يا عباس اسمع وصيت امك
:::::
اعگـــــد رايتي وخليني اشوفك
اريــــــدك كون تگطعهن چفوفك
مـــــا ريـــــــدن يمنعنك ظروفك
اذا عفـــت الحسين وليدي اعوفك 


اعگد شيلتي وخل انظــــرك زين
بعد هـــــاي العقيله برگبتك دين
اريدك تنذبح گـــــــدام الحسين
يستاهل اخــوك اگطعله چفین


يا عباس شد حيلك وعزمك
:::::
اهزنــــــك قبل مــــا تقبل تنام
اله حسين يدخل وسط الخيام
اريد حسين يمك خاص والعام
صير احزام يبني وشد الحزام


دنگ من تحاچي حسين ممنون
دنگ راسك وغمضها العیـــون
كلشي يهون بس حسين ميهون
انت واخوتك لحسين ترحون

يا عباس وحسين كل همك
::::
افتـــــح عينك ولا تطبگ ارمــــوش
ما ريــــدن خبر يوليدي مـــو خوش
وديلـــي خبـــــر وتوصــله الطروش
الحوش بلا حسين يصير مو حوش

گبل حسين  لا تشتــــــم هوه الهاب
دنــــــگ اذا اســــــم حسين ينجاب
ولدي احباب وحسين اغله الاحباب
راح اگضي العمر منتظره عالباب

يا عباس خليني اشتمك
:::::
وصيتي الك يوليـــــــدي الاخيره
ارفع راسي يا بـــــــدر العشيره
اريــــــــدن زينب تظل الاميره
مـــــا ريد استمع اختك أسيره



اختك يبنــــــي راحـــة بالها وياك
اريدك وين مـــــــا تنــــــدار تلگاك
خلي عالشريعه يرفـــــــرف الواك
جيب المــــــاي اذا زينب وتنخاك

يا عباس يم النهر دمـــــــك
:::::
باچر ناعي يوصــــــل لم البنين
يخبرني عليكم وادمــــــع العين
عوف الولد خبرني اعله الحنين
رفعو بالرمح راس ابنچ حسين

وبعد زينب مشت مسبيه للشام
ومحترگه بعد مــــا ظلت خيام
بقت يم العقيله اطفال وايتام
تنتظرين المـــــن ميته الأحلام

يا عباس كون انه هم يمك
:::::
علي جبار الكعبي
الفاتحه لوالدي

ما دريته يموت چــــا ظميتــــــه
ويم ٱخيته فاطمــــه خليتـــــــه
""""'''''''''""""""""
آنه گلت ٱبكربلـه شــط الفــــرات
المات يمه ٱيعيش وتردله الحيـاة
آنـه ظفته وماشفت غيـر الممـات

حتـى بيــع المـــاي ما لاگيتــــــه
ما دريته يمـــوت چــــا ظميتــه
""""""""""""""""""
لا مباح المــاي لا واحـد يبيــــــع
ٱمنين ٱجيب البن لشفاف الرضيع
واليلوحه السهم من أُمه يضيــع

وآنــه عمــري للولـــــد نذريتـــــه
ما دريته يمـــوت چــــا ظميتــه
""""""""""""""""""""
حسين ظل محتار من راح الكفيل
منتچي عله ٱجروحه ويدور عله حيل
وعله شربة ماي دم أبنه يسيــــل

وعله مهده ٱتحزمــــت ناعيتــــه
ما دريته يمـــوت چــــا ظميتــه
"""""""""""""""""
وينه گلي الحيل ويشيل الجـدام
وصرخة النسوان تدوي بٱلخيــام
البلحظن مذبوح وبظهره الســهام

يعينــك الله ياشهـــم ناديتــــــه
ما دريته يمـــوت چــــا ظميتــه
""""""""""""""""
وصل يمي وصاح وينچ ياربـاب
شدي حيلچ للنعي بهذه المصاب
أثنينه ٱبفگد الولد نشبـع عــذاب

