🌐 Hər bir sağlam rabitə və ünsiyyətin 3 vacib əsası var:

1. Az da olsa sənə faydası olsun.

2. Tərəflərin heç birinin zərərinə olmasın.

3. Reallıqlara əsaslansın, xəyal və arzulara əsaslanmasın.

@axlaq

💠 Sağlamlıq və əmin-amanlıq

✍ Həzrət Muhəmməd sallallahu əleyhi və alih buyurur:

نِعْمَتانِ مَكْفُورَتانِ الأمْنُ وَالْعافِيَةُ

İki nemət vardır ki, (insanlar) onlara qarşı nankorluq edirlər: sağlamlıq və əmin-amanlıq.

📚 Biharul-ənvar 81-ci cild 170-ci səhifə

💎 Sağlamlıq və asudəlik Allah-taalanın insanlara bəxş etdiyi iki qiymətli nemətdir, lakin insanların çoxu onun qədrini bilmir və boş yerə itirirlər.


🕋 Allah-taala insana saysız-hesabsız və qiymətli nemətləri təmənnasız olaraq bəxş etmişdir və insan bəlkə də onları əldə etməkdə zəhmət çəkmədiyi üçün onlara laqeydliklə yanaşaraq itirir.

🌍 Bəzi insanlar nəinki o nemətlərin haqqını yerinə yetirmir, hətta onları günah yolunda və ya ona faydası olmayan, hətta zərər verən yolda istifadə edir.

t.me/axlaq

⏰ Özünüzdən başlayın.

🌍 Başqalarına kömək etmək üçün vaxtınızı və emosiyalarınızı qurban verməlisiniz. Özünüzə qayğı göstərməsəniz, başqaları üçün heç nə edə bilməzsiniz. İstəklərinizə birincilik qərar verməyiniz eqoistlik deyil, əksinə, sağlam həyatın bir hissəsidir.

🔆 Qayğıkeş və xeyirxah bir insan olmaq çox yaxşı bir şeydir, Allahın sevdiyi bir xüsusiyyətdir, lakin öz ehtiyaclarınıza hörmət etmək və onlara diqqət yetirmək də vacibdir. Şəxsi inkişaf yoluna qədəm qoymağınız, öz həyatınıza daha çox diqqət yetirməyə və başqalarını sevindirməyə vaxt itirməməyə kömək edəcək.

✨ Bunu da qeyd etmək lazımdır ki, siz də özünüz üçün yaşayırsınız; Sizdən başqa heç kimin edə bilməyəcəyi bir şeydir bu. Axar çaylara nəzər salsaq, görərik ki, çay bir tərəfdən özü məqsədə doğru hərəkət edir, digər tərəfdən isə hərəkət edə-edə insanlara fayda verir.

@axlaq

⚠️ Arxayınlaşmaq olmaz!

📝 Əmirəlmöminin Əli əleyhissalam buyurur:

إِنْ سَقِمَ ظَلَّ نَادِماً، وَ إِنْ صَحَّ أَمِنَ لاَهِیاً

"O kəslərdən olma ki, xəstələnəndə (özünün pis əməllərinə görə) peşman olar, sağalanda isə arxayınlaşıb əylənməklə məşğul olar”.

💢 Bəli, bəzi insanlar xəstələnəndə ölümü yaxın hiss edib peşman olur, günahlarına görə tövbə edib keçmişdə yol verdikləri nöqsanları aradan qaldırmaq fikrinə düşürlər, amma sağalıb xəstə yatağından qalxan kimi əvvəlki halları dəyişir və arxayınlıq hiss edərək əylənməklə məşğul olurlar.

🔶 Bu unutqanlıq, qısa zamanda baş verən bu ziddiyyət də onların düşüncələrinin dar, imanlarının zəif olmasının nişanə və əlamətidir.

🕋 Allah-taala insanı həyatda qəflət yuxusundan oyanması üçün müxtəlif bəla və çətinliklərə düçar edir.

🛑 Amma təəssüf ki, bu oyanma insanların çoxunda ötəri olur və problemlər aradan qalxandan sonra onlar dərhal yenidən qəflət yuxusuna gedirlər.

📖 Qurani-Kərim Ənkəbut surəsinin 65-ci ayəsində bunun bir nümunəsinə işarə edərək buyurur:

فَإِذَا رَكِبُوا فِي الْفُلْكِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ يُشْرِكُونَ

"Gəmiyə minən (və qərq olmaq təhlükəsi ilə üzləşən) zaman dini yalnız Allaha məxsus edib Ona dua edərlər. (İbadət etdikləri bütləri unudarlar. Allah) onları quruya çıxarıb, xilas edən kimi dərhal ona şərik qoşarlar."

t.me/axlaq

✅ Dostluq ilə bağlı 12 məsələ.

💠 Necə dost tapmaq, dostluğu necə qorumaq və sairə üsullar barədə son olaraq hədislərdə gələn xüsusiyyətləri siyahı şəkildə qeyd etmək yerinə düşərdi:

1⃣  "İnsanın böyüklük və alicənablıq nişanələrindən biri budur ki, keçmiş dostlarını unutmasın (dostluqlarını qorusun)."

2⃣  "Ən yaxşı dostlar o kəslərdir ki, nəsihət etmək və xeyirxahlıqda geri qalmır, süniliyə yol vermir və eyiblərinizi sizə açıq şəkildə deyirlər. Axirət işlərində sizə köməkçidirlər, sizi günahlardan çəkindirirlər və xətalarınıza göz yumurlar."

3⃣  "Öz dostunuzu çox məzəmmət edib danlamayın ki, bu, kinə səbəb olur."

4⃣  "Ən pis dostlar o kəslərdir ki, sizi sıxıntıya, əziyyətə və zəhmətə salır."

5⃣  "Həqiqi dost o kəsdir ki, öz dostunun eybini ona xəlvət və təklikdə deyər, nəinki aşkarda və başqalarının yanında."

6⃣  "Bir kəslə dost olduqda onun adını, atasının, qəbiləsinin, şəhərinin, ölkəsinin adını soruşun. Bu cür tanışlıqlar dostluqda doğruluğun nişanəsidir."

7⃣  "Dostunuza olan məhəbbətinizi büruzə verin və ona deyin. Bu, məhəbbət və əlaqənin artmasına səbəb olur."

8⃣  "Dostunuz tərəfindən baş verən hər şeyə səbir edin, səbir və hövsələ eyibləri örtür."

9⃣  "Qardaşlarınızı və dostlarınızı hər xətasına görə məzəmmət etməyin və hər səhvə görə hesaba çəkməyin ki, dostlarınız azalar."

🔟  "Allah-taala davamlı dostluqları sevir. Buna görə də dostluqlarınızı davamlı edin."

1⃣1⃣  "Nəfsani istəklər xatirinə sizinlə dost olan insanlarla dostluq etməyin. Təqvalı dostların axtarışında olun."

1⃣2⃣  "Öz məhəbbət və dostluqlarınızı yersiz və lazımsız şəxslərə sərf etməyin ki, bu cür dostluqlar sarsılmaq təhlükəsindədir."

t.me/axlaq

🔆 Ədəbli olmağın əhəmiyyəti

🌍 İnsanların hər bir ağıllı adamdan gözlədikləri və umduqları birincı şey ədəbli olmaqdır. Ədəbsiz insana camaat etiqad və etibar etmir, bundan əlavə onun öz etiqadını da bəyənmirlər.

⚫️ Ədəbsiz adamın sözü insanlar üçün təsirsizdir, bəzən isə əks təsirə malik olur.

📝 Əmirəlmöminin əli əleyhissalam buyurur:

“Hər bir şeyin ağıla ehtiyacı var, ağılın isə ədəbə ehtiyacı var.”

📚 Gurərul-hikəm 425-ci hədis

✍ İmam Cəfər Sadiq əleyhissalam buyurur:

ان اجلت فى عمرك يومين فاجعل احدهما لادبك لتستعين به على يوم موتك

“Əgər sənə xəbər verilsə ki, ömrünün bitməyinə cəmi iki gün qalıb, o iki günün birincisini ədəbinə həsr et ki, (ədəbin) ölüm zamanında sənin köməyinə çatsın.”

📚 əl-Kafi 8-ci cild 150-ci səhifə

🔰 Həmçinin başqa bir hədisdə Əmirəlmöminin Əli əleyhissalam buyurur:

يا مومن ، ان هذا العلم و الادب ثمن نفسك فاجتهد فى تعلمها، فما يزيد من علمك و ادبك يزيد فى ثمنك و قدرك

فان بالعلم تهتدى الى ربك و بالادب تحسن خدمه ربك

“Ey mömin! Həqiqətən bu elm və ədəb sənin qiymətin və dəyərindir, onları öyrənmək üçün çalışmalısan. Elmindən və ədəbindən nə qədər çoxalacaq və artacaqsa, bil ki, həmin qədər sənin qiymət və dəyərin artaraq çoxalacaqdır. Deməli, elm öyrənməklər Rəbbinə sarı hidayət olarsan və ədəbin ilə isə gözəl şəkildə Rəbbinin xidmətində olarsan.”

📚 Biharul ənvar 1-ci cild 180-cı səhifə

✅ Deməli, Elm insan üçün nəzəri köməkçidir, ədəb isə əməli köməkçi.

📝 Başqa bir hədisdə isə Əmirəlmöminin Əli əleyhissalam buyurur:

من نصب نفسه للناس اماما فليبداء بتعليم نفسه قبل تعليم غيره ، ولْيكن تاديبه بسيرته قبل تاديبه بلسانه ، و معلم نفسه و مؤ دبها احق بالاجلال من معلم الناس و مؤ دبهم

“Kim özünü insanların rəhbəri, başçısı və yol göstərəni kimi görmək istəyirsə, başqalarını dil ilə ədəbləndirməkdən əvvəl özünü əməl ilə ədəbləndirsin. İnsanın özü özünə müəllimlik və tərbiyəçilik edən insan başqalarına müəllim və tərbiyəçi olan adamdan daha çox ehtirama layiqdir.

📚 Nəhcül bəlağə 73-cü kəlam

@axlaq

🌍 Ölümdən qorxmağın 2 əsas səbəbi

📝 İmam Məhəmməd Təqi əleyhissalamdan bir çox müsəlmanların ölüm anından qorxmalarının səbəbini soruşarkən həzrət buyurdu:

لانهم جهلوه فکرهوه و لو عرفوه و کانوا من اولياء الله عز و جل لاحبوه و لعلموا ان الآخرة خير لهم من الدنيا

“Çünki ondan xəbərsizdirlər, ona görə də ölümü xoşlamırlar. Əgər onu tanısaydılar və Allahın dostlarından olsaydılar onu sevərdilər, həm də bilərdilər ki, onlar üçün axirət həyatı dünyadan daha xeyirlidir.”

📚 Məaniyul-əxbar 290-cı səhifə 8-ci hədis

🌐 İnsanların böyük əksəriyyəti ölümdən qorxur. Görəsən, bunun səbəbi nədir? Araşdırdıqda məlum olur ki, ölümdən qorxmaq əsasən aşağıdakı iki amildən biri ilə bağlıdır:

🅰 Bir çoxları ölümü puç olmaq kimi başa düşürlər.

✔️ Məlum məsələdir ki, insanda puçluğa qarşı qorxu hissi olur. Ölümü də yoxluq kimi qəbul etsək, insan ölümdən də qorxacaq.

🔴 Hətta həyatın ən şirin anlarında belə nə vaxtsa bu dünya həyatının sona çatacağı barədə düşünmək dünyanın şirinliyini zəhərə çevirir.

🅱 Ölümü yoxluq kimi deyil, yeni və əbədi bir həyatın başlanğıcı hesab edən insanlar etdikləri günahlara görə ondan qorxurlar.

➡️ Çünki ölüm onları öz pis əməllərinin cəzasına yaxınlaşdırır. Buna görə də cəzadan bacardıqları qədər uzaq olmağa çalışırlar.

💠 Peyğəmbər və İmamların (onların hamısına Allahın salamı olsun) vəzifələrindən biri də insanları bu qorxudan xilas etməkdir.

1⃣ Allahın göndərdiyi Peyğəmbərlər insanların qəlbində ölümdən sonrakı əbədi həyata iman yaratmışlar.

2⃣ Peyğəmbərlər gəlib insanlardan ölümdən qorxu hissini uzaqlaşdırmış, ölümü onların gözündə əsl anlamında -axirət həyatına bir müqəddimə kimi göstərmişlər.

3⃣ Peyğəmbərlər insanları yaxşı əməllər görməyə dəvət etmişlər ki, pis əməllərin ucbatından ölümdən qorxmaq fikri də onların ağlından çıxsın.

✅ Buna görə də imanlı və təqvalı insanlar bu dünya həyatının başa çatmasından qətiyyən qorxmurlar.

t.me/axlaq

🕋 Günahdan çəkinməyi və harama baxmamağı İmam Məhəmməd Təqi əleyhissalamdan öyrənək.

⛔️ Çəkinməkdən və harama baxmamaqdan məqsədin nə olduğunu çoxları səhv başa düşürlər, elə bilirlər ki, çəkinməkdən məqsəd günahlarla qarşılaşmamaqdadır. Halbuki bu cür rəftar həmin insanın günahlara meyilli olmasını amma özünü zorla gizlətməsini göstərir. Yalnız evdə və ya məsciddə orurub cəmiyyət içinə çıxmamaqla təqvalı, imanlı, əxlaqlı və ixlaslı olduğunu güman edir.

👁👁 Çəkinmək budur ki, sənin gözlərin haramlara baxmamaqla fəxr etsin.

✍ “Abbasi xəlifəsi Məmun bir zaman imam Muhəmməd Təqi əleyhissalamı Bağdada çağırdı. Saray adamlarına tapşırıq verdi ki, iki yüz (200) nəfər ən gözəl və cəzbedici qızlara cazibəli paltarlar geyindirin, o qızlara tapşırın ki, imam Məhəmməd Təqi (ə) karvandan düşən kimi iki yüz gözəlin hamısı İmamın pişvazına çıxsınlar. O, hara baxsa gözü gözəllərə düşsün, günaha batsın, camaat da onun qızlara tamaşa etdiyini görsünlər, İmam insanların yanında alçalsın.
Karvan gəlib Bağdada çatdı, imam Məhəmməd Təqi əleyhissalam karvandan başını aşağı salaraq düşdü, Məmunun yanına gəlib çatanadək başını qaldırmadı. Məmun hiylə ilə düşünülmüş planının boşa çıxmasından narahat oldu. Amma özünü o yerə qoymadı, özünü itirmədən uca səslə camaata dedi: -ey camaat, gördünüzmü bu şəxsin təqvasını (Təqi sözünün mənası da elə Təqvalı deməkdir), elə isə mənim qızım ərə getməyə bu şəxsdən daha yaxşı insana rast gələ bilməz...”

🔰 Deməli, çəkinmək budur ki, nə vaxt günah etməyə şərait yaranarsa günah etməyəsən.

♻️ Əziz dost! Günah sənin qarşından çəkilən deyil, bu sənsən ki, günah etməməklə ixlası və xalisliyi qəlbində çiçəkləndirir, inkişaf etdirirsən.

t.me/axlaq

🕌 Hər dəfə namaz qılandan sonra özünə de:👇

🔆 İndi aramlıq və dinclik sənin həyatını bürüyüb.

🏠 Özünün və ailənin inkişafı üzərində rahatlıqla çalışa bilərsən.

⏰ Və vaxtını mənasız mübahisələrə sərf etməyəcəksən!

@axlaq

🕋 Həmd olsun hər şeyi bilən və hər şeyə qadir olan Allaha!

✅ "Ey Rəbbim! Məni hər bir işə sədaqət və haqq ilə daxil et, məni haqq ilə çıxar və Öz tərəfindən mənə kömək edən bir dəlil ver!"

🕌 Ey mərhəmətli və səxavətli Allahım.

🔆 Bizə bəxş etdiyin hər bir nemətə şükür etdik, səxavətli və bağışlayan olduğun üçün başqa bir nemət verdin.

👉 Beləliklə, daha bir şükür etməyi bizə vacib etdin.

🌍 Bu gedişlə biz hər gün Sənə borcluyuq, Sən isə hər gün bizə sevgi və mehribanlıqla bizə nemətlər verirsən.

🟦 Sənin bizim minnətdarlığımıza ehtiyacın yoxdur, amma bizim hər gün, hər an sənin nemətlərinə, mehribanlığına və mərhəmətinə ehtiyacımız var.

🪐 Allahım, Sənə şükür olsun.
Əlhəmdulillahi Rabbil aləmin!

@axlaq

⏰ Bu gün, yəni Zilhiccə ayının 1-i xanım Fatimə əleyhasalam ilə əmirəlmöminin Əli əleyhissalamın izdivacı, yəni evləndikləri gündür.

💠 Bu xoşbəxt ailə bütün bəşəriyyət üçün yaxşı kişi və yaxşı qadının xüsusiyyətlərini həqiqi mənada aydın şəkildə göstərmişdir. Xoşbəxt ailəyə nail olmaq üçün ən gözəl örnək və ən gözəl nümunə bu iki məsum şəxsin qurduqları nurla dolu olan bir ailədir.

📖 Qurani-kərim Nur surəsinin 36-cı ayəsində buyurur:

فىِ بُيُوتٍ أَذِنَ اللَّهُ أَن تُرْفَعَ وَ يُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَ الاَصَالِ

“(Bu İlahi nur) ucaldılmasına Allahın izin verdiyi və Onun adı zikr edilən o evlərdir ki, orada səhər-axşam Onu gözəl adlarla mədh edərlər.”

🕋 Bəli, həyatda elə insanlar var ki, onlar paklığı, imanı sayəsində və qəlblərini Allaha bağlamaqla bütün vücudlarına İlahi rəng qatmışlar. Onların ürəklərinin Allaha bağlanması nəticəsində İlahi nura elə qərq olmuşlar ki, bu nur onların yaşadığı evlərdən bütün aləmə yayılmışdır.

🔶 Əhli-sünnənin məşhur alimlərindən olmuş Suyuti öz təfsirində Nur surəsinin 36-cı ayəsinin mənası barədə İbn Mərdunədən belə bir hədis nəql edir:

و أخرج ابن مردويه عن أنس بن مالك و بريدة قال‏ قرأ رسول الله صلى الله عليه و سلم هذه الآية فِي بُيُوتٍ أَذِنَ اللَّهُ أَنْ تُرْفَعَ‏ فقام اليه رجل فقال اى بيوت هذه يا رسول الله قال بيوت الأنبياء فقام اليه أبو بكر فقال يا رسول الله هذا البيت منها لبيت علي و فاطمة قال نعم من أفاضلها

“Allahın Rəsulu səllAllahu əleyhi (və alihi) və səlləm “(Bu İlahi nur) ucaldılmasına Allahın izin verdiyi...” ayəsini oxudu. Orada olanlardan biri ayağa qalxıb dedi: -Ey Allahın Peyğəmbəri (s) bu (ayədəki evlərdən məqsəd) hansı evlərdir? (Peyğəmbər) buyurdu: -Peyğəmbərlərin evləridir. Bu zaman Əbubəkr ayağa qalxdı və dedi: -Ey Allahın Peyğəmbəri! Əlinin (ə) və Fatimənin (ə) evi də həmin (ayədəki) evlərdəndir? (Peyğəmbər buyurdu: Bəli (əlbəttə, hətta) onların ən üstünlərindəndir (ən fəzilətlilərindəndir).”

📚 əd-Durrul-mənsur (müəllif: Əbdurrəhman ibn Əbubəkr Suyuti) 5-ci cild 50-ci səhifə

✅ Bəli, əmirəlmöminin Əli əleyhissalam və xanım Fatimə əleyhasalam həqiqi bəndəlik və xalis itaətləri nəticəsində öz evlərini elə nurlandırmışlar ki, Allah Qurani-kərimdə onların evini vəsf etmiş, hədislərdə isə sevimli Peyğəmbərimiz həzrət Muhəmməd səllAllahu əleyhi və alih onların evini “peyğəmbərlərin evlərindən biri” olaraq insanlara tanıştmışdır.

🏠 Həzrət Əli əleyhissalamın və xanım Fatimənin (ə) evi elə bir evdir ki, o evdə heç vaxt Allaha üsyan edilməyib; qeybət, yalan, xəyanət, vəfasızlıq kimi pis xüsusiyyətlər o evə yaxın düşməyib.

🌐 O evdə gecə namazlarında pis qonşular üçün xeyir dualar edilib.

🌐 Mələklər o evdə yalnız Allaha xalis itaət və ibadətin şahidi olmuşlar.

🌐 O evdən Qurani-Kərim tilavətinin səsi əskilməmişdir.

🌐 O ev insanların elm və maarif ehtiyaclarını təmin etmişdir. Həm maddi yoxsulluğa düçar olanlar, həm də elm, hikmət və mərifət acları o evdən qidalanmışlar...

t.me/axlaq

💠 Arzularınıza və məqsədlərinizə çatmaq üçün heç bir xüsusi sirr və ya mürəkkəb tapşırıqlar axtarmayın.

🌍 Biz tarix boyu bir çox baş verən hadisələr barədə eşitmişik ki, xəzinə xəritəsi həmişə ən sadə şeylərdə olub və bu sadəlik səbəb olub ki, heç kim onlara inanmayıb və ya bunu qeyri-mümkün hesab edib.

🌐 Tarixin qəhrəmanları və böyük insanları qeyri-adi deyillər və onlar başqa planetdən gəlməyiblər, sadəcə olaraq hər gün sadə gündəlik işlərlə məşğul olublar və bir neçə illik ardıcıl çalışmaq və təkrarlardan sonra ustad və bacarıqlı olublar.

🔆 Hansı yolun sizin hədəf və məqsədizə getdiyini bilməli, bu yolu tutmalı və yemək-içmək kimi hər gün tətbiq etməlisiniz.👇

👉 Bu, sizi uğur və müvəffəqiyyətin zirvəsinə yüksəldəcək; Təkcə maddi dünyada deyil, mənəvi aləmdə də.

⚠️ Rəmz və sirlərin sadə olduğunu unutmayın!

@axlaq

🔥 İçi od olan hədiyyə.

🎁 İnsanların hədiyyələrini qəbul edib daha yaxşı hədiyyələrlə əvəz etmək lazım və çox yaxşı iş olsa da, kimsə əgər rüşvət məqsədilə hədiyyə vermək istəyirsə, hər bir insan mütləq ondan çəkinməlidir.

🔲 Əşəs ibn Qeysin bir problemi vardı, gecənin bir aləmində Əmirəlmöminin Əli əleyhissalam üçün bir şirniyyat hədiyyə gətirir ki, özünü yaxın dost kimi göstərsin və İmamın (ə) fikrini onun xeyrinə dəyişdirsin.

⭕️ Əşəs yüksək vəzifə istəyirdi, amma İmam (ə) razı deyildi.

🌐 Əmirəlmöminin Əli əleyhissalam bu barədə buyurur:
"Bu heyrətamiz bir hadisədir. Gecə bir nəfər yanımıza gəldi və əlində şirniyyatla dolu qab vardı. Sanki, o qabda zəhərli ilanın tüpürcəyi ilə qarışmış və nifrət etdiyim bir qarışıq var idi. Mən ona dedim: "Bu zəkatdır, yoxsa sədəqə? Bunların hər ikisi bizə, yəni Peyğəmbər əhlinə haramdır...
Allaha and olsun ki, əgər mənə yeddi iqlimi onların göylərinin altında olanlarla birlikdə (yəni bütün varlıq aləmini) versələr ki, haqsız yerə bir qarışqanın ağzından arpanın qabığını çıxarmaqla Allaha itaətsizlik edim, mən heç vaxt bunu etmərəm. Həqiqətən də, sizin dünyanız mənim yanımda çəyirtkənin ağzında çeynədiyi yarpaqdan da ucuz və dəyərsizdir".

@axlaq