الليلة على بركة لله تعالى

وينك يعباس. ارجع عليه
ترضاها للشام. امشي شبيه
@@@@@@@@@@@
وينك يكافل. حرگوا خيامك
رد. الاعادي. وجرد حسامك
وينه الوعد ذاك. وينه كلامك
لمن جبتني. للغاضرية
####@@@@@@@@@
كتلي انه احاميج. وتدريني كافل
ودك صدره اله. ه̷̷َـَْـُذآ ابو فاظل
فنه لثناياج. يوصلنه عايل
الا اراويه. بيدي المنيه
@@@@@@@@@@@@
جنك عفتني. وحدي وغريبه
اشيكلك الحال. وهاي المصيبه
بس ه̷̷َـَْـُذآ العليل. ودمعه ونحيبه
هو البقه وياي. وشاف الاذيه
@@@@@@@@@@@@@
لمن خذوني. يم الشريعه
شفتك يعباس. جفوفك گطيعه
وشفت الهواشم. كلها صريعه
عالغبره طاحت. فوك الوطية
@@@@@@@@@@@@@
زينب. تنادي. وينه كفيلي
هضموني خوية. وذايب دليلي
كلها رميه. انته وخليلي
وبس اليتامه. بالغاضرية
@@@@@@@@@@@@@@
خويه ارد اخبرك. ظربوني اعداك
واخذوني للشام. انه ويتاماك
جنت. بدلالك. مهيوبه بحماك
وهسه السبايا. تبجي عليه
@@@@@@@@@@@@@
بعد الكفلني. تبرالي ظلام
تظرب رقيه. وتشتمها الايتام
ومن الهظيمه. ياخوية ما نام
ولمن عفتني. شفت الاذيه
@@@@@@@@@@@@@
علي عبدالحسين السعيدي
078 10158578

#نعي

مولاتي العقيلة روحي فداها

ارْكوب الجمَل مالِيش حيله
او حدّاينه جاسي دِليله
ايْحثِّ السَره انْهاره اوْيه ليله
او لو ذعَّر الناگه الهزيله
او طاح الطفل ياهو اليشيله
و اعله النهر نایم چفیله
و أنا مرَه امحيَّره ابعَيله
و امنين اجيب اليهِد خيله
او يوصل لعد حامي دخيله
ابوادي النجف دمعه يسيله
او يصيح يا شیخ الجبيله
يشيَّال الِحْمول الثجيله
بنتك عگب عِزها ذليله

*ميرزا عادل أشكناني*

#اللهم_عجل_لوليك_الفرج

يـمـچ اشـرح ياحـزن
عمه جيت امن الدفن


هذا جرحي المايطيب
التـارك ابگـلـبي لهـيب
بيدي وسدت الحبيـب
وصارت الدنيه سجن
عمه جیت امن الدفن


شـلون نـايـم عالثره
ضـلوعه كلها مكسره
گـمـت ادور خـنصره
لـو حـجـر گـلبه یحن
عمه جيت امن الدفن


عـمـه ياطـفـله الـزغـير
بالـدفن الخـلانـي احير
ويالابواجمعته بحصير
ونهر عيني أعلى الوجن
عمه جيت امن الدفن


وانـي بالـهـم مـبـتـلي
بـيـن خـوانـي واهـلي
شـفـت جـسـام وعلي
وصحت معذور اليجن
عـمـه جيت من الدفن


گـلبـي تلهب جـمـرته
وسـدت كـل صحبته
اهل الوفه الماعافته
واكعدت يمهم واون
عمه اجيت من الدفن


اتـوجـهـت للـمـشـرعـه
وشفت عمي ومصرعه
اچـفوفـه يـمـه مگـطه
وسـهـم نايم عـالجفن
عمه اجيت من الدفن


حرت يارعي الشيم
بـيـنك وبـيـن العـلم
عمي شحچیلك الم
طـالت اعـلينا اللسن
عمه جيت من الدفن


هـاني  ناصر  السعيدي

الليلة على بركة لله تعالى
ذي قار قضاء سيد دخيل

يالدفنت حسين عندي حجايه
تلگه جفين اعله الامسنايه
كله زينبكم مشت
يبو فاضل حشمت
......................................
يالدفنت حسين سولف بالجره
اشلون دفنه وهوه فاگد منحره
اشلون لميته وذر فوگ الثره
اضلوعه من السحگ كلهه مكسره
بالطفوف اتوزعت
گله زينبكم مشت
طاح والعدوان اجت عنايه
.........................................
اشلون ينشال الي ماعنده جسد
شده هاي ومحنتك هيه الاشد
عمه من حشمته عودك ما گعد
ادري جسمه ابخيل عدوانه نمرد