طحت يم الباب من سمعيتــــه
ما دريته يمـــوت چــــا ظميتــه
"""""""""""""""""""""""
شوفتك عبد الله چانت عيـــدي
مني ماشابع محنـــه أوليـــــدي
أبكثر ماعطشان يرضـع بيـــدي

شنهي يُّمه الهل بشــر سويتــــه
ما دريته يمـــوت چـــا ظميتــه
"""""""""""""""""""
ماگضت من هاي لا بعده الونيـن
صاح يم الخيم وبحرگه الحُسين
ٱزلام حيدر خلصت ماظل حنين

بس حرم وٱطفال تنعه أبيتـــه
ما دريته يمـــوت چــا ظميتــه
""""""""""""""""""""
أجت زينب لحگته بذاك النحيب
والغريبه ظلت ٱتواسي الغريــب
مابقه بٱلطــف لا خــل لاحبيــب

وفگد عباس السلـب عافيتـــــه
ما دريته يمـــوت چــــا ظميتــه
""""""""""""""""
خادم الزهراء الحاج ابو سجاد الطائي
صاحب العذرائين

شيعه علي غيره وعزم شيعه علي
****
بالعويل وباللطم. يالوصفتنه بهايه
انته صهيوني الأصل. واحنه العلي وفايه
احنه شيعه حيدرة. ورفت بدينه الرايه
اليوم اله تل ابيب. نسوي بيها اسوايه

ذاك الحجه اعله اهل اللطم لابد وين
باع القضيه وباع غزه والدين

بالموقف اتبين الزلم.  شيعه علي
شيعه علي غيره وعزم شيعه علي
***
وين حكام العرب. ذرة شرف ما بيهم
نفقو اموال الشعب. لمريكه عار اعليهم
واهل غزه مهجره.  ومحد تبرع ليهم
ومن اجل كرسي الحكم.  باسو نشوف ايديهم

اليوم العروبه بلا عروبه تشوفون
وبالقمه كلهم كل سنه يجتمعون

ودرب العداله منرسم  شيعه علي
شيعه علي غيره وعزم شيعه علي
***
طلعو اهل المرجله. وسوح الحرب طبوها
تل ابيب امن القصف.   شيعه علي حركوها
يمهم البالستي طك.  وجنودهم بجوها
هزو إسرائيل هز.   والمعركه حسموها

ما بادي بعده وطيح الطيارات
وبعده الولي ما طلع المضمومات

ما تنوصف هاي الزلم. شيعه علي
شيعه علي غيره وعزم شيعه علي
**
انه مو برضي الحرب.  فازع رحت شافوني
ولجل غزه حاربت.  كل العرب يدروني
ردت اغسل عارهم.  بس للاسف نكروني
دمي ما همهم ابد.     بس همهم الصهيوني

متعني احرر كاعك امن اسرائيل
وتتشمت بدمي وتكللهم حيل

مثل الجبل ما تنهزم.  شيعه علي
شيعه علي غيره وعزم شيعه علي
****
ولد حيدر بالوغه.  لو هجمو اشمحلاهم
ذوله ما رضخو ابد. يمشي الوفه وياهم
حاربو اهل الظلم.  وبرعب عيشناهم
وحررينه كل شبر.  من كاعنه ودسناهم

وأحرار عشنه ولازم نموت احرار
والذله والخشه تضل لهل العار

وبالحومه ابد ما ننثلم.  شيعه علي
شيعه علي غيره وعزم شيعه علي
**
تمت
تحسين الخفاجي

هيبة العباس بالطف هيبه
الخوش زلمه ام البنين اتجيبه
**
وصته ام عباس بالطف وصته
موش ماي جنود يترس جربته
حيهم العباس صاح اعله اخوته
وكلهم ايركضون اجو يم خيمته

يله كلهم للحرب وربعتنه خل نطب
امنه رضعتنه الوفه والطيبه
الخوش زلمه ام البنين اتجيبه
*
هجمو امن اربع جهات اعليها
وماتت اتشوف الزلم رجليها
ابو فاضل كام هوس بيها
وصاح اله امن الوجود امحيها

