#التغطية_الفوتوغرافية

#المصورة_من_مجلس_الليلة_
السابعة
#من_محرم_الحرام
#حسينية_الرسول_الأعظم_ص_البصرة_قضاء_سفوان_حي_الزهراء_جرف_الملح
#ومن_الله_التوفيق

يا كاشف الكرب عن وجه الحسين

كلمات الحبيب
محمد الفهداوي

حي الله جاسم فخر الهواشم
حي الله جاسم فخر الهواشم
»»»»»»»»»»»»»»»»»»»»»
بحــزام ابــــوه اتـحزم وطـباها
ملگه المفارگ مــن وصل لاگاها
العركه اشتهاها والبـخت جاباها
شوازاها مدري الـوادم شـوازاها
چنه الحسن نفس الكرم والهيبه
للطف نـزل جاسـم بلـون الشيبه
»»»»»»»»»»»»»»»»»»»»»»
مثل ابوفاضـل نفس لـونه ودمـه
ونفس الشجاعه هواي يشبه عمه
چنــه الگمــر لو راد يوگــف يمــه
دخيل الهـواشم زلمـه يشبـه زلمـه
سبـحانَ رب العـرش مـن سواهـم
هيبه وشجاعه وكرم سوه وياهم
»»»»»»»»»»»»»»»»»»»»»»»
غارت الخيل اولحـگ جاسـم بيها
الواديهـا طــب وهــوس بـواديهـا
يگـضيـها راد وگــلـه لا تگــضــيها
العمـــك الضــلت يلشــهم خلـيهـا
گلـه اعلـه بختك خلصيت القـاده
لساده حصه اوين حصت الساده
»»»»»»»»»»»»»»»»»»»»»»»
عفيه ابن اخوي الجابتك ماخابت
ياريـت مثـلك الـف واحــد جابـت
تتـباها بيـك وحگــها مـــن تباهـت
گمـت اعلـه طولك والبيارغ گامت
حتـى الشـگر جسـام گامـن هلهلن
يالتشـبه العباس ياعــود الحسن
»»»»»»»»»»»»»»»»»»»»»»»»
صگر الهواشـم سـوه بلطف جوله
من سمع مــن مگفه الخيم هلهوله
جســام عـركه مــو عـرس زفــوله
حـته المـلائك مـــن طـلع يدعـوله
سالـم يــــــرد الرمله بيـن الــوادم
بالحومه عـرس كفــو منك جاسم
»»»»»»»»»»»»»»»»»»»»»»»»»
مصطفى الصالحي
نزال،،،،،،،،،

ياابا الفضل العباس 😢❤️

علي الاكبر ياعلي
علي الاكبر ياعلي
،،،،،،،،،،،،،،،،،،،،،،،،،،،،،،،،،،،،،
لا لهاشـــــــم طلــع زلمه
محترگ عالحرب دمــــه
الاكــــــبر يسمونه
الگاع ماشالـــــت مهرته
تذبــــــــح الزلمه خزرته
تگول سيف عيونه
هاشمي ومن ضهر ساده
ومايعارك الــــــــــه قاده
السمه تلوح متونه
،،
زلمه ومبچي الزلم بفعاله
ابن ابوه البالحرب يدناله
،،،،،،،،،،،،،،،،،،،،،،،،،،،،،،،،،،،،،،
الاكبــــر واسمه شحلاته
حلو بس مــــر عالشماته
گمــــــر وملثمينـه
تسولف الدنيا بجمالـــــه
الشمس تبرد يـــم خياله
هلال حاجب عينه
خلف ومامات حيــــــدر
كل صفاتــه بعلي الاكبـر
هل علي مسمينه
،،
دخيله محد بالحرب يگدرله
يموت مــن خزراته اليوصله
،،،،،،،،،،،،،،،،،،،،،،،،،،،،،،،،،،،،،،،،،،،،،
مايقل عــــن ابــو فاضل
گمر ثاني اليــــــوم نازل
عوزه بس الرايـــــه
علي ثلثينـــــه اعله عمه
نفس طبعه ونفس عزمه
يحـــــب المسنايـــه
ابن شيـــــــخ العام طبها
والزلــــــــم ضمت ارگبها
وهاي موش حچايه
،،
منه ماضلت زلــم بالحومه
وصلت الاخر الدنيا علومه
،،،،،،،،،،،،،،،،،،،،،،،،،،،،،،،،،،،،،،،،،،
ابــــــــن الحسين وتحزم
گلب لــون الگاع بالــــدم
والزلــــــم بچاها
بعينه محد گــــدر يوگف
بكيفه صار الموت بالطف
علي مـــن طباها
ماكو واحـــــد طلع حسه
الگاع تحچي الزلم خرسه
ابن الفحل خلاها
،،
الزلم كفت لو ذبح لو شارده
غيــر المتيها الدرب والابـده
،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،، مراجل الاكبر،،

موشح للاكبر



علي الاكبر من طلع هز رايته
والجيوش اتبسمرت من شافته
١

جنه حيدر من طلع وسط الجمع
والسبع من عادته ايخلف سبع
كل مزايه المصطفى بي تنجمع
صوته واطباعه وكلامه ومشيته
٢

اتوكل اعله الباري وبعزمه نزل
والجيوش اتشوف بعيونه الزعل
على الحق ناده عليهم من وصل
ناده ضل اينادي كلها وسمعته
٣

احنه اهل الحق ينادي بكل يقين
نمشي احنه بنهج سيد المرسلين
حسين ابويه وجدي امير المؤمنين
صاح كل هذا الكلام بطلعته
٤

الحومه بيده وراد يكلبها كلب
وخله كل فرسانها اتيه الدرب
الكاع حدر الزلم كامت تلتهب
ادخيل ياستار كلها نادته
٥

صارت الحومه ظلام ابلا ضوه
وشبع سيفه من الدمه حد مرتوه
علي الاكبر من نزل سد الهوه
وتيهت المشراد كلها بصولته
٦

ضحه بالروح وفدائي الدينه جان
علي الاكبر يعرف الصار امتحان
بكل مكان احنه نكول وكل زمان
الله يلعن ال اميه الذبحته






لاتنسون والدي ووالدتي وابني عباس من الرحمه والمغفره
خادمكم رياض الرسل الجابري

المن هالشمع والمن الحنه

نعي ليلة علي الاكبر علية السلام
//////////////////////////////////////////

تانيني    يمه   هنا   يدنياي
لاچمني گلبي ويرجف هواي
روحت عيونك روحت الماي
بنص   الخيام   الونه  بهداي

يا علي  تاني عيوني تبچي
خلي امك بكل دمعه تحچي

يا نور وجهك بالعطش ذاب
ساعه ويلوح اخدودك تراب
امك تريدك  ذخر   وحجاب
يا باب عمري وسدو   الباب

ما بيه   حيل   الچلمة   ايروح
كلفه من اشوف الغالي مطروح
يا روح   روحي  وماتت الروح
يا جرح   حيل  مأذي الجروح

خليني اشمك گبل  لتموت
خليني اسمع منك الصوت
يا يمه فرغت ذيچ البيوت

راح وصحت  يحسين  رد بيه
خليني   آخر    مره    احاچيه
ادريه    راح      يموت  ادريه
ثوب   المنيه    امفصل  اعليه

رديت       للخيمه     بدمعتي
سكتهه وسمعهه حسين ونتي
خليني اموت  وشنهي  ظلتي
بگليبي    تگتل     آه    يعلتي

راح  ادعي  بلكت  يرجع  ابني
يا ربي    فدوه   عيوني  ذني
هلبت    يرد     ويهيد     وني

انذر  نذر   بس  يرجع الزين
بالدرب  ر اطشن كل السنين
وياهه حيلي وشوفهه   العين
يحسين شنهي الصار يحسين

وجه    الولي    اتغير   واحسه
بالحومه   گوه   ايشيل   نفسه
يا روحي احچي شبيچ خرسه
بس   لا  خبر  موته  لفاني

لحظات  والمهيوب   اجاني
شايل     وليده     وعذباني
لا    يا    علي    لا يمه تاني
فدوات   الك   يا   يمه آني

من فوگ  خدك  امسح الدم
مغمض  عيونك  گلي  تحلم ؟
جاوبني   خانگ   امك   الهم 
ما ظنهه  من   فرگاك   تسلم

وسفه الولد گبل امه مدفون
هاي المصيبه التعمي العيون
يا يمه اظل   بدونك   شلون
وياك اخذني الدنيا مره

يمه     الولد     للكبر     مريود
يوفي الربى   ويداري    ويزود
چا ليش    يمه  اگبالي  ممدود
تسمعني يلكلك   محنه

كلمات خادم الحسين
     رعد  الفريجي