Bir də həmişəki kimi bizim mediada xeyli feyk xəbərlər tirajlanırdı axşam, məsələn, Azərbaycanın hava sahəsinə əlavə yüklənmənin olması və s. ilə bağlı.

Məs. haqqın.az

Bu insanların adi bir araşdırma qabiliyyəti yoxdur ki bir öncəki heçolmasa 2 günün eyni saatda olan datasına baxaraq görsün ki, həmin saatda qərbdən Asiyaya çıxan uçuşlar bu dəhlizdən keçir və həmişə gecə yarısı sıxlıq olur.

Peskov sülhməramlıların Azərbaycandan çıxdığını təsdiqləyib.
Maraqlı gedişatdır.


https://m.gazeta.ru/army/news/2024/04/17/22808684.shtml?fbclid=IwZXh0bgNhZW0BMQABHcmO-TRPs6zG5t5NFpx2851BJk1cYZwpFnpb2gXR1-_ALTLmrzMwNrQ-eQ_aem_ATvwZdLkZytNuBLXstp9E1P1rqkjXgDGU8zxATKRfohQskWgp3fb2IsAq0UzLgmYURM

Xatırlayanlar bilər ki, hələ ilk gündən mən Xankəndinin qayıdacağını, Rusiyanın da buranı tərk edəcəyini əminliklə demişəm. Düşündüyüm kimi də oldu.

Lakin insanlar bir yerdə yanılır. Rusiyanın çıxmasına görə digərlərinə acıq verənləri və s. görürəm. Sanki Rusiya qeyd-şərtsiz sakitcə çıxıb gedir və biz tam azad oluruq.

Son iki ildə Ermənistanın Qərbi, Azərbaycanın da Rusiyanı və onun idarəetmə dəyərlərini seçməsinin qarşılığıdır bu gün olanlar.

Qərb ikiüzlüdürmü? Hə. Onların sözünə və vədlərinə inanmaq olarmı? Yox. Yenə də Rusiyanın müttəfiqi olmaqmı yaxşıdır? Əlbəttə ki, yox. Amma artıq seçim edilib.

Bundan sonra Ermənistanla sərhədi dəqiqləşdirib sülh bağlamasaq, yenidən Rusiyadan və bu dəfə əlavə olaraq Qərbdən asılı qalacağıq. Müharibə ritorikası bitirilib inkaşafa köklənməsək bundan sonra heç nə yaxşıya getməyəcək

İki nöqtəyə toxunum:

1) Bu qəzada hansısa kənar əl axtaranların arqumentləri gülməli görünür. 1994 istehsalı olan, ehtiyat hissələri olmayan, Visual Only - yəni, yalnız vizual görüş vasitəsilə uçan, müasir radarları və s. olmayan bir helikopterlə qatı duman şəraitində dağllq ərazidə uçmaq özü intihardır elə.

2) Akıncı dronunun üzərində olan, qalıqları aşkar edən optik kamera Kanada istehsalı Wescam-mx20 dir. Düzdür Türkiyənin öz istehsalı ASELFLIR də istifadə olunur amma bu səviyyəyə hələ gəlib çatmayıb.

3) Mənim ehtimalım budur ki (99% belədir), getdiyi yerdə önünü görmədiyi üçün təpənin üstünə çırpılıb sadəcə. Bu helikopterlərin hərəkət qabiliyyəti çox aşağıdır kəskin trayektoriya dəyişikliyi edə bilmir. Təpəni görüb reaksiya verənə kimi çırpılıblar.

Çinin Tayvanı tam mühasirəyə alaraq təlimlər keçirməsi, məncə, 3-4 ildir dediyim 2020-ci illərin sonlarında gözlənilən işğal əməliyyatının hazırlığıdır və bu planın reallığını bir qədər də artırır. Bunun üçün Çinə hələ bir neçə il də lazım olduğunu düşünürəm. Dəniz qüvvələrini bu sürətlə artırmağa davam etsələr istədiklərini səviyyəyə qısa müddətdə çatacaqlar. Hazırki geopolitik mənzərə də Çin üçün əlverişli hazırlıq mühiti yaradır.

Yuxarıdaki paylaşımda işğal sözünə sual verənlər üçün:.

Invasion və occupation dilimizdə tərcüməsi nədir? Ümumiyyətlə bu ifadələrin fərqini araşdırmağı tövsiyyə edirəm. Çin hərbi olaraq adaya nəzərət etmir. Hüquqi olaraq da konsensus bir nəticəyə varılmayıb. Kənardan ordu ilə bir ərazini tutursansa bu şərtlərdə bu invasion sayılır.

Belə deyim:
Çinin Tayvanı hərbi yolla unification etməyi üçün birinci onu invade etməyi lazımıdır.

Məsələn D-Day də müttəfiü qüvvələri Normandiyanı işğal etmişdilər (invasion of Normandy), sonradan Fransaya təhvil vermək. Burda da Çin adanı birinci işğal etməlidir ki özünə qatsın.

İddia etdiyi 2 Həmas rəhbərini hədəf almaq üçün İsrail yenə 50-dən çox sivili, uşaqları öldürüb. Rəfahda qaçqınların qaldığı çadır şəhərciyi bombalanıb. Ətraf başı qopmuş uşaqlar, tamamilə yanmış bədənlərlə doludur.

Netanyahu vəhşidir. Beynəlxalq Cinayət Məhkəməsində faşistlərin cəzalandırıldığı kimi məhkəmə qarşısına çıxarılmalıdır bu əmri verənlər.

Gördüyüm qədərilə, İsrail Hizbullah müharibəsi yaxınlaşır. Yaxın müddətdə güclü toqquşma gözlənilir. Amma Hizbullahın zəif olmamasını (atəş gücü çoxdur) nəzərə alsaq, çox uzun müddətli sürməməlidir. Amma birinci hücümü İsrailin edəcəyini güman edirəm. Hizbullah 1 saat qabaq əmin də olsa risk etməz ilk zərbəni endirməyə.

Donald Trumpın Pensilvaniyadaki mitinqində atəş açılıb. Trump ərazidən uzaqlaşdırılarkən qulağından qan açıldığı görünür. Atış səsi gələn anda qulağını tutmasından qulaqdan zərbə aldığını demək olar.

Suiqəsd zamanı qulağından zərbə alıb.

Dünənki Majdal Shams hücumunun Hizbullah tərəfindən edilməsi artıq dəqiqdir kimi görünür. Netanyahu ABŞ-dan qayıtdıqdan sonra, qaçınılmaz olan genişmiqyaslı İsrail-Hizbullah döyüşlərinə daha da yaxın olacağıq.

İsrail təcili şəkildə şimal xəstəxanalarına rezervist həkimlərin (xüsusən cərrahların) toplanışına başlayıb. Bunu həkim-anastezioloq olan rezervistlərin (hansı ki, mən izləyirəm) sosial şəbəkədən bir müddətlik uzaqlaşmağa başlamağından anlamaq olar.

Döyüşün miqyası böyük olsa da, tam miqyaslı bir müharibəyə çevriləcəyini zənn etmirəm.

Elan edilmiş NOTAM-lara baxdıqda İranın (və Hizbullah) bu gün İsrailə zərbə endirmə ehtimalı yüksəkdir.

“Financial Times”ın Rusiya ilə bağılı araşdırmasında, Rusiyanın NATO ilə mümkün toqquşması halında dəniz qüvvələrində təlimlər keçirərək Avropada nüvə başlıqlı raketlərıə vura biləcəyi hədəflərin siyahısı dərc edilib. Siyahıda Cənubi Qafqazdan yalnız Azərbaycan var.

https://www.ft.com/content/237e1e55-401d-4eeb-875b-03fe68f81575

t.me/azOSINT

Bundan əvvəlki paylaşımda FT məqaləsi ilə bağlı xeyli şərhlər gəldi. Ümumi təəssüratım yeniləndi ki, insanlar xəbər oxuyur amma analiz edə bilmir, analiz oxuyur amma anlaya bilmir. Həmin məqaləni açıb oxumaq əvəzinə (FT abunəliyi yoxdursa da digər platformalarda məqaləni tapmaq olur) başlıqdan, sadəcə bir screenshotdan məna çıxarırlar. O xəbər barədə əlavə bir şərh verməyəcəm. Sadəcə nüvə müharibəsi doktrinlərinin necə formalaşması, güclü dövlətlərin önümüzdəki onilliklərdə baş verə biləcək konfliktlərə hansı şəkildə reaksiya verə biləcəyini sənədləşdirərək saxlaması və s barədə məlumat bu səhifənin izləyiciləri daxil hər kəsdə çox azdır. Bunlar çox maraqlı mövzulardır, araşdırıb oxumağınızı tövsiyyə edirəm, mövcud geopolitikaya baxışınızın formalaşmasına çox kömək edəcək.

Gələk İsrail-İran münaqişəsinə.
Təkrarlamaqda fayda var ki, hələ illər əvvəldən açıq şəkildə şəxsi fikrimi bildirirdim ki, İsrail daim İranı vurmağa və daha geniş regional müharibə başlatmağa çalışır və bu, onun əsas məqsədidir, xüsusilə də Netanyahunun.