عالنهر هجمو سوه وضاع عالجيش الهوه
ذوله معروفين وكت النيبه
الخوش زلمه ام البنين اتجيبه
****




هجمو وكاع الحرب حركوها
والجفافي اعله الضهر شدوها
الخيل تشرد للنجف خلوها
وكربله انجوم الضهر راووها

يا علي اشلون اربعه هجموا عله المشرعه
الجيش فر وخربطو ترتيبه
الخوش زلمه ام البنين اتجيبه
**
والنعم عز الله منهم والنعم
والزلم لو هيج لو ماكو زلم
حاصروها والعزم شال العزم
وكلهم العباس لازم ننتقم

اليوم يوم المرجله امنين تشرد كربله
فرحه عدنه وهيه عدها امصيبه
الخوش زلمه ام البنين اتجيبه
**







اتوكلو وسيوفهم تكطر دمه
وضل عجاج الخيل يصعد للسمه
كلبو الدنيه ولد حامي الحمه
وينه وينه اليوم طب للموزمه

جابو الروس واجو وبالمخيم هوسو
وابو فاضل جيش تارس جيبه
الخوش زلمه ام البنين تجيبه
****
ذوله اقوه اكلوبهم من الحديد
يا رعيد وجان عباس الرعيد
عالكنايص بس ابو فاضل يصيد
الزلم طفها واخذ من عدها اليريد

نزل هوه وخوته وبيده تخفك رايته
حلفو بزينب وذيج الشيبه
الخوش زلمه ام البنين تجيبه
***
تمت
تحسين الخفاجي

سفرة عـافيه وكـل الشـفه بـيـها
ودوم اهل الحوائج عينها اعليها
ـــــــــــــــــــــــــــــــــــ
سفرتــها يطــــيب ألي اكل منها
موبس زاد يـعلم الله بــــــاطنها
مثل مائدة عيسى معجزه چنها
واليوم الحشر ممدوده اشوفنها

وخيرات السمه والارض تحويها
ـــــــــــــــــــــــــــــــــــ
هــاي ام الكرم والجود مُضـيافه
گلبهه الكون كله ايحير باوصافه
سفرتهه الأكل من عدها يـتشافه
جعل بيها الشفه بــارينا بالطافه

وزاد ام البنين العله يــــــشفيها
ـــــــــــــــــــــــــــــــــــ
بــسم ام البنين الطاهره الحره
مبروكه بعلي ومحروسه بالزهره
من ذاك الوكت ممدوده هالسفره
غنيه ام البنين وحضنت الفقره

وعبـــاس اليـعزب للخلگ بـيـهـا
ـــــــــــــــــــــــــــــــــــ
عالطيبات ام عباس معتاده
تنطي الي نخاها وياخذ امراده
هيچ ايصير كلمن عاشر الساده
یتبارك بعمره وصحته وبزاده

آمال الخلگ متعلقه بيديها
ـــــــــــــــــــــــــــــــــــ
ابزاد ام البنين العله مشفيه
وقراءة سورة الفاتحه الكشفيه
وهل دمعه على العطشان ليليه
وابچي اعلى المشت للشام مسبيه

بس هذا الالك والباقي اعليها
ـــــــــــــــــــــــــــــــــــ
سجيتها الكرم واتكحل الناظر
المعگوده تحلها وتجبر الخاطر
الضحت بالولد لحسين بالعاشر
شأنها بالقيامه يرتفع باچر

وبالمحشر ابو اليمه اليجازيها
ـــــــــــــــــــــــــــــــــــ
حيدر بشار الدراجي
#جديد_محرم_الحرام_

‏@.:يبو فاضل دخيلك .. يبو فاضل دخيلك
_
طبها عباس.. على الراس… ترف ريشاتة
دبچت الخيل.. والكحيل… حچة حچاياتة
شد الشگور… بالصدور… تطگ خزراتة
هذا ابن بدوية .. شمّر الخاچية
كافل العلوية .. هوّس ابچفيّة
يبو فاضل دخيلك .. يبو فاضل دخيلك
_
گرّم الخيل .. والدخيل .. يموت بخوفة
طب على الگوم .. والهدوم .. دوَت بچفوفة
غثوّا الحيد .. والبعيد .. رجع للكوفة
شد وصلته براسة .. واشتعل نوماسة
حسين جاس احساسة .. ابعينة اجالة وباسة
يبو فاضل دخيلك .. يبو فاضل دخيلك
___
حمرة العيون .. ع المتون .. ركبها المهرة
طبگت الجيش .. عل الكاع .. رجلها الشگرة
بريّد اريول .. والخيول .. تدبّچ حدرة
طب عجيد السادة .... وهوّس اعله القادة
ضيّع المشرادة .. … … تعّب الطرّادة
يبو فاضل دخيلك .. يبو فاضل دخيلك
___
بيرغة وياه .. يملگاه .. يچوّي الهيمة
ريشتة اعگال .. ع الثگال .. يرش بضيمة
عدّة ديوان .. والشيوخ ... تعزّب خيمة
فرفح الخيّالة .. ما يحب اوشالة
يفوح عطر اخيالة .. مثل هيل ادلالة
يبو فاضل دخيلك .. يبو فاضل دخيلك
___
ثغبت الگوم .. يجيدوم ... يعوّر سيفك
ها يعباس .. على الطاس .. تمرجح طيفك
التچفت اعليه .. تخليه .. يموت بكيفك
طبها عم اسكينة… وجدّحت رمشينة
تلمض اعله اجبينة .. من تعوّر عينة
يبو فاضل دخيلك .. يبو فاضل دخيلك
_
بظهر عاشور .. ع الشگور .. تظب چفّيتك
خضّر الماي .. يلهواي .. حدر خاچيتك
يشبع عيون .. يعباس .. التضيفة ابيتك
امعلّم اعله الملگة .. ما خذيت الدرگة
انت رب الحرگة .. املوحة بيها الطگة
يبو فاضل دخيلك .. يبو فاضل دخيلك
___
چوّم الليل .. بلا حيل .. گطف شجعانها
اريولهم فوگ .. تره الروس .. حدر فرسانها
بثگلة عباس .. على الناس.. خسف گيعانها
فرّع وشالاها .. وع النجف ذبّاها
اتمزهد وطباها .. وريّف اللاگاها
_
علي هادي الخزعلي
ـــــــــــــــــــــــ••❃••ـــــــــــــــــــــــ

#قال_مولانه_الرضا

يا ابن شبيب إن بكيت على الحسين عليه السلام حتى تصير دموعك على خديك غفر الله لك كل ذنب أذنبته صغيرا " كان أو كبيرا " قليلا " كان أو كثيرا

سيدي يا أبا عبد لله هذا محرم على الأبواب
سيدي هذه بضاعتي المزجاة فأوف لي كيل الحزن والمصاب قصائد انعى بها فجيعتك الكبرى واقبلها مني يا مولاي
#حسينية_أهل_البيت_ع_
#طيلة_عشرة_شهر_محرم_الحرام
#البصرة_خور_الزبير_طريق_الغاز
#الساعة_التاسعة_مساء

