Bu paylaşımdan yalnız ciddi böhran, müharibə hazırlığı mənası çıxarmaq olar. Vəziyyət ciddidir. Yəqin ki, elə Çin üçün hazırlıqdır.

İranla bağlı çox qeyri-adi situasiya davam edir. Xeyr, qeyri-adi olan nümayişlərin ölçüsü və ya qarşıdurma deyil.

Qərb mediasının diqqəti bu dəfə qeyri-adidir. Sanki kordinasiyalı bir tapşırıq ilə önəmli sosial media hesabları və media orqanları nümayişləri qeyri-adi adlandırırlar (hansı ki əvvəlki illərdə bundan da qat-qat böyük etirazlar olub).

Görək İran İslam İnqilabını həqiqətən bu dəfə təhdid edə biləcəklərmi.

Məncə ABŞ/İsrail cütlüyünün tam qəti planı və hazırlığı artıq var. Ola bilsin sadəcə bu dəfə OPSECi çox güclü saxlaya bilirlər deyə mətbuata heç nə sızmır - əksinə, sızan məlumatlardan sanki ABŞ-ın hələ də hazır olmadığı, qərar vermədiyi və s təsəvvürü yaradılır.

ABŞ-ın İrana ciddi hücumu üçün regionda hazırda hansısa aləti yoxdur. Nə təyyarədaşıyan gəmi var (hansı ki bu regionda bir dənə belə təyyarədaşıyan gəminin olmaması nadir hallarda baş verir), nə də ciddi tanker təyyarəsi dislokasiyası olub.

Ola bilsin hərbi zərbədənsə, ABŞ/İsrail kəşfiyyat qurumları birbaşa kinetik əməliyyatlar keçirəcəklər rəhbərliyə qarşı. İsrailin bunda usta olduğunu çox yaxşı bilirik.

Lakin bu zərbələr elə qəfil və sarsıdıcı olmalıdır ki, hərbi qərarvermə zənciri pozulsun və İsrailə və ya ABŞ qüvvələrinə İran zərbə endirməyə macal tapmasın.

Həftəsonu yaxınlaşır, bu həftə də İranla nəsə etməsələr, sonra çətin. Yəqin ki sabaha doğru hərəkətlənmələr ola bilər. Həm də İranda cümə namazının necə keçəcəyinni müşahidə etmək istəyə bilərlər.

Evakuasiya uçuşları başlayıb 🧐

Ona görə çox aktiv nəsə paylaşmıram çünki ya qəsdən ya da həqiqətən təbii olaraq çox qeyri müəyyən danışırlar. İlk başdan da dediyim kimi, hansısa strateji plan görünmədiyi üçün nə edə biləcəklərini təxmin etmək də olmur.

Hava zərbələri - ehtimal azdır çünki mitinqə hava zərbəsi ilə necə dəstək verəsən? Hərbi rəhbərliyi öldürməklə? Sonra? Hələ onsuzda hava zərbələri üçün lazımi qüvvələr regionda yoxdur, bu da ayrı.

Tomahawk zərbələri- bu da onun kimi. Tomahawkla vurmaqla molla rejimi dəyişəsi deyil

Daha məntiqlisi kəşfiyyay əməliyyatları ilə kinetik zərbələrdir lakin hər keçən gün sürpriz elementi azaldığı üçün buna rejim daha hazırlıqlı olur. Bunun da sonu görünmür belə baxanda.

Bunlara görə də bir məntiqli variant gəlmir ağıla

Mənim hələ də inandığım fikri soruşsaz: məncə rejimi dəyişməyə çalışacaqlar. O və ya bu şəkildə. Sadəcə həddən artıq çətin görünür.

Qətərdən qalxan tankerlərlə eyni anda, Hawaiidən də hərbi təyyarələr hərəkətlənməyə başlayıb. Eyni zamanda ABŞ-da da tanker bazalarında hərəkətlilik var. Hansısa zərbə dəstəsi üçün havalanıb pozisiya alsalar yəqin ki bilməyəcəyik, lakin hazırlıqları müəyyən qədər anlamaq olur.

Başqa vaxt olsa deyərdim tramp fikir yayındırmağa çalışsa da bu çox bəlli olar və boşuna cəhddir. Amma neft qiymətlərindən belə görünür ki, sözləri ciddiyə alınıb. Yəni geri çəkildiyi qənaətinə gəlinib. Belədirsə onda fikir yayındırma məqsədinə çatmış olur, var idisə. Bu həftəsonu əməliyyat ehtimalı artır

sorry but not sorry :D

Düzdü indiki dövrdə hərbi hazırlığı filmlərdəki kimi tam gizli aparmaq mümkün deyil - lakin 1 ci gün ABŞ birjalarının bağlı olacağını nəzərə alsaq, bu gün və sabah əməliyyat üçün mümkün tarixlərdir.

Tramp kömək yoldadır deyib sonra geri addım atacaq adam deyil. Bu həftə olmasa amma yavaş yavaş olacaq dəqiq, hardasa 1 ay kimi bir müddətə yəqin ki (səhv çıxsam qınamayın 🙂) . Amma yalançı diplomatik krizislərlə, dalana dirənən danışıqlarla və s.

Yəqin ki, oxuyursunuz. Son 10-15 gündür Suriyada YPG-nin sonuna çıxırlar. ABŞ-da dəstəyini geri çəkib, və Türkiyənin kordinasiyası ilə Şaaranın ordusu bir-bir bütün PKK/YPG ərazilərini azad edir.

Lindsey Graham ağlaşma salıb Raqqanın alınmaması üçün Suriyaya təhdid yağdırır - deyəsən xəbəri yoxdur ki, Raqqa dünən azad olunub.

Vəziyyət, bax bu cürdür.

İran.

F-15 lərin yaxın şərqə yerləşdirilməsindən sonra (əsasən İsrailin müdafiəsi üçün), indi də tanker hərəkətləri başlayıb və mümkün hücum qrupları üçün tankerlər müvafiq bazalarda öz yerini tutmağa başlayıb.

Trumpın hələ 3 ildə hakimiyyətdə qalacağını, daha sonra da Rubio və ya Vance cütlüyündən birinin onu davam etdirəcəyini nəzərə alaraq, yeni yaradılan Board of Peace qurumunun BMT-ni əvəzləmək cəhdi olduğu görünür. Yəni buna adi bir proyekt kimi baxmaq məncə düzgün deyil - ilk başda Qəzza ilə bağlı bir proyekt olsa da, görünür Trump lideri ABŞ olan yeni dünya qütbünü artıq formalaşdırmağa başlayır - yəqin ki, Çinə qarşı.

İrana bu həftəsonu hücum olacağı ilə bağlı müəyyən siqnallar var. Böyük havayolları şirkətləri Yaxın Şərqə uçuşları ləğv edirlər.

Bu xəbəri paylaşandan sonra oxumuşdum ki, CENTCOM rəhbəri Brad Cooper sabah İsrailə gedəcək. Düşünürdüm ki, hücum gələn həftəyə qaldı. Amma bayaq xəbər yayıldı ki, Cooper hazırda İsraildə görüşlər keçirir. Təbii ki, bu, hələ qəti bir şey demək deyil. Lakin hazırlıqlar yekunlaşır. Abraham Lincoln təyyarədaşıyan gəmisi növbəti 48 saat ərzində regiona çatacaq.

F-15 və tanker daşımalarından sonra, indi də Hava Hücumundan Müdafiə vasitələri (Patriot və THAAD) regiona daşınmağa başlayıb.

Nüfuzlu qərb medialarında yayılan, İran hökumət mənbələrinə əsaslanan son hesabatlara görə 2 günlük (8-9 yanvar) etirazlar zamanı 35 mindən artıq insan öldürülüb.

İrana hücumla bağlı ABŞ da yaşanan qar fırtınasına görə daşımalarda müəyyən fasilə yaranmalı oldu həftəsonu. Amma bu gündən aktiv şəkildə son hazırlıqlar tam sürətlə davam edir.

Abraham Lincoln təyyarədaşıyan gəmisi də dünən etibarilə CENTCOM bölgəsinə daxil olaraq döyüş hazırlıqlarına başlayıb.

Görək bundan sonra nə olacaq.

Washington Postda İranda baş verənlərin Azərbaycana təsiri ilə bağlı paylaşılan məqalə Michael Doran tərəfindən paylaşılan adi köşə yazısıdır. Doran Bush administrasiyasında 20 il əvvəl 2 illik önəmli vəzifədə olub. Lakin hazırda o sadəcə radikal İsrail tərəfdarı, qatı İran düşməni, və məncə bu kontekstdə Azərbaycan üçün lobbiçilik etdiyi kifayət qədər aydın olan bir ictimai fiqurdur (Luke Coffey kimi).
Ona görə də açığı heç o məqaləni oxumadım, fikrimi soruşsanız.