نعي ليلة علي الاكبر علية السلام
//////////////////////////////////////////

تانيني    يمه   هنا   يدنياي
لاچمني گلبي ويرجف هواي
روحت عيونك روحت الماي
بنص   الخيام   الونه  بهداي

يا علي  تاني عيوني تبچي
خلي امك بكل دمعه تحچي

يا نور وجهك بالعطش ذاب
ساعه ويلوح اخدودك تراب
امك تريدك  ذخر   وحجاب
يا باب عمري وسدو   الباب

ما بيه   حيل   الچلمة   ايروح
كلفه من اشوف الغالي مطروح
يا روح   روحي  وماتت الروح
يا جرح   حيل  مأذي الجروح

خليني اشمك گبل  لتموت
خليني اسمع منك الصوت
يا يمه فرغت ذيچ البيوت

راح وصحت  يحسين  رد بيه
خليني   آخر    مره    احاچيه
ادريه    راح      يموت  ادريه
ثوب   المنيه    امفصل  اعليه

رديت       للخيمه     بدمعتي
سكتهه وسمعهه حسين ونتي
خليني اموت  وشنهي  ظلتي
بگليبي    تگتل     آه    يعلتي

راح  ادعي  بلكت  يرجع  ابني
يا ربي    فدوه   عيوني  ذني
هلبت    يرد     ويهيد     وني

انذر  نذر   بس  يرجع الزين
بالدرب  ر اطشن كل السنين
وياهه حيلي وشوفهه   العين
يحسين شنهي الصار يحسين

وجه    الولي    اتغير   واحسه
بالحومه   گوه   ايشيل   نفسه
يا روحي احچي شبيچ خرسه
بس   لا  خبر  موته  لفاني

لحظات  والمهيوب   اجاني
شايل     وليده     وعذباني
لا    يا    علي    لا يمه تاني
فدوات   الك   يا   يمه آني

من فوگ  خدك  امسح الدم
مغمض  عيونك  گلي  تحلم ؟
جاوبني   خانگ   امك   الهم 
ما ظنهه  من   فرگاك   تسلم

وسفه الولد گبل امه مدفون
هاي المصيبه التعمي العيون
يا يمه اظل   بدونك   شلون
وياك اخذني الدنيا مره

يمه     الولد     للكبر     مريود
يوفي الربى   ويداري    ويزود
چا ليش    يمه  اگبالي  ممدود
تسمعني يلكلك   محنه

كلمات خادم الحسين
     رعد  الفريجي

علي الاكبر علي الاكبر

ياحلات وهيل طش علومه
انشف عروك الزلم بالحومه
الهوه الفارس يوكف بزردومه

الزلم من يشوفها
مايهاب اصفوفها
بيها يذبح خوفها
علي الاكبر علي الاكبر
٠٠٠٠ ٠٠ ٠٠٠٠
سيفه من يلمع ضنو بيه رعيد
الشرده الكم يال اميه ماتفيد
شما يزود الجيش كال اكثر اريد

القاده طير روسها
والتطيح يدوسها
بكيفه كام يحوسها
علي الاكبر علي الاكبر
٠٠٠٠ ٠٠ ٠٠٠٠
جنه حيد وابد مايتلاكه
روحه الفنون الحرب مشتاكه
سيفه معشوك وحضه بعشاكه

يانسل هاديها
الحومه يكرم بيها
رايته معليها
علي الاكبر علي الاكبر
٠٠٠٠ ٠٠ ٠٠٠٠
انزل عليهم ياليث انتقام
وفرصه لاتنطي الاولاد الحرام
سيفك من سنين يبن الزهراء صام

خل يفطر بيهم
بالحرم بجيهم
الهوه حبسه عليهم

علي الاكبر علي الاكبر
٠٠٠٠ ٠٠ ٠٠٠٠
ياحزام حسين يانور الكفل
شحلاته لايك عليك الزعل
رجع العادوك الحرب الجمل

الجيش بستعداده
تايه ابمشراده
حيريت القاده
علي الاكبر علي الاكبر
٠٠٠٠ ٠٠ ٠٠٠٠

خادم اهل البيت ع
فلاح طالب الماجدي

قمر ليلئ ( علي الاكبر )

طبها الاكبر وختنك واديها
علي صاحو هذه لو داحيها
@@@@@@@@@@@@@@@
غيم وطرها ودوت واعلنها موت
اختاض وتخيم عله الحومه السكوت
تخورست شجعانها وماضلها صوت
ندارت وحول صكرها عليها
@@@@@@@@@@@@@@@
غار وارعبها وسحكها وطكها حيل
تمايلت حدره وطبك خيل عله خيل
جفلت وصاح وكلب حمرتها ليل
هتزت وركضت عكس رجليها
@@@@@@@@@@@@@@@@
لاكته الخيل وهوت وعليها مال
وطر كتايبها ورعبها وبيها صال
ك الغنم خلاها شجعان الرجال
وضيعت سافلها من عاليها
@@@@@@@@@@@@@@@
شح هواها ودخنت والطبها حيد
تراجفت ونعاد خيبر من جديد
كردساها ولوه عله ركبها الحديد
وسلمت ل ابن الهلا وراعيها
@@@@@@@@@@@@@@@@ن
زلزلاها وطبك يسرتها ب يمين
ابتسم ومن الخيمه هوسله الحسين
هلا بخيال الوغئ ودرع المتين
الشايخ عله الزلم ومبجيها
@@@@@@@@@@@@@@@@

#الخادم

#علي_جاسب_الموسوي

يا أبا عبد الله