🕋 Salam olsun Rəhman Allaha.

🕌 "Ey Rəbbim! Məni hər bir işə sədaqət və dürüstlük ilə daxil et, məni sadiqlik ilə çıxar və Öz tərəfindən mənə kömək edən bir dəlil ver!"

🟩 Ruhumuzun paklığı, ruhumuzun dincliyinin səbəbi olan Allaha şükür olsun.

💠 Allahım, bizim qaranlıq və çirkli içimizi görən, amma buna baxmayaraq yenə də bizə aşiq olan təkcə Sən oldun.

⭕️ Bizim bütün şəkk-şübhə, məyusluq, şirk və küfrlərimizi görürsən, amma bununla belə yenə də bizə gülümsəyirsən və səbirlə bizim nə vaxtsa haqqı dərk edəcəyimizə ümid edirsən.

✅ Allahım, nankorluğumuzu, Sənə tələbkarlığımızı, uğursuzluq zamanı Səni ittiham etməyimizi gördün, amma bizi tərk etmədin, ruzimizi kəsmədin.

🌍 Ey canımdan daha Əziz, bizə Sənin nemətlərini dərk etməyi və Sənə şükür etmək qüdrətini bəxş et ki, bütün lütf və məhəbbətinə görə üzürlü halımızı azaldaq.

Allahım, şükür Sənə.

t.me/axlaq

💠 Qarşımıza qoyduğumuz bütün hədəf və məqsədlərə necə nail ola bilərik?

1. Uğur əldə etmək üçün insan ilk növbədə öz qarşısına məqsəd qoymalıdır.

2. Bu məqsədlərə çatmaq üçün diqqətli planlaşdırma tələb olunur.

3. İşlərin bütün cəhətlərini ölçməyə çalışın və sonra hərəkətə keçin.

4. Başqalarının təcrübəsindən istifadə edin.

5. Mütəxəssislərlə məsləhətləşməyə laqeyd yanaşmayın.

6. Uca məqsədlərə və böyük uğurlara nail olmaq zaman, tədricən hərəkət və səbir tələb edir. Buna görə səbirli olun.

7. Uğurun ən mühüm səbəblərindən biri uğursuzluqdan qorxmamaqdır. Odur ki, məğlubiyyət və uğursuzluqlarınızı uğura aparan körpü kimi istifadə edin və uğur qazanmaq üçün uğursuzluqların öhdəsindən gəlin və fikrinizin keçmişə ilişib qalmasına imkan verməyin. Səbirli və dözümlü olun.

8. Allaha təvəkkül etməyi və Əhli-beytdən (ə) kömək istəməyi unutmayın və həmişə onlardan kömək diləyin.

9. Allaha xoşgüman olun. Bilin ki, Allahdan sizə yalnız xeyir, mərhəmət və lütf gəlir.

10. Hədəf və məqsədlərinizə çatmaq üçün səylə yanaşı hər gün səhər-axşam dua edin.

11. Uğur üçün ümidinizi maksimuma çatdırın.

12. Əvvəlki nailiyyətlərinizi və uğurlarınızı düşünün və onlara vaxtilə necə nail olduğunuzu nəzərdən keçirin.

13. Şübhəsiz ki, hədəflərə çatmaq üçün insanın yolunda çoxlu maneə, problem, çətinliklər var və onlara qalib gəlmək lazımdır ki, bu da əzm tələb edir.

14. Məqsədlərinizə çatmaq üçün daha ümidlə səy göstərə bilməniz üçün həyatda uğur qazanmış insanların həyatları, qarşılaşdıqları problem və çətinliklərlə daha yaxından tanış olun.

t.me/axlaq

🌱İradəni gücləndirməyin 5 yolu:

1- Yemək rejiminə diqqət edin. Halal yeyin, doymamış yeməyi dayandırın, vaxtlı-vaxtında yeyin...

2- İşləri yarımçıq qoymayın.

3- Yaxşı adətləri vərdişlərə çevirin.

4- Hər gün Quran oxuyun.

5- Tapşırıqlarınızı prioritet (birincilik) sırasına görə sıralayın və ən vacib işləri əvvəlcə yerinə yetirin.

@axlaq

Hansı kitabları oxuyaq?
Kitabları necə oxuyaq?

💠 Boşa gedən bir xəzinə...

