الليلة على بركة لله تعالى

)               * مَشّايَّه * )
كل سَنه إِنزور حسين مَشّايه
مــانِغَـيِّـر لِلموت هـالــســايـه
*
إبـدَرب أَبـو اليِّمَّه مِشينه * آنـه وبـنـي الـنـاذريـنـه
               إِمـن الوِلاده لِلذخـر
ناذرينه أُوليدي يِمشي * وِبخَفايَّه أشـواﮔـه يِـفـشي
               أَرد أَوَّفّـيـلـه الــنـذر
بالعَلَـﮓ شـدِّيـت راسه * حسين تَـرنـيـمَـة أَنفاســه
               إِي وَحَق أُم الصَبـر
ثـوبـه أَسوَد مِثِل رَبعه * يِـبـݘـي عالمَذبوح طَـبعـه
               لومِشه إبدَربه شِبِر
إِيداعِب النَجم الطاش بالرايه
مـــانِغَـيِّـر لِلموت هـالــســايه
*
الرايـه ماعافَـت يَمينه * أُولا مِـسَـحها إِدموع عينه
               أُولا تَـعَـب مِـن الـدَرب
بالـﮕـلب مَسجوره جَمره * والدَليل إِعـيـونـه حَمره
               مـاطُفَت نـاره الـتِـشِـب
أُوليدي راضعها الـشَـهامه * مـايـفَـكّـر بـالــسَـلامه
               يِـفـدي روحـه لِـلـمُحِب
يِـمـشي ݘَـنَّه إِطـويـر جَنَّه * بـالـدَرب يِـنـثـر مَحَـنَّه
               روحـي إِبني والـﮕـلـب
زينَة الدنيَّه إِتـﮕـولهـا الآيه
مـانِغَـيِّـر لِلموت هـالــســايه
*
سِــرنـه والمَنظَر بَـهَـرنـه * والمَواكِب تِـنـتـظـرنـه
                لِـلـخِـدامــه تِـسـتِـعـِـد
صـاحَـوا إتـفَـظَّـل يَـزايِـر * إِحـنـه خِـدام الـشَـعـايِـر
                نِـخـدِم الـعِــطـره وَرِد
ضِيف تِـتـفَـظَّـل عَـلـيـنه * الخِدمِتك كل إِحنه إِجينه
                نِحـمِـل الـحَـر والـبَـرِد
يِـرتِـفِـع وَالله قَـدري * ضـيـفـنـه يـــــابَـعَـد عُـمري
                وُطلُب إشتِهوى أُوتِوِد
حَقّق إلنَّه يـاضيف هـالغايه
مـانِغَـيِّـر لِلموت هالــســايه
*
شفنه حِلويـن الشَمايِل * الـدَّمع عـالـوَجـنـه سـايِـل
                والـﮕـلب قِطعَـة عَطف
إِسـتَقبِلونـه ݘَـن أَهَـلـنـه * والـخِـيَّـم يـانـاس جَـنَّـه
                بـيهـا يِسهَـل كل كَـلِـف
قَــدِّمَــوا أَكـلـه هَـنـيَّـه * يِــشــبِـع الـمـاعـون مـيَّـه
                الضَّدنه بـيهـا يِعـتِـرِف
رَحُّـبَـوا حَـد مـاغُـفـيـنه * نِمنه بـالخيمه أُودِفـيـنـه
                الخِدمه أَبَد ماتِنوُصف
هـذا طَـبـع الـخـدّام وَفـايــه
مـانِغَـيِّـر لِلموت هالــسايــه
*
أَذَّن الصُبـح إِشـحَـلاتـه * كـل مُحب نـال أُمـنِـيـاتـه
                 صَلَّه وّيَّه الزائـريـن
ذولـه عـشّـاق أَبـوالـيِـمَّه * سِكنَوا إِمن المَهَد قِـمَّه
                ذولـه زوّار الحُـسـين
عـطـر كل الجنَّه بـيهُم * سِحـﮕَـوا الموت إِبمَشيهُم
                مــارِكَع لِلذِل جَـبـيـن
وَدّعـيـنـاهـا الـكـواكـب * أّعـنـي خـدّام الــمَـواكـب
                جَوهَر الحب والحَنين
الجَنَّة إحسين إبروح شَرّايه
مــانِغَـيِّـر لِلموت هالــســايه
*
سرنه والرايَّه تِرَفرِف * والـمَـسـيـره كلها تِـهـتِـف
                 إحنه عـشّـاق الـذَبـيح
إݘـفـوفـنه مَـحَّـد لـواهه * إِي وَحَـق مَحـبـوب طـه
                 إِحسينَّه الوَجه الفَليح
لِلتَعَب لاماعـرَفـنـه * مِن عَـذب صـافي إِرتِـشَـفـنـه
                 مِن وصَلـنه لِلضَريح
إرتـشَـفـنـاهـا الـسـعـاده * والـﮕـلـب حَـقّـق مُـراده
                 يَم سَـنَدنه يِـسـتِـريح
كل سَنه أُوليدي إيزور وَيّايه
مــــانِغَـيِّـر لِلموت هالــســايه
  (( الشاعر سيد هاشم النوري المبرقع ))
 

عزاء ليلة 3 صفر

الشيخ حسين الفرطوسي
الرادود علي الصالحي
ذي قار الاصلاح
عزاء الكردي الموحد

عالوعد مهدينا جاي.

