rəsmi olaraq müharibədədir. IDF artıq bütün addımları sərbəst ata bilər. Yaxın Şərq yenidən qan çanağına dönür.
Qarabağ məsələsi əl-ayağa dolaşmadan vaxtında həll edildi.

6 martdaki və daha öncəki fikirlərimin üzərində qalıram. İsrail-İran müharibəsinə kimi ölkəmiz tam problemlərdən təmizlənməlidir. Hətta o vaxt çatandan Zəngəzur məsələsi yenidən aktuallıq qazanacaq, özü də tarixi kontekstdə.

Amma unutmayın ki, dünən də gördüyümüz kimi, İsrail də ölümsüz və toxunulmaz deyil. İran isə çox güclüdür, deməyə ehtiyac yoxdur.

Ssenarini düşünün:

İsrail Qəzzanı bombardman edir (bu artıq başlayıb) minlərlə insan artıq ölür.

İsrail quru əməliyyatına başlayıb əlavə minlərlə insanı öldürür, özü də bir o qədər itirir.

Qonşu dövlətlərdən biri də artıq döyüşə qoşulur, regional müharibə başlayır.

İran da bir neçə ballistik raketlərlə zərbələr vurur və ABŞ İsrail üçün dəstək zərbələri başladır, və beləcə bütün Yaxın Şərq qan çanağına dönür. Azərbaycanın cənub sərhədlərindən isə amansız qaçqın dalğası riski yaranır.

Hadisələr inanılmaz şəkildə kontroldan çıxmaq həddindədir, təcili atəşkəs arzulamaqdan başqa düzgün şey yoxdur. “Fanatlıq” etməyin, nəylə qarşı qarşıya olduğumuzun fərqində deyilsiniz. İranda hansısa istənilən cür müharibə bir Azərbaycanlının istəyəcəyi ən ən ən son şey olmalıdır.
Ümid edirəm tezliklə dayanarlar. Türkiyənin də buna çalışacağından əminəm.

Dəqiq olan budur ki, yaxın müddətdə Qəzza tamamilə məhv ediləcək. Təhlükləli olan hadisələrin İordan çayının qərb sahilinə (West Bank - Qüds) keçməsidir.

ABŞ-ın Livanı tərk etmə çağırışı barədə olan xəbərlər feykdir. Hizbullahın hücumu barədə xəbərlər feykdir.
Ehtiyatlı olun dezinformasiyalardan.

Hələki, Hizbullah müharibəyə qoşulmaqda istəksiz kimi görünür. Günlər irəlilədikcə sözsüz ki vəziyyət dəyişə bilər.

İsrail isə Qəzza zolağında ABŞ-ın da tam açıq dəstəyi ilə soyqırım etməkdə qərarlı görünür. Hələki quru qoşunlarını komplektləşdirib səfərbərliklə qoşulanların logistik və təchizat işlərini həll edirlər.

Ümumi isə bunu deyim ki, İsrail bugünəqədərki görülməmiş bütün gücünü, potensialını ortaya qoyacaq və açıq rəsmi dillə deyirlər ki, dəqiqliyə çox fikir vermirik, əsas dağıtmağa baxırıq.
Amma unutmayın ki, necə ki, 7 oktaybrda minlərlə Həmas qüvvəsinin sərhədi keçib hücum etməsinə yuxuda yaxalandılarsa, eləcə də IDF qarşısıalınmaz güc deyil. 2006/2014 də bu açıq şəkildə görünüb.
Lakin bu dəfə çox aqresiv və qərarlı, qəzəbli və ABŞ tam arxalarında hərəkət edirlər. Tək Hizbullah qarışmasa, yəqin ki Qəzza tam işğal ediləcək. Hizbullah qarışsa, onsuzda, məsələ İsrail-Fələstin məsələsi olmaqdan çıxacaq və böyüyəcək, çox faktorlar yaranacaq

IDF dislokasiyanı yekunlaşdırıb. Əmr gözləyir. BMT-yə Qəzzanın şimalındaki 1.1 milyon əhalini 24 saat içərisində cənuba evakuasiya edilməsini xəbərdarlıq edib. BMT isə mümkünsüz olduğunu bildirib yalvarır ki qərarı ləğv etsinlər.
Bir Qarabağa baxın, bir bura…

IDF bu gün yerli saatla 10 və 4 arası bu yolları vurmayacağını və “canını sevən hərkəsin” (1 milyon insan) şimalı tərk etməsi barədə çağırış edib.

Politico xəbərinə indiki anda çox ciddi yanaşmıram.
Birincisi “tracking the possibility of …” ilə “beleives” ayrı şeylərdir. İkincisi, NYT və ya WP kimi mənbələrinə etibar etmirəm Politiconun bu mövzuda. 3-cüsü, Azərbaycanın bu an bunu edəcəyini düşünmürəm (gələcəkdə hər şey ol bilər). 4-cüsü ABŞ-daki həmin whistleblower lawmakerlərin hamısı full erməni lobbisinə işləyirlər, ona görə diskurs sadəcə onlara sərf edir.

Təəssüf ki, Azərbaycanın mövcud olmayan jurnalistikası Politico xəbərini erməni dəyirmanına su tökəcək şəkildə paylaşır.

“Azərbaycanın Ermənistanı yaxın həftələrdə işğal etmə ehtimalını yaxından izləyirik” düzgün tərcümə belədir

İddiaya görə, İran BMT vasitəsilə İsrailə Qəzzaya hücumu dayandırmaması halında müdaxilə edəcəyini bildirib.

-Walla nəşri

Uzun paylaşım etməyə əlim imkan vermir amma bunu deyim ki, burada da tərcümə boşluğu var.

İngilis dilində occupy bizdə işğal getsə də, əslində ərazini tutub saxlamaq nəzərdə tutulur. İsrailin etdiyi isə invasion olacaq, bizim dildə yenə də işğal çıxır. Girəcək, müharibə edəcək, təmizləyəcək, çıxacaq. (Bunları hara kimi bacaracaq o ayrı sualdır, mən biraz şübhə ilə yanaşıram).

İlk dəqiqədən etibarən ABŞ publik şəkildə İsrailə istədiyi hər şeyi, yenə deyirəm, hər şeyi etməyə tam yaşıl işıq yandırsa da (rəqiblərə publik olaraq həm də zəif görünməmək üçün), bağlı qapılar arxasında vəziyyəti sakitləşdirmək üçün aktiv iş aparır.
Çünki Ukraynada da gördülər ki, ictimai şəkildə sülhə-atəşkəsə çağırmaq sadəcə olaraq Rusiya, İran kimi qarşı tərəfin əlinə oynamaqdır.

Ümid edirəm boş histerikadır, lakin Hizbullahın döyüşə daxil olması ehtimalları barədə məlumatlar oxuyuram bir neçə saatdır. Mümkündür ki, önləyici zərbə kimi, Qəzzaya dəstək olaraq İsrailin qüvvələrini şimala çəkmək üçün hücum etsinlər müəyyən ölçüdə. İran XİN mesajları da buna işarə edir.