⏰ Uzunömürlü olmaq üçün Yaponların 10 vərdişi.

1. Həmişə fəal, çalışqan və aktiv olun
Tənbəllik və səhlənkarlığı qətiyyən yaxına buraxmayın.

2- Aram, sakit və səs-küysüz yaşayın. Tələsmək, özünü göstərmək ömürün düşmənidir.

3- Yeməyinizin yalnız 80%-ini yeyin. Beləliklə, nə ac olun, nə də tox.

4- Yaxşı dostlarla vaxt keçirin, həmişə yadınızda olsun ki, tənhalıq ömrü qısaldır.

5. Hər gün bir az da olsa idman edin, hətta piyada gəzinti olsa da.

6- Gülümsəməyi unutmayın, təbəssüm üzünüzdən əskik olmasın. Şadlıq və sevinc ömrü artırır. Amma üzüturş, qaraqabaq və qaşqabaqlı olmaq ömrü azaldır.

7- Vaxtaşırı təbiətin qoynuna gedin, yaşıllıq, meşə, ağaclar insanın ruhunu dincəldir.

8- Kiçik şeylərə görə də təşəkkür edin. Həyatda minnətdar insan olun.

9- Bu anı yaşayın, fikriniz keçmişdə və ya gələcəkdə qalmasın.

10- Həyatın, yaşayışınızın mənasını tapın. Dünyada yaşamaq səbəbiniz nədir?!

t.me/axlaq

💠 Əxlaqın əsası "özünü islah" etməkdir.

✅ Özünü islah etmək -insanın özünü mənəvi cəhətdən təkmilləşdirməsi üçün çalışmaq və nəfsani qüvvələrini (şəhvət, qəzəb və xəyalı) ağıla tabe etdirərək onları yalnız Allah-taalanın razılığı olan işlərə istiqamətləndirmək, daxili istedadları üzə çıxararaq gözəl xasiyyətlərə yiyilənməklə dünya və axirət xoşbəxtliyinə nail olmaqdan ibarətdir.

🟢 Özünü islah etmək və özünü əxlaq və mənəviyyat baxımından düzəltmək istəyən, eləcə də pis və bəyənilməyən xasiyyətləri özündən uzaqlaşdırmaq və yaxşı xasiyyətlərə yiyələnmək istəyən şəxs uzun müddət ciddi səylə öz üzərində çalışmalı, iradə və əzmkarlığını günbəgün gücləndirməlidir.

📖 Dostlar, baxın, Qurani-kərimdə bəzi ayələrin təkrar işlədilməsinin hikmətlərindən biri də budur ki, Qurani-kərim hidayət kitabıdır, hidayətin isə əsas istiqaməti insanın islahıdır.
Deməli, Qurani-kərim "islah etmə" kitabıdır. İslah üçün isə təkrar zəruridir.

🏋 Dünya çempionu olmaq istəyən şəxs arzu etdiyi hədəfə çatacaq qədər məşq edib tər tökməlidir.

🟡 Hər bir insanın hümmət və cəhdi onun arzu, hədəf və məqsədləri qədərindədir.

⚠️ Deməli, hədəfi Allaha yaxınlaşmaq və kamillik olan şəxsə mənəvi işlərində təkrar və davamlı çalışmaq zəruridir.

t.me/axlaq

🔲 Təhdidləri fürsətlərə çevirək!

🌍 Dostlar, biz həyatımızdakı təhdidləri fürsətə çevirməliyik.

👉 Məsələn, bir problem yaranırsa və yıxılırsansa, panikaya düşmək əvəzinə özünə "nə yaxşı ki, yıxıldım. İndi qalxmağı öyrənmək üçün çox çalışacağam" de.

❓ Əziz dost! Əgər yıxılmasan, qalxmağı necə öyrənəcəksən?

💠 Bir insan qalib gəlmək üçün yüz dəfə uğursuz olmalıdır. Mövcud olan bütün bu qəhrəmanlar məğlub ola-ola uğurun ən uca zirvəsinə yüksələrək qəhrəman olublar.

t.me/axlaq

✅ Dostluq böyük bir nemətdir.

🔰 Qədimdən belə bir söz vardır: Min dost azdır, bir düşmən isə çox.

