طفله خمس سنين بس أعوامها
حافيه و يجوي الرمل بأجدامها
....................................
تمشي  مهضومه  رقيه  للسبي
يسب أبوها بكل صلافه الناصبي
من الشمس صار الوجه لون العبي
وراس الحسين برمح كدامها
................................
من الزغر طفله بأبوها تنفجع
وبرمح  كل  الأماني  ترتفع
والحوافر  أبد ما خلت ضلع
سالم وداست جميع أحلامها
.................................
طفله ودموع الحزن عالخد تسيل
بناكه هزله بالدرب تمشي وتميل
ساعه عمه زينب وساعه العليل
تصرخ وظلت تعد بأيامها
....................................
من ترافتها أخذ ريش الحمام
واللسان الينطق بأحله الكلام
أشلون تالي عالترب تغفه وتنام
بالخرابه عكب ذيج أخيامها
...................................
طفله بس أوصافها ما تنوصف
ترست دروب اليسر رقه وعطف
من  خدرها  الهاشميه  تنعرف
تعجز بوصف الخدر أقلامها
.....................................
شمر ما يعرف جبير ولا طفل
مكيدات   الهاشميات    بحبل
يسبهن الما عنده غيره ولا أصل
الحارب العتره وهتك أسلامها
....................................
زغيره وأهل الشام يرموها بحجر
ضعف من كثر البجي حتى النظر
باليسر   كل   لحظه   تنعد  بشهر
ترمي نظرات الشماته سهامها
....................................
بطشت جابو راس أبوها المنذبح
بكل  كتر  بيه نبله لو طعنه برمح
بجت  ودموع  الطفل  ما تنمسح
بحسره  ماتت  عالطشت  بآلامها
.........................................
الشاعر حيدر مطر العبادي



ـ

بالشام ماعدنه عرف بس روس اهلنه ويانه
والجان يسمع بس اسم فوگ الهزل شافانه
خدر الساده بين الناس
ياهو ايفزع العباس
بالشام دخلينه ابفشل والكل تصد اعلينه
أبردن العبايه امن النضر غطت وجها اسكينه

تعبنه هواي ونريد الراي موش الماي يخوتنه
هزيله النوگ وابد متلوگ كلش صعبه حالتنه

بسوگ الغربه جا هاگد شماته نشوف
الما مد صوطه عالنسوان مد الشوف
بين الحيره ضلينه وهذاك الخوف
،،،،،،،،،،،،،،،،،،،،،،،،،،،،،،،،،،،،،،
للشام جابانه الدهر كسرت ضهر معروفه
مجتوفه ضلت بالسبي اطيح بحضن مجتوفه
زينب تبجي مدمع حار
بالله ابيا متن تحتار
ياكسرت ام عون ابهزل سوگ الغرب شافاها
لا اخوه ضلت لا سند لا ضل كفيل اوياها

تشوف الناس اخت عباس يقبل يا گلب بيها
تريد اطيح يخويه تصيح اختك هايه حاجيها

بت ستر العرب طلعت عليها عيون
وين الساده خل تفزع ركض لم عون
صارت عالهزله نضرت شماته شلون
،،،،،،،،،،،،،،،،،،،،،،،،،،،،،،،،،،،،،،،،،
دخلينه الجروح القصر والكسره جانت هايه
يضحك يزيد اعله العرش ويذب علينه ابمايه
صاح اعلينه عطشانات
ضلت تضحك الشمات
تعبينه من گد الشتم تاذينه هاي الحاله
الميخلي خاطر للنبي يشتم اكيد اعياله

تعب وحبال يعذب الحال مارف اي گلب لينه
يريت الموت قبل من فوت وتنضر وادم اعلينه

الصاير بينه ببنادم قبل ماصار
نسوان البخت تشبع شتم وحجار
حسين من الطشت لبنيته راسه ندار
،،،،،،،،،،،،،،،،،،،،،،،،،،،،،،،،،،،،،،،،
بذيج الخرابه المضلمه خلونه بس ابحيره
بالغربه مكسورت گلب شتسوي حرمه اجبيره
زينب ضلت ابلا روح
شتسوي ابگلب مجروح
ضلمه الخرايب والوجع عاش ابگلب علويه
ومن شافت الراس بطشت ماتت عليه ارقيه