بيه خصمه مارعت
گله زينبكم مشت
وغاب شيال الحمل والرايه
.........................................
تلگه جفين الگمر فوك التراب
واشكي همي وعذابي و المصاب
ادموعي اوزعهن لبو فاضل ثواب
ضلمه دنيانه الگمر يوم الي غاب

يدري اخيته اتيسرت
گله زينبكم مشت
وآنه اعرفنه الوعد وفايه
.........................................
فزعه ياكافل ضعنه ترضه هاي
دربي تيهته ابمغيبك يا ضواي
امنين ما ادير الهضم يفتر وراي
ردت ترجع ماردت عباس ماي
بالدمع روحي ارتوت
گله اخيته اتيسرت
يا كفيلي والضعن حدايه
.........................................
مطرت الدنيا هظم لمن رحت
هجمت الخياله بس سمعو طحت
ريت ميته ولا يبو فاضل شفت
ركضو وحرگو خيم واتشتمت

ونار گلبي الماطفت
گله زينبكم مشت
ما ايطفيهه الفرات ومايه

خادم اهل البيت علي الزرگاني

الليلة على بركة لله تعالى
قضاء الاصلاح

السبي

ويـنـهـا أزلام الـهـــواشـــــم ويـنـهـا
زينب بحـبل الـســبـي مـگـيـديـنـهـا
...........................................
وين قـتّـال العــرب وين الحـيـــود
وين حـمــزه ويـنـه صـيّـاد الاسود
انسبت نسوانكـــم سـبي الـيــهـود

وبالرمح چــــدام راس احــسيـنها
...........................................

بالرمــح راس الشـهـيـد ومـا سلم
بالحـجـر صـابـو جـبـيـنـه وانشتم
هـــاي ناس ارجـاس عـبّاد الصنم

بـدرهــــــم ودينار باعــت ديـنـهــا
...........................................

مافــزع حـــيـدر يـشــوف بكــربله
ضل وحـــيــد حسين ماتو كل هله
حــرگـــو اخيامه وسـبـوها العايله

ويـنــه خلّاس الـعــده بصـفـيـنــها
...........................................

منطرح فوگ الترب سبط الرسـول
بكل مغاره حسين داتسه الخيــول
بروحه والرده على اضلوعه تجول

اعظام صدره اعله الثره مكسرينها
...........................................

فــــرّن النـسـوان والــنـار اعــتـلـت
بصوت زينب صاحت وللتل مشت
هنا يبن امـــي تــره العـيــله نولت

واعــلـه ضـيـم السبي اللـه يعينها
...........................................

تعثـر ابـمـمشاها والوادي امخطر
شلـــون تل يشيلها اجبال الصـبـر
وصلته وگـــالت اجــيتك علعطـر

حسين خويه اوصالك مگطعينها
...........................................

شلــون حيـره بكرله زينب تحير
هاي ماصـارت قبل ماظن تصير
چتّلو أل النبي وحـتى الزغـــير

والاطفال الــــرضّـــع امچتلينها

.....................................................

✍️عباس مالك العفريت

نسألكم الدعاء

لك العزاء يامولاي ياصاحب الزمان عج
انته المعزى سيدي

فوگ الرمح ينطرهم وصاح
وكفو الضعن منكم طفل طاح
طاحت رقيه من الهزل
مجتوفه اديها بالحبل
منكم طفل طاح منكم طفل طاح
--------------------------------------------
فوگ الرمح جاب الدرب وحسين عينه لعيلته
ومفطره من العطش ويلي يخونه شفته

فوگ الهزل يابت علي لحسين اخوها حاجته
يحسين من عگبك تره طولي الزلم هل شافته
يحسين خويه تمرمرت
ضيم وقهر منهم شفت
عليه الشمر صاح عليه الشمر صاح
----------------------------------------------
راس الحسين اعله الرمح جن يحجي وي راس الگمر
ويگله اختنه يالشهم بين الاعادي وبالخطر
فوگ الرمح ضل يرتعش راسه افتر ودار النضر
خلافي يخيتي علل هزل بيج هل خان الدهر
يرتعش راسه من الغضب
لو واحد اعله اخته گرب
من فوگ الرماح من فوگ الرماح
---------------------------------------------
وللشام طبينه بحزن ومگيده اجفوفي احبال
ومخدرت حيدر علي عليه الاسيره تنگال
مشمته كل هاي الخلگ محد يرد عنه العال
وراس الحسين اعله الرمح عد النذل وسفه نشال
بس العليل البضعن
ياهواليردنه للوطن
دم تجري الصفاح دم تجري الصفاح
----------------------------------------------
لرض الوطن وبلا ولي مو مثل روحتها من اجت
بس العليل البل ضعن وخوتها كلها اتكتلت
تشكي شجره من كربله لمحمد تسولف بدت
وگامت اتسولف عل سبي ومن الهضم زينب بجت
كل اخوتي راحو جتل
وتراوي اديها من الحبل
وعل خد دمع طاح عل خد دمع طاح
------------------------------------------------
محمد شسولفلك بعد طبينه وسط الكوفه
بت الامير علل خلگ فوگ الهزل مجتوفه
وراس الحسين علل رمح بالقصرگام يطوفه
ودم النحر فوگ الرمح وطفاله كلها اتشوفه
وصاحو يبت حيدر علي
ماضل بعد عدج ولي
راح الخدر راح راح الخدر راح
حسين الزركاني

قصيدة صـلاة الحـرب••♕
نزال شجاعه


صــلــه ونــدار ابـو فـاضل ليـها
الـجـيش خـايـف اولـه وتـاليـها
ـــــــــــــــــــــــــــــــــــــــــــــــــــ

صله وندارت جفوفه اعله لحرب
شد الثامه وصال والمحشر گـرب
نـار كـلـه وفـايـر بسيـفه لـغـضب
گـمـر هـاشـم والـعـده امـبـجيـها

ـــــــــــــــــــــــــــــــــــــــــــــــــــ

صـال بيهـا والـرگـب مـنه تـطـير
خلـه بـگـلوب الـعـده نـار وسـعير
منين مـاشـردت زلـم بيده تـصير
چـفه ملـچ الموت مـن يـلفـيـهـا

ـــــــــــــــــــــــــــــــــــــــــــــــــــ

هيبة الله ورايح الصوب الفرات
عيش عداه الـرعب وكت الممات
ضربته اعله روس مامنهه نجات
عـالجرف ذبــاهـه مـايـخـطيـها

ـــــــــــــــــــــــــــــــــــــــــــــــــــ

دار بـيـهم كـربـلـه وشـد القـتال
طيح شـبااه الزلم وكـت الـنزال
والكتايب منـها مـاضـلت رجـال
شـمـراهـم والــضـوه يـعـميها

ـــــــــــــــــــــــــــــــــــــــــــــــــــ

راوه كـل الـجيش نجمات الظهر
بعـد حيل الله وعـلي مـايـنـگـدر
بعينه والريشات ساطرهم سطر
والـجـثث مـن طـگـتـه يـعـليـها

ـــــــــــــــــــــــــــــــــــــــــــــــــــ

وحده جيش لكافل وجدامه طف
مـايهابي المـوت والموت نـخطف
الكون بالطف نچفه وربــك لـطف
مــالـت وراد الـگـمـر يـچـفــيـهـا

ـــــــــــــــــــــــــــــــــــــــــــــــــــ
خادم الحسين ع
مهند العايدي

تمت بفضل الله وال محمد ع
نسالكم الدعاء//1447ه‍

زينب ورقيه

والله ياعمه  بعــد مــابيـه حـيل
وين اروحن من بعد عين الكفيل

عمه يارقيه ..... عالجرا شبيديه
ويــن اروحن ..... ويـــن اروحن
****

يسولفن بيـــناتهن بس بالبواچي
اتذكرن عباس ابو حلو المحاچي
عمه لو مــوجود ماسلـبــــوا تراچـــي
وعالجرح ياوسفه گلب الحره تاچي

عمـــه غربه والضــعن مابـــي هلي
وياهـــو بعده يگلي خـــويه أدللي

نادت السبيه ..... عالجرا شبيديه
ويـــن اروحن ..... ويــن ا روحن
****

عمـــه ياعمه ابتــعد عنـــي الاوده
وهو يدري بروحي والدلال عنده
ظل مچانك خالي چا ياهو اليسده
خـــويه ياعـبـاس هاي شلـــون شـــــده

والله بغــيابك بعــد ماعنـدي روح
ولــو تنام العين تلچــمها الجـــروح

تجرح المسيه ..... عالجرا شبديه
ويــــن اروحن ..... ويــــن اروحن
****

تگلها خلينه يا زينب نمشي يمه
نحـلفه بالـزهره يرد والـحره امـه
ماكو ياعباس خيمه ودنيا ظلمه
والعساكر خويه ابد مابيها رحمه

