#عزاء_وتشابيه

حسينية اهل البيت ع
ال سيد صابر الخرساني

الليله 25 محرم 1446 هـ

#الخطيب الحسيني
علي العمري
#الرادود الحسيني
علي الصالحي

البصره / سفوان
منطقه النجمي

الشام وعذابه. وحر الخرابة
ما ناسي الحسين

عايش مصابة

كلمات الحبيب الاستاذ الحبيب محمد هادي الفهداوي
بصوت خادمكم
علي الصالحي

كل سنه مشايه .. عالعهد وفايه 
•••••••••••

من شمال الصين اجينه سيدي ومن الهند 
لو يفجرونه النواصب واللـه عنك ما نرد 
لكــربله نمـشي اجيـنه ومايهم حر لو برد 
لكـربله عنايه  .. عالعهد وفايه 
+-+-+-+-+-+

ياسفـينه البيـها نصعد سيدي لبر الأمان 
عـالعهد وفايه نبـقى ياحسـين بكل زمان 
سيدي بدروس حبك عدنه يوميه امتحان
بالفعل وحچايه  ..  عالعهد وفايه 
••••••••••• 

احنه احـرار بمحبـتك ياحسـين ومـو عبيد 
يالفديت أنه حياتك فـدوه الك ننـطي الوريد
لو يرد عاشر محرم ما تضل بالطف وحيد 
ماتطيح الرايه  .. عالعهد وفايه 
++-++-++ 

كلشي بالدنيا خساره وانت يحسين الربح 
انت ياحـبنه الوحيد وثاني مثـلك مايصح 
چنه كـل عـشره نزورك منه واحد ينذبح 
للأجل شرايه  .. عالعهد وفايه 
••••••••••••• 

سيدي لوما وجـودك ماله كل معنى الوجود 
ياحسـين انت الـوحيد لصار الك هـذا الخلود 
منك تعلمـنه معنى التضحيه ومعنى الصمود 
عالمتـنه هـوايه .. عالعهد وفايه 

~••~••~••~ 
الملايـين التجــيلك سـيدي بالأربعين 
ياحسـين تصيح كلها ياشفيع المذنبين 
گبـتك صارت مناره سيدي للـتائـهين 
زمزم انت ومايه .. عالعهد وفايه 

*-*-*-*-*-*-* 
   عـلي عگـاب ألــعمري 

امشي بحيلك يزاير امشي بحيلك

الليلة على بركة لله تعالى

)               * مَشّايَّه * )
كل سَنه إِنزور حسين مَشّايه
مــانِغَـيِّـر لِلموت هـالــســايـه
*
إبـدَرب أَبـو اليِّمَّه مِشينه * آنـه وبـنـي الـنـاذريـنـه
               إِمـن الوِلاده لِلذخـر
ناذرينه أُوليدي يِمشي * وِبخَفايَّه أشـواﮔـه يِـفـشي
               أَرد أَوَّفّـيـلـه الــنـذر
بالعَلَـﮓ شـدِّيـت راسه * حسين تَـرنـيـمَـة أَنفاســه
               إِي وَحَق أُم الصَبـر
ثـوبـه أَسوَد مِثِل رَبعه * يِـبـݘـي عالمَذبوح طَـبعـه
               لومِشه إبدَربه شِبِر
إِيداعِب النَجم الطاش بالرايه
مـــانِغَـيِّـر لِلموت هـالــســايه
*
الرايـه ماعافَـت يَمينه * أُولا مِـسَـحها إِدموع عينه
               أُولا تَـعَـب مِـن الـدَرب
بالـﮕـلب مَسجوره جَمره * والدَليل إِعـيـونـه حَمره
               مـاطُفَت نـاره الـتِـشِـب
أُوليدي راضعها الـشَـهامه * مـايـفَـكّـر بـالــسَـلامه
               يِـفـدي روحـه لِـلـمُحِب
يِـمـشي ݘَـنَّه إِطـويـر جَنَّه * بـالـدَرب يِـنـثـر مَحَـنَّه
               روحـي إِبني والـﮕـلـب
زينَة الدنيَّه إِتـﮕـولهـا الآيه
مـانِغَـيِّـر لِلموت هـالــســايه
*
سِــرنـه والمَنظَر بَـهَـرنـه * والمَواكِب تِـنـتـظـرنـه
                لِـلـخِـدامــه تِـسـتِـعـِـد
صـاحَـوا إتـفَـظَّـل يَـزايِـر * إِحـنـه خِـدام الـشَـعـايِـر
                نِـخـدِم الـعِــطـره وَرِد
ضِيف تِـتـفَـظَّـل عَـلـيـنه * الخِدمِتك كل إِحنه إِجينه
                نِحـمِـل الـحَـر والـبَـرِد
يِـرتِـفِـع وَالله قَـدري * ضـيـفـنـه يـــــابَـعَـد عُـمري
                وُطلُب إشتِهوى أُوتِوِد
حَقّق إلنَّه يـاضيف هـالغايه
مـانِغَـيِّـر لِلموت هالــســايه
*
شفنه حِلويـن الشَمايِل * الـدَّمع عـالـوَجـنـه سـايِـل
                والـﮕـلب قِطعَـة عَطف
إِسـتَقبِلونـه ݘَـن أَهَـلـنـه * والـخِـيَّـم يـانـاس جَـنَّـه
                بـيهـا يِسهَـل كل كَـلِـف
قَــدِّمَــوا أَكـلـه هَـنـيَّـه * يِــشــبِـع الـمـاعـون مـيَّـه
                الضَّدنه بـيهـا يِعـتِـرِف
رَحُّـبَـوا حَـد مـاغُـفـيـنه * نِمنه بـالخيمه أُودِفـيـنـه
                الخِدمه أَبَد ماتِنوُصف
هـذا طَـبـع الـخـدّام وَفـايــه
مـانِغَـيِّـر لِلموت هالــسايــه
*
أَذَّن الصُبـح إِشـحَـلاتـه * كـل مُحب نـال أُمـنِـيـاتـه
                 صَلَّه وّيَّه الزائـريـن
ذولـه عـشّـاق أَبـوالـيِـمَّه * سِكنَوا إِمن المَهَد قِـمَّه
                ذولـه زوّار الحُـسـين
عـطـر كل الجنَّه بـيهُم * سِحـﮕَـوا الموت إِبمَشيهُم
                مــارِكَع لِلذِل جَـبـيـن
وَدّعـيـنـاهـا الـكـواكـب * أّعـنـي خـدّام الــمَـواكـب
                جَوهَر الحب والحَنين
الجَنَّة إحسين إبروح شَرّايه
مــانِغَـيِّـر لِلموت هالــســايه
*
سرنه والرايَّه تِرَفرِف * والـمَـسـيـره كلها تِـهـتِـف
                 إحنه عـشّـاق الـذَبـيح
إݘـفـوفـنه مَـحَّـد لـواهه * إِي وَحَـق مَحـبـوب طـه
                 إِحسينَّه الوَجه الفَليح
لِلتَعَب لاماعـرَفـنـه * مِن عَـذب صـافي إِرتِـشَـفـنـه
                 مِن وصَلـنه لِلضَريح
إرتـشَـفـنـاهـا الـسـعـاده * والـﮕـلـب حَـقّـق مُـراده
                 يَم سَـنَدنه يِـسـتِـريح
كل سَنه أُوليدي إيزور وَيّايه
مــــانِغَـيِّـر لِلموت هالــســايه
  (( الشاعر سيد هاشم النوري المبرقع ))