Bugünki gərginliklər də göstərir ki, əvvəlki proqnozlara uyğun olaraq bu yaxın gələcəkdə baş verəcək. Mövzud eskalasiya mərhələsindən az öncə İsraildə tibbi rezervistlərin və tankçıların çağırılması diqqətimi çəkmişdi və paylaşmışdım. Görünür İsrail öz edəcəyi hücumun gözləninən nəticələri barədə tədbirlər görürmüş

Haniyehin öldürülməsindən bəri yalnız bir dəfə İran hücumunun yaxın olduğunu düşünüb paylaşmışam, onda da yanıldım. İndi isə daim hər gecə xəbərlər çıxsa da, əlbəttə ki, uzun illərdir hadisələrin, konfliktlərin necə başlamasını izləyən bir adama bir hücumun nə vaxt qaçılmaz olması məlum olur. Hər gün fake ajiotaj yaratmağın mənası yoxdur.

Bu hücumun Aprel ayındaki kimi şou məqsədli olacağını düşünmürəm. İran dronlardan çox ballistik raketlərdən istifadə edəcək. Eyni zamanda Hizbullah da paralel zərbə endirməyi qərara alsa, İsrailə həqiqi zərbə dəymiş olacaq və bu yeni regional müharibəyə gətirib çıxara da bilər. İranın da çəkindiyi bu olduğu üçün ehtiyatlı planlama aparmaq istəyir. Çünki Hizbullah İsrailə İranla birlikdə zərbə endirdə, İsrail də Livana zərbə endirəcək. Və orada regional müharibə alovlansa əvvəlkilərdən fərqli olaraq Türkiyənin kənarda dayanacağını rahatlıqla düşünə bilmirəm. Necəsə müdaxil olmağa çalışacaq. Özünü İslam dünyasının lideri statusunda gördüyü üçün buna məcbur hiss edə bilər.
Hər halda, buna görədir ki, İran hazırda çəkindirilə bilir (bəlkdə də elə Türkiyə tərəfindən). Mənə elə gəlir ki, hər şeyə baxmayaraq yenə də hücumun olma ehtimalı daha çoxdur. Yeniliklər olduqca paylaşmağa çalışaram.

Kursk əməliyyatlarına gəldikdə isə, sürpriz bir sonluqla nəticələnməsini gözləmirəm. Hərhalda Rusiya rezerv briqadaları ilə əks-hücuma keçib geri qovmağa cəhd edəcək. Ola bilsin ki, dağıntıdan yayınmaq üçün planlama gedir. Buna baxmayaraq Ukraynanın nailiyyəti çox böyükdür və hər şeyin Ukrayna üçün pis getdiyi vaxtda onlara ciddi üstünlük qazandırır (əsasən psixoloji).

*Fikirlərimi istəyənlər üçün yazacaqlarım bu qədərdir. Xatırlatma: ekspert və ya analitik deyiləm, sadəcə şəxsi düşüncələrimi bölüşürəm.*

İsrailin bu gün yerli vaxtla səhər saat 05:00-da Hizbullahın 6000-dən çox uzaq mənzilli raket və dronlarla bütün İsrail ərazisinə hücum edəcəyi kəşfiyyatını aldığı deyilir.
Bundan sonra yüzlərlə döyüş təyyarəsi ilə saat 04:30-da qəfildən Livanda saat 5-də zərbə üçün proqramlaşdırılmış 40-dan çox atış nöqtəsini məhv edib.
Nəticədə cəmi hazırlanan 6000 raket içindən cəmi 320-ə yaxın atıla bilib (bu Hizbullahın öz açıqlasığı rəqəmdir) və çoxu zərərsizləşdirilib. Qəfil yaxalanan Hizbullah hazırda Fuad Şükrün qisası üçün “uğurlu” əməliyyat barədə açıqlama verir və Nəsrullahın çıxış etməsi gözlənilir. Belə.

Hizbullah rəsmi təsdiq edib ki, 320 raketlə zərbə endirilib.
Livan rəhbərliyi Təhlükəsizlik Şurasının iclasını çağırıb, həmçinin İsrail də. Nəsrullahın da çıxış edəcəyi deyilir. Zərbə görüntüləri bütün mediyayala birdir, Hizbullah mediası da qarşılıqlı hücumlardan yazır.

Mən də XƏBƏRİ paylaşmışam, içində şəxsi fikir yoxdur, analiz elementi yoxdur, hansısa tərəfə istiqamətlənmə yoxdur (heç vaxt olmayıb). Yuxarıdaki paylaşımdan bu nəticələri çıxaran varsa, onun öz işidir.

Bu arada, birdəfəyə 6 min raket ata bilmək Hizbullah üçün çətin iş deyil.

Əslində isə döyüşən iki tərəf üçün də bu raund yaxşı nəticələnib. Yuxarıdaki şərhlərdən birində də deyildiyi kimi, bəli, əgər, həqiqətən də Hizbullahın bu miqyasda hücum planı var idisə, bu çox ciddi müharibəyə gətirib çıxaracaqdı, bəlkə də hazırda müharibədən xəbərlər oxuyurduq. İki tərəfdən də həm hərbi, həm mülki itki minimaldır kimi görünür və iki tərəf də özünü qalib elan edir.