✅ Bir qrup insan daim əyləncə axtarır və qiymətli vaxtlarından necə istifadə edəcəyini bilmir; Qəzetdəki krossvordları həll etsinlərmi? Yoxsa saatlarla kino və seriallara, yaxud da idman proqramlarına baxmağa və ya şahmat oynamağa vaxt sərf etsinlər?

✳️ Böyük sərvət toplayan və onu yavaş-yavaş yandırmaq üçün yer axtaran və o sərvətin yanmasını seyr etməkdən həzz alan insana bənzəyirlər.

🌍 Belə bir adamla qarşılaşsaq, deyəcəyik ki, dəlidir; Halbuki bir çoxumuz bu çılğınlığa düçar olub dünya sərvəti ilə müqayisə olunmayan ömür sərmayəmizi həvəs və nəfsin istəkləri odunda yandırdığımızdan xəbərsizik.

📌 Əslində belə adama aldanmış və uduzmuş demək lazımdır. Çünki aldanmış insan qiymətli bir əmtəə satıb əvəzində dəyərsiz və ya dəyəri satdığından az olan bir əmtəə alan şəxsdir.

♻️ Həyat və ömür sərmayəsinə bərabər ola biləcək heç bir qiymətli əmtəə yoxdur və onun üçün cənnətdən aşağı qiymətlə kifayətlənmək olmaz.

⏰ Odur ki, boş vaxtınızı itirməmişdən öncə onun qədrini bilin və digər işlərdən daha faydalı və layiqli işlə məşğul olun.

t.me/axlaq

Dəhvul-ərz günü, yəni yer üzünün (dünyanın) insanın yaşayışı üçün hazırlanması.

🌐 Hər bir sağlam rabitə və ünsiyyətin 3 vacib əsası var:

1. Az da olsa sənə faydası olsun.

2. Tərəflərin heç birinin zərərinə olmasın.

3. Reallıqlara əsaslansın, xəyal və arzulara əsaslanmasın.

@axlaq

💠 Sağlamlıq və əmin-amanlıq

✍ Həzrət Muhəmməd sallallahu əleyhi və alih buyurur:

نِعْمَتانِ مَكْفُورَتانِ الأمْنُ وَالْعافِيَةُ

İki nemət vardır ki, (insanlar) onlara qarşı nankorluq edirlər: sağlamlıq və əmin-amanlıq.

📚 Biharul-ənvar 81-ci cild 170-ci səhifə

💎 Sağlamlıq və asudəlik Allah-taalanın insanlara bəxş etdiyi iki qiymətli nemətdir, lakin insanların çoxu onun qədrini bilmir və boş yerə itirirlər.


🕋 Allah-taala insana saysız-hesabsız və qiymətli nemətləri təmənnasız olaraq bəxş etmişdir və insan bəlkə də onları əldə etməkdə zəhmət çəkmədiyi üçün onlara laqeydliklə yanaşaraq itirir.

🌍 Bəzi insanlar nəinki o nemətlərin haqqını yerinə yetirmir, hətta onları günah yolunda və ya ona faydası olmayan, hətta zərər verən yolda istifadə edir.

t.me/axlaq

⏰ Özünüzdən başlayın.

🌍 Başqalarına kömək etmək üçün vaxtınızı və emosiyalarınızı qurban verməlisiniz. Özünüzə qayğı göstərməsəniz, başqaları üçün heç nə edə bilməzsiniz. İstəklərinizə birincilik qərar verməyiniz eqoistlik deyil, əksinə, sağlam həyatın bir hissəsidir.

🔆 Qayğıkeş və xeyirxah bir insan olmaq çox yaxşı bir şeydir, Allahın sevdiyi bir xüsusiyyətdir, lakin öz ehtiyaclarınıza hörmət etmək və onlara diqqət yetirmək də vacibdir. Şəxsi inkişaf yoluna qədəm qoymağınız, öz həyatınıza daha çox diqqət yetirməyə və başqalarını sevindirməyə vaxt itirməməyə kömək edəcək.

✨ Bunu da qeyd etmək lazımdır ki, siz də özünüz üçün yaşayırsınız; Sizdən başqa heç kimin edə bilməyəcəyi bir şeydir bu. Axar çaylara nəzər salsaq, görərik ki, çay bir tərəfdən özü məqsədə doğru hərəkət edir, digər tərəfdən isə hərəkət edə-edə insanlara fayda verir.