أستهلال هلال شهر محرم الحرام
......................
يهلال أبشهر عاشور .. زينب لا تأذيها
واسيها أبمصاب حسين .. لتزيد الألم بيها
.......................
يهلال الحزن والنوح .. زينب فاكده الخوان
مكسورة كلب من يوم .. شافتهم عله التربان
جاه الله نمشي أعليك .. ب خت المنذبح عطشان
يهلال التهل عالناس
وضع أم الخدر حساس
لتروع أخت عباس
وتجمل حزنها أحزان .. حزن البيها يكفيها
....................
جايب يا خبر يهلال .. بيك أنحس ذبح منحر
أو صدر أمهشمته الخيل .. وبسيف العدا أموذر
موت أحمر يغص بالموت ..ليلك والعطر عنبر
عنبر من نحر مذبوح
ظل فوك الثره مطروح
وبصفه العقيله أتنوح
أوتصفك باليمين أيسار .. من شدة مئاسيها
....................
شاعت للمنايا أعلوم .. نامت عالترابه أبدور
ما بين الكفلها أو بين  .. شبان أبجمال الحور
بهداي أعله أم الظيم .. لن منها الكلب مطرور
الكافها أنكطع جفين
وتصوب سهم بالعين
وولاد الحسن وحسين
زينب بيهم الهاليوم .. ما كفت نعاويها
.......................
بالطف شافت المنشاف ..زينب بت علي يهلال
عبد الله أبسهم ذبحوه ..أطفال أوبديها أحبال
نيران أبنات حسين .. كضت والشمر يختال
أبأمر الطاغيه أبن أزياد
غاليها علي السجاد
للشام أبحبل ينكاد
وبسن العواسل روس .. مرفوعه لهاليها
.....................
كل حول التهل يهلال .. زينب للألم تحتام
ويتام أبكترها أتلوذ .. وتنام أبحضنها أيتام
وحزان الخرابه أتصير .. عيد الكل أهالي الشام
أو عالدار أبرقيه أوصار
حيل أم الصبر منهار
تندب والدمع مدرار
وين أمي تجي وتشوف .. ياحاله أعانيها
......................
خادم أهل البيت
الشاعر : أسماعيل الجوراني

كومو يالخدام خــــــــــل نعينها
نگابل الزهره اعله ضيم حسينها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله تنشر ثــوب ابنها ام الحسن
وتنعه عالمذبوح والصدره نطحن
وعالسبايـــــه البالصحاري تلوعن
ويفطر الدلال صــــــــوت ونينها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اخ ياحزن الزچيـه الماله حـــــــد
يعينچ الله اعله الولــد يـــم الولد
شلون من شفتي الشمر فوگه گعد
والخيـــول الداستـــــه معصبينها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نگابـل الزهره اعله ضيم المنذبـح
ترئ جـــرح حسين مامثله جــرح
اليسرو نسوانه وشالــــــه الرمــح
والهدومــــــــه بكربلـــه مسلبينها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله ونـــــت فاطمه تيبس الگلب
اليله دم اعيونها اعله الطف تصب
تذكر الضلت وحيـــــده وي الغرب
العالهزيله الــــــــــــوادم ميسرينها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،، نزال اول ليله استقبال محرم،،،،

هالحزن مرسوم بعيون السمه
من يهل عاشور عاشور الدمه
@@@@@@@@@@@@@@@@@
بمر من الخالق القابل دعاء
يرتفع جبريل بطراف السماء
وبقميص حسين منشوره الدماء
يساعد الله حال امه فاطمه
من يهل عاشور عاشور الدمه
@@@@@@@@@@@@@@@@@
والنبي احمد ضلوعه بهل الشهر
كل مصيبه تمر  عليه لابد كسر
والكسور اللبصدر ما تنجبر
لحد اخر يوم تبقه قايمه
@@@@@@@@@@@@@@@@@
وحيدره المفجوع كلبه وي الهلال
راسه شيب والقهر هدم جبال
والدمع ينزل على خده عجال
والايام بعينه صارت مضلمه
@@@@@@@@@@@@@@@@@
وابو صالح صار عظمه مصيبته
يبجي دم عله الفجيعه وعبرته
يساعده هل اليوم الله بغربته
يحضر القائم بمحضر خادمه
@@@@@@@@@@@@@@@@@
ياخدم خلي لطمكم يرتفع
لطمة الزنجيل وتواسي الظلع
لن ابو صالح علينه يطلع
محزم بيناتنه في مأتمه
خادمكم.
سيد عباس خالد المهناوي