كلمات الشاعر راجي العبادي
ليلة الختام
جامع الامام علي عليه السلام
قضاء الاصلاح الكردي
بصوت ملا علي الصالحي

يالماشين بالله اوياكم ادعولي
چم خطوه بطيرق حسين اهدولي
****
منعتني الضروف اتعنه وياكم
أدعي بالسلامه ايصير ممشاكم
تذكروني ابدربكم حيل ارجاكم
عله ممشه العشگ خطوات كتبولي
****
شوگ البيه يا هالناس هيمني
حب حسين اعيش ابلهفه علمني
والمثلي يحن يزور يفهمني
بكل موكب مدامع بالله حطولي
****
يالماشين جفني غورگ ابمايه
ابلهاتي تنكسر يا ناس الاحچايه
لا تنسوني من اترفرف الرايه
بثواب حسين رايه اچبيره شيلولي
****
انه الكاسر تراني خاطر الشمعه
بلايه ازياره گلبي بالله شيقنعه
دمعكم لو نزل ذكروني بالدمعه
وي دمعتكم اعله حسين ابچولي
****
يزاير لو شربت الماي احشمنك
تشرب بالنيابه عني اريدنك
لا توگع ولو گطرة عذب منك
من ابعيد بلكت يرتوي طولي
*
اليوصل منكم اول يم ابو اليمه
يحطني اباله حين اترابه يشتمه
ابجاه المنذبح واتغسل ابدمه
ولو شمه اعله جنح الطير ودولي
****
جروح الدنيا بس حسين يشفيها
انه هموم الزمان ابصحنه اطفيها
لمصابه المدامع مگدر اخفيها
ضريح دموع يمه فدوه نصبولي
****


الشاعر اياد الديراوي

يالزوار أحنه احرار
لوله حسين ما صرنه

كلمات الشاعر
علي عگاب العمري
بصوت خادمكم علي الصالحي

🔻مكتب المرجع الأعلى السيد علي السيستاني يصدر بيانا لأصحاب المواكب الحسينية خلال زيارة الأربعين:

- ان التبرع بالمال لشراء حاويات وأكياس النفيات لتنظيف المواكب وطبخ الاكل وغيرها من الخدمات للزائرين الكرام هي "من الإنفاق في سبيل الله"

- إن كل ما ييسر أداء الزيارة للمؤمنين ويرغبهم في القيام بها ويساهم في راحتهم أمر مستحب

- ما اجمل مشهد الزيارة وأروعه إذا كان يتصف بالنظافة والنظم وما أدله على أدب المجتمع الزائر وسلوكه الراقي.

- نوصي الزائرين وأصحاب المواكب الحسينية بتنظيم الزيارة بأحسن صورة لتأمين راحة الزوار وسلامتهم

يحسين هذا الخيرمن خيرك

انطوني ماي وجبــــته الك
أنزلي بويه اتوســـــــــــــلك
نفسيِ نگطع مالوح يالغــالي
گل للرمح خل ينحني گبالي
،،،،،،،
ما اشرب گبل ماتشرب المــــــــاي
شفافك ذابله يانور عيـــــــــــنــاي
حاچيلي الرمح خل ينحني هواي
نگطع نفسي وحساً بالشمر جـــاي
بويه انه رقيـه
تتراجف اديــه
تدري منــــيـــن
تدري منيـــــــن
من اسياط اميه

رجليه حارگها الجمــــــــــر
الماراكظه شبعت هطـــــــــر
بويه وحنناك ذاب دلالــــــــي
گل للرمح خل ينحني گبالي
،،،،،،
ضهر الناگه عالي والمشي بساع
وچم مره طحت يابويه عالگــاع
مني تهشمت هم تدري الضـــلاع
طفله وشاب راسي مـــن الوجاع

ناگه شرد اگلها
ملت من حملها
تدري شـــــلون
تدري شلـــــون
داستني برجلها

اتمنه راسك بي حضــــــــــــن
حتانــــه اشبگــــــــــــنك وون
مشتاگه اشبكك وشتكي حالي
گل للرمح خل ينحنــــي گبالي
،،،،،،
حضنك بالطفوف وراسك الان
من فوگ الرمح يقرالي قــــرأن
دنيه بدون حضنك دنية احـزان
صرت خيمه وگلتني نار عـدوان

بلحيتك كون اشمك
وغفه ساعه يــــــمك
بهذا المــــــــــــــــــاي
بهذا المـــــــــــــــــــاي
اغسل بيدي دمـــــــك

تراب ودمه فوگ النـحــــــر
چم مره مصيوب بحجــــــر
شماعاينتلك دمعتي تلالــــي
كل للرمح خل ينحني گبالي
،،،،،،
من نحرك حنان يجيبلي الريــــح
واصيح افيش عطرك چنه تسبيح
مخنوگه بعبرتي ودمعتي تصيــح
البحضنك تنام تگوم وطيــــــــــح

احچي وگلبي مكسـور
وخدي البسته مصطور
بويه حسين
بويه حسين
بينه شسوه عاشور

عاشور شهر الفاجعه
من العاشر انه مروعه
مصدر عذابي وحزني وهوالي
گل للرمح خل ينحني گبلـــــي
،،،،،،،
باچر بالخرابه من التقـــــي وياك
اريد بحضني اظمك ومسح دماك
وخلط دمع عيني ودمع عـــــيناك
نذر اله اموتن باچر اهنــــــــــــــاك

المن روحي تبگــه
ابچي عليه بحرگه
روحي تفيـــــــــض
روحي تفيــــــــــض
راسك من اشبــــگه

راسك اذا شفته بطشـــــت
اعذرني لوفوگك متـــــــت
هل منظر اله يصير چتالي
گل للرمح خل ينحني گبالي
،،،،،،

لخادم الحسين ع
محمد الفهداوي