‏صحت نجدٍ على صوت النباح ولجة الغربان
‏عوافي ماعليك الا الرضا ورعاية الرحمن 🤍

‏-بدر بن عبدالمحسن

‏يذوب السلاح الناعم من الكلام الصلب
‏لو انك تقول ان عاد نيرانكم حيه

‏تحالف عيال ابليس مع َ عيال …..
‏ما يصنع من (( اذناب العرب )) ذات اهميه :)

‏سوى ان في زمان الامن ولا زمان السلب
‏يموت الفتى من دون دينه و اراضيّه

‏جبال الحجاز اطول حجا من جبال الالب
‏يكفي انها مهد الرساله الآلهيه

‏مثل ما مصير الادمي مرتبط فالقلب
‏مصير العروبه مرتبط فالسعوديه

‏ياللي حماياك تصل الدم بالدم
‏للحق جوله .. وللتاريخ إعاده

‏حنا بني عمٍ تساند بني عم
‏بعيد عن منطلق حفظ السياده

‏اليا حسب غيرنا للمصلحه هم
‏جينا نقول النصر ولا الشهاده

‏ماتخضع المملكة للكيف والكم
‏ولا لوقفة صديق ولا حياده

‏من دونها لو تمام العمر ما تمّ
‏من غير منه ولا سابق رياده

‏وأرواحنا رهن ضلع طويقها الشم
‏خادم بيوت الله وقبلة عباده

‏من الكويت - السلام الوافر الجم - 🇰🇼
‏على هل المملكة شعب وقياده 🇸🇦

‏ياعضيدي في الحياه وراس مالي
‏لاوقفت تعيد تشكيل الخريطه

‏والله اني مالتفت في ضيق بالي
‏لا افتكرت انك على وجه البسيطه

‏🇸🇦💚

‏ينكشف زيف الشعارات الى حمي الوطيس
‏ترجع الأذناب أذناب وتبقى الروس روس

‏صدق لا قال العرب ما يحوص إلا الخسيس
‏ولا يوطّي الروس شيّ مثل ضعف النفوس

- ناصر الفراعنة

‏سلامتك يا قبلة المجد والدين
‏من كل أثيمٍ يحسب أنه تغنّم

‏فـ ارقابنا له ليلٍ يشيّب العين
‏عليه كنه من ليالي جهنم

- عويد النجود

‏ياطير يالي بالهوا تنفض الريش
‏بالله ريض وصل لي رساله

‏وصلها يا طير من راح بالطيش
‏تلقاه في طنجه وحيدٍ لحاله

‏يا حيف ياحرٍ مع الخفافيش
‏معرب ما بيّن عمه وخاله

‏البوم دايم بالعشوش المداهيش
‏والحر يقطع بالخلا من جلاله

‏عزي لمن مثلي حياته على العيش
‏والقلب مشحون بفرقا حلاله

‏أقضي الأيام بين التخاميش
‏وعيني تهل الدمع للي جراله

‏يا طير قل له ما تفيد التباهيش
‏والوقت لو زان يتغير اخياله

‏ارجع لربعك واترك العيش والطيش
‏ترى الوفا والعز للي وفاله

عادي تمرّك لحظةٍ تبغى الظهور
وب وقت ودك بـ إنعزالك تختفي 

لا ترتبك لو ينطفي وهج الشعور
حتّى السماء تضوي شوي وتنتفي 

ما فيه من قلبك ولا قلبي قصور
أحيان في عزّ إحتياجك تكتفي 

ريّح شغفك إن لحّف إحساسك فتور
حتّى الشغف يحتاج يهدأ ويغفي 

في وضعنا ما للمعاتب أيّ دور
كثر العتب ماهو مغيّر موقفي 

صدّ وبعد ما تصدّ فاجئني بحضور
يمكن خفوقي في رجوعك يحتفي 

ما هو ب كل صمت يتقفّاه العبور
خلّ الزمن يثبت لك إنّي لك وفي 

- فيصل القاضي

‏باسم السعودية العظمى مانبغى وصاه
‏الشعب في كل شان يقوم بـ مْهمّته

‏اليا تكلم « حدانا » ياجب الانتباه
‏رح علم اللي يجيه الامر من عمته

‏من حظنا الطيب اللي ماعليه اشتباه
‏يشمت بنا اللي عليه الناس متشمته

‏رجالنا فالمواقف من يجي في نحاه
‏سيلٍ يدوس الجحور السود ما همته

‏كم من عدوٍ يرد الصوت للي وراه
‏ولا لقا اللي يرد الصوت من يمته

‏إن زمّ خشمه علينا خيّب الله رجاه
‏يبشر له بـ زمةٍ ؛ تطغى على زمته

‏بقيادة اللي من أجل الدار قلبه صفاه
‏يشيل هم وطنه .. ويشيل هم أمته

‏من عاند محمد ينسّيه طعم الحياة
‏ماهوب ماغير ينسى حضن من ضمته

‏عد الروى اللي تحلوا الناس ينبوع ماه
‏ما يشربون الاشاوس غير من جمته

‏حنا حماة الوطن والدين قل للطغاه
‏والله ما يقدر علينا .. العالم بـ رمّته

- عبدالله السراهيد

‏يامل قلبً من الحرمان عانا كثير
‏عانا من الصبر ومْن اللي يبيه انحرم

‏من اولً كان في رجوى سعاده وخير
‏واليوم من كثر مايطري عليه انصرم

‏واحرّ من ضيقة المشتاق خطوا عصير
‏الضيقة اللي حرارتها تجيب الطرم

‏كن ازدحام الطواري في زوايا الضمير
‏مثل ازدحام الحجيج اللي تزور الحرم

‏- علي الدعيه

‏ما وصلت الأعراب ساسك والعجم
‏وغيرك جعل عمره ما فهم

‏أطول طويل أهل العطا حولك قزم
‏بدري على كفينه وطوايله

‏جنوبك اللّٰه خلقنها للدحم
‏وعظام راسك هي سبب صمايله

‏مدّت إيديك توسم اللي ما انوسم
‏وسمّ تشوفه في رقاب الحايله

" ‏إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا "

اللهٌم صلِ وسلم على نبينا مٌحمد و على آله و صحبتِه آجمعّين

ياللي تعاتبني وكنك ما تشوف
كيف المصايب لـ الهلاك تجرني

وقفت لـ الدنيا وطولت الوقوف
وبريت في وقتي وهو ما برني

طوفت لي حاجات كانت ما تطوف
لـ انسان سريته وهو ما سرني

عاتبني من العالم ميات الالوف
وهو الوحيد اللي عتابه ... ضرني

انا رجل مريت في عدة ظروف
اللي يمر الطيبين يمرني

- فواز بن عواض

‏بيني وبين صويحبي وقفة أحوال
‏يامن يدير الصلح بينه وبيني

‏وأعطيه ماتملك يميني من المال
‏وأجعل مقره بين جفني وعيني

حسب مفهوم الاوامر والنواهي 
والنفوس : ومّا لها - ومّا عليها 

العدالة : ما يضاهيها مضاهي 
حكمها جاري لو انك ما تبيها 

إن حسبت الكيد لعب ولهو لاهي 
إحسب حساب الامور اللي تليها 

واعتبرها ( درس ) فالعدل الإلهي 
من حفر حفرة لاخيه يطيح فيها

‏لاخاب العشم لاترجع تحاول تداريه
‏يموت العشم من يوم ندفع تكاليفه

‏شعور الوجع يوم الغلا طاح من عاليه
‏ماهو شي وانت تطيّحه من مشاريفه

‏مهو كل جرح تمرّ الايام وتداويه
‏ياليت الليال تخلّي الجرح في كيفه

‏نضيف الفرح بس الفرح ماتجود يديه
‏بخيلٍ يشوف الضيف ويصدّ عن ضيفه

مضي العمر ما بين اللقا والرحيل
لا التلاقي نعيم ولا المودع بلا 

ذكريات الأماني والطريق الطويل
والحنين لـ ديار و خاطرٍ ما سلا 

ليه ابين غلاك وبالعيون الدليل
الحكي ما يزيد ولا يزيل الغلا 

لي خفوقٍ يعاف من الكثير القليل
والعتب ما يغيّر من طبوع الملا 

البرود بـ علاقتنا يحط و يشيل
يا حبيبي وقلبي بالجروح امتلَى
 
قلت اصدّ وعسى من صدّتي ما تشيل
دام بـ وداعة الله حيل تشبه هلا 

مير من يوم ودّعتك ودربي جميل
حمل وصلك ثقيل وبالبعاد إنجلى 

الندم في حياتي صافح المستحيل
ما بقى لـ الحلول برجعتي لك ولاء 

- فيصل القاضي

إله الكون " ياربّي لك : التبجيل ، والإجلال
أعذني من هوى نفسي وضعف الوازع الديني 

انا اكثر من هلك روحه بدرب : التيه والغربال
تعدّيت الحدود وتاهت الخطوات انا ويني ! 

وتعرّض لي على دربي ! قوام ، كاعبٍ ، ميّال
نقى له من سنين العمر صفوةَ زهرة سنيني 

خذاني من نطاق الزيف والتشكيك، والاهمال
وعرّفني على نفسي مع انّي كنت ناسيني ! 

تعاهدنا "وعلّقنا على صدر السمّا آمال "
وقامت تلعب الدنيا على [ صوتك يناديني ] 

ولكنّ الهوى من عااادته ما يفرح « العذّال »
انا وشلون ابكتم حبك وحبك ،، ملا عيني ؟ 

تسلل بيننا حكي العواذل بين " قيل ، وقال "
وخذو قلبي من يديني عسى الله ياخذ يديني ! 

[ تقاليد السلايل ] خالفت ! [ تقليدة السلسال ]
وحال الموووت في هيئة وداعٍ بينه وبيني ...! 

وودعته وودعت القصيد ، وسبحتي ، والشال
ودفنت احلامنا الحلوه بـ قاعة « بحر الهجيني » 

ارد الدمع في عيني " وصعبه دمعة الرجال "!
وخااان الدمع يوم ان قال " تكفى لاتخليني.." 

- دغيم

تمرّد حرف ثاير فالصدر واللي تشكّل قاف
بعد ماطال حكم الصمت طاح وفازت الثوره 

عسى ربي يعين اللي يعيش وخاطره شفاف
لو انه يخفي كسوره عيونه تكشف كسوره 

تمنّى يرمي الذكرى والايام العجاف خلاف
ولكن كيف يرميها وهي فالذهن محفوره 

ما حدّ اكثر شواعير العرب ل اللعب والمشراف
سوى جرحٍ قديمٍ ينفتح لامن فتح صوره 

معاذ الله من كلمه تعادل ضربة السيّاف
تدل القلب وتمرّه وتتمرجح على سوره 

تقبّلها من الصدمة بتغميضة وضحكٍ جاف
وهو كنّه يحس الكون من حوله خذا دوره 

يعيش بحرقها طول العمر في حالة استنزاف
ما يقدر ينتهي منها .. ولا يتدبّر اموره 

ياليت الله جعل لي خاطر اليا عاف شي عاف
ما كان ادنات حاجه تحرفه عن سيره وطوره 

وش اللي بخسره لامن خذيت من السهاد لحاف
مادام ان الضمير ارتاح من ظلمه ومن جوره 

يقوله من خذا جرعة من الدنيا وعاش وشاف
فهم بعض الامور اللي ما تشرح وسط سبوره