حي الله الانصار
حي الله الانصار
،،،،،،،،،،،،،،،،،،،،،،
تعنو لخيمة ام عــون وشد حبيب حزامه
عابس بحيله وسماره ويحيئ طب جدامه
حســــــين يأمر والعساكر كلها اله خدامه
تحزمو واحــــــد بواحد حرس عد خيامه
نمـــوت گلنه كباله
لــــم حبيب أرجاله
،،،،،،،،،،،،،،،،،،،،،،،،،،،،
أشرلهم ابــــــو سگينه وانطه كلمن رايه
احجايه يامولانه گول نريد بـس أحجايه
والله هــذا الجيش كله لا تحسبه هوايه
نموت گدامك وحقك وحنه الك حمايه
لا تهـــــــــم خليها
وانته بس احجيها
،،،،،،،،،،،،،،،،،،،،،،،،،،،،
طبو وصارت الصيحه هــــــلا بربع الساده
شردت الخيـــــــاله كلها وماكو ضلت قاده
اليمنه مالت عله اليسره وشد حبيب عناده
الجـــــيش ضيع حته دربه وماندل مشراده
ماتضـــــــــل ملزومه
اليوم نگضي الحومه
،،،،،،،،،،،،،،،،،،،،،،،،،،،،
ماكو شي ينشاف صارت حمره من طبوها
نصها راحت لبو سكينه تشتگي خلــــــوها
گافي صاح حسين گافي سيوفگم ضموها
لبوفاضل حصه خلو خـــــــاف لا تگضوها
لم حبيب انصاره
والعده محتــــاره
،،،،،،،،،،،،،،،،،،،،،،،،،،،،
عيه صارت يـــــوم طبو وأنگلب لون السمه
حمره ماينشاف كلــــشي وگاع متروسه دمه
الزلم تجهبهم بسيف ونصها تـــــــرجع نادمه
اليوم ربع الساده بيها وحرب صارت حاسمه
وصــلو لحد النهر
والزلم شبعت قهر
،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#الشاعر_سيد_حسن_الياسري

نعي مولاتي فاطمه العليله (ع)

“”””””””””””
من حمل احسين الضعينه
وقرر يشيل من المدينه
خلوو مهد عبد الله يمي
حتى المهد هم ما خذينه

“””””””””””
ياهو اليضل يابويه گلي
ما ضال واحد مثل حلي
كلهم مشو وياك يحسين
وانه عالطولي دمعي يهلي

“””””””””””
حملو بس ياريت ميته
ولا اشوفه ويفارگ ثنيته
ما ضال بس اثار الضعون
من اعزاز گلبي خالي بيته

“””””””””
بلگي نسو شغله ويردون
يشوفون دمعي مغرگ الچفون
يگولون اركضي ذاك الحسين
وشوفي مچان بذيج الضعون

“””””””””””
ما صايره ولا رايحه تصير
وكواري گلتهم ترى زغير
ما كلف عليكم يالحسين
وي النوگ امشي وين متدير

“””””””””””
علي الصالحي

حسين لو تدري العليله شلونها
شيل گامـــــــــو بتك يشيلونها
،،،،،،،،،،،،،،،،،،،،،،،،،،،،،،،،،،،،،،،،،،،،،،
رحـت عنها ومن رحت اذيتها
بنار چنها تگـــول موش ابيتها
لـوشفت حالتها چــــــا تانيتها
بيض گلبن مـــن وراك عيونها
،،،،،،،،،،،،،،،،،،،،،،،،،،،،،،،،،،،،،،،،،،،،،،
چلمت الله وياچ هــدت حيلها
اطيب بلكت يالحسين ادعيلها
ترئ بتـــــــــــــك ماتهود ليلها
تلاگن من المرض ملگه متونها
،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلشي گلها ولاتگلها اعله الذبح
ماطوول ترئ بتــــــــك للصبح
جرح هجرك مانشف دم الجرح
تموت كـــون بچتلك يخبرونها
،،،،،،،،،،،،،،،،،،،،،،،،،،،،،،،،،،،،،،،،،،،،،،،
غبشه تغبش بتك تكض الدرب
وعلي حالتها ترئ تفلش الگلب
عالعرف يحسين تركض والغرب
تريــد كـــــــون الكربله يودونها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي