التغطية الفوتوغرافية
المصورة من مجلس الليلة الخامسة من محرم الحرام في حسينية الرسول الأعظم ص
البصرة قضاء سفوان

حسين طبو للحرب صحبانه
الهلا والحياهـــم اعله السانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هـــلا يامـــن بالحرب مالك نضيـر
ياحبيب گلوبنه وشيــــــخ الچبير
هلا بهاي الشيبـــه الطفي السعيــر
يبن ضاهـــــــر تسلم ويسلم زهير
بيكــــــــــــم گلوب الحرم فرحانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا صاح بعابس وحي الله جــون
وضلو السبعيـــــن الف يتراعشون
اليوم طبهم عابس وطــب بجنون
الموت لجـل حسيــن گاللهم يهون
حسيــن راواني العشگ بالوانـــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا بهاني ومسلم وعمرو وشبيب
الخلو جروح الگلـــب منهم تطيب
هلا بالحــر القريـــب المو غريــــب
هلا بيحيئ المازني وجبله الحبيب
الگلــــــــب بيكـــم مبتشر يخوانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا بسيـــــف البالحرب مايستراح
هلا بكردوس اليحـب طـگ الرماح
هلا بأسلم والسبط كل حيله صاح
هـــلا بكلمن بالحرب لعيوني طاح
هــــــــــلا ببطال الوغئ وشجعانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا يالبيكم اشــــــد عزمي وگفاي
هـــــــلا يالشوفتـــكم تعادل الماي
هـلا بسلمان اليسـد عوزي وضماي
وبرير المشتري المــــــوت الرضاي
الصحبه هاي الصحبــه ماخسرانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا بيكـــــــم والهلا اعليكـم قليل
هلا بالأدهم ابـــــو السيف الثجيل
هــــلا بربعي الدوم ماألهــم مثيـل
اليوم ضلـــــت كربله تموج وتميل
الزلــــــم منكم هاكثــــــر فحطانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هلا يالتمشــــون وي دم الوريــــد
بيكم الوي اليوم ابو ذراع الحديد
هلا برايــــة حنضله اوراية سويد
هلا بالنصراني والطائي وسعيــــد
بيكــــــــــــم الطف اسعرت نيرانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هــــــلا بالضحولي بالغالي ونفيس
وهـــــــــب ماقصـر ولاقصر انيس
هلا بعبد الله وهلا وحي الله قيس
هــــــــلا بكلمن عايش بوجـــــدانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،فزعة الانصار،،،

گاعده اباب الخيم ترسم حميده
وجه أبوهه وتبچي وتبوسه بوريده

كلمات الحبيب خادم أهل البيت ع
الشاعر محمد هادي الفهداوي

حسينية الرسول الأعضم ص
البصرة سفوان حي الزهراء جرف الملح

موشح

شدو الخيل بظهر خيالها
وظلت اتخاف الزلم بخيالها
&&&
ظلت اتخاف الزلم من الزلم
عالارض صارت جثث مثل النجم
احنه اجينه نموت لا ما ننهزم
فنه كلمن للخيم يدنالها
&&&&
خلينه العساكر ركض رحاتهم
وظلت عالارض مطروحه رايتهم
اشباه الرجال وكلشي ما عدهم

انخاف نرجع هيج چان ابالها
&&&&
گدام الحسين وعرگت الگصه
واحد قبل الاخر رايد الفرصه
منهم رايد العباس هم حصه

احنه الانصار العرك يحلالها
&&&&
تعال انظر شراح تسوي سبعينك
نخلصهم قبل لا ترمش بعينك
الكواكب لو تحب نچفيها بيمينك

اليوم راح نخلي صعبه احوالها
&&&&
هاي الك يحسين مرخوصه النفس
والله لازم ينذكر هذا الدرس
اليوم هذا الطف نسوي چن عرس

اليوم منخليها تبقه ارجالها
&&&
علي جبار الكعبي