نزلة للعقيلة

زينب سبية —- يهل الحمية
من كربلة لشام —- زينب سبية

—————————-

وينكم يهل الحمية حيلة ما ظلت
إليّ
واحد بسوطه يطگني او واحد يشتم
هلي
عالارض كبش الكتيبة وعالرمح راس
الولي
وحدي وبديرة غريبة لا بو فاضل لا
علي

مشوني لشام —— تبرالي ضلام

من كربلة لشام —— زينب سبية

—————————-

تالي ماتالي المصايب تالي شيبي
وعالهزل
مجتفة انه وخواتي رگبة رگبة
وبالحبل
تالي ما تالي العقيلة حرمة وبوليت
نذل
إيد فوگ الايد اصفگ كون ابو فاضل
عدل

لو منَّه ظِّنه —— الكافل حضرنه

من كربلة لشام —— زينب سبية

—————————-

والله لو يدري كفيلي شلون حيره
تحيرت
شلون يقبلها امنگله عالهزيلة
اجتفت
ومنهو يعقلها بخرابة عالترابة
اتمددت
الجيش كله يهد علية انه لو
باسمه صحت

ظهدوني الارجاس —— بعدك يعباس

من كربلة لشام —— زينب سبية

—————————-

وينه اليطب المدينة ويخبر اهلي
والعمام
ويخبر ليوث الهواشم كوموا نومتكم
حرام
كوموا زينبكم سبية وعالهزل تغفه
وتنام
شلون حرمه بنص ذيابة شلون لو
جاهه الظلام

وين الشبيبة —— زينب غريبة

من كربلة لشام —— زينب سبية

—————————-

وعملت الكوفة الجبيرة والله كسرتلي
الظهر
بالامس جنت الأميرة وهسه ترميني
بحجر
اخيالي ماجانت تشوفه بجال اخوتي
والكمر
هسه ياهو اليجي يباوع طولي كش
من النظر

شحال الأميرات —— التُوليها شمات

من كربلة لشام —— زينب سبية

—————————-

الموت چم مره دعيته ولا اطب مجلس يزيد
بعيني شفته بخيزرانه ينكث براس
العميد
اي وحك رأس الصميدة اغنام سويت العبيد
مجتفة وذليت امية وانه أم كلب الحديد

بنت الرسالة —— هيبة وبسالة

من كربلة لشام —— زينب سبية


عبد زينب
ابو علي
عبد الحسن القريشي

الكوفه ليش اتطالب ابنسوانهه
وزينب اتنشف الدمع بردانهه
ــــــــــــــــــــــــــــــــــــــ
كل عشيره البالضعن عدهم مره
فزعو الهه ورجعوهه إمخدره
وبقت تتلفت عقيلة حيدره

مثل ورده وضيعت سندانهه
ــــــــــــــــــــــــــــــــــــــ
نزلوهن حرمه حرمه إمن الهزل
وفوگ كل هذا خذو منهم فصل
وخلو العلويه تنجر بالحبل

امده الدنيه وخرس بلسانهه
ــــــــــــــــــــــــــــــــــــــ
عود شالتهم حميتهم لان
مارضو نسوان منهم ينسبن
بس رضو زينب يبجيهه الزمن

بت رسول الله وزعيم اكوانهه
ــــــــــــــــــــــــــــــــــــــ
ليش عافوهه وحيده ابنص زلم
يازمن معقوله زينب تنشتم
وهوه من الله نزل هذا الاسم

شجره طيبه وماتموت اغصانهه
ــــــــــــــــــــــــــــــــــــــ
تنتظر واحد يگللهه الگوه
بالرمش دمعتهه وإيطگهه الهوه
عدله لاكن هيه والميت سوه

إمن الشمر لاذت بروس اخوانهه
ــــــــــــــــــــــــــــــــــــــ
وهيه زينب تبقه شيالة ثگل
بت ابوهه البالكلايف ينگل
مرأه بس تسوه المضايف والعگل

وماگدر واحد يزغر شانهه
ــــــــــــــــــــــــــــــــــــــ
أخ يا أم الحزن يالسلبوچ
للأسف ماطالبو بيچ وخذوچ
فضلو نسوانهم مافضلوچ

اتحرشو بالله إو غضب سبحانه



محمد الجماسي

ياالخــدم هنيالكم___يله شدو احزامكم

          $$$$$$$$$$$$$$$$$
   يلـــــه يالخـــدام كلـــنه نستعد اليله
   خل نشد احزام واحد نلطم ونمشيله
   حسين قران وترتل خل يدگ زنجيله

  والله ماينساكم____يله شدو حزامكم
            🏴🏴🏴🏴🏴🏴🏴
علئ درب حسين نمشي ولارض نطويها
رايــت العباس عــدنه رايتـــه انعــــليها
زينب اختـه ام المصايب نوصل انواسيها

الحاجه يم شباجكم___يله شدو احزاكم
🏴🏴🏴🏴🏴🏴🏴
  فاتحتنه اليوم هايــــه واحنه نوگف بيها
  كل سنه لحسين ننصب موكب ونحيها
  فاطمه مظيعه ولدها يله خنواسيــــــها

   هيــــه تتلگاكم__يله شدو احزامكم
         🏴🏴🏴🏴🏴🏴🏴🏴
   بدرب هذا يخادم تاخذ الي اتريـــده
اطلب ومحد يردك عده موش ابعيــده
من تخلفه بزينب اخته وبوريد اوليــــده

  بشفاعه اوياكم___يله شدو احزامكم
            🏴🏴🏴🏴🏴🏴🏴🏴
  احنه نشرف ونفخر بالمحالس والطـــم
  يظل منهجنه حسيني شوكه بعيون الظلم
انته خيمتنه التلمنه ومايمر بينه الهظم

  بسجل خلاكـــم__يله شدو احزامكم
            🏴🏴🏴🏴🏴🏴🏴
  ع الحسينيات نرفع رايه وبنص مجلسك
  عشنه حبك مثل عابس مانعوف محبتك
  ياامان الماكــو مثله ولايذين ابصـــــايتك

  كل امان ابيالكم__يله شدو حزامكم
          🏴🏴🏴🏴🏴🏴🏴

الشاعر ثامر السعيدي

#موشح للخدمه

خدمتك يحسين نفخر بيها
للحشر مولاي نبقه عليــــها
..........

احنه خدامك يبن حامي الحمه
بالخدامه انواسي امك فاطمه
ما نعوفك نقسم برب السمه
والشعــــــائـر كل سنه نحييها
............

خدمتك يحسين مفتاح النصر
والله لوما انت ما يسوه العمر
شلون لو قصّرنه ما ينفع عذر
امك الزهـــــــراء  شنحاچيـها
.............

احنه عاهدناك نبقه عله العهد
خدمتك يحسين للشيعه سند
نبقه ملتـــزميـن بيها للأبــد
نوصل الأعله المـــراتـب بيــها
...............

احنه خدامك وجينه لحضرتك
سيـدي يحسين جنّة زيـارتك
عالعهد يحسين نبقه بخدمتك
الغايه امك فاطمـــه انواسيـها
................

لابــد نقيم المجالس واللطم
كل محرم نقره ونعيش الهضُم
من عـــزائك سيـدي ما ننحرُم
كلمه هاي وكل زمن نحچيــها
................

احنه ما يمنعنه عنك اي مرض
ما يهمنه الماقبل واليعترض
فرض حبك لازم نأدّي الفرض
ورايتـك ياسيـــدي انعلّيـــها
...............

خلّه يسمعنه الدرَه والمادره
ما نعوفك لا وحگ الطاهره
خدمتك يحسين زاد الآخره
نبيـع ارواح ودمه ونشريـها

سيد زيد الفحام

#موشح للخدمه

خدمتك يحسين نفخر بيها
للحشر مولاي نبقه عليــــها
..........

احنه خدامك يبن حامي الحمه
بالخدامه انواسي امك فاطمه
ما نعوفك نقسم برب السمه
والشعــــــائـر كل سنه نحييها
............

خدمتك يحسين مفتاح النصر
والله لوما انت ما يسوه العمر
شلون لو قصّرنه ما ينفع عذر
امك الزهـــــــراء  شنحاچيـها
.............

احنه عاهدناك نبقه عله العهد
خدمتك يحسين للشيعه سند
نبقه ملتـــزميـن بيها للأبــد
نوصل الأعله المـــراتـب بيــها
...............

احنه خدامك وجينه لحضرتك
سيـدي يحسين جنّة زيـارتك
عالعهد يحسين نبقه بخدمتك
الغايه امك فاطمـــه انواسيـها
................

لابــد نقيم المجالس واللطم
كل محرم نقره ونعيش الهضُم
من عـــزائك سيـدي ما ننحرُم
كلمه هاي وكل زمن نحچيــها
................

احنه ما يمنعنه عنك اي مرض
ما يهمنه الماقبل واليعترض
فرض حبك لازم نأدّي الفرض
ورايتـك ياسيـــدي انعلّيـــها
...............

خلّه يسمعنه الدرَه والمادره
ما نعوفك لا وحگ الطاهره
خدمتك يحسين زاد الآخره
نبيـع ارواح ودمه ونشريـها

سيد زيد الفحام

مشايه طول العمر مشايه
*
اشتاگينه     وحنينه      للغالي      نعتني
مشايه  وگلناها   ماكو احله   من المشي
للحسين   طلعت المشايه          
ملايين  رايه تتبع رايه     وما نتعب   وما نتعب
حلوه ايام الزياره            احساب نحسب ليها
نمشي والممشه شحلاته    وكل تعب مابيها

وفايه  شيعه ونظل وفايه
*
كل خطوه  نمشيها  معناها     شگد اجر
وايامه  شگد حلوه   والزهره    من العمر
تشوفون    يمشي شاب وشايب
بالعيون      شوگه وشگد ذايب    شفناها   شفناها
الزاير انفاسه زكيه         وبيها عطر الزهره
تعادل الخطوه بمشينه     الف حجه وعمره

بالرايه  يحله المشي بالرايه
**
شد حيلك  يالزاير  وتنخه    بفاطمه
وحسينك   زواره    يرفعهم    للسمه
علي وياك   يحرس مشايه
علي وياك    لا تنزل الرايه    يالزاير  يالزاير
هنه جم يوم ونريدك    اجر تاخذ بيهن
وانه وانته يالموالي    كل سنه انتانيهن
اهوايه   بيهن ثواب اهوايه
*
بعيونك   دمعاتك  واشواگك  بالگلب
يالزاير   والمهدي   ينتظرك   عالدرب
شد الحيل       والتقي بالمهدي
شد الحيل    اله ايحسبك جندي  ويسجلك   ويسجلك
المهدي هذا وبيده رايه     واگف ايحييكم
لا تقصرو وي زينب        بالمشي ايوصيكم
عنايه  الطف كربله عنايه
****
كل زاير  خطواته   تسبيحه  تنحسب
والزاره  بجبينه  مقبوله     تنكتب
بهل احساس    نمشي خطوه بخطوه
بهل احساس    والمواكب حلوه   شفناها  شفناها
لا شك بهاي المواكب    ابو صالح حاضر
ايصيح وي اهل المواكب    ياهله بالزاير
احجايه   ياهله احله احجايه
***
يالزاير  من تمشي  ليهمك   حر ابد

شما تتعب   لحسينك   تتجازه    وعالوعد
بالشموس   جثته امخليها
بالشموس      امشي لتهم بيها    بحساسك  بحساسك
اذكر الصار عله زينب    وعتني بخطواتك
وكون من تذكر سبيها   ترتفع صرخاتك
الغايه  زينب تظل الغايه
****
تمت
ميثم العمري

هزت قصر   ..  ام الخدر

يسئلهم منين المره هاي
كالوله اخت الماشرب ماي

جنهه علي محارب بصفين
هاي البقت عدله من الحسين

           ام الخدر
///////////////////////////////////////
بجيوشهم بان النقص من دخلت البوابه
خيرهم اللابس درع لف الوجه بحجابه
شيطان حاكمهم طلع وكل الحرس سلابه
تطلبهم الراس برمح وعن محبسه وثيابه

شتريد... من ابعيد.. مفزوع... ايزيد

        لا مو مره.. جن اخره

هذه اللواء شكبره ياناس
كالوله جان ابيد عباس

زينب وحدهه وهمه سبعين
هاي البقت عدله من الحسين

               ام الخدر
//////////////////////////////////////////////////
عكدت اللسانه وشلته وبكلمه  هزت دوله
شعندك تقارن بالكرم  وماكو بمضيفك دله
غدار والدكم طلع  سمم اخوي واهله
لو هاد ابو فاضل اله يشبع مهانه وذله

