التغطية الفوتوغرافية
المصورة من مجلس الليلة السادسة من محرم الحرام في حسينية الرسول الأعظم ص
البصرة قضاء سفوان

من خلصو فرض العشگ كلمن لزم بتاره
وحسين نزلت دمعته من شاف هيچ أنصاره

كل شيبه تگطر أيمان

قرأن لازم قرأن

#كلمات_الشاعرالحبيب محمد هادي الفهداوي
#البصرة_سفوان_حسينية_الرسول_الأعظم
#حي_الزهراء_جرف_الملح
ونسأل من الله التوفيق والقبول

2346
راية العباس نُصــرَت ديــنهه
ومن عباية زينب امفصـلينهه
تندل ادروب الفضاء..بيهه ريحه امن الكساء
_________
تلگه مكتوب ابطـرفهه..كربله ومـــاي وحزن
واليكض خشبتهه لازم..بس ابو چف الخشن
اختارت اچفوف الكفاله..چيف ابو فاظل رزن
هوه لو فارگهه لحضه.. اترفرف اتگوم وتحـن

من ترف بيده تشگ وجه السمه
هيه تنخه ابيا علي ويا فاطـــمه
من علامات الاباء ..بيهه ريحه امن الكساء
_________
ربنه گل الموسه اخــلع..نعلك انته ابنص طوه
وهيه خلعت شكو جندي ..اتگابله ابطف نينوه
ابكيفهه ويآخذ امرهـــه..امنين ميهـــب الهوه
اتحل مشاكل والعليـــل..العـــلّته تصــبح دوه

رسمت ادروب الوفه هالرايه
حته تندل باچر المـــشــايه
هذا من سر الولاء..بيهه ريحه امن الكساء
_________
هيه هم تلزم حراســـه ..جـــانت اباب الخيـم
اترفرف ابكل المــواقع ..حته ما يــعبر سهـــم
نگِّـعوهه ابــماي زمـــزم.. طشـو اعليهه شـيَم
عدهه ابو فاضل حقيقه ..وباقي هالعـالم وهـم

بيهه هم مكتوبه جمله ابكل فخر
صُنِعَت خصّيصاً الچــف الــگمر
صاحت املاك السماء ..بيهه ريحه امن الكساء
_________
من فخر صيت ابوفاضل .. صيت هـالرايه عله
عگب ما چانت تقــاتل ..وي گمر طــف كربله
كبرت وصارت اميـــره .. إقماشهه غيره امتله
صاحت ابدرب المـواكب .. هـله بالزايــر هله

خدمت العــباس وي بتّاره
وهسه گامت تخدم ابزواره
وابسبب هالإنتماء ..بيهه ريحه امن الكساء
_________
الاعمه لو حطهه ابعيونه ..ويندب اتردله البصر
هذا شي جداً طبــيعي ..بركـات امـــن الگـــمر
هيبه من راعيهه عدهه .. داســت إبصـدر النهر
گلبت الخيل وزلمــــهه..وللكـفر كســرت ضهر

راية الحض والبخت موصــوفه
وابعصفهه اتسولف اهل الكوفه
جمله خطّوهه ابدماء ..بيهه ريحه امن الكساء
_________


خادم أهل البيت عليهم السلام
الشاعر حسين حيدر اللامي