🟢 Dost insanın yalnızlıqlarında həmdəmi,
pis və yaxşı gününün şəriki,
ehtiyac zamanı köməkçisi,
çətinliklər zamanı dayağı və şəkk-şübhə zamanı insana məşvərət verənidir.

⭕️ Bəzi insanlar malik olduqları özünüsevmək, dardüşüncəlik, çox və yersiz tələbkar olmaq və bunun kimi digər mənfi xislətlərinə görə özlərinə dost seçərək, tənhalıqdan canlarını qurtara bilmirlər.

⚫️ Bəzi insanlar isə nadanlıq və qanmazlıq səbəbilə elə bilirlər ki, tənhalıq yaxşı şeydir, bəziləri hətta heç bir dostunun olmamasını özünə iftixar sayırlar.

💠 Təqvalıların imamı Əli əleyhissalamın təbiri ilə desək dostu olmamaq, bir növ, insanın acizliyinin əlamətidir.

💎 Həm dost tapmaq hünərdir, həm dostu saxlamaq və həm də korlanmış dostluqları yenidən bərpa etmək.

📝 Əmirəlmöminin Əli əleyhissalam buyurur:

أَعْجَزُ النَّاسِ مَنْ عَجَزَ عَنِ اكْتِسَابِ الْإِخْوَانِ، وَ أَعْجَزُ مِنْهُ مَنْ ضَيَّعَ مَنْ ظَفِرَ بِهِ مِنْهُمْ

"Ən aciz insan dost tapa bilməyəndir. Ondan daha aciz olan isə qazandığı dostlarını saxlaya bilməyəndir".

📚 Biharul-ənvar 71-ci cild 278-ci səhifə

🌀 İnsanın dostlarını itirməyinə və yalqız qalmağına, yaxud da elə əvvəldən dost tapa bilməməyinə səbəb olan xislətlər, işlər, rəftarlar barəsində düşünməyi zəruridir.

t.me/axlaq

❓ Bəzən ağlımıza elə fikirlər gəlir ki, biz həmin fikirlərin ilahi (yaxşı) və ya şeytani (pis) olduğunu ayırd edə bilmirik. Bu halda nə etməliyik?

💎 Aşağıdakı üsullar yaxşı (rəhmani) və pis (şeytani) fikirlərin idxalını ayırd etmək üçün istifadə edilə bilər:

1⃣ Həmin fikirlərin şəriət və onun məqsədləri ilə uyğunluq və ya ixtilaflarının araşdırılması

2⃣ Emosiyaların və daxili təsirlərin oyanmasında həmin fikirlərin təsirlərinin araşdırılması

3⃣ Məzmun və mövzunun nəzərdən keçirilməsinin yekun və nəticələrinin növünün araşdırılması

4⃣ Dəvətin növünü araşdırmaq və həmçinin həmin fikirlərin insanı şəhvət istəklərini araşdırmağa vadar edib-etmədiyini araşdırmaq.

✅ Eləcə də xəyal və fikirlərin tanınmasında təsirli olan təqva, mənəviyyat, dini mərifət kimi amillər gücləndirilməli, fikirlərin növünün tanınmasında, haram qazanc kimi maneələrdən çəkinmək lazımdır.

t.me/axlaq

✅ Əziz dost! Qəlbini bu dünyadan uzaqlaşdır ki, Allah-taala ilə həmsöhbət ola biləsən.
Ürəyindən dünya sevgisini çıxar ki, Allahla görüşmək (liqaullah) şövqü sənin ürəyini doldursun.
Zülmət bataqlığından, yəni günah quyusundan çıx ki, təqva nuru sənin varlığını işıqlandırsın.
Əgər mənəviyyat istəyirsənsə, Əhli-beyt əleyhimussalamın, xüsusən də İmam Hüseynin (ə) ətəyindən yapış.
Əgər Allah dərgahında hörmətli məqam istəyirsənsə gecə namazını qıl.

@axlaq

🔆 Dost seçməkdə diqqətli olmağın əhəmiyyəti.

💠 İnsan öz əqli və mənəvi cəhətlərini islah edərək təkmilləşdirməklə yanaşı, arzuladığı məqsədlərə çatmaq üçün onun böyük məqsədləri yolunda kamillik yolunun səfər yoldaşları və dostları məsələsinə ciddi yanaşmalıdır. Yəni özünə həqiqi dostlar seçməlidir ehtiyatlı olmalıdır ki, bu seçimdə səhv etməsin.

✅ Çünki kimlərlə dostluq və yoldaşlıq etməyin, kimlərlə oturub-durumağın çox təsirlidir.

🕋 Odur ki, Qurani-kərimdə və Məsumların (onların hamısına Allahın salamı olsun) sözlərində bu məsələyə xüsusi diqqət yetirilmiş və yaxşı bir dost üçün çoxlu xüsusiyyətlər deyilmişdir.

📝 Əmirəlmöminin Əli əleyhissalam buyurur:

و مجالسة اهل الهوى منساة للايمان و محـضرة للشيطان

"Nəfsin istəklərinə tabe olan adamlarla oturub-durmaq imanı insana unutdurur və şeytanın yaxına gətirir."

📱 İndiki zamanda dostluğun bir forması da sosial şəbəkələrdəki dostluqlardır.
Həmçinin insan kimlərin videolarına, roliklərinə, verlişlərinə baxırsa və onları izləyirsə, bu, onlarla oturub-durmaq sayılır.

t.me/axlaq

💠 Sağlamlığına ciddi yanaş.

🔰 Qurani-kərim Bəqərə surəsinin 63-cü ayəsində buyurur:

خُذُوا مَا آتَيْنَاكُمْ بِقُوَّةٍ

"Sizə verdiyimizi möhkəm tutun."

🕋 Allah insana ağıl verib, bu səbəbdən insan öz ağlından möhkəm yapışmalıdır.
Allah insana sağlamlıq verib və o, bu sağlamlıqdan möhkəm yapışmalıdır.

🔰 Dişlərinin çürüməsinin qarşısını almaq üçün dişlərini fırçalayan şəxs “Sənə verdiyimiz şeyi qüvvətlə götür” ayəsi ilə hərəkət edir.
Bu o deməkdir ki, Mən sənə sağlam diş vermişəm, ondan möhkəm yapış.

🔰 Çəki saxlamaqla sağlam qalmaq, vəzifəsini yerinə yetirmək və bu dünyada daha uzun müddət xidmət etmək üçün idman edən insan bu ayə ilə hərəkət edir.

🔰 Sağlamlıq Allah-taalanın insana bəxş etdiyi bir nemətdir.

🔰 Sağlam olmayan qidaları yeməyən kimsə, həmçinin artıq, xarab və keyfiyyətsiz yeməkləri yeməyən şəxs bu ayəyə əməl edir.

🔰 Siqaretin insan sağlamlığına zərərli olduğunu bilən və buna görə də siqaret çəkməyən və ya siqareti tərk edən şəxs bu ayə ilə hərəkət edir:

خُذُوا مَا آتَيْنَاكُمْ بِقُوَّةٍ

“Sənə verdiyimiz şeydən qüvvətlə yapış”.

t.me/axlaq

✅ Həqiqi qələbə!

🔴 Nəfslə mübarizənin çox çətin olmasına, müqavimət, səbir, ardıcıl nəzarət və ayıqlığı tələb etməsinə baxmayaraq hər bir halda mümkün və insanın səadəti üçün tam zəruri bir işdir. Əgər insan bu məqsədlə qəti qərara gəlib işə başlasa Allah tərəfindən də köməklər gələcəkdir.

⭕️ Nəfs ilə mübarizə eynilə silahlı döyüş kimidir; düşmənə nə qədər zərbə vurulsa və ordu vasitəsilə səngərlər nə qədər fəth edilsə düşmən də həmin miqdarda zəifləyəcək, cihad edənin ordusu bir o qədər güclənəcək və sonrakı zərbələr və qələbələr üçün daha hazırlıqlı olacaqdır. Bu da Allahın qoyduğu ümumi bir qanundur:

📖 Belə ki Qurani-kərim Muhəmməd (s) surəsinin 7-ci ayəsində buyurur:

يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ

“Ey möminlər! Əgər siz Allaha (Onun peyğəmbərinə, dininə və kitabına) yardım etsəniz, Allah da (məqsədlərinizə çatmaqda) sizə yardım edər və qədəmlərinizi möhkəmləndirər."

🔥 Nəfs ilə cihadda da məsələ eynilə belədir: İnsanı pislik və günahlara əmr edən nəfsə nə qədər zərbə vurulsa, eləcə də nəfsin qanunsuz və yersiz istəkləri ilə nə qədər çox müxalifət olunsa nəfs bir o qədər zəifləyəcək, eyni zamanda siz də sonrakı fəth və qələbələr üçün bir o qədər hazırlıqlı olacaqsınız.

⚫️ Amma nəfslə mübarizədə siz nə qədər süstlük (zəiflik, tənbəllik) göstərsəniz və nəfsin istəklərinə nə qədər çox təslim olsanız siz bir o qədər zəifləyəcəksiniz, nəfs isə bir o qədər güclənəcək və özünün sonrakı qələbə və fəthləri üçün daha hazırlıqlı olacaqdır.

t.me/axlaq

🕋 Allahın əxlaqı ilə əxlaqlanaq!

📝 Sonuncu peyğəmbər həzrət Muhəmməd səllAllahu əleyhi və alih buyurdu:

تَخَلَّقوا بِاخلاقِ الله

“Allahın əxlaqı ilə əxlaqlanın.”

📚 Rövzətul muttəqin 1-ci cild 312-ci səhifə

🌍 İnsanlar bütün günü müxtəlif hal və vəziyyətlərdə Allah-taalanın adını dillərinə gətirirlər.

🟢 Əgər bir şəxs “ya Rəhman, ya Rəhim” (ey Mərhəmətli, ey Rəhimli) deyirsə, gərək özü də istər evdə ailə üzvlərinə, istərsədə cəmiyyət içində insanlara qarşı mərhəmətli və rəhimli olmalıdır ki, Allah-taalının adını çəkməyi həmin şəxsə müsbət təsirini qoysun.

🟡 Əgər bir şəxs Allahı çağıraraq “ya Səttarul uyub” (ey eyibləri Örtən) deyirsə, gərək həmin şəxs heç kimin qeybətini etməsin, insanların sirlərini aşkar etməsin, insanlar üçün sirr qoruma mənbəyi olsun.

➡️ Allah-taalanın insanlardan soruşacağı suallardan biri də budur ki, “ey insan, Mənim adımdan sənə nəsib olan nə oldu?! Hansı faydaları əldə etdin, Mənim adımı dilinə gətirməklə?!”

🟤 Deməli, insan Allah-taalanın adlarını zikr edərkən “Ya Həlim” deyərsə, həmin anda qəlbindən keçirməlidir ki, mən gərək insanlarla davranış və rəftarımda mülayim və dözümlü olum. İnsanların kiçik xətaları məni qıcıqlandırmasın və onlardan inciməyim. Sinəm, yəni zərfiyyətim geniş olsun.

🟠 Əllərini göyə qaldıraraq “ya Qaziyəl hacat” (ey istəkləri yerinə yetirən, arzuları çin edən) zikrini deyirsə, həmin şəxs həyatda öz bacardığı və imkan səviyyəsi qədər başqalarının istəklərini yerinə yetirməli, insanların arzularına qovuşmalarında onlara yardımçı olmalıdır.

➡️ “Allahın əxlaqı ilə əxlaqlanın” hədisinin mənası bax budur.

🌐 Duaların qəbul olma şərtlərindən biri də budur ki, dua edən şəxs öz bəşəri, yəni insanlıq taqəti və gücü qədərində özünü duanın məzmun və mənası ilə uyğunlaşdırmalıdır.

t.me/axlaq

🌑 Gecənin ən qaranlıq anının nə vaxt olduğunu bilirsinizmi?👇

👉 Sübh azanından əvvəl; Əgər sən hal-hazırda həyatının ən qaranlıq anındasansa, bil ki, bu yazı səbəbsiz yerə sənə gəlməyib...

🔆 Sənin həyat günəşinin doğmasının çox yaxın olduğunu sənə bildirməyə gəlib.

🔲 Bəlkə də başqaları səni məyus edib, bəlkə də sənə deyiblər ki, bu mümkün deyil, qeyri-mümkündür. Bəli, ola bilsin ki, insanlar üçün mümkün deyil və qeyri-mümkündür, amma unutma ki, həyatda son sözün sahibi Allahdır, O, möcüzələr yaradan Allahdır.
Buna görə də çətinliklər qarşısında geri çəkilmə, məğlubiyyət və uğursuzluqlara təslim olma.

⭕️ Ümidsiz olma, çünki Allah-taala indi səndən iman istəyir. Odur ki, ayağa qalx və Allaha imanını öz əməlinlə, həyat tərzinlə, hərəkətlərinlə göstər.

🏕 Çadırını şübhə və uğursuzluq məskənindən götürüb ümid və möcüzələr məskəninə gətir.

🕋 Bunu qüdrətlə de: "Allahım, mənə, gözlədiyimdən daha çox şey vermək istədiyin üçün Sənə təşəkkür edirəm. Əlhəmdulillahi Rabbil aləmin."
@axlaq

🌐 Tarixdən ibrət dərsi almaq insanın əbədi səadətə qovuşdurur.

📖 Qurani-kərim Əraf surəsinin 74-cü ayəsində buyurur:

وَاذْكُرُوا إِذْ جَعَلَكُمْ خُلَفَاءَ مِنْ بَعْدِ عَادٍ وَبَوَّأَكُمْ فِي الْأَرْضِ تَتَّخِذُونَ مِنْ سُهُولِهَا قُصُورًا وَتَنْحِتُونَ الْجِبَالَ بُيُوتًا ۖ فَاذْكُرُوا آلَاءَ اللَّهِ وَلَا تَعْثَوْا فِي الْأَرْضِ مُفْسِدِينَ

"Sizi Ad qövmündən sonra onun yerinə gətirdiyi, düzlərində qəsrlər tikdiyiniz, dağlarını yonub özünüzə evlər düzəltdiyiniz yer üzündə yerləşdirdiyi vaxtı xatırlayın. Allahın nemətlərini yada salın, yer üzündə fitnə-fəsad törətməyə çalışmayın!"

✅ Yəni bir tərəfdən Allah sənə çoxlu nemətlər verib, bunu unutma və buna şükür edərək Allahın Peyğəmbərinə hörmət edin; Digər tərəfdən, bilin ki, sizdən əvvəl də Ad qövmü kimi üsyankar bir qövm var idi ki, onlar itaətsizlik, günah və fitnə-fəsadlarına görə Allah tərəfindən cəzalandırıldılar.

🔰 Ayə daha sonra, verilən nemətlərdən bəzilərini qeyd edir və deyir ki, siz həm hamar və hazır düzənlikləri olan, həm dəbdəbəli saraylar tikə biləcəyiniz, evlər oyula bilən dağlar olan bir yerdə yaşayırsınız. Elə isə Allahın bütün bu nemətlərini xatırlayın və yer üzündə fitnə-fəsad törətməyin və Onun nemətlərinə nankorluq etməyin.

🌍 Dostlar, çox vaxt nemətlərə qapılmaq və neməti verəni unutmaq insanı fəsada, günaha və dinsizliyə sürükləyir, amma Allahı zikr etmək və nemətlərin Ondan olduğunu dərk etmək bu vəziyyətdə insanın əlindən tutur, insanı təhlükələrdən xilas edir.

🔰 Bu ayə bizə xəbərdarlıq edir ki, şeytan və nəfsin istəkləri insanı qəflət və itaətsizliyə dəvət edir, imanlı insan bu imtahandan qalib çıxmalıdır.

💠 Nemətlər və dünyəvi rəftarlar da insanı Allaha etinasızlıq etməyə və günaha dəvət edə bilər, ona görə də insan həmişə öz nəfsindən ehtiyatlı olmalıdır.

t.me/axlaq

💎 Ağıl və zəkanı gücləndirməyin bəzi yolları.

💠 Ağıl və zəkaya müsbət təsir edən və ağlı inkişaf etdirən bəzi mühüm ətraf mühit amilləri bunlardır:

1. Elm və hikmət mövzusunda, o cümlədən Qurani-kərim ayələri üzərində çox təfəkkür etmək.

2. Mütəmadi (davamlı) olaraq elm və biliklə məşğul olmaq.

3. Təhsil və tədris sahəsində məşğulluq.

4. Önəmsiz və əhəmiyyətsiz mövzulardan, xüsusilə xəbərlərdən uzaqlaşmaq.

5. Cahillərə qarşı mehribanlıq göstərmək və helmli, yəni həlim, yumşaq xasiyyətli, güzəşt edən olmaq.

6. Təqvalı olmaq.

7. Nəfslə cihad.

8. Allahı çox zikr etmək və Qurani-kərimlə daimi ünsiyyət.

9. Dünyada zahidlik yolunu tutmaq.

10. Ariflər və əxlaq ustadları ilə dostluq və yoldaşlıq etmək.

11. Davamlı olaraq təvəssül və şəfaət vasitəsilə Allah-taaladan kömək istəmək.

12. Ticarətlə, alqı-satqı ilə məşğul olmaq.

13. Sağlam qidalanmaq, təbii yeməklərdən istifadə etmək, kal meyvə yeməmək.

14. Ağıl və zəkanı məhv edən şeylərdən uzaq olmaq, o cümlədən: Spirtli içkilər içmək, nəfsi istəklərə tabe olmaq, təkəbbür və lovğalıq, eqoistlik və ancaq öz mənafeyni düşünmək, qəzəb və əsəbilik, kin saxlamaq, uzun arzular, çox yemək və çox yatmaq və sair.

15. Faydalı kitabları diqqətlə mütaliə etmək və başa düşmədiyi məsələ və mövzuları elm əhlindən soruşmaq.

t.me/axlaq

💠 Razısınızmı ki, minnətdarlıq sizə bütün arzu və istəklərinizə çatmağa kömək edə bilər?! Hətta o istəklər xəyalınızdan yüksəkdə olsa belə.

🌐Uğur və müvəffəqiyyət xoşbəxtlik və iman, Saleh əməl və şad əhval-ruhiyyənin nəticəsidir, əksinə deyil.

🌍 İnsanın həyatda qarşılaşdığı şərait onun taleyində həlledici olmamalıdır; Minnətdarlıq və Allahın iradəsi ilə siz heyrətamiz dəyişikliklər yaşaya bilərsiniz.

🕋 Allahın iradəsi qarşısında təslim olmaqla hər bir maneə və maneə aradan qalxar.

🔐 Odur ki, bu yolun qədrini bil və şükür et.

🔆 Xüsusilə kamillik və İlahi-qürbə çatmaq üçün şükür etmək və minnətdarlıq ruhunun insanın bütün vücuduna hakim olması vacibdir.

✅ Ən vacib məqam: Uğur və arzularınıza çatmağın açarı xarici şərtlərdən daha vacib olan, iman və minnətdarlıqdır.  Allahın iradəsinə təslim olmaqla hər şey mümkün olur!

t.me/axlaq

⭕️ İradə gücünün zəifləməsinin səbəbi.

⚡️ Bütün enerjini başqalarını şad etməyə və özündən razı salmağa sərf etdikdə, öz məqsədlərinizə çatmaq üçün iradə və əzminiz azalır. İradə gücü məhduddur və başqalarını razı salmaq üçün ondan çox istifadə etsəniz, öz ehtiyaclarınız və istəkləriniz üçün heç bir şeyiniz olmayacaq.

♦️ Zəif münasibətlər təcrübəsi

💥 Daim başqalarını razı salmağa çalışmaq sizi məyus edə bilər. Baxmayaraq ki, başqaları sizin səxavətinizi və xeyirxahlığınızı tərifləsələr də, onlar sizin xeyirxahlığınızı və diqqətinizi eyni dərəcədə normal qəbul edə bilərlər. Hətta ola bilsin ki, onlar sizdən sui-istifadə edir və bunun fərqinə varmırlar.

🌍 Tək bildikləri odur ki, nə vaxt köməyə ehtiyacı olsa, hətta vaxt öldürmək istəyəndə belə, siz onlara kömək etməyə hazırsınız və bu vəziyyət sizin münasibətinizi korlayır...

🌘 Münasibətlərin pisləşməsi daxili dincliyin olmamasından qaynaqlana bilər. Özümüzlə münasibətimiz nə qədər yaxşı olarsa, başqaları ilə münasibətlərimiz də təbii olaraq yaxşılaşacaqdır.

t.me/axlaq