Xeyli şərhlərdə yazılır, birlikdə cavab verim:

Türkmənistana endiyi iddia edilən ABŞ hərbi təyyarələri ilə bağlı xəbərlər hamsı feykdir.

+ səfərə başlaması üçün də 2 həftəyə yaxın vaxt lazımdır, və bu 1 ay edir. 1 ay sonra isə həm Ramazan ayı dövrüdür həm də Novruz ərəfəsi.
1 aya yaxın gözləmə periodu var qarşımızda belə çıxır ki.

Trump bu prosesi çox pis idarə etdi. Nümayişçilərə kömək yoldadır deyib 30-40 min insanı qırdırmaq…

Bu qədər hazırlıq 3 günlük əməliyyay planlaşdırılmadığına işarədir.

Görək.

USS George H.W Bush əvəzinə, hazırda Karib dənizində aktiv olan dünyanın ən böyük təyyarədaşıyan gəmisi USS Gerald R. Ford dərhal Yaxın Şərqə yola düşmək üçün tapşırıq alıb və səfərə başlayıb.

Səfər təxminən 2 həftə çəkəcək. Lakin SOUTHCOM-un AOR (məsuliyyət ərazisi) az qala Kabo Verdeyə qədər uzanır və 10 günə yaxındır ki USS Forddan yeni bir xəbər yoxdur. Yəni ola bilər ki, o səfərə çoxdan başlayıb və 2 həftədən də az müddətə CENTCOM-a çatsın.

Bu gün ən azı 18 F-35A Lakenheath AB-dən Muwaffaq Salti AB-ə köçürülüb.

Bununla da Muwaffaq Saltidə hazırda 30 F-35A, 6 EA-18G, 24 F-15E və 12 A-10C yerləşdirilib.

CONUS-dan ilk AWACSlar Avropaya doğru hərəkətlənməyə başlayıblar.

Hazırda Elmendorf Air Force Base-dən (Alyaska) havalanan iki Boeing E-3B Sentry AWACS təyyarəsi Avropa istiqamətində uçuşununu davam etdirir.

AWACS təyyarələri dislokasiyaların son mərhələsinin başlandığını bildirir.

36-ya yaxın F-16 hazırda tanker təyyarələr vasitəsilə Yaxın Şərqə daşınır.

Görək F-22 köçürülmələri nə vaxt başlayacaq. Əsas siqnallardan biri o olacaq.

Və budur, Langley AFB-dən qalxan döyüş təyyarələrini Atlantik Okeanından keçirmək üçün tanker təyyarələri hərəkətə başlayıblar.

Langley F-22-lərə ev sahibliyi edir. Hazırda minimum 12 F-22 Avropaya doğru hərəkət edir.

Son 48 saat ərzində ABŞ hava qüvvələrinin Yaxın Şərqə göndərdiyi döyüş vasitələri:

18xF-35A
36xF16
12xF-22
2xE-3
18xF-15E

Operation Midnight Hammer zamanı F-22lər Yaxın Şərqə göndərildikdən 4 gün sonra əməliyyat başlamışdı. Normalda F-22 ABŞ-ın ən mürəkkəb və dəyərli döyüş təyyarələrindəndir (deyərdim F-35lərdən də çox).

F-22-lər 1-2 ay gözləmək üçün döyüş bölgələrinə göndərilmir. Buna görə də danışıqların uğurlu getməsi haqqında xəbərlər fonunda həm F-22 həm AWACSların bölgəyə göndərilməsi ziddiyət təşkil edir.

Hazırda həyata keçirilən köçürmələr ABŞ-ın Körfəz Müharibələrindən bu yana Yaxın Şərqə etdiyi ən böyük əməliyyatdır. Quru qoşunları komponentini çıxsaq bu intensivlikdə USAF hərəkəti olmayıb

Əlavə 4 ədəd E-3 Sentry AWACS təyyarələri ABŞ-dan Ramsteinə doğru yola düşdülər.

Gecə boyunca misli görünməmiş intensivlikdə ABŞ-dan Yaxın Şərqə döyüş təyyarələri və nəqliyyat təyyarələrinin daşınması davam edib. 20-dən çox tanker, bir o qədər nəqliyyat təyyarəsi və əlavə bir dənə də AWACS (ümumi say 7-ə çatdı).

Hazırda C-2A Greyhound təyyarəsindən Mərakeş sahillərində ADS-B siqnalları alınır.

Bu da o deməkdir ki, yaxın saatlarda USS Gerald R. Ford təyyarədaşıyan gəmisinin Cəbəllütariq boğazından keçdiyini görəcəyik.

0 saatı get gedə yaxınlaşır.

Son günlərdəki köçürmələrlə birlikdə ABŞ Yaxın Şərq üçün hazırda 100 tanker təyyarəsini bölgəyə yerləşdirib.

Əlavə olaraq 6 E-3 AWACS (demək olar ABŞ-ın əlində aktiv olan döyüşəyararlı bütün vasitələr) bölgəyə çatıblar və müvafiq bazalarda gözləyirlər.

CSAR (Combat Search and Rescue) qüvvələri də yavaş-yavaş İran ətrafına yerləşməyə başlayıb.

F-22, ardınca E3 indi isə CSAR-ların əraziyə gəlməsi ilə bütün indikatorlar artıq yerinə oturub. Bir qalıb USS Gerald R. Fordun bölgəyə daxil olması, lakin zərbələr ondan öncə də başlaya bilər.

Qeyd edim ki, bu dəfə standart olaraq həftəsonu olacaq gözləntim yoxdur. Çünki, 2-3 günlük əməliyyat olmayacaq.

İranın danışıqlarda təslim olmaması isə çox aydındır. “Şeytanla” gözlədikləri döyüş 40 il sonra axır ki, çatıb. Özlərinə güvəndikləri bəllidir

1 günlük fasilədən sonra USS Gerald R. Ford Cəbəllütariq boğazından keçərək Aralıq Dənizinə daxil olub.

2025-ci ildə Operation Midnight Hammer zamanı ABŞ cəmi 125 hərbi təyyarədən istifadə etmişdi.

Hazırda isə İran ətrafına 105 tanker, 20 kəşfiyyat, 130 döyüş təyyarəsi və təyyarədaşıyan gəmilərdə əlavə 130 döyüş təyyarəsi olmaqla 3 dəfədən daha artıq sayda hərbi güc toplanıb.

Bolqarıstanın Sofia Beynəlxalq Hava Limanına enən ABŞ-a məxsus tanker təyyarələri bir neçə gündür gözləyirlər.

Eyni zamanda Yunanıstanın Korfu hava limanında da ABŞ-a məxsus tanker təyyarələri və döyüş təyyarələri görüntülənib.

ABŞ fərqli-fərqli sivil hava limanlarına təyyarələri yığaraq dislokasiyanı bölüşdürüb.

Bu hava limanları sivil trafikə bağlandıqda artıq bu bir siqnal olacaq ki, döyüşə hazırlıq gedir və yolları boşaldırlar.