ياناس حراس ماريد __ عباس

            فوك الرمح __ يخزر ذبح

صاح الشمر يادوخه الراس
ذلانه والله هواي عباس

ترعب عيونه وهمه ميتين
هاي البقت عدله من الحسين

           ام الخدر
////////////////////////////////////////////
وكفت وكالت للعلن كيد كيدك واسمعني
زينب تره اني بت علي هيهات ابد متذلني
كل جيشك وماتمتلك تحلم تراك تهزني
احسن الك فك الاسر ورجع الروس وضعني


ملعون تسمعون ايزيد__ فرعون

            شر البلا __ بطف كربلا

جيش اعلينه كل الأسطول
بس اني اخوتي خير الفحول

بصوله القاسم خاف ناسين
هاي البقت عدله من الحسين

     ام الخدر
/////////////////////////////////////////////
اشرايج بهذه الصنع نفتر بروس اخوانج
جنتي اميره مدلله هسه تغير امكانج
من اضرب الراس بعمد نهيج نريد احزانج
اعرفهه نقطات الضعف بسرعه تغير الوانج

تشوفين الحسين مضروب __ بلعين

             اني افتخر __بسبي الخدر


كالتله احله ماشفت صار
الهم الجنه والكم النار

بدرب الشهاده كلنه ماشيين
هاي البقت عدله من الحسين

        ام الخدر
//////////////////////////////////////////
ياناس حاكم هالبلد حركاهه كل اخيامي
تدرون عبدالله طفل بلسهم ميت ضامي
طفلتنه عاشت بالامل قطره الماي احلامي
ترضون يحكمكم وحش بكربله كلش دامي


بحجار وبنار يضربون  __ الاخيار

       
               ساعه اوكفت __ والله تعبت


خمسين عمري اوكف اجبار
فوك السطوح يشمر احجار


اتمنى كل الناس واعيين
هاي البقت عدله من الحسين

  ام الخدر
////////////////////////////////////////////////
السجاد ثبت كلمته وحل الخطاب  بسرعه
كاللهم اني المنتقم وبحسره هل الدمعه
هالراس ابن خير البشر تشوفون صاير وضعه
راح انتضر ثاري بصبر   لمن تصير الرجعه

المختار القهار تدخلون __ إنذار


   يرعب رعب __ كلش صعب


دخل الكوفه اليوم انذار
ينادي يشيعه كومو للثار


وي الاعادي صيرو مرين
هاي البقت عدله من الحسين

      ام الخدر
//////////////////////////////////////////

   تمت بعونه تعالى.
خادم الحسين محمد الصادق العتابي

يااباعبدالله
يااباعبدالله
،،،،،،،،،،،،،،،،،،،،،،،،،،،،،،،،،
مشايه وخدمه هاي اكبر نعمه
للسلبو هدمـــــــــه مشينــــــه
ريحان الجنــــــه مانگطع عنه
للبينـــــــه ومنـــــه مشينـــــه
،،
لانتعـــــــــــب لانمـــل
لاشاب ولاكهــــــــــــل
ذوله احنه هـــل شكل
مولاي مولاي
نمشيلك للابـــــــــــــد
باقيـــن اعله الوعـــــد
مشايــــــه بكــــــل بلد
مولاي مولاي
،،،،،،،،،،،،،،،،،،،،،،،،،،،،،،،،،،،

مارايد كلشي بس رايد امشي
دمعاتــــي برمشـــــــي وزوره
ليله اقرايه خدمـــه ومشايــه
بچفوفي الرايـــــــــــه  وزوره
،،
يالنايـــــــــم بألگلــــب
مانايـــــــــــــم عالترب
تلگانه بكـــــــــــل درب
زوار زوار
راحتنـــــــــه بخدمتـك
ونحــــــــب زيارتـــــك
وفاد تعنتــــــــــــــــك
زوار زوار
،،،،،،،،،،،،،،،،،،،،،،،،،،،،،،،،،،،،
احلف بعيونك ماعيش بدونك
صايــر مجنونــــــــــك حبيبي
يحسيـــن الخادم  يتعبـــــــلك
لازم مــــن دون الوادم حبيبي
،،
ياراحـــــــــه الكل بشر
ياشمس وياگمــــــــــر
نتشرف والفخــــــــــر
خدام خدام
خسران المايحـــــــب
خدمتكــــم يالعـــذب
وعليكـــــــم ينحسب
خدام خدام
،،،،،،،،،،،،،،،،،،،،،،،،،،،،،،،،،،،،،،،
يالحبـــك عاده ياشيخ الساده
كل عاشـــــــــــگ ناده دخيلك
يحروت دمي چنـك گلب امي
خدمتكــــــــــم حلمي دخيلك
،،
بالدنيا شگــــد عشت
بس مثلك ماشفــت
يحسين بكـــل وكت
وياي وياي
مرافگني مـــن الزغر
من صرت الهل عمـر
من هســـــه وللحشر
وياي وياي
،،،،،،،،،،،،،،،،،،،،،،،،،،،،،،،
مصطفئ الصالحي
نزال للمشايه