@axlaq

⚠️ Arxayınlaşmaq olmaz!

📝 Əmirəlmöminin Əli əleyhissalam buyurur:

إِنْ سَقِمَ ظَلَّ نَادِماً، وَ إِنْ صَحَّ أَمِنَ لاَهِیاً

"O kəslərdən olma ki, xəstələnəndə (özünün pis əməllərinə görə) peşman olar, sağalanda isə arxayınlaşıb əylənməklə məşğul olar”.

💢 Bəli, bəzi insanlar xəstələnəndə ölümü yaxın hiss edib peşman olur, günahlarına görə tövbə edib keçmişdə yol verdikləri nöqsanları aradan qaldırmaq fikrinə düşürlər, amma sağalıb xəstə yatağından qalxan kimi əvvəlki halları dəyişir və arxayınlıq hiss edərək əylənməklə məşğul olurlar.

🔶 Bu unutqanlıq, qısa zamanda baş verən bu ziddiyyət də onların düşüncələrinin dar, imanlarının zəif olmasının nişanə və əlamətidir.

🕋 Allah-taala insanı həyatda qəflət yuxusundan oyanması üçün müxtəlif bəla və çətinliklərə düçar edir.

🛑 Amma təəssüf ki, bu oyanma insanların çoxunda ötəri olur və problemlər aradan qalxandan sonra onlar dərhal yenidən qəflət yuxusuna gedirlər.

📖 Qurani-Kərim Ənkəbut surəsinin 65-ci ayəsində bunun bir nümunəsinə işarə edərək buyurur:

فَإِذَا رَكِبُوا فِي الْفُلْكِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ يُشْرِكُونَ

"Gəmiyə minən (və qərq olmaq təhlükəsi ilə üzləşən) zaman dini yalnız Allaha məxsus edib Ona dua edərlər. (İbadət etdikləri bütləri unudarlar. Allah) onları quruya çıxarıb, xilas edən kimi dərhal ona şərik qoşarlar."

t.me/axlaq

✅ Dostluq ilə bağlı 12 məsələ.

💠 Necə dost tapmaq, dostluğu necə qorumaq və sairə üsullar barədə son olaraq hədislərdə gələn xüsusiyyətləri siyahı şəkildə qeyd etmək yerinə düşərdi:

1⃣  "İnsanın böyüklük və alicənablıq nişanələrindən biri budur ki, keçmiş dostlarını unutmasın (dostluqlarını qorusun)."

2⃣  "Ən yaxşı dostlar o kəslərdir ki, nəsihət etmək və xeyirxahlıqda geri qalmır, süniliyə yol vermir və eyiblərinizi sizə açıq şəkildə deyirlər. Axirət işlərində sizə köməkçidirlər, sizi günahlardan çəkindirirlər və xətalarınıza göz yumurlar."

3⃣  "Öz dostunuzu çox məzəmmət edib danlamayın ki, bu, kinə səbəb olur."

4⃣  "Ən pis dostlar o kəslərdir ki, sizi sıxıntıya, əziyyətə və zəhmətə salır."

5⃣  "Həqiqi dost o kəsdir ki, öz dostunun eybini ona xəlvət və təklikdə deyər, nəinki aşkarda və başqalarının yanında."

6⃣  "Bir kəslə dost olduqda onun adını, atasının, qəbiləsinin, şəhərinin, ölkəsinin adını soruşun. Bu cür tanışlıqlar dostluqda doğruluğun nişanəsidir."

7⃣  "Dostunuza olan məhəbbətinizi büruzə verin və ona deyin. Bu, məhəbbət və əlaqənin artmasına səbəb olur."

8⃣  "Dostunuz tərəfindən baş verən hər şeyə səbir edin, səbir və hövsələ eyibləri örtür."

9⃣  "Qardaşlarınızı və dostlarınızı hər xətasına görə məzəmmət etməyin və hər səhvə görə hesaba çəkməyin ki, dostlarınız azalar."

🔟  "Allah-taala davamlı dostluqları sevir. Buna görə də dostluqlarınızı davamlı edin."

1⃣1⃣  "Nəfsani istəklər xatirinə sizinlə dost olan insanlarla dostluq etməyin. Təqvalı dostların axtarışında olun."