خذانه الليل نريد الحيل بس الحيل جافينه
خدرنه نگاد نترسنه رماد شمسوي الوكت بينه

اخر لحضه من شفنه الطشت والراس
مامش واحد ايفزع الگمر عباس
ايگله ابزينب اشسوه الوكت والناس
ابوفايز الرافضي

من ترف الراية
حانت المشاية

ــــــــــــــــــ

من ترف راية ضريحك بالسما للعالي
يعني ننصبها المواكب للخدم يالوالي
تجي ازحوف لكربلائك سيدي يالغالي
كل سنة تزود المواكب بالزمان الحالي

نعمه منك هاية
حانت المشاية

ــــــــــــــــــ

كعبة للزوار گبرك من تجي وتطوفك
الف عمره والف حجة ازيارتك بطفوفك
تصيح لبيك وتردد هالجموع احروفك
تمسح بعطفك عليهم وبحنان اجفوفك

تقرأ ليهم اية
حانت المشاية

ــــــــــــــــــ

الملائك بأربعينك تنزل وي انصارك
تعزب وي اهل الخدامة ترحب بخطارك
بالكرم بيبان صحنك تنفتح كل دراك
وبالشمس مولاي انته تضلل لزوارك

ضللت بالصاية
حانت المشاية

ــــــــــــــــــ

لهفة مشاية بطريقك بالعشگ خدامك
بيوتهم تخلى ويجونك لان تخلى اخيامك
هالمواساة لجنابك ولعظيم أيامك
هالمشي بلكت يخفف سيدي من أسهامك

درعك احنه وثاية
حانت المشاية

ــــــــــــــــــ

المواكب سفرة وحدة والخدم جف واحد
هذا يعمل ذاك يطبخ ماكو واحد كاعد
كلها قادة بالمواكب مو فقط بس قائد
حسين سلطان اليخدمة والعشگ بي شاهد

شاهد الحب غاية
حانت المشاية

ــــــــــــــــــ

يالطريقك جنة الله الخدم كلها بخيرك
هذا مايك هذا زادك كله من تدبيرك
هذا من جيسك حبيبي وماكو منة غيرك
تروي كل عطشان گاصد من عذب مي بيرك

وبثوابك ماية
حانت المشاية

ــــــــــــــــــ

حسين مشاية لحضرتك تمشي لجل اعيونك
ولجل زينب بالمسيرة من مشت بضعونك
حرم واطفال بطريقك والله ما ينسونك
ازغار واكبار وشباب بدربك يگصدونك

الك جم اولاية
حانت المشاية

ــــــــــــــــــ

هلا بالزوار انته تصيح بأجمل صورة
ستبشروا زوار گبري أذنوبكم مغفورة
يالبذلتوا بأربعيني أجهودكم مشكورة
الزارني باجر أجيلة بگبرة روحي تزورة

هالعهد بحجاية
حانت المشاية

ــــــــــــــــــ

الشاعر زين العابدين الشمري

الليلة على بركة لله تعالى
التفاصيل داخل البوستر

ياعمه مرني الكربله وديني يم صوب النهر
خليني اودع كافلي وادفن الراس اويالنحر
▪️▪️▪️▪️▪️▪️▪️▪️▪️▪️▪️▪️▪️
هاي انه زينب ياگمر جيت اشتكيلك حالي
انه ابدي من حرگ الخيم لوهظم هاي اعيالي
وحسين حزو منحره بعدك يخويه الوالي
اليوم اجيت امن السبي اشكيلك احوال اليسر
▪️▪️▪️▪️▪️▪️▪️▪️▪️▪️▪️▪️▪️
ياخويه بعدك دنيتي تاخذني لديار الغرب
بأعيالي وايتام اوحرم مسبيه والمدمع يصب
راسك اشوفه اعالرمح والجسد ظل اعالترب
شحچي يعباس الشهم صوبني بسهامه الدهر
▪️▪️▪️▪️▪️▪️▪️▪️▪️▪️▪️▪️▪️
اگليبي بفراگك يون نيرانه تچوي اظلوعي
ظليت اون ابحسرتي ياخويه واخفي ادموعي
تدريني زينب ماأذل وانته اعرف ابموضوعي
هاي انه زينب بت علي واختك يعباس الكمر
▪️▪️▪️▪️▪️▪️▪️▪️▪️▪️▪️▪️▪️
وابمجلس الظالم شفت ياخويه اهات اوألم
يضرب ثنايا للسبط ياخويه وانضرله ابهظم
أتمنيتك انته بمجلسه وتشوف لوعات الحرم
ياگلب يحمل لوعتي ياصبر يحمل هالامر
▪️▪️▪️▪️▪️▪️▪️▪️▪️▪️▪️▪️▪️
ماأريد اثگل بالعتب ياخويه ادري ابحالك
معذور ياأبن واالدي وفيت الي او لعيالك
دافعت عن دين النبي بأيمينك او بشمالك
بس جيت اودعك ياگمر وادفن الراس اويالنحر
▪️▪️▪️▪️▪️▪️▪️▪️▪️▪️▪️▪️▪️
لشاعراهل البيت عليهم السلام
خالد عامر الزيادي

الليلة على بركة لله تعالى
التفاصيل داخل البوستر.

#نعي

لتكول خويه شبيج مابيج
ولتكلي  ياهوه المبجيج
الشام وادمهم يشتمون
محد يكلي الله يجويج

راوني  خويه  اشاكل والوان
يفرون بينه وحنه  نسوان
وكل ما نكول لحكنه يحسين
يگولون خليناه عريان

عطاب  كلبي نترس عطاب
لمن حدوني خويه الاجناب
كالولي مده الجرح ويطيب
وسوك جرحه اخضر وماطاب

مجبوره اسولفلك البيه
من ياوكت اختك سبيه
والله زمن من عكب عباس
كالو على زينب خطيه

قاسم الغزالي

#اللهم_عجل_لوليك_الفرج

شكرآ لله تعالى

قصيدة المشايه

مشاي اعتنيله وسابگ الريح
يم حسين كل اذنوبك اطيح
      ــ⊱☆☆❀☆☆⊰ــ

يالگاصد حسين اتزوره مشاي
وعـايف ديرتك وطفالك وجـاي
سعيك مايضيع وخدمتك هاي
وخطواتك لبو السجاد تسـبيح
       ــ⊱☆☆❀☆☆⊰ــ

لاتترك طريق حســـين هيهات
اتســــلح بالفكر ونشر ثقافات
لا تتقـــيد ابطول المســــافات
كل اهموم كلبك بيــهن اتزيح
       ــ⊱☆☆❀☆☆⊰ــ

مو وحدك اتسير بدرب الحسين
طه وحيــــــــــــدره وياك ماشين
وام حسين تمشي وتهمل العيـن
وحي الله ابضيوف اوليدنه تصيح
       ــ⊱☆☆❀☆☆⊰ــ

ابدربه اتشوف اجود صــــور للجود
امــــدلل تمشي حد ما لهلك اتعود
كلشي اعله الطريق اتشوفه موجود
والخـــــــدمه الك كل مطلب اتيح
         ــ⊱☆☆❀☆☆⊰ــ

سبح ودعي وستغفر ابممشاك
وقتك لاتضـــــــيعه بهذا وبذاك
اخلص حتى ابوســـكينه ايتلگاك
وللواضـح صعب يراد توضــــيح
        ــ⊱☆☆❀☆☆⊰ــ

✍الخادم
كامل السعيدي

السلام  عليك  ايها  المجتبى
السلام عليك يبن خير الورى
******
هاك  اخذ  العمر مرهون يم  بابك
وشمحلاته اشوفك  تكرم احبابك
الله  يزيده  حظي  بشمة  اترابك
بچفوفك هلا   مكتوبه  بعتابك

متروس اجروح
شهگات   الروح
والناعي احسين
باهاته.....ينوح

السلام عليك ايها المحتبى
*******
تحت امرك اصيرن وانت بنفاسي
مولاي الحسن كاتبلك  احساسي
انه من اردا اذكرك ينحني راسي
اصيرلك حسيني طبعي عباسي

من صوت الاه
عشكك محلاه
عباس  ايگول
وجهك  الله

السلام عليك ايها المجتبى
*******
العشك  يكبر لگيته  بالعزاء حاضر
اشمحلاته الحسن لو يجبر الخاطر
نذروني....الخدمتك  گالوا  اتساهر
حسبو زلمه صرت عالحسن شاعر

خادم   وفاي
اتعينت ابهاي
بثواب احسين
وزعت  الماي

السلام عليك ايها المجتبى
*******
خذاني  للبقيع   الشوك  والحسره
وابيات   القصيده    تكتب  العبره
يم  گبر الحسن  لازم   شعر  نقره
والناعي اعله گبرك فاطمه الزهره

تنعه امصابين
بدموع  العين
واحد مسموم
والثاني حسين
*******
يا ثامن  عجيبه بعشگك اتوسل
الله شكد يحبك والنبي المرسل
ردت  كلما  ارسمك  تطلع الأول
عنك  ما  ابالغ  واضح المجمل

لو سائل جاك
يعرف معناك
تكرم بالضيف
تسمع ينخاك

السلام عليك ايها المجتبى
*******
جزت حسره الليالي وباقيه بعيني
يم كبر الحسن   بس غربة اسنيني
متعود  انوح اشكد صدى  اونيني
ما خله الطفوف ابدمعي لحسيني

كلبي المصيوب
جاور    يعقوب
خلص بس نوح
لاجمل محبوب
*******
تمت بعون الله تعالى الشاعر_يوسف_الفتلاوي

حـدي

زينب يـهل زينـب لفـــت 
مـن الســـبي ويـا العايله 

يبن امي صاحت ونحنت 
فــوگ الگــــبر وتقـــبله 

نادت  يعــباس  وبچت 
وينـك يراعي المـرجله 

ويانه  رقـيه  مـا أجـت 
ماتت  حـزن  ياكـربله 

أشگد هظم يهلي شـفت 
ودمـوعي عالخد سايله 

يهلـي  بعـدكم  شـيبت 
ومـن المصايب مـايله 


تجلس عند نحر الحسين عليه السلام 
وتقول 

يبن امي فارگتك غصب 
واليـوم اجـيت لشــوفتك 

أگــعد يشــــريان الگــلب 
من فدوه روحي لنـومتـك 

دمـعي على گـبرك تصب 
ريـته  يــــــبرد  مهـــجتك 

برسـك أجيت اطوي الدرب 
خلـيني  أرجـعه  لرگــــبتك 

وتذهب الى قبر كفيلها عليه السلام 
وتقول 

أگــــــعد يحمــاي الضعن 
خويه انه أجيت من اليسر 

عيـــوني  يعـــباس  نعـمن
وضهر أعله فگدك منكسر 

ذنـي خــواتـك هـل  أجــــن 
عـذبـهن  الشـــــام   شـكثر 

يالما يــرد بيــك الـزمـــن 
عگــبك شـلي بطول العمر 
⇔⇔⇔⇔⇔⇔⇔⇔
خادم الـعباس
علـي عگـاب العمــري

على طور (يبن امي عالتربان)لشهادة الامام الحسن عليه السلام..

يبن امي ليل اوداع هاي المِسِيَّه
مو حجي صار ادموع لِترِد عَلَّيه
.............
ياخويه جرحي اغميج وداني لُمَّك
اذكرهه كلما جيت ياخويه واشِمَّك
بعيونك انته خيام جن ينصبهه هَمَّك
كلما اصدك ليش أفرِك بيديه
.............
تغَطِي الطَشت بِعبَاك شنهو التِضُمَه
جن مِختِنِك وتشِح يخويه اعليك نَسمَه
ماجَن هوى بالرِيَّه جَن البيهه لَجمَه
سهم الدهر بِحشَاك خويه رِمِيَّه
............
ياخويه مالك حيل تَوكَف اشوفك
مِن الوِجَع مَتشِيل جِسمَك جفوفك
دنيايه جَابَت موت لا ما تِعُوفَك
جنهه تكلي اتحَضِّري الهاي المِنِيَّه
............
كتلي يزينب كَرُّبِي ارد آنه اخبِرِج
باجر احسين اليذبحه جَنَّه يذبحج
جم سوط من بعد الخيم لاح ويجِرحِج
ومتُونِج من اسياطهم خَيتي دِمِيَّه
............
كِتلِي تِطيحِي بناس لا رَحمَه بيهم
حتى الطفل لِرضيع اتذبحه ايديهم
وحدج ولا عباس باكي ايهِد عليهم
اتحَملِي يا أم عون لو تِمشِي سِبِيَّه
............
غَمُضَّت عينك خويه وماظَلَّت انفاس
نار الخيم هالساعه ابصدري تنقاس
شلون اعيش بدنيه لو مات الاحساس
لحد الكبر دمعات عيني جِرِيَّه
............
ابو مريم الاسدي ..
31/تموز/2025 ..

(نعي مفجع)

ايـصـيـر الـشـمـر لـلـنـوگ حَـدآي

تـالـي الـعـمـر مـاحـاسـبـه الـهـاي

ذبـاح اخـوتـي الـيـمـشـي ويـاي

فـوگ الـهِـزل وتـصـدلـه عـينـاي

امـچـتــفـــه وابــره الـيـتـامــاي

بـيـن الـزلــم وبــعـيــد مـســراي

راح الـتـكـفـل ضـعـنـي وحـمـاي

ورايت يمـنـتـه الـچـانت افـيـاي

يـاهـو الـيـجـينـي الـيـوم عـنـاي

وضل المحامي امـگـابـل الـمـاي

                *---------------------*-------------------*
خادم السيده زينب ع
✍الشاعر رعد الجريخي

يمته ننصب بالبقيع قرايه
ونعتني لكبر الحسن مشايه
****
شوكت ننصب بالبقيع احنه العزاء
تمشي رايات النصر من كربلاء
تصير ارض الحسن بالعز والأباء
وتكصد الشيعه مشي عنايه
****
والمسيره الكبرئ من ارض النجف
يالثار الحسن زلزلال وهتف
جن مدار الارض يهتز ورجف
ثار ابو محمد يصير الغايه
****
انسوي حنه جاسم إبكبر الحسن
والمناحه تصير بدموع وشجن
والنوارس مشن ويانه وسعن
تعتبر هاي المسيره إبدايه
****
نروح يم كبر الوفه كبر الونين
بينه ريحه تشمها من كبر الحسين
هذه هذه الطاهره ام البنين
ام ابو فاظل تظل وفايه
*
انأذن بارض البقيع المايلي
لافتئ إلا ابو الحمله علي
صوت من عند الروافض يعتلي
وصوت فاطم بالعزه بجايه

رايه نرفع للحسن بين النجوم
بيها مكتوب الظلم لا مايدوم
عالكبر نبقه بحزن والله نحوم
الطاغي باجر منهو يمش برايه ؟
**
تمت ولله الحمد / المقصر مع الحسين
الشاعر علي النائل

أذّن آذان المشي بالراية
وللحُسين اتعنّت المشاية
٠٠٠٠٠٠٠
طلعت امن البصره اول قافله
عالجدم مشايه كلها لكربله
امن البحر حد النحر متواصله
نواسي زينب بالمسيرة الغايه
٠٠٠٠٠٠٠
هلا بزوار الحسين المؤمنه
على اعناد اهل الحقد متراهنه
هالسنه اكثر عدد من كل سنه
والنعم شيعة علي وفايه
٠٠٠٠٠٠٠٠
بالزيارة نترس دروب المشي
ما يوگّفنه التعب شيعة علي
الموت لجل حسين عدنه احله شي
نضحّي ونّول الكرامه بهايه
٠٠٠٠٠٠٠٠
مثل امواج البحر نطلع سوه
مشي نوصل للذبيح ابنينوه
للحُسين المات ضامي وماروه
فزعت الشيعه واجت عنايه
٠٠٠٠٠٠٠٠
احنه معروفين شيعة حيدره
بالصداره نبقى والباقي وره
بالشجاعة عدنه سبع الگنطره
الشيعه بسمه بالوفه مسمّايه
٠٠٠٠٠٠٠
ما نهاب الموت ما نخشه الخطر
يمشي ويانه الامام المنتظر
هذا ممشانه على مر الدهر
مو قليله الشيعه صرنه هوايه
٠٠٠٠٠٠٠
لاشك المهدي يشاهد شيعته
بالمشي ويانه رفت رايته
يعطف علينه بحنانه ورحمته
نظرة المهدي ودعائه كفايه

سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

(اخت عباس)

أخـت عـبـاس  آنــه الـكـل  يـعـرفـونـي
مـشـيـت امـيـسـره يالـبـيـك حـسـدونـي

*----------------------*-----------------*

اجـيـت امـنـل الـوطـن ويـاك يالـوالـي
امـيـره ومـا تـشـاهـد عـيـن لـخـيـالـي
مـا ضـنـيت هـيـچ ايـصـيــر بـالـتـالـي

اروح ابـلا اهـل والـگـوم يـسـبـونـي

*----------------------*----------------*

عفتني اشلون وانـتـه الكافـل الضعني
يـعـبـاس الـدهــر  يـاحـيـف  ضـيـعـني
اصـيحـن يالاخو كـل ضني تـسـمـعـني

يـبـن لـيـث الـوغـه عدوان شـتـمـونـي

*---------------------*-----------------*

يالبـيـك  الـشـجـاعـه  اتـمثلّت  كـلـهـه
اخـتـك لـو رحـت ياهو الـيضـل ألـهـه
امـوت بـفــرگـتـك ما اگـدر احـملـهـه

يـعـنـوان الأخـوة ونـور لـعـيـونــي

*--------------------*------------------*

دگـيـت  الـصـدر  وتــكـفـلـت  بـيــه
ومـا خـلـيـت شـامـت ينظـر اعـلـيـه
تـالـي امـشـيـت يـاعـبـاس مـسـبـيـه

وحيده وبالسياط انـضـربت امتونـي

*------------------------*------------------*

نــار  اجــفــاك  بـالـدلال  لـهـابــه
رحت بليل والـدمـعـات سـجـابـه
كفيلي والـكـفـل ما بطِـل اعـتـابـه

هضموني الكفر وانگطعت اضنوني

*-----------------------*------------------*

ما ادري  خـذونـي الـيـوم  يـا ديـره
عـگـب عيناك والله اتـحـيرت حـيـره
ترضه اشلون خويه وانته ابو الغيره

صعدت اعله الهزل وابليل يحدوني

*----------------------*-------------------*

خـدري الـراح يـا مـهيـوب شيرجـعـه
دخـلـت الشـام والشمات مـجـتـمـعـه
يشتمني الـدعـي ومـا واحـد ايـردعـه

اعـلـيـك اهـل الحقد عمـداً يسألـونـي

*------------------------*-----------------*

✍ السيده زينيب ع
     الشاعر رعد الچريخي

 المواكب كلهه صاحت هله بالمشايه

رايت العباس رفت ياهله بهل رايه

..............................................

اليحب حسين يوفي وكون يخلص بالعشك

ما يهمهم تعب لاحر ذوله اصحاب الصدك

لويكطعونه عله حبه صحنه ابد ما نفتــرك

طبقوهه عله سواتر
هاي موش حجــــايه

....................................................

نحسب الهم لحضه لحضه بشوك نتلكاهـم

عيونه بالدمعه تغرك احنه لــــــوشفناهــــم

نشوف جن المهدي حاضر بالطريج وياهم

بنوح يتلكه العقيله  
 وبالطـــــــــــم وقرايه

.........................................

هالزياره اشكد عضيمه تعلم الناس الادب

خل نراوي  لناصبيه بهذا ممشانه العـــــــجب

بالأجر  بس  الله  يدري لاتفكر  بالتعــــــــب


اليوم هالمذهب ننصره
  وهاي اكبــــــر غايه

 
.............
 

شماتحر الدنيه كَصر يلوفي بخطواتك

وصفن اشويه بطريجك وبعد بحسباتك

اه  يازينب  غريبه  ردد   بجلماتـــــك

جايه محمله ابمصايب
للكمر شجايه

.............................................

العقيله  اذكر سبيهه والحبل  والناكه

بصحره مابين ألاجانب والشمس حراكه

تعاتب العباس زينب وشكثر مشتــــاكه

تاه ضعنك يبو الغيره
 والشمــــر حدايه

..................................................

خادم اهل البت ع

فلاح طالب الماجدي

جيناك مشايه يبن حامي الجار
         نعشك نهار الصيف من يصبح حار

---------------------------------------
   عدنه عاده أبكل محرم مانغير العاده
    واحنه كل سيد نقدره وانته شيخ الساده
  اي بشر يگصد حضرتك يحصل اعله امراده
     ولي مـايقبل نـزورك نطـلـع اعـلـه اعناده
لاتضن غيرك نخدمه .. وانته للاشراف قمّه
           لاحـق ميمونك الرد الضـهـر
         رايدين انننتظر

             =====================
      نحسب ليوم اربعينك حته نمشي لدارك
      للگبر نتعنه حافي بالحزن نتشارك
     رايه وحده وگلب واحد تنطلق زوارك
     وانته حاضر بالمواكب عينك لخطارك
نظره يامولاي نظره ،، كلمن إيندبك تحضره
         نعتنيك ابكل سنه أومانتعتذر
             ناصبين الـمـوكب اوننتظر

                   =================
   الزاير اليمشي أبطريقك مايضل ابحيره
    انته غير ابن الزچيه وخيرك ابكل ديره
    عالي خادمكم نشوفـه مـايقـل تقديره
    أسمك امن اسرار ربـك نعجز بتفسيره
أسمك امن الباري نعمه ،، المايحبه أعيونه تعمه
          تدري كل خادم نذر عمره نذر
          ناصبين الموكب أحنه أوننتظر

               ===================
    نعرف الينخاك يربح ماتخيب اضنونه
واليخدمك مايهمه ينطي ماي اعيونه
انته باب الله ورحمته الناكل بماعونه
تدري يحسين ابغرامك هلخلگ مجنونه
تضل يبن الزهره غالي ،، واليخدمك راسه
عالي
          عهد عدنه اومانبدل هل آمر
         ناصبين الموكب احنه وننتظر

                 ====================
  خدمتك يحسين تدري امن المهد ردناها
    نفتخر بين المذاهب بيك لونتباها
     يابشر يوصل مقامك انته جدك طه
      هاي زوارك اجتك سيدي أتلـگـاها
كل سنه أنشيل الروايه،، عدنه غايه مو هوايه
        گالو اترد العقيله أمن اليسر
      ناصبين الموكب أحنه وننتظر

                 ===================
      للشاعر فاخر علي الشبيبي

فـزاعيـه

زيـنـب عـودت  گـومـو وتـلـگـوهــه
 علـگـوهه الـروايـه يـلـه  عـلـگـوهــه
.....................................
 ردت مـن يـسـرهـه وحـيـل تـعبـانــه 
وشـيظـل بـدلـيلـه الذبـحـو اخـوانـــه
 وهـمـه الـعيـشـوهه تگـول سلـطـانـه
 ظلـت مـن بـعـدهــم ورده ذبــلانــه

 مـحتـاره بضـعـن وبـحـيره خـلـوهـه 
 زيـنـب عـودت  گـومـو وتـلـگـوهــه
................................................
شــابـت مـن مـرار الـشـام والـكـوفــه
 وسـفـه بگـيـد طـبـت تـالـي مـچـتوفـه
 ولـو عـبـاس يـگـعد حـالـهـه يـشـوفـه 
چـا دخـن اخـوهـه ورچـب چـفـوفــه 

وماطلـعـت لسنهـم ولا  يحـاچـوهـه
زيـنـب عـودت  گـومـو وتـلـگـوهـه
..................................................
 خـل انـسـر گـلـبـهـه ام الـحـزن هـايـه
 تــفــرح مـن  نـعـلـگ زيـنـب الـرايــه
 مـو وحـشـه دربـهـه انـتـرسـه مـشـايـه
 عـلى المـذبـوح اخـوهـه نـسـوي الـقـرايـه 

خلـي يـبرد گـلبها بـدمعه واسـوهـه 
زيـنـب عـودت  گـومـو وتـلـگـوهـه
.............................................
 رد ضـعـن العقيـله وهـذا ميـعـاده
 تـلـگـوهـا ابـيـارغ عـمـه الـسـاده
 ولـو راح الكـفـلـهـه انـتــم اولاده 
خـل يـنـظـر يـزيـد وتـنـظـر احـفـاده 

شـيعه تعـوف كل شـي وما يـعوفوهـه
زيـنـب عـودت  گـومـو وتـلـگـوهـه
...........................................
لـهـاي الـمـسـيرة الـعـالـم يــبــاوع 
خــيـر بـيـوتـنـه مـسـبـلـيـنه بـشـارع
وبـهـذا الـكـرم يـتـحـيـر الــسـامــع
حتـى الـيـحـبـي تـوه محـزم وفـازع

وذبـت عگـلـهـه الـغـتـره شـدوهـه
زيـنـب عـودت  گـومـو وتـلـگـوهـه
...........................................
✍️ابـو مـنـتـظـر الـحـريـشـاوي 

الاربعين

ياهله ابريحة اهلنه ياهله
يابو فاضل رد ضعنّه الكربله
+++++++++
رد ضعنّه وياهو يتلگه الضعن
حيل متعوبات علوياتي اجن
اتريد ملگه احنان ينسيها المحن

ياهو بينه والضعن استقبله
+++++++++
وينه لينسيهن الآم السفر
شلون اصيحن ياهله من النحر
لو اجت شتگول زينب يالگمر

چف اخو لا ضل يلاگي امدلـله
++++++++
بيها روح وعدله زينبنه اجت
الحمد لله عالسلامه مالگت
من بعيد اسمعته صوت اختك بچت

صوت وينك من بعيد اترتله
++++++++++
اشلون ياعباس من اتمر عليك
والضعن عطشان يالكافل يجيك
خويه من تراب گبرك شيل اديك

منظر اسكينه صعب تتحمله
++++++++
ابني عبد الله فتح عينه وگعد
من بُعد يسمع دللو يالولد
لسه عطشان ودليله المابرد

بس حضن امه اليحل المسأله
+++++++
ماكو رايه اتلاگي اختنه لا علم
وين مگعدهن منو الينصب خيم
فوگ گبري تگعد الحره بالم

من دموع الحره گبري اتبلـله

ثائر الربيعي