شلون نوصل والحرس خيل وزلم
نــصيح من بعــيد وبصــوت الهــظــم

وين ابو الحــميه .. عالــجــرا شبديه
ويـــن اروحـن ..... ويـــن اروحــن 
*

تگله وينـــك  يابوفاضل  ياحيــــاتي
خويه شوف السوط مطبوع  بعباتي
ومن جلوس الليله صليت الصلاتي
والسبـــب ياخــــويه كـــثرن نــايبـــاتـــي

نايـــم انـــت وانا عــــذبــــني الدمـع
والحزن عاشرني من يوم الضلع

بصرخة الزچيه .. عالــجرا شبديه  
ويـــــن اروحـن ..... ويــــن اروحـن
*

عمه نمشي الوالدي ونمر بالاكبر
ونمـــشي للعريس ماظنـــه يتعذر
نگلــهم العــباس عــالشـاطي تـــوذر
ياهو بعد اللي كفلنه اعليـــنه ينــغر

عمه ماتوا كل هلي وكل اخوتي
ومحد بحـالي دره وبمـحنــتـــي

انـــا والاذيــــــه ..... عالجرا شبديه
ويــن اروحن ..... ويـــن اروحن
***

عمه ابــوفاضل وسف گطعوا يمينه
وگطعوا اشماله وبعد صابوله عينه
يعـــنـــي ايســنه بعـد لا مـا يجــيـنه
يعنــي انا اتكــفلت هـــاي الضــعــينـــه

نمشي وي الحادي ياحيف بزجر
ومــن بعـــد عباس يبــرالي الشــمر

والگلب ضحيه .. عالجرا شبديه
ويـــــن اروحن .... ويــــن اروحـن
****

وين ابوفاضل ينشدون اليتامى
ويندعون العمـــهم يرد  بسـلامه
عمه چانت رايـــته لـــينه علامـه
هسه لا رايه ولا صوت الحسامه

هاي هيا وراح اروح اويه الغرب
ابلا كفيلي وحشه يادنيا الدرب

مايجي اليه .. عالجرا شبديه
ويــــن اروحن .. ويــــن اروحن


الشاعر فاروق الغنامي

قريباً أن شاء الله

ويلي يزينب ياغريبه
ويلي يزينب ياغريبه
....................................
هاي مارايد سمعهه والابد ماتنعقل
شلون بت فاطمه الزهره تصعد بنوك الهزل
ندري ماي العذب طبعه مايود ماي الضحل
اشلون ترهم بني اميه رافكت بت الرسل
لا ماتذل الهاشميه
لبوة علي حامي الحميه
صح هيه راحت رحله للشام
بس مثلت دور الزجيه
ويلي يزينب ياغريبه
ويلي يزينب ياغريبه
......................................
ولو تعبانه ابسفرهه مشت ثوره ومو سبي
وكثرما شافت مصايب لومشت تحبي حبي
اشما تصد چتال اخوهه لاذت ابكتر العبي
وشرف هاي الدنيا لايذ بالعفاف الزينبي
امن يبعد الروح يحسين
يم الخصم مادمعت عين
لجلك اصيرن كافل ايتام
وبركبتي خدر النساوين

ويلي يزينب ياغريبه ويلي يزينب ياغريبه
........................................
ام عون مابيهه تسولف حيل تعبهه السفر
النوم مايعرف جفنهه ورافگت عين السهر
اشما تدير الوجه زينب تلگه حايطهه القهر
وگبل لاتمشي گلبهه ويه الحسين انطبر
ياوسفه طاح حسين عاري
وجسمه تطشر  بالبراري
يبن امي عاالتربان مذبوح
حگي اون ليلي ونهاري
ويلي يزينب ياغريبه
ويلي يزينب ياغريبه
.......................................
صح اخوهه ايموت ضامي والاهل فوك التراب
بس يضل هم العقيله اعيالهه وكضت الحجاب
هيه مو آخر عجيبه زينب اول بالعجاب
اشما يغثهه ابن الدعيه اتحاجي الحسين بعتاب
يحسين وينك الحگ ام عون
من الهظم ما ضلت اعيون
من همي اموتن خاف يحسين
واطفالك اخلافي يموتون
ويلي يزينب ياغريبه
ويلي يزينب ياغريبه
..........................................
ياهلي الفرگه ثجيله وخافن يطول السؤال
ليش تتعنه المصايب على الزين
اتشله حال
بس يظل شامخ اسمنه وماوصل تل للجبال
آنه اضل ام عون آنه اشما كلت بيدي الحبال
صح الحسين يموت مظلوم
وابلا رحم من ركضت الگوم
بس ياهو باجر قدوة اجيال
ياهو اليموت ابذكره ويدوم
ويلي يزينب ياغريبه
ويلي يزينب ياغريبه

