Diego Garciadaki 6 ədəd B-2 bu gün etibarilə Whitman aviabazasına geri qayıtdılar. 4 ədəd B-52 isə rotasiya olaraq adaya yerləşdirilmiş oldu.

O vaxt mənə çox qeyri-adi gələn və bu barədə ilk gündən paylaşım etdiyim proses sonda PKK-nın özünü buraxması ilə nəticələndi.

Görək Öcalanın həbs məsələsində hansısa bir dəyişiklik olacaqmı.

Ümumi götürdükdə isə, əlbəttə, nəyinsə həll olunduğunu düşünmürəm.

Dünyanın dəyişim sürəti inanılmazdır

Son həftələr ABŞ-İsrailin İranı vurmaq planlarının ləğv olunması, gücü çatmaması və ya ləngiməsi barədə çox xəbərlər “sızdırılır” nüfuzlu ABŞ mediası tərəfindən.
Mənə sanki hansısa mümkün zərbənin sürpriz elementini qoruması üçün edilən məlumat kirliliyi yaratmaq cəhdi kimi gəlir bunlar. Zərbə olduqda bunun gözləniməz anda gəlməsi üçün. Bunun üçünsə həftələr və ya aylar lazım ola bilər. Ki, rəqib tam rahatlaşdığı an hərəkətə keçəsən.

Yaxın bir neçə gündə (və ya sabah) İran-İsrail gərginliyində eskalasiya gözlənilir. Əvvəl də gözlənildiyi kimi, danışıqlar nəticə vermir. İran nüvə iddialarından, təbii olaraq, əl çəkmir. Qarşı tərəf də kompromisə getmir.

ABŞ-ın Bağdaddakı səfirliyi az qala keçilməz qala kimidir. Oranı ABŞ təxliyyə edirsə, vəziyyət ciddidir.

Bütün işarələr İsrailin İrana hücum edəcəyini göstərir. Artıq şübhə qalmayıb kimi görünür. Yaxın bir neçə gündə bu baş verə bilər. Tək alternativ ehtimal İranı son bir dəfə masada razılığa gətirmək üçün güc göstərisi və mesaj ötürmə ola biləcəyidir, lakin İranın hansısa yeni güzəştə gedəcəyi ehtimal daxilində görünmür, uzun illərdir. Olsa çoxdan olardı.

Dünən təxmin etdiyim kimi, Kurilla İsrailə bu şənbə günü səfər edəcək. 🤔

Dəhşət

Rəqib tam rahat olub yatdığı an yuxuda bütün rəhbərliyi öldürdülər. İran necə reaksiya versin onu belə bilmir.

İranın göndərdiyi dronlar çatana yaxın raket zərbələri olacaq. Buna görə əsas cavab zərbəsini 1-2 saata gözləmək olar hələ.

İran hələ yeni ordu rəhbərliyi qurur. Qurtarsın cavab verəcək… Biabırçılıq.

Yaxın 1-2 ildə İranın nüvə silahını sınaqdam keçirdiyini görərik belə getsə. 2018də Trump JCPOAdan çıxmasa bunlar heç biri olmayacaqdı.

Təbriz dayanmadan vurulur. Üzə çıxan hazır raketləri vururlar belə görünür.

Həm 5 ildir İsrail İranı vuracaq, əksi imkansızdır deyirdim, həm də hələ də son 1 gündə yaşananların reallığını dərk etməkdə çətinlik çəkirəm. Ağlasığmazdır.

Yəqin ki, hədəfdə son olaraq İslam İnqilabını devirmək var. Bu hədəfə nail olsalar sonra sırada Türkiyə olacaq. Açıq qarşıdurma riski hələ yaxın illərdə real görünmür. Amma İranın vurulması da bir il içində olmayıb. Böyük geopolitik planlar onillər çəkə bilər. Əsas məsələ bundan sonra Türkiyənin region siyasətində atacağı addımlardır. İsrailə nə qədər qarşı çıxacaq, Suriyada nə qədər genişlənməyə çalışacaq və s (bir-birinin ayağını tapdalamaq). İsrailin atacağı addımlar önəmli deyil, çünki onlara onsuzda nəsə deyən yoxdur, ürəkləri nə istəsə edə bilərlər.

İranın Hörmüz boğazını bağlamağı, hələki, real görünmür.

1) Hörmüz ABŞ-dan çox Çin üçün önəmlidir. Və İran Çinə o qədər zərər verəcək addımdan, hələki, çəkinəcək.

2) Əsas neft tankerləri Omana aid olan sulardan keçir. İran Hörmüzü bağlasa Oman sularını da işğal etmiş olur və Körfəz Əməkdaşlıq Şurası (GCC) ölkələrinə müharibə açmış kimi bir şey olacaq. Buna da hələki gedəcəyi real görünmür.

3) Öz iqtisadiyyatı daha da çökər

4) ABŞ-ın birbaşa müdaxiləsinə tam əsas verəcək.