كلشي اخلافك بويه اتغير
كلشي اخلافك بويه اتغير
_
ضلمه الدنيه بفگدك طاهه
عميه العين وانته اضواهه
انته الدنيـه و كـل معناهـه
بـدر الكـون العالي الازهـر
كلشي اخلافك بويه اتغير
_
خالي شلون يضل محرابك
و انته الكون ايصلي ابابك
بعـدك ويـن اتروح احبابك
طعنه بقلبي فراگك خنجر
كلشي اخلافك بويه اتغير
_
يـا اهــوال البعـدك صارت
كلمــا أذن روحي احتارت
چنهه اتموت توج و فارت
اسمع اسمك رسمك يحضر
كلشي اخلافك بويه اتغير
_
اشصار بحـالي كونك تعلم
بعـدك صدري بويه اتهشم
نـار بثـوبـي و بـس اتلچـم
ساعة فگـدك  دارك تسعـر
كلشي اخلافك بويه اتغير
_
طاح المحسن من عصروني
خلف الباب و زرگه امتوني
واحد يصرخ من سطروني
خـل اتمـوت و خـل تتكسر
كلشي اخلافك بويه اتغير
_
كلمات  :  حيدر العمار الخزعلي

ليالي استشهاد المحسن ع

الحگ الي يحيدر ..ضلعي أظن تكسر
ومحسن اظـن ابعـصرتي انعـصر
………… ........................
يوم الهجوم الزهره صاحت حيدر
ضلـعي اظـن يابـو الحمـيه اتكـسر
عالحـايط اتـوچــه اگـومـن مـگـدر
والنـــار بـثـيـابـي شفــت تـتـوجـر

نار الخصم چـوتـني.. والسطره اظن عمتني
ماشوفـن امشـي والجـدم عـثر
ومحسن اظن ابعصرتي انعصر
………… ........................
بالبـاب ياحـيدر اجـه ودفـعـني
حاولت اوخره ياعلي وعصرني
بسمـار نـابـت بالصدر جـرحـني
يدفـعـه علـيه والالـــم ذبحـنـي

وگـوه ردت اوخـره.. ومن چفه اجتني سطره
بكـل قـوه خدي بچـفه انسـطر
ومحسن اظن ابعصرتي انعصر
………… ........................
طحت وصحت يافضه سنديني
الثـاني رفـسني وطيحـه جنيني
وأَمـر على عبـده ولطمـلي عيني
ومچـتف انتـه گـبالي ما تجـيني

شمالك درت نظـرتك.. يابوالحسن عـذرتك
ادريـبـه گـلبك يـاعـلي انفـطـر
ومحسن اظن ابعصرتي انعصر
………… ........................

طحت وگـع باب الجذوع عليه
عليه انطبـگ ردت ارفعـه مابيه
صحت وسمع الحگ يحيدر ليه
يضربي وانـي علـه الثره مرميه

الثاني مارحمـني .. بسوطه شكثر ضربني
وبمـتـني سوطه خـله الـي اثـر
ومحسن اظن ابعصرتي انعصر
………… ........................

ياحـيدر ومـحـسن وگـــع بالعـصـره
وي صدري بالعصره ترضرض صدره
مـات وبعــد ما سـاعـه كـمـل عمـره
اشـذنـبـه ابـني ومهـده اصبح گـبره

ميت وگـع جنـيني .. وماشالـته اديـني
واشبـيدي ياحـيدر علـى القـدر
ومحسن اظن ابعصرتي انعصر
………… ........................
طاح عله راسه محسن بوگـعـته
ميـت جـنـيـنك ياعـلـي نـظـرتـه
حرمـوني منـه وليدي ماحضنـته
مكسوره تدري ضلوعي ماشبگته

منين احـترت الزمه.. شلون الطفل المـه
من الـرفـس جـسمـه غـده وذر
ومحسن اظن ابعصرتي انعصر

الشاعر عقيل الحسناوي..

ام. البنين ع.
عودة الضعن للمدينه

ردن خواتك بالضعن
فاتن عَلَي ماسلـمن
ملگانه صار الشده
ماوحده عرفت وحده
+++++++++
متعودات امن السبي لليركض ايلاگيهن
لو شايل ابأيده حجر لو جاي يشمت بيهن
من عندي خافن شاهدن كل حيلي اركض ليهن
سمعنها چلمة يا هله بس الهله اتبچيهن

يستغربن چلمة هله
شيحلها هاي المشكله
فات الضعن واتعده
ما وحده تعرف وحده
++++++++
وجه الضعن مابي گمر لا رايه راجع ظلمه
يُمه ينادنّي قبل ما وحده صاحت يُمه
مو همّه چذّبت النظر بس گلبي يصرخ همّه
وحدتهن امن المستحه بالبچي الصوت اتظمه

وحدتهن اتنوح ابستر
حته ابغيابك يالبدر
باقي خدرهن بعده
ما وحده عرفت وحده
++++++++
انه بحرارة لهفِتِي بـبروده اشو لاگوني
انه اعرفتهم عالعطر بس همه ماعرفوني
بيهم تعب من السفر لو گلت ماشافوني
صحتلها انه ام الگمر زينب يبعد اعيوني

اعليّه ابصعوبه تلتفت
واركض عليها اتقربت
كلمن دمعته بخده
ماوحده عرفت وحده
++++++++++
ام البنين انتي صدگ هاي الاجت گدامي
ومنين اجه الوجهچ شمس متعوب مثلي وضامي
هسه آنه مريت ابسبي ومحرگات اخيامي
اجدامج شبيها بعد مجروحه مثل اجدامي

متعثّرات ابيا درب
ومنين اجه الثوبچ ترب
حيلچ شجاله اتبده
ماوحده عرفت وحده
+++++++++++
يم الخدر گلبي احترگ مثل المخيم ناره
من اعتنيله ابكل صبح وحسين فارغ داره
دور المدينه ابكل درب من جدمي باقي آثاره
تعّبني يم عون النشد وحسين ادور اخباره

لو شفتي برسومي ضمه
يم گبر امچ فاطمه
الظهريه تخلص گعده
ماوحده عرفت وحده
+++++++++++
انسيها زينب حالتي لبگلبي كل حد ماله
احچيلي من راح الگمر وضع الاحسين وحاله
يتعثّر اگبالچ رجع ياهو الوگف تچاله
بعيونچ اعيونه بچت يمكن اجيت ابّاله

خوما ذكر اسمي وبچه
لمن عله سيفه انتچه
ضامي ودمع ماعنده
ماوحده عرفت وحده

ثائر الربيعي

اليوم بيت العسكري بياحاله
والامام المهدي غاب اهلاله
...
چان بيت العسكري يشع بالضوه
صار خنگه وماكو بي نسمة هوه
اليوم خل نشبع بچي ونلطم سوه
اقرايه تشفي الگلب خنقراله
...
عائلة هالبيت أشرف عائله
گظت لو سم لو ضحايه امچتله
اليوم ياعُظم المصيبه النازله
بياجنايه المعتمد يغتاله
...
سَمه من واحد ربيع الثامنه
بهالسبعتيام كَون الله إنحنه
كل سنه انسوي مجالس كل سنه
والأرض سامره نتعناله
...
حگهه لو سر مَن رأى الليله تضج
والشوارع بالبشر كلهه تعج
للجبال الشامخه الصيحه ترج
ريّض ابهالنعش ياشياله
...
لا تروح وتأخذ اعزيز الگلب
اتيتم المهدي اذا طال الدرب
هاي أول دمعه من عينه تصب
خمسه عمره والحزن يبراله
...
ازغيّر ابعمره وچبير أهل الأرض
وعالجنازه كبّر وقام الفرض
كل علوم اجداده حافظهن حفظ
المهدي ربك بالحقيقه اوحاله
...
ونرجس أم المهدي من راح الامام
ماتت ابداخل طوامير الضلام
عگب ال البيت عالدنيه السلام
واليحبهم ياالف هنياله
.......

#محمد_الجماسي

‏يااخـر جـرح مـن ينتهي يبدي
‏هـذا المـاشفى واليتم المهدي
‏حـاير ضـال بمره
‏ خله ايده اعلى ظهره
‏وا اماماه وا اماما ه
‏
‏الليله حاير شنهي وضعة
‏صـار امـامـك كـله دمعه
‏والحزن ماعافه
‏مـن بعد تنظر جروحه
‏فـاتحه نقرأ اعلى روحه
‏من مصاب الشافه
‏وحده ويفت الحجر ياويلي همه
‏والابـوه يغيب كـون اخـوانـه يمه
‏هس ابو صالح وحيد الهوى يلچمه
‏يتلفت وحيـد اويلچم احساسه
‏چنه حسين محني ابفـگد عباسه
‏ماينجبر كسره
‏ خله ايده اعلى ظهره
‏وا اماماه وا اماماه
‏
‏من البدايه وعمره غربه
‏وفـرگـة الغـاليـن صعبه
‏والده هد حيله
‏وحده يتوچه اعلى جرحه
‏واضلم امن الغـربه صبحه
‏صار يشبه ليله
‏امـن البدايه وغربته مـالانـهـايه
‏والنهايه احزان عمره امن البدايه
‏بعمر خمس اسنين وتخطى المنايه
‏بعد وجـه الابو ياوجه اليشوفه
‏من يمسح دمعته تترس اچفوفه
‏سلم لله امـره
‏ خله ايده اعلى ظهره
‏وا اماماه وا اماماه
‏
‏الدار كل ماينظر الها
‏نـهـر دمـعـاته يهلها
‏شايلين احبابه
‏يحچي وياها بدمعته
‏وتنحب الـدار الغربته
‏وسط گلبه اصوابه
‏نـوره غايب والـده والـدنيا ضلمه
‏عنده ثار وياكل بنص روحه هضمه
‏وابـو صـالح ياحـزن يـگـدر يـضـمه
‏حسـره ابروحه ويحرك انفاسه الهم
‏وحده وخلصوا اهله ابين سيف وسم
‏ومعاشر الحسره
‏ خله ايده اعلى ظهره
‏وا اماماه وا اماماه
‏
‏حزنة الدنيا اعلى حزنه
‏والحـزن ون ويه ونه
‏ماترك حسراته
‏صور مافارگت عينه
‏الوالده نوحه وحنينه
‏وكـربـلـه بصفناته
‏هـذا جـرح الساده اليهز الضماير
‏كـربلـه كسر الگلـوب اويالخواطر
‏حگه راعي الثار اله شچم ثار حاير
‏من نار المخيم ماطفت ناره
‏لن ينتظره ثار ومانسه ثاره
‏يارب عجل امره
‏ خله ايده اعلى ظهره
‏وا اماماه وا اماماه
‏
‏روحه ماتتسمه روحه
‏عايش الطف بجروحه
‏دوم ضال اباله
‏حيرة حسين التلچمه
‏للكـربـلـه لليـوم هـمه
‏يمشي وي اخياله
‏بين هم وحسره خلص كل حياته
‏وحـزنـه للـمـذبوح ونسلبن خـواته
‏چم مصيبه وچم هضيمه معاشراته
‏صار اسنين يتوچه اعلى حسراته
‏واصـعـبهن عـليـه بالسـوگ عماته
‏والعمته الحره
‏ خله ايده اعلى ظهره
‏وا اماماه وا اماماه
‏
‏
‏هاني ناصر السعيدي
‏
‏

عجل اللهم للمهدي الفرج
•~•~•~•~•~•~•~•~•~•~•
ندعي بارينا ونمد چفوفنا
بجاه يوم الحسن كون يشوفنا
يغيث دمعتنا وگلب ملهوفنا
ندري بالمهدي ابد ميعوفنا

دمعه وي دمع المحبين انمزج
•~•~•~•~•~•~•~•~•~•~•
شلون گلبه المهدي هاي الليله
فگد ابوه الحسن ماخذ حيله
ازغير عمره وباشر بتغسيله
باقي لليوم بحزن يبچيله

صوت حزنه للسمه رجاها رج
•~•~•~•~•~•~•~•~•~•~•
عجل اللهم يوم القائم
أشفي گلبه والرسول وفاطم
خلي ياخذ ثاره من كل ظالم
آل هاشم يرد حگهم لازم

يرد ثارات الفواطم والحجج
•~•~•~•~•~•~•~•~•~•~•
يعرف الدنيا وجميع أخبارها
ويدري بالشيعه عليه أنظارها
نقسم اعليه باللي حرگو دارها
يضهر وبالسيف يخمد نارها