خادم اهل البيت علي الزرگاني

ما يخلص لطمنه وتبقى القراية
چم يوم ونجيك حسين مشاية
"""""""""""
تبقى الخدمـــــة هاي وما نعزلها
والرايت تبقـــــــــه وماننـــــزلها
بكلمة ياعلـــــــــي الدنية نزلزلها
وتغيض للنواصب هاي الحچاية
"""""""""""""
والعشــــــــــــرة قليلة وماتكفينه
لو نبچي العمر مانوفي ابو سكينه
وي سجل الخدم يحسين خلينه
نحلفك ببو فاضل صاحب  الراية
""""""""""
خدامــــــك نضل يحسين خدامك
فدوه نروح كلنه السحكت اجدامك
ريت الاعوجية السحكت اعظامك
سحكت فوك راســـــي يبو الوفاية
"""""""
واجب هالمجالس هاي نحـــــييها
وبگطـــــــع الراگاب حسين نفديها
نواســــــــي ام الخدر بفراگ واليها
الطايح عالفـــــــرات وماشرب مايه
"""""""""
ابجي عالحسين ورخص دموعك
والطم حيل لجله والچم اضلوعك
يالقاسم شعلنه بروحنه شموعك
تسعر بالضلــــــوع مصيبتك هايه
"""""""""

هنيــــــاله اليخدمك والله هنياله
والواســــــه الحسين بغربة عياله
حسين من العطــــش ممرود دلاله
حسين من الرمــــــل سواله تچاية
"""""""""""""
خادم الحسين. ع
ســـــاري العبـــــــادي

الليلة على بركة لله تعالى

غمضو عيونكم يالشام بتمن هايه تدروها
...............................
هاي التنحني جبال الشرف ليها
ويسوه الدنيه كلها اتراب رجليها
الهوه ابرخصت ابو فاضل يمر بيها

من تالي تطب للسوگ عالناگه وتشوفوها
غمضو عيونكم يالشام بتمن هايه تدروها
..................................
بنت الزهره هايه العاشت ابلوعه
السحگو صدر اخوها وكسرو ضلوعه
مامعروفه من يالجمه موجوعه

كل اخوتها مذبوحين وبهل حاله خلوها
غمضو عيونكم يالشام بتمن هايه تدروها
...................................
دخلتكم غريبه وحيل مخنوگه
وأطراف العبايه ابنار محروگه
اخوتها ابكربله بالخيل مسحوگه

يزعل راس اخوها حسين مايقبل تزعلوها
غمضو عيونكم يالشام بتمن هايه تدروها
...................................
زينب الضلت ابلا خيمه لا رايه
وبحلوگ الأجانب صارت حجايه
من اولايه تطلع تدخل اولايه

مومالت شتم وحجار بسكم لا تلجموها
غمضو عيونكم يالشام بتمن هايه تدروها
...................................
فتر بيها الزمن وهنانه جاباها
بس نسوه وعليل وروس وياها
اتلوذ ابرمح اخوها الوكت خلاها

يهل الشام لو زينين يم حسين رجعوها
غمضو عيونكم يالشام بتمن هايه تدروها
العبد ابوفايز الرافضي

غمضو عيونكم يالشام بتمن هايه تدروها
...............................
هاي التنحني جبال الشرف ليها
ويسوه الدنيه كلها اتراب رجليها
الهوه ابرخصت ابو فاضل يمر بيها

من تالي تطب للسوگ عالناگه وتشوفوها
غمضو عيونكم يالشام بتمن هايه تدروها
..................................
بنت الزهره هايه العاشت ابلوعه
السحگو صدر اخوها وكسرو ضلوعه
مامعروفه من يالجمه موجوعه

كل اخوتها مذبوحين وبهل حاله خلوها
غمضو عيونكم يالشام بتمن هايه تدروها
...................................
دخلتكم غريبه وحيل مخنوگه
وأطراف العبايه ابنار محروگه
اخوتها ابكربله بالخيل مسحوگه

يزعل راس اخوها حسين مايقبل تزعلوها
غمضو عيونكم يالشام بتمن هايه تدروها
...................................
زينب الضلت ابلا خيمه لا رايه
وبحلوگ الأجانب صارت حجايه
من اولايه تطلع تدخل اولايه

مومالت شتم وحجار بسكم لا تلجموها
غمضو عيونكم يالشام بتمن هايه تدروها
...................................
فتر بيها الزمن وهنانه جاباها
بس نسوه وعليل وروس وياها
اتلوذ ابرمح اخوها الوكت خلاها

يهل الشام لو زينين يم حسين رجعوها
غمضو عيونكم يالشام بتمن هايه تدروها
العبد ابوفايز الرافضي