يزوار. يزوار. هلا صاحت كربله
يزوار يزوار ياهله وميت هلا
==========
جدم يسبك للجدم اتحزمت كل الخدم
بالدرب رف العلم رفت اعلام
القدم يسبكها الگلب جنه الله هالدرب
للصحن لمن تطب ترفع الهام

بصحن الحسين وضريحه اجتمعت الوفايه
عهد منعوف الحسين وعالوعد مشايه
مصحف الحب مانعوفه وحبه اقدس ايه

يزوار يزوار الخطوه هاي مسجله
==========
هالمشي ثورة رفض عدنا واجب بي فرض
بالمشي نطوي الارض تعرف الناس
هالمشي خَرّجْ زلم بالشدد كلها عزم
للمنايه تبتسم رافعه الراس

تشهد أفعال الرجال بكل فخر ونكوله
والزلم مصدرها احنه احنه كلنه ارجوله
العِزّه بس للشيعه والله وغيرنا مذلوله

يزوار. يزوار. هذا اصل المسأله
==========
نواسي زينب بالضعن من ترد لرض الوطن
گلب زينب بالمحن. شايل اهات
ضعن شايل نايحه رجع يقره الفاتحه
گلب زينب جارحه حجي شمات
نواسي زينب بالزياره نخفف من احزانها
والزمن من بعد اخوها شكد رخيص وخانها
مصدر أحزان ومناحه والحزن عنوانها

يزوار. يزوار. من ترد القافله
=========
نعكس اخلاق وقيم والمشي ثورة قلم
وصل للعالم وأعم اتصدر الكون
العالم بأسره اجتمع عن حضارتنه سمع
من اللطم ومن الجَزَعْ كلشي مضمون

من جزعنا ومن لطمنه عرفوا الشافونه
بالمعارك والله صعبه وصعبه مايلوونه
من ابو فاضل عزمنه عجزوا ايكدرونه

يزوار. يزوار. بصوت نلعن حرمله
==========
مايهمنه كل خطر. احنه من اقصئ البحر
كاصدين ابكل فخر احنه زوار
مايهمنه كل حجي الراح قبله واليجي
من يشاهد هالبجي يشتعل نار

الحاقد الله يعنه گلبه من يشوف الرايه
بوده ماتطلع يعالم هالسنه مشايه
أصله معروف ونعرفه وهاي هيه الغايه

يزوار يزوار. بيرغ حسين اعتله
==========
الشاعر علي النائلي

طفله خمس سنين بس أعوامها
حافيه و يجوي الرمل بأجدامها
....................................
تمشي  مهضومه  رقيه  للسبي
يسب أبوها بكل صلافه الناصبي
من الشمس صار الوجه لون العبي
وراس الحسين برمح كدامها
................................
من الزغر طفله بأبوها تنفجع
وبرمح  كل  الأماني  ترتفع
والحوافر  أبد ما خلت ضلع
سالم وداست جميع أحلامها
.................................
طفله ودموع الحزن عالخد تسيل
بناكه هزله بالدرب تمشي وتميل
ساعه عمه زينب وساعه العليل
تصرخ وظلت تعد بأيامها
....................................
من ترافتها أخذ ريش الحمام
واللسان الينطق بأحله الكلام
أشلون تالي عالترب تغفه وتنام
بالخرابه عكب ذيج أخيامها
...................................
طفله بس أوصافها ما تنوصف
ترست دروب اليسر رقه وعطف
من  خدرها  الهاشميه  تنعرف
تعجز بوصف الخدر أقلامها
.....................................
شمر ما يعرف جبير ولا طفل
مكيدات   الهاشميات    بحبل
يسبهن الما عنده غيره ولا أصل
الحارب العتره وهتك أسلامها
....................................
زغيره وأهل الشام يرموها بحجر
ضعف من كثر البجي حتى النظر
باليسر   كل   لحظه   تنعد  بشهر
ترمي نظرات الشماته سهامها
....................................
بطشت جابو راس أبوها المنذبح
بكل  كتر  بيه نبله لو طعنه برمح
بجت  ودموع  الطفل  ما تنمسح
بحسره  ماتت  عالطشت  بآلامها
.........................................
الشاعر حيدر مطر العبادي



ـ

بالشام ماعدنه عرف بس روس اهلنه ويانه
والجان يسمع بس اسم فوگ الهزل شافانه
خدر الساده بين الناس
ياهو ايفزع العباس
بالشام دخلينه ابفشل والكل تصد اعلينه
أبردن العبايه امن النضر غطت وجها اسكينه

تعبنه هواي ونريد الراي موش الماي يخوتنه
هزيله النوگ وابد متلوگ كلش صعبه حالتنه

بسوگ الغربه جا هاگد شماته نشوف
الما مد صوطه عالنسوان مد الشوف
بين الحيره ضلينه وهذاك الخوف
،،،،،،،،،،،،،،،،،،،،،،،،،،،،،،،،،،،،،،
للشام جابانه الدهر كسرت ضهر معروفه
مجتوفه ضلت بالسبي اطيح بحضن مجتوفه
زينب تبجي مدمع حار
بالله ابيا متن تحتار
ياكسرت ام عون ابهزل سوگ الغرب شافاها
لا اخوه ضلت لا سند لا ضل كفيل اوياها

تشوف الناس اخت عباس يقبل يا گلب بيها
تريد اطيح يخويه تصيح اختك هايه حاجيها

بت ستر العرب طلعت عليها عيون
وين الساده خل تفزع ركض لم عون
صارت عالهزله نضرت شماته شلون
،،،،،،،،،،،،،،،،،،،،،،،،،،،،،،،،،،،،،،،،،
دخلينه الجروح القصر والكسره جانت هايه
يضحك يزيد اعله العرش ويذب علينه ابمايه
صاح اعلينه عطشانات
ضلت تضحك الشمات
تعبينه من گد الشتم تاذينه هاي الحاله
الميخلي خاطر للنبي يشتم اكيد اعياله

تعب وحبال يعذب الحال مارف اي گلب لينه
يريت الموت قبل من فوت وتنضر وادم اعلينه

الصاير بينه ببنادم قبل ماصار
نسوان البخت تشبع شتم وحجار
حسين من الطشت لبنيته راسه ندار
،،،،،،،،،،،،،،،،،،،،،،،،،،،،،،،،،،،،،،،،
بذيج الخرابه المضلمه خلونه بس ابحيره
بالغربه مكسورت گلب شتسوي حرمه اجبيره
زينب ضلت ابلا روح
شتسوي ابگلب مجروح
ضلمه الخرايب والوجع عاش ابگلب علويه
ومن شافت الراس بطشت ماتت عليه ارقيه

خذانه الليل نريد الحيل بس الحيل جافينه
خدرنه نگاد نترسنه رماد شمسوي الوكت بينه

اخر لحضه من شفنه الطشت والراس
مامش واحد ايفزع الگمر عباس
ايگله ابزينب اشسوه الوكت والناس
ابوفايز الرافضي

من ترف الراية
حانت المشاية

ــــــــــــــــــ

من ترف راية ضريحك بالسما للعالي
يعني ننصبها المواكب للخدم يالوالي
تجي ازحوف لكربلائك سيدي يالغالي
كل سنة تزود المواكب بالزمان الحالي

نعمه منك هاية
حانت المشاية

ــــــــــــــــــ

كعبة للزوار گبرك من تجي وتطوفك
الف عمره والف حجة ازيارتك بطفوفك
تصيح لبيك وتردد هالجموع احروفك
تمسح بعطفك عليهم وبحنان اجفوفك

تقرأ ليهم اية
حانت المشاية

ــــــــــــــــــ

الملائك بأربعينك تنزل وي انصارك
تعزب وي اهل الخدامة ترحب بخطارك
بالكرم بيبان صحنك تنفتح كل دراك
وبالشمس مولاي انته تضلل لزوارك