صارت الناس بهرج هسه ومرج

•~•~•~•~•~•~•~•~•~•~•
كلها ضد الشيعه بالدم والعداء
العرب أعلنت لبليس الولاء
صارت اسرائيل تسفك بالدماء
يمته يارب الفرج من السماء

وتصرخ الأملاك مهديكم خرج
•~•~•~•~•~•~•~•~•~•~•~•
اخر الأبيات ندعي للحشد
هالوطن بارينا حاميه بالولد
مانسلمه اسلاحنا ويخسه اليظد
ننتصر بالموت علمنا المجد

والشهيد الطاح للجنه عرج
•~•~•~•~•~•~•~•~•~•~•~•
الشاعر سيد حسين آل بوصلوات الحسيني

#نعي

لما حضرت لحظات المنية للامام العسكري ع اذ حضر عنده ولده الامام المهدي ع.ج فأخذ برأس ابيه العسكري ع وصار يضعه في حجره فمانع الامام ع ذلك حتى قال لابنه الامام المهدي ع.ج بني محمد اريد ان اواسي جدي الحسين ع وانا على التراب فلا تضع رأسي علئ غير ذلك… وآ إماماه وآحسيناه

عـن حـجـرك يـبـويه شـيل راسـي
وخــلـهـن عالرمل يگـظـن انفاسي
بـلـكــت لـــعـــد جــدك نــواسـي
واتـخـف علـى الـزهـره الـمـآسـي

جــدك مــات مــحــد گـعـد يـمـه
لا اخـــوتـــــه ولا أولاد عـــمــــه
بــس عـمـتـك زيــنـب الـيـمـه
وكـل سـاع بالـمـنـحـــر تـشــمــه
لايـــوم يــومـــك يـبـــو الـيــمـه

عمت عيـنـي بـشـابـك ماتهنيت
يبو الهادي وغده اظلم بعدك البيت
لـون الـون يـبـويـه ايـفـيـد ونيت
علـيـك الـدهــر كـلـه ومـاتـوانيـت

مرد چـبدك يبويه الـسـم وخلاك
تلـوج الـوحـدك ما واحـد اوياك
يبو محـمـد يبويه تـظـل ردناك
سـور اوفـيّ علينه لـو نخـيـناك

الله ويـاك يـالـبـاجــي امـنـهلـنـه
يــبويه اخـلاف عـيـنك ياهو النه
يبـويـه لـو رحـت عـنه وعفـتـنه
ياهــو البـعـــد عـيـنـك يـلـمــنه

اصـعـب مـوقـف ابنادم يـمـر بـيـه
اعلى ابوه لمن يهيلون الثره اعليه
ولـمــن يــرد عــنــه ويـخــلـيــه
وجـه الـحـلــو الـتــربـان غـاطـيـه

نسألكم الدعاء

السيد حسين الياسري

#اللهم_عجل_لوليك_الفرج

فاطمه عالعسكري اتنوح وتصيح

ولدي لو سَم لو عله الغبره ذبيح

///////////////////

حظرت ابسامره تلطم عالظلع

اتكله يالعسكري من دم الدمع

يضل يوليدي دليلي منفجع

اعليكم ودلالي ماطاب وجريح

///////////////

سمك ابغدرته ويلي المعتمد

وچبدك ابسمه تكطع وانمرد

بالحقد والكره والغيره وحسد

دمكم ال البيت كافرهم يبيح

///////////////

ياليالي الفركه وي امك قسن

ضيم ودموع وقهر لمن مسن

اتكلك انت العسكري مثل الحسن

چبدك انسم ابفعل واضح صريح

/////////////////

اثمانيه وعشرين عمرك ونكضه

ولان تنطي ادروس بيها الموعظه

المعتمد هذا الامر بيه مارضه

قرر يسمك وحته يستريح

///////////////////

يالعشت عمرك كضيته بالغرب

ونار شوكك للمدينه اتضل تشب

اخ يالعسكري وبعيد الدرب

وشوگگ اتوديه وي هبة الريح

//////////////////

تَحن لارضك والوطن يالعسكري

اتكول كون ارجع واكحل نظري

بلحد جدي وِلَه اشكي قَهَري

وعن بني العباس والفعل القبيح

//////////////////

(الغضب مفتاح كل شر) من كلت

وكل صفات النبي وعلومه شلت

والشهاده مثل اهلك هم نلت

مثل اهلك بالغدر لمن تطيح

///////////////

نسالكم الدعاء

احمد الطيب الحلي

السبت 6 ربيع الاول 1447

يلا نحمل رأيه للحسن مشايه
…………………………….
اندور بوصلة العشگ من كربله
ونحو سامراء تحدي القافله
وصوت بين السمه والكاع اعتله
طلعو أهل الغيره واهل المرجله

طلعو الوفايه للحسن مشايه
………………….
رأيه تسبگ رأيه والحادي العشگ
احنه وآدم للنحبه نحترگ
عشره وي الدمعه من يوم الطبگ
كلشي بالدنيا وهم وانتو الصدك

بكل مدينه قرايه للحسن مشايه
…………………..
‏عظم الله أجرك يسلطان العمر
على هيج فراگ تلطم يا صدر
كسرة الوالد ابد ما تنجبر
بيا ارض مولاي عگبه تستقر

بكل سنه عنايه للحسن مشايه
………………….
يا ابو صالح ابد ما همنا الخطر
جينا مشايه ومدامعنا نهر
على حزنك كلشي بالدنيا انكسر
يمته ثارك تاخذه يل منتضر

ملتقاك الغايه للحسن مشايه
…………………
تمت بفضل ام البنين ع

أبو ذيات في شهادة الإمام العسكري عليه السلام .
ـــــــــــــــــــــــــــــــــــــــــــــــــــــــــــــــ


تِحِضرَك فاطِمة الزهرة لَوَنهَه
تُوِن وِجــبَال تِتفَطّر لَوَنهَه
تِــشاهِد حَالَك ٱتغَيّر لَوَنهَه
يِگطّع چَبدِتَك سِمّ المِنيّة

ـــــــــــــــــــــــــــــــــــــــــــــــــــــــــــــــ

شتِريدِ الدنيا مِن عِندك وَشِلهَه
سِمهَه ٱحشَاك گطّعهَه وَشَلهَه
وخَلّص حَتّى مِن عَيني وَشِلهَه
وبُقَت بَس بالدّمه ٱعيوني جِرِيّة

ـــــــــــــــــــــــــــــــــــــــــــــــــــــــــــــــ

إلَك ما أبخَل بحَــسرَة وَجِرهَا
مُصابَك جَمرَةِ ضلوعي وَجَرهَا
عَليك الدمعة مَذروفة وَجِرهَا
ٱنكتَب باللّوح يَم رَبّ البَرِيّة

ـــــــــــــــــــــــــــــــــــــــــــــــــــــــــــــــ

**

هوسات في شهادة الإمام العسكري عليه السلام.
ـــــــــــــــــــــــــــــــــــــــــــــــــــــــــــــــ

وَسفة ٱبن النجابة والشرف ظلموه
ما رَاعَــوا گرابة جَدّه وحِـشموه
سَليل الدّين أهـــل الجور سَمّوه

مصدوع الدِين وأركانَه

ـــــــــــــــــــــــــــــــــــــــــــــــــــــــــــــــ

وعلى امصابه الملائك تِهمِل العَبرَة
وَبو صـــالِح دِلِيله يِلهَب بجَمرة
ضَـــــجّت بالألم والدمعة سَامَرّا

ولِبسَت ثوب اسود حَزنانة

ـــــــــــــــــــــــــــــــــــــــــــــــــــــــــــــــ

إبن حَيدر علي باب العِلِم مظلوم
ودَارَه مظلمة وبالوَنّة هذا اليوم
طايِح يا وسافة والچبِد مسموم

وظَل خالِي وموحِش دِيوانَه .

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

اليوم حسين والعباس طبوها
عن الگاع شيـل الزلـم شالوها
،،،،،،،،،،،،،،،،،،،،،،،،،،،،،،،،،،،،،،،،،،،،،،
طبو ال هاشم والحرب شـــــدت
وخيل الاگـــــــت العباس ماردت
هدت لاچـــــن بيا حال من هدت
رجالـــه الزلــم صوبيـــــن ردوها
،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم شيوخ هاشم للحرب گعدو
لاطلبوش عطوه ولازلـــــــم ودو
صـــح ثنين لاچـــــــن كفو اوفو
گبل الماي روس الزلــــم جابوها
،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي ازلام كلفه ودوم ماتبـــــــرد
وين الحيــــد والبيه الضهر ينشد
اخوان ام عون للعياله حطو حـد
لاگوها برحابت صـــــــدر لاگوها
،،،،،،،،،،،،،،،،،،،،،،،،،،،،،،،،،،،،،،،،،،،،،
طلابه وال حيدر بيها متحزمين
للعباس نص ونص لخوه حسين
من العدلين صارو اكثـر الميتين
كل جيمه بكتـــــر ياناس خلوها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم الخيل تركض والزلم تركض
والعباس شايـــــل بيرغه ويفرض
ياصوب اليطبه الموت بي يعرض
صفوها النشامـــــه بساع صفوها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
نزال
من ارشيف محرم

[[في حب الرسول ص]]
>>>>>>>>>>>>>>><<<<<<<<<<<•••••••••••••••••••••••••••••••••••••••

اليوم اذب اثياب حزني
وافرح بعمري الحزين
••••••••••••
اليوم انشف ادموع عيني
للرسول ابدي الحنين
•••••••••••
يا حلات الفرحه بينه
بيها سهره وياسمين
••••••••
نزلت الرحمه ابقدومه
فضل كل هاي السنين
•••••••••
منزلة طه عظيمه
يحبه رب العالمين
•••••••••
ابمولد المختار طاحت
كل عرووش الظالمين
••••••••
اندحرت آثار الظلاله
والمجوس امست ضغين
••••••••••
الله راحمنه ابمحمد
الهادي الطهر الأمين
••••••••••
منهو اليفسر عشگنه
شكد لغز عالم حصين
••••••••••••••
اذا سألونه النواصب
ذوله شيعه امسودنين
•••••••••••
انكله سادتنه ارخصونه
جاء نصر الله المبين
•••••••••••
والصلاة انريد تعله
من ضريح أبنه الحسين

*******
#يوسف الفتلاوي

طَلَعَ البَدْرُ عَلَيْنَا واِتَّضَحَ
وَجَبَ الشُّكْرُ عَلَيْنَا والْفَرَحُ
فرحه فرحه للنبي
سهره سهره للنبي
                ــــــ༺༻ــــــ

ابتهجنه بهل ولاده وموعد الفرحه ابتده
نرفـــــــع آيات التــهاني اله ابليلة مولده
ابهيبته وآية جماله منفرد بس وحــــــده
على اخـــدود الورد نوره نازل بهيئة نده

طه للخيراتِ بابٌ وانْفَتحْ
وَجَبَ الشُّكْرُ عَلَيْنَا والْفَرَحُ
فرحه فرحه للنبي
سهره سهره للنبي

              ــــــ༺༻ــــــ

اول اصـــحاب الكســاء وســــــيد الكل البشر
صار ساق العرش مهده وخيره عالدنيه انتشر
ضايع وما عنـــــــده ذوق الما فرح بيه وبتشر
انبعـث للائـــمه رحمه اوطـــن والعافه خسـر

فيهِ مَنْ يَزدادُ حباً قَد رَبحْ
وَجَبَ الشُّكْرُ عَلَيْنَا والْفَرَحُ
فرحه فرحه للنبي
سهره سهره للنبي

              ــــــ༺༻ــــــ

عالي شــــــانه والله زاده بالكــرامه ودللــه
وختلف لعيونه كلشي الكون اصبح بس اله
الشافه صــــــاح الله أكبــر ياخلق مااجمله
والســـماء طشت نجمها واهليــــه ابمحفله

وَجْهَهُ بالعرشِ نورٌ قدْ قَدَحْ
وَجَبَ الشُّكْرُ عَلَيْنَا والْفَرَحُ
فرحه فرحه للنبي
سهره سهره للنبي
               ــــــ༺༻ــــــ

اسمه بلسم للجراح وشوفته اتروي الضمه
ابمولده الاصــــــنام كلها اصبحت متهدمه
اتشـارك اويانه ابفرحنه نازله املاك السمه
محفله راحــة تعبــنه وبيه نجــــي ونكلمه

صدر من والا طاب ونشرحْ
وَجَبَ الشُّكْرُ عَلَيْنَا والْفَرَحُ
فرحه فرحه للنبي
سهره سهره للنبي
                  ــــــ༺༻ــــــ

كلشي بيها الدنيا فاني وحُبّه دايم للابد
حيل غـزر بينه عشگه وثابت لوِلد  لوَلَد
هوّه ابونه ودلانه وســـــور للائمه وسند
بالشداد انصيح بسْمه مــدد يا طه مــدد

طه غوثٌ باسمِهِ الصوتُ صَدَحْ
وَجَبَ الشُّكْرُ عَلَيْنَا والْفَرَحْ
فرحه فرحه للنبي
سهره سهره للنبي
               
                 ــــــ༺༻ــــــ

  ✍الخادم
كامل السعيدي

‏رسول الله حبيبي امنين ماجيك
‏اشـوفن رحمة الله اربـع جـهاتك
‏
‏لگيتك بسمه فوگ اوجوه الايتام
‏وحنان ام اوبـو واكـثـر صـفاتك
‏
‏السمه من شوگها تگرب على الگاع
‏اذا مــديــت ســجــادة صــلاتــك
‏
‏صيـت الماي گطره اگـبالك يصير
‏وحـيـاة امـنـيـنله لـو مـا حـياتك
‏
‏انت ارض وسماها بأسمك اتلوذ
‏وعـلي ذاك الـفـحل لاذ ابـعباتك
‏
‏الندى يمر الورد وكت الفجر ليش
‏اعلى طـاريك ويـروي العاشكاتك
‏
‏الشافن حسن يوسف صنن بشوگ
‏اچـفـوف ايگـطعن لـو شـايـفـاتك
‏
‏الجنه وخذت من عيونك اوصاف
‏وتـزين حـتى عـرش الله ابحلاتك
‏
‏الشمس والگمر من وجهك خذن نور
‏اويـضـلـن حـجـر لـو مــانـاظـراتك
‏
‏طولك هيچ عن عرش الله قوسين
‏يـوالـد فاطمه ويـاهـو ابـعـلاتـك
‏
‏يغـالي ومـانخـلي هـواي ويـاك
‏وبـس البيهم امـوصي ابـغلاتك
‏
‏علي والزهره والحسنين الاطياب
‏الحبهم حـتماً ايحصـل نـجـاتـك
‏
‏بس ذوله ونشيل فلان وفـلان
‏ونشيل ام الجـمل والباغضاتك
‏
‏
‏
هـاني ناصر السعيدي

(( هوسات للرسول ص))

بزغ نور النبي الهادي عالاكوان
بيك استبشر الديان والقران
محمد رحمة الله عالأنس والجان

والكون اتلاله بأنواره
*****
انولد بدر العداله وللسنن وصفه
انطفت نار المجوس بمولدك تطفه
ابو الزهره محمد كامل العفه

والصادق چان يلقبونه
****
تشرفنه بقدومك منقذ الاكوان
ولادة طه چانت رمز للايمان
العلي الله يحبك طه بالوجدان

ونهني الزهره ابميلاده
***
على الصادق فرحنه ونعلك الافراح
كل واحد حضرنه اليوم همه انزاح
سيد المذهب اجانه وللعلم مصباح

ومغذي العالم بحروفه
**
يوسف الفتلاوي

#نعي

رجع صوب الخيم والمهر مذعور
ينادي حسين يهل حسين مكسور
وحدة ودايرة بكل صوب عدوان
وجبير الكاع فوك الكاع منحور

هاشم وين طايح شيخ هاشم
ودو طروشها وجردو الصوارم
مو مالت يضل عالكاع مطروح
ترة الفوك التراب حسين نايم

عليه استكثرو ياهضمة الحيد
وكت ناصر خلكها ناصر يريد
اليحمي الدخيل شصار وياه
تنخت بي خيامة وعنهن بعيد

الصواوينة يباوع خذو نيران
وطلع كبل الخيم من صدرة دخان
شهم كام علة حيلة وعالوجه طاح
من كامت تحشم بي النسوان

يتنفس يريد ومنعته اسهام
وشهك شهكة الموت وكضتة خيام
تلوة اعلة التراب ويركد يريد
والبكلبة سهم هم يكدر ينام

سمع كلمة ادركني بشحة الحيل
ولختة يكوم راد وردتة الخيل
بالطف كلشي يابس من ضماه صار
الوحيد الجان بالطف دمة اليسيل


كرار اياد

#اللهم_عجل_لوليك_الفرج