1⃣2⃣  "Öz məhəbbət və dostluqlarınızı yersiz və lazımsız şəxslərə sərf etməyin ki, bu cür dostluqlar sarsılmaq təhlükəsindədir."

t.me/axlaq

🔆 Ədəbli olmağın əhəmiyyəti

🌍 İnsanların hər bir ağıllı adamdan gözlədikləri və umduqları birincı şey ədəbli olmaqdır. Ədəbsiz insana camaat etiqad və etibar etmir, bundan əlavə onun öz etiqadını da bəyənmirlər.

⚫️ Ədəbsiz adamın sözü insanlar üçün təsirsizdir, bəzən isə əks təsirə malik olur.

📝 Əmirəlmöminin əli əleyhissalam buyurur:

“Hər bir şeyin ağıla ehtiyacı var, ağılın isə ədəbə ehtiyacı var.”

📚 Gurərul-hikəm 425-ci hədis

✍ İmam Cəfər Sadiq əleyhissalam buyurur:

ان اجلت فى عمرك يومين فاجعل احدهما لادبك لتستعين به على يوم موتك

“Əgər sənə xəbər verilsə ki, ömrünün bitməyinə cəmi iki gün qalıb, o iki günün birincisini ədəbinə həsr et ki, (ədəbin) ölüm zamanında sənin köməyinə çatsın.”

📚 əl-Kafi 8-ci cild 150-ci səhifə

🔰 Həmçinin başqa bir hədisdə Əmirəlmöminin Əli əleyhissalam buyurur:

يا مومن ، ان هذا العلم و الادب ثمن نفسك فاجتهد فى تعلمها، فما يزيد من علمك و ادبك يزيد فى ثمنك و قدرك

فان بالعلم تهتدى الى ربك و بالادب تحسن خدمه ربك

“Ey mömin! Həqiqətən bu elm və ədəb sənin qiymətin və dəyərindir, onları öyrənmək üçün çalışmalısan. Elmindən və ədəbindən nə qədər çoxalacaq və artacaqsa, bil ki, həmin qədər sənin qiymət və dəyərin artaraq çoxalacaqdır. Deməli, elm öyrənməklər Rəbbinə sarı hidayət olarsan və ədəbin ilə isə gözəl şəkildə Rəbbinin xidmətində olarsan.”

📚 Biharul ənvar 1-ci cild 180-cı səhifə

✅ Deməli, Elm insan üçün nəzəri köməkçidir, ədəb isə əməli köməkçi.

📝 Başqa bir hədisdə isə Əmirəlmöminin Əli əleyhissalam buyurur:

من نصب نفسه للناس اماما فليبداء بتعليم نفسه قبل تعليم غيره ، ولْيكن تاديبه بسيرته قبل تاديبه بلسانه ، و معلم نفسه و مؤ دبها احق بالاجلال من معلم الناس و مؤ دبهم

“Kim özünü insanların rəhbəri, başçısı və yol göstərəni kimi görmək istəyirsə, başqalarını dil ilə ədəbləndirməkdən əvvəl özünü əməl ilə ədəbləndirsin. İnsanın özü özünə müəllimlik və tərbiyəçilik edən insan başqalarına müəllim və tərbiyəçi olan adamdan daha çox ehtirama layiqdir.

📚 Nəhcül bəlağə 73-cü kəlam

@axlaq

🌍 Ölümdən qorxmağın 2 əsas səbəbi

📝 İmam Məhəmməd Təqi əleyhissalamdan bir çox müsəlmanların ölüm anından qorxmalarının səbəbini soruşarkən həzrət buyurdu:

لانهم جهلوه فکرهوه و لو عرفوه و کانوا من اولياء الله عز و جل لاحبوه و لعلموا ان الآخرة خير لهم من الدنيا

“Çünki ondan xəbərsizdirlər, ona görə də ölümü xoşlamırlar. Əgər onu tanısaydılar və Allahın dostlarından olsaydılar onu sevərdilər, həm də bilərdilər ki, onlar üçün axirət həyatı dünyadan daha xeyirlidir.”

📚 Məaniyul-əxbar 290-cı səhifə 8-ci hədis

🌐 İnsanların böyük əksəriyyəti ölümdən qorxur. Görəsən, bunun səbəbi nədir? Araşdırdıqda məlum olur ki, ölümdən qorxmaq əsasən aşağıdakı iki amildən biri ilə bağlıdır:

🅰 Bir çoxları ölümü puç olmaq kimi başa düşürlər.

✔️ Məlum məsələdir ki, insanda puçluğa qarşı qorxu hissi olur. Ölümü də yoxluq kimi qəbul etsək, insan ölümdən də qorxacaq.

🔴 Hətta həyatın ən şirin anlarında belə nə vaxtsa bu dünya həyatının sona çatacağı barədə düşünmək dünyanın şirinliyini zəhərə çevirir.

🅱 Ölümü yoxluq kimi deyil, yeni və əbədi bir həyatın başlanğıcı hesab edən insanlar etdikləri günahlara görə ondan qorxurlar.

➡️ Çünki ölüm onları öz pis əməllərinin cəzasına yaxınlaşdırır. Buna görə də cəzadan bacardıqları qədər uzaq olmağa çalışırlar.

💠 Peyğəmbər və İmamların (onların hamısına Allahın salamı olsun) vəzifələrindən biri də insanları bu qorxudan xilas etməkdir.

1⃣ Allahın göndərdiyi Peyğəmbərlər insanların qəlbində ölümdən sonrakı əbədi həyata iman yaratmışlar.

2⃣ Peyğəmbərlər gəlib insanlardan ölümdən qorxu hissini uzaqlaşdırmış, ölümü onların gözündə əsl anlamında -axirət həyatına bir müqəddimə kimi göstərmişlər.

3⃣ Peyğəmbərlər insanları yaxşı əməllər görməyə dəvət etmişlər ki, pis əməllərin ucbatından ölümdən qorxmaq fikri də onların ağlından çıxsın.

✅ Buna görə də imanlı və təqvalı insanlar bu dünya həyatının başa çatmasından qətiyyən qorxmurlar.

t.me/axlaq

🕋 Günahdan çəkinməyi və harama baxmamağı İmam Məhəmməd Təqi əleyhissalamdan öyrənək.

⛔️ Çəkinməkdən və harama baxmamaqdan məqsədin nə olduğunu çoxları səhv başa düşürlər, elə bilirlər ki, çəkinməkdən məqsəd günahlarla qarşılaşmamaqdadır. Halbuki bu cür rəftar həmin insanın günahlara meyilli olmasını amma özünü zorla gizlətməsini göstərir. Yalnız evdə və ya məsciddə orurub cəmiyyət içinə çıxmamaqla təqvalı, imanlı, əxlaqlı və ixlaslı olduğunu güman edir.

👁👁 Çəkinmək budur ki, sənin gözlərin haramlara baxmamaqla fəxr etsin.

✍ “Abbasi xəlifəsi Məmun bir zaman imam Muhəmməd Təqi əleyhissalamı Bağdada çağırdı. Saray adamlarına tapşırıq verdi ki, iki yüz (200) nəfər ən gözəl və cəzbedici qızlara cazibəli paltarlar geyindirin, o qızlara tapşırın ki, imam Məhəmməd Təqi (ə) karvandan düşən kimi iki yüz gözəlin hamısı İmamın pişvazına çıxsınlar. O, hara baxsa gözü gözəllərə düşsün, günaha batsın, camaat da onun qızlara tamaşa etdiyini görsünlər, İmam insanların yanında alçalsın.
Karvan gəlib Bağdada çatdı, imam Məhəmməd Təqi əleyhissalam karvandan başını aşağı salaraq düşdü, Məmunun yanına gəlib çatanadək başını qaldırmadı. Məmun hiylə ilə düşünülmüş planının boşa çıxmasından narahat oldu. Amma özünü o yerə qoymadı, özünü itirmədən uca səslə camaata dedi: -ey camaat, gördünüzmü bu şəxsin təqvasını (Təqi sözünün mənası da elə Təqvalı deməkdir), elə isə mənim qızım ərə getməyə bu şəxsdən daha yaxşı insana rast gələ bilməz...”

🔰 Deməli, çəkinmək budur ki, nə vaxt günah etməyə şərait yaranarsa günah etməyəsən.

♻️ Əziz dost! Günah sənin qarşından çəkilən deyil, bu sənsən ki, günah etməməklə ixlası və xalisliyi qəlbində çiçəkləndirir, inkişaf etdirirsən.

t.me/axlaq