ضللت بالصاية
حانت المشاية

ــــــــــــــــــ

لهفة مشاية بطريقك بالعشگ خدامك
بيوتهم تخلى ويجونك لان تخلى اخيامك
هالمواساة لجنابك ولعظيم أيامك
هالمشي بلكت يخفف سيدي من أسهامك

درعك احنه وثاية
حانت المشاية

ــــــــــــــــــ

المواكب سفرة وحدة والخدم جف واحد
هذا يعمل ذاك يطبخ ماكو واحد كاعد
كلها قادة بالمواكب مو فقط بس قائد
حسين سلطان اليخدمة والعشگ بي شاهد

شاهد الحب غاية
حانت المشاية

ــــــــــــــــــ

يالطريقك جنة الله الخدم كلها بخيرك
هذا مايك هذا زادك كله من تدبيرك
هذا من جيسك حبيبي وماكو منة غيرك
تروي كل عطشان گاصد من عذب مي بيرك

وبثوابك ماية
حانت المشاية

ــــــــــــــــــ

حسين مشاية لحضرتك تمشي لجل اعيونك
ولجل زينب بالمسيرة من مشت بضعونك
حرم واطفال بطريقك والله ما ينسونك
ازغار واكبار وشباب بدربك يگصدونك

الك جم اولاية
حانت المشاية

ــــــــــــــــــ

هلا بالزوار انته تصيح بأجمل صورة
ستبشروا زوار گبري أذنوبكم مغفورة
يالبذلتوا بأربعيني أجهودكم مشكورة
الزارني باجر أجيلة بگبرة روحي تزورة

هالعهد بحجاية
حانت المشاية

ــــــــــــــــــ

الشاعر زين العابدين الشمري

الليلة على بركة لله تعالى
التفاصيل داخل البوستر

ياعمه مرني الكربله وديني يم صوب النهر
خليني اودع كافلي وادفن الراس اويالنحر
▪️▪️▪️▪️▪️▪️▪️▪️▪️▪️▪️▪️▪️
هاي انه زينب ياگمر جيت اشتكيلك حالي
انه ابدي من حرگ الخيم لوهظم هاي اعيالي
وحسين حزو منحره بعدك يخويه الوالي
اليوم اجيت امن السبي اشكيلك احوال اليسر
▪️▪️▪️▪️▪️▪️▪️▪️▪️▪️▪️▪️▪️
ياخويه بعدك دنيتي تاخذني لديار الغرب
بأعيالي وايتام اوحرم مسبيه والمدمع يصب
راسك اشوفه اعالرمح والجسد ظل اعالترب
شحچي يعباس الشهم صوبني بسهامه الدهر
▪️▪️▪️▪️▪️▪️▪️▪️▪️▪️▪️▪️▪️
اگليبي بفراگك يون نيرانه تچوي اظلوعي
ظليت اون ابحسرتي ياخويه واخفي ادموعي
تدريني زينب ماأذل وانته اعرف ابموضوعي
هاي انه زينب بت علي واختك يعباس الكمر
▪️▪️▪️▪️▪️▪️▪️▪️▪️▪️▪️▪️▪️
وابمجلس الظالم شفت ياخويه اهات اوألم
يضرب ثنايا للسبط ياخويه وانضرله ابهظم
أتمنيتك انته بمجلسه وتشوف لوعات الحرم
ياگلب يحمل لوعتي ياصبر يحمل هالامر
▪️▪️▪️▪️▪️▪️▪️▪️▪️▪️▪️▪️▪️
ماأريد اثگل بالعتب ياخويه ادري ابحالك
معذور ياأبن واالدي وفيت الي او لعيالك
دافعت عن دين النبي بأيمينك او بشمالك
بس جيت اودعك ياگمر وادفن الراس اويالنحر
▪️▪️▪️▪️▪️▪️▪️▪️▪️▪️▪️▪️▪️
لشاعراهل البيت عليهم السلام
خالد عامر الزيادي

الليلة على بركة لله تعالى
التفاصيل داخل البوستر.

#نعي

لتكول خويه شبيج مابيج
ولتكلي  ياهوه المبجيج
الشام وادمهم يشتمون
محد يكلي الله يجويج

راوني  خويه  اشاكل والوان
يفرون بينه وحنه  نسوان
وكل ما نكول لحكنه يحسين
يگولون خليناه عريان

عطاب  كلبي نترس عطاب
لمن حدوني خويه الاجناب
كالولي مده الجرح ويطيب
وسوك جرحه اخضر وماطاب

مجبوره اسولفلك البيه
من ياوكت اختك سبيه
والله زمن من عكب عباس
كالو على زينب خطيه

قاسم الغزالي

#اللهم_عجل_لوليك_الفرج

شكرآ لله تعالى

قصيدة المشايه

مشاي اعتنيله وسابگ الريح
يم حسين كل اذنوبك اطيح
      ــ⊱☆☆❀☆☆⊰ــ

يالگاصد حسين اتزوره مشاي
وعـايف ديرتك وطفالك وجـاي
سعيك مايضيع وخدمتك هاي
وخطواتك لبو السجاد تسـبيح
       ــ⊱☆☆❀☆☆⊰ــ

لاتترك طريق حســـين هيهات
اتســــلح بالفكر ونشر ثقافات
لا تتقـــيد ابطول المســــافات
كل اهموم كلبك بيــهن اتزيح
       ــ⊱☆☆❀☆☆⊰ــ

مو وحدك اتسير بدرب الحسين
طه وحيــــــــــــدره وياك ماشين
وام حسين تمشي وتهمل العيـن
وحي الله ابضيوف اوليدنه تصيح
       ــ⊱☆☆❀☆☆⊰ــ

ابدربه اتشوف اجود صــــور للجود
امــــدلل تمشي حد ما لهلك اتعود
كلشي اعله الطريق اتشوفه موجود
والخـــــــدمه الك كل مطلب اتيح
         ــ⊱☆☆❀☆☆⊰ــ

سبح ودعي وستغفر ابممشاك
وقتك لاتضـــــــيعه بهذا وبذاك
اخلص حتى ابوســـكينه ايتلگاك
وللواضـح صعب يراد توضــــيح
        ــ⊱☆☆❀☆☆⊰ــ

✍الخادم
كامل السعيدي

السلام  عليك  ايها  المجتبى
السلام عليك يبن خير الورى
******
هاك  اخذ  العمر مرهون يم  بابك
وشمحلاته اشوفك  تكرم احبابك
الله  يزيده  حظي  بشمة  اترابك
بچفوفك هلا   مكتوبه  بعتابك

متروس اجروح
شهگات   الروح
والناعي احسين
باهاته.....ينوح

السلام عليك ايها المحتبى
*******
تحت امرك اصيرن وانت بنفاسي
مولاي الحسن كاتبلك  احساسي
انه من اردا اذكرك ينحني راسي
اصيرلك حسيني طبعي عباسي

من صوت الاه
عشكك محلاه
عباس  ايگول
وجهك  الله

السلام عليك ايها المجتبى
*******
العشك  يكبر لگيته  بالعزاء حاضر
اشمحلاته الحسن لو يجبر الخاطر
نذروني....الخدمتك  گالوا  اتساهر
حسبو زلمه صرت عالحسن شاعر

خادم   وفاي
اتعينت ابهاي
بثواب احسين
وزعت  الماي

السلام عليك ايها المجتبى
*******
خذاني  للبقيع   الشوك  والحسره
وابيات   القصيده    تكتب  العبره
يم  گبر الحسن  لازم   شعر  نقره
والناعي اعله گبرك فاطمه الزهره

تنعه امصابين
بدموع  العين
واحد مسموم
والثاني حسين
*******
يا ثامن  عجيبه بعشگك اتوسل
الله شكد يحبك والنبي المرسل
ردت  كلما  ارسمك  تطلع الأول
عنك  ما  ابالغ  واضح المجمل

لو سائل جاك
يعرف معناك
تكرم بالضيف
تسمع ينخاك

السلام عليك ايها المجتبى
*******
جزت حسره الليالي وباقيه بعيني
يم كبر الحسن   بس غربة اسنيني
متعود  انوح اشكد صدى  اونيني
ما خله الطفوف ابدمعي لحسيني

كلبي المصيوب
جاور    يعقوب
خلص بس نوح
لاجمل محبوب
*******
تمت بعون الله تعالى الشاعر_يوسف_الفتلاوي