🕋 İmanın insan həyatında 6 mühüm faydası

3⃣ Həyatdakı vəzifəsini tanımaq.

🌍 İnsan həmişə müxtəlif məsələlər ilə (fərdi, ictimai, əxlaqi, siyasi və s.) qarşılaşdıqda onların qarşı-sında öz mövqeyini müəyyənləşdirməyə və münasib reaksiya göstərməyə məcburdur. Əgər Allaha və dinə güclü imanı olsa, vəzifəsinin nədən ibarət olduğunu dindən götürə bilər. Belə bir şəxsin vəzifəsi aydındır və heç bir şəkk-şübhəsi də yoxdur.

⭕️ Amma Allaha və dinə imanı olmasa, vəzifəsini yerinə yetirməkdə tərəddüd edəcək, həmişə o tǝrəf bu tərəfə gedərək çaşqın vəziyyətdə qalacaq.

🟢 Mömin insan əsl bəndə olduğu üçün öz yolunu, məqsədini və müxtəlif məsələlər qarşısında tutacağı mövqeyini Allahdan və Onun peyğəmbərlərindən öyrənərək xüsusi bir proqram üzrə hərəkət edir. O, hər hansı yeni bir hadisə ilə üzləşdikdə vəzifəsinin nədən ibarət olduğunu Allahın dinindən öyrənir və nikbinliklə, həvəslə öz vəzifəsini yerinə yetirir. Seçdiyi yola və məqsədə inandığı üçün vəzifəsini yerinə yetirməkdə fədakarlıq göstərir və böyük bir həvəslə Allah yolunda şəhid olmağa tələsir. Mömin insan özünü və bütün aləmi Allahın mülkü bilir. İnanır ki, Allah-taala insanın xeyirxahlığını istədiyi üçün səadət proqramı olan dini, peyğəmbərlər vasitəsi ilə insanların ixtiyarında qoymuşdur. Mömin inanır ki, dinin hökmlərinə və qanunlarına itaət onu həqiqi bir səadətə çatdıracaq. Özünü ixtiyarlı bilir və öz gələcəyi qarşısında məsuliyyət hiss edir.
İnamla, şəksiz və şübhəsiz, din məktəbindən öyrəndiyi vəzifəsinə əməl edir.

⚫️ Kafir necə? Haqqı qəbul etmədiyi və heç bir dinə inanmadığı üçün həmişə tərəddüd içində olur. Hansı bir yolu seçəcəyini və hansı yolla gedəcəyini bilmir. Öz nəfsi istəklərinin əsiri olur. Tərəddüd edir və hər hansı bir yolu seçərkən, hər hansı bir işi başlayarkən bu yolun, bu işin onun xeyrinə, ya zərərinə olduğunu müəyyənləşdirə bilmir.

🔴 Özünün həqiqi səadətini təmin etmək üçün aydın bir hədəf seçib onun ardınca gedə bilmir. Etimad olunası bir yol göstərənə və məqsədə bağlı deyil ki, iztirab və nigaranlıqlardan canı qurtarsın. Elə buna görə hər gün bir tərəfə cəzb olunur və bu da onun çətinliklərlə üzləşməsinə səbəb olur. Vəzifəsinin nədən ibarət olduğunu peyğəmbərlərdən öyrənmədiyi üçün hər kəs onun üçün vəzifə təyin edir. Allaha və Onun dininə təslim olmadığına görə dünyəvi məktəblərə aldanır. İlahi peyğəmbərlərin və övliyaların rəhbərliyini qəbul etməyənlər yalançı, fırıldaqçı adamların tələsinə düşür.

t.me/axlaq

🔆 Əgər həqiqətən də uğurlu insan olmaq istəyirsinizsə; Bu 8 xüsusiyyəti yadda saxlayın:

1. Əməl adamı olun, söz adamı yox. (Qərar verirsinizsə, ona əməl edin, ona sadiq qalın.)

2. Sakit yaşayın və hər kiçik uğur və ya uğursuzluqla bağlı hay-küy salmayın.

3. Həmişə yeni şeylər öyrənin.

4. Heç vaxt özünüzü sizdən üç-beş addım geridə və ya öndə olan biri ilə müqayisə etməyin.

5. Elastik olun, tərs olmayın; Bu, bir plana sahib olmaq, ancaq planınızın köləsi olmamaq deməkdir.

6. Həmişə nikbin, optimist olmağa çalışın.

7. Məqsədlərinizə çatmağınıza yol aça biləcək insanları və vəziyyətləri axtarın.

8. Ümidvar olun, sizə məyusluq və ümidsizliyi aşılamağa çalışan adamlara qulaq asmayın.

t.me/axlaq

🕋 İmanın insan həyatında 6 mühüm faydası.

4⃣ Rahatlıq.

🟢 Mömin insan öz Allahını tanıdığı üçün Onun elminə, qüdrətinə, lütfünə və mehribanlığına tam surətdə inanır. Mehriban Allahı bütün varlıq aləminin sahibi bilir. Onun qüdrətinin və iradəsinin hər yerə nüfuz etdiyini görür. Allahı hər yerdən və hər bir şeydən xəbərdar bilir.

🟩 Mömin insan inanır ki, Allah Öz bəndəsinin xeyrini və yaxşılığını istəyir. Rəhman və rəhimli Allah heç vaxt Öz fəzilətini bəndələrindən əsirgəmir. Elə buna görə möminin qəlbi aramdır, nigarançılığı da yoxdur. Qəlbi Allahı xatırlamaqla həmişə Onunla ünsiyyətdədir.

💠 Mömin insan öz həyat gəmisini bütünlüklə Allaha tapşırmış və inanır ki, Onun hidayəti ilə bütün burulğanların, dəhşətli dalğaların və tufanların arasından keçərək nicat tapacaq. Sonda öz məqsədinə və səadət sahilinə yetişəcək.

🌍 Mömin insan yaşamağın məqsədini və bu məqsədə nail olmaq yolunu tanımışdır və inanır ki, o yolu keçməklə son məqsədinə və əbədi səadətə yetişəcək. Odur ki, dərin bir rahatlığa malikdir. Nə üçün də rahatlığı olmasın? Onun Allaha etiqadı var. Həmin Allah bütün xeyirlərin və yaxşılıqların mənbəyidir.

⚫️ Kafir necə?!
Onun baxışında aləm və onda baş verən hadisələr təlatümlü, tufanlı bir dəniz kimidir ki, bəla, əziyyət və müsibət dalğaları hər tərəfdən ona hücum edir. Nə nicat gəmisi var, nə də ürəyi yanaraq nicat verən birisi. Aləmdəki hadisələr onun nəzərində məqsədsiz və bir-birinə yaddır.

🔴 Kafir bu tufanlı dənizdə özünün gücsüz və pənahsız vəziyyətdə hər tərəfdən dalğaların hücumuna məruz qaldığını görür. Sanki, yorulmuş bir üzgüçüdür ki, ürəyi yanan və güclü bir xilaskar tanımır. O hər bir dalğanın sıçrayışından titrəyir, eşitdiyi hər bir səsin düşmən səsi olduğunu düşünür, heç bir şeylə rahat və sakit olmur. Nə üçün? Çünki hamının tələf və həlak olacağını fikirləşir.

⭕️ Bəs belə bir şəxsin necə rahatlığı, aramlığı və sakitliyi ola bilər? Əlbəttə ki yox.

⚠️ Çünki onun qəlbinin dərinlikləri qəm-qüssə, nigarançılıq, düşmənçilik, kin-küdurət, laqeydlik və məhəbbətsizliklə, eləcə də xəstəlik, yoxsulluq, qocalıq və ölüm qorxusu ilə dolmuşdur.

📌 Kafir belə bir vəziyyətdə necə rahat ola bilər? Özü üçün bu aləmdə güclü və ürəyi yanan bir pənah yeri tanımır ki, ona ürək bağlasın və bu vasitə ilə pərişan olan qəlbinə aramlıq bağışlasın.

t.me/axlaq

⭕️ Az danışmağın yeddi faydası:

1.Sirlərinizi açmırsınız.

2. Ağılsız və mənasız sözlər deməyəcəksiniz.

3. Siz danışdığınız zaman insanlar daha yaxşı dinləyirlər.

4. İnsanların şəxsi həyatınıza və daxili dünyanıza girməsi çətinləşir.

5. İnsanlar sizi daha yetkin, cazibədar və müdrik görürlər.

6. İnsanlar sizə və sərhədlərinizə daha çox hörmət edəcəklər.

7. Başqalarına qarşı təhqir və ya hörmətsizlik edən heç bir söz demirsiniz.

t.me/axlaq

🕋 İmanın insan həyatında 6 mühüm faydası.

5⃣ Səbir və müqavimət.

🌐 İnsan ömrü boyu çətinlik, əziyyət, müsibət, nakamlıq, xəstəliklər və s. ilə üzləşir. Bu cür halları insanın necə qarşılaması onun yaşayışında böyük rol oynayır. Bu hadisələrdən bəzisinin öncədən qarşısını almaq mümkündür, bəzilərinin isə yox. Baş verən hadisələrdən də bəzisinə ǝlac etmək olur, bəzisinə yox. Bu sadaladığımız bütün hallarda mömin və kafirin davranışları eyni ola bilməz.

💎 Mömin insan iman gücünün köməyi ilə və peyğəmbərlərin göstərişlərindən istifadə etməklə baş verəcək hadisənin qarşısını öncədən almağı və ya onların sayını azaltmağı başqalarından daha yaxşı bacarır. Həmçinin mömin insan əlacı mümkün olmayan hadisələr baş verən zaman Allahın əbədi gücündən köməklik almaqla, qeybi yardımlara ümid bəsləməklə, səbirli olmaqla, çətinliklərin həll olunmasında daha yaxşı səy göstərməklə çətinliklərə başqalarına nisbətən daha yaxşı qalib gələ bilər.

💧 Mömin insan aydın məqsədə və ilahi bir köməyə malik olduğu və bütün vəziyyətlərdə vəzifəsini yerinə yetirməyə çalışdığı üçün çətinliklər qarşısında başqalarından daha yaxşı dözüb müqavimət göstərir, onların həll olunması üçün çalışır, bu yolda heç bir qüvvədən qorxmur və özünü möhkəm bir dağ kimi göstərir.

♻️ Mömin insan Allaha, axirət aləminə, ilahi peyğəmbərlərin sözlərinin doğruluğuna inandığı və öz yaşayış proqramını peyğəmbərlərdən götürdüyü üçün aşağıdakı üstünlüklərə malikdir:

1. Öz nəfsi istəklərini idarə edə bilir və səbirlidir. Çünki onun zillət və bədbəxtliyinə səbəb ola biləcək işlərdən ciddi surətdə çəkinir.

2. Allahın qeybi köməklərinə inanır. Öz vəzifəsini yerinə yetirmək üçün çalışır və səbirlidir. Ciddilik və qarşısını almaq mümkün olan hadisələrin qarşısını əzmkarlıqla alır.

3. Yüksək səbir və dözümlə hadisələrlə mübarizə aparır və onların həll olunması üçün ciddi olaraq çalışır.

4. Ağır hadisələr və müsibətlərlə üzləşdikdə özünü ələ alır və öz daxili aramlığını əldən vermir. Allahın razılığı üçün səbir edir.

⚫️ Bəs kafir və imansız necə?
İmansız şəxs imanın ləzzətini duymadığı halda, belə bir səbirə və müqavimətə necə malik ola bilər?
O, nəfsi istəklərinin əsiridir. Bu istəklər hər an onu müxtəlif istiqamətlərə çəkir. Kafir nəfsi istəkləri qarşısında zəlildir.

📌 İmansız adamın çətinliklərlə mübarizə aparmaq yolunda söykənəcəyi dayaq nöqtəsi yoxdur. Elə bu səbəbə görə də çətinliklərlə üzləşdikdə öz müvazinətini itirir və məqsədə nail olmaqdan məhrum olur.

⭕️ İmansız adam qocalıq, bəzi xəstəliklər, ölümün yaxınlaşması, yaxınların ölümü və var-dövlətin əldən getməsi kimi əlacı mümkün olmayan hadisələr qarşısında özünün müqavimətini və səbrini əldən verir və bütün çıxış yollarının üzünə bağlandığını görərək qəm-qüssəyə qərq olur. Çünki bu cür hadisələrin baş verməsindən ciddi surətdə nigarandır. Amma əlindən başqa bir iş də gəlmir.

t.me/axlaq

⚠️ Çətinliklərin səbəbi.

🌍 Dünya həyatının həqiqətini dərk edən insan anlayır ki, bu həyatın əsasını çətinlik təşkil edir. Çətinliksiz həyat istəyən əslində həyatı heç istəmir.

🕋 Allaha şübhə ilə yanaşan və əbədiyyəti düşünməyən insan çətinliklər qarşısında səbir edə bilməz.

🌐 Əgər Allah-taala həyatımızda hər hansı bir problemi bizim qarşımıza çıxararsa, onu aradan qaldırmaq üçün bizə mütləq güc verər.

✅ Problemlər bəzən günahın cəzası, bəzən də tərəqqi və böyüməmiz üçün olur. Hər iki halda, Allah bizi tərk etməyib.

✅ Problemlər bizim inkişafımız üçün fürsətdir. Əgər bu fürsətlərdən istifadə edə bilməsək, mütləq peşman olacağıq. Problemlər Allaha çatmağın qısa yollarıdır. Problemlərin bizim üçün yaratdığı inkişaf fürsətindən istifadə edərək, ən qısa zamanda Allaha çata bilərik.

🔲 Şeytanın işi bizim inkişaf imkanlarımızı oğurlamaqdır. Şeytan çalışır ki, bizdə Allaha qarşı şübhə yaratsın. Şeytan bizi vəsvəsə edir ki, "sən səbir edə bilməyəcəksən, çünki sənin problemin fərqlidir".

✅ Səbri kiçik şey bilməyin. İnsanın inkişafında səbrin xüsusi yeri var. Digər tərəfdən, günahı da kiçik hesab etməyək. Bəzi insanlar qeybət, kobudluq, başqalarını təhqir etməyi günah saymırlar və buna görə də bu cür günahların cəzasını gözləmirlər.

t.me/axlaq

🔲 Əməlin düşüncəyə təsiri.

🟦 Bəziləri düşünür ki, prinsip kökdür və kök düzgün olarsa, əməl də düz olacaq.
Halbuki kök də, budaq da prinsipdir;

❓ Niyə?👇

👉 Çünki görürük ki, budaqları kəsməklə daha ağacın kökləri cücərmir və quruyur. Demək, budaq da (əməl də) mühümdür.

🌳 Ağaclardakı kök və budaq, insanda dərketmə və dərketmənin (davranışın) təsiri kimidir.

✅ Əgər hər hansı bir insan yaxşılıq etməyin, mehribanlığın, həqiqəti söyləməyin yaxşı olduğunu anlayır, amma ona əməl etmirsə, bu anlayış və dərk də ondan alınır. Nəticədə, bir müddətdən sonra həmin şəxs vacib və ya müstəhəb əməllərin xeyrini dərk edə bilmir. Halbuki, o əvvəllər bunu dərk edirdi.

⚫️ Həmçinin, günahın pis və ziyanlı olduğunu anlayan adam, əgər buna məhəl qoymadan günah işlətsə, bu anlayış və dərk ondan alınar. Nəticədə, bir müddətdən sonra həmin şəxs haram və günah əməllərin pisliyini və ziyanını dərk edə bilmir. Halbuki, o əvvəllər bunu dərk edirdi.

📖 Odur ki, Qurani-kərim Rum surəsinin 10-cu ayəsində belə buyurur:

ثُمَّ كَانَ عَاقِبَةَ الَّذِينَ أَسَاءُوا السُّوأَى أَنْ كَذَّبُوا بِآيَاتِ اللَّهِ وَكَانُوا بِهَا يَسْتَهْزِئُونَ

"Sonra çirkin işlərə bulaşanlar elə bir həddə çatdılar ki, Allahın ayələrini yalan sayıb onları lağa qoydular."

👉 Yəni Allaha iman gətirənlər günah editkcə həmin günahların ziyanı, pisliyi və çirkinliyi anlayışı və dərki onlardan çıxdı, bir müddətdən sonra onlar nəinki günahların pisliyini dərk edə bilmədilər, üstəlik, Allahın ayələrini istehza belə etdilər. Halbuki bunlar əvvəl mömin idilər.

🔰 Bu ayəni (Rum/30) Həzrət Zeynəb (ə) Şamda Yezindin sarayında onlara xitab edərək oxumuşdur.

t.me/axlaq

🏠 Ev qonaqpərvərlik xüsusiyyətinə malik olmalıdır.

🏘 Evlər, xüsusilə də möminlərin evləri qonaqsevən və qonaqpərvər olmalıdır.

🏢 Bəzən yaşayış evinin quruluşu elə bir hala gəlir ki, başqalarını evinizə dəvət etməkdən qorxursunuz, buna görə də başqaları sizi evlərinə dəvət etdikdə, özünüz də onların qəbul etmirsiniz, nəticədə qohum-əqrəba və dost-tanışlarla gediş-gəlişiniz kəsilir.

🕌 Mömin ailələrlə əlaqəniz kəsildikdə, “sürüdən azan quzu canavara pay olar” məsəli sizin həyatınızın reallığına çevrilir.

🏡 Ünsiyyət olmadıqda evdəki uşaqlar virtual ünsiyyətə, sosial şəbəkələrə üz tuturlar. Oynamağa uşaq olmadığına görə telefon və kompüterdəki oyunların səbəbindən uşaqların həm gözləri, həm zehini, həm də dərketmə qabiliyyəti tədricən zəifləyir.

⚫️ Nəticədə, onlar sənət və peşə barədə düşünmürlər, gələcək barədə heç bir planları olmur, xeyirverən adam olmurlar...

t.me/axlaq

⭕️ Çətinliklər həyatın ayrılmaz hissəsidir.

📕 Kafi kitabında "Möminin imtahanının şiddəti" adlı ayrıca bir fəsil var. Bu isə o deməkdir ki, mömin sıxıntı və müsibətin şiddətini gözləməlidir.

🌍 Həyatı qəbul ediriksə, onun çətinliklərini də qəbul etməliyik. Amma növbəti addım çətinliyin imanlı həyatın təbiəti olduğunu qəbul etməkdir. Əgər iman yolu ilə getmək istəyiriksə, qəbul etməliyik ki, bizi ağır sınaqlar gözləyir.

🔰 Yunus ibn Yəqub İmam Cəfər Sadiqdən (ə) nəql edir:
"Qırx gündə heç bir gün sıxıntı və müsibət görməyən bədən Allahın rəhmətindən uzaq olar. Yunus bunu eşidəndə İmamdan (ə) iki dəfə soruşdu: O şəxs Allahın rəhmətindən uzaqdırmı? İmam (ə) buyurdu: Bəli.
İmam Cəfər Sadiq əleyhissalam bu kəlamın Yunus ibn Yəqub üçün ağır olduğunu başa düşdükdə belə buyurdu: "Ey Yunus! Mən deyəndə ki, bir müsibət və fəlakət gələcək, bəlkə sənin gözündə o, bəla və böyük müsibət olar. Xeyr, müsibət hətta dəridə cızıq, bədənində əzik, dəridə qaşınma, yıxılmağın və sair də ola bilər. Bədənin zəifləməsi, ayaqqabının bağının qırılması, göz qapaqlarının qeyri-ixtiyari titrəməsi və ya buna bənzər bir şeylər ola bilər".
Yunus dedi: “Nə üçün bir möminin başına qırx gündə bir müsibət gəlsin?”
İmam Cəfər Sadiq əleyhissalam buyurdu: “Möminin Allah yanında məqamı çox böyük olduğu üçün, ola bilməz ki, onun ömründən qırx gün keçə və Allah onun günahlarını təmizləməyə, hətta kiçik bir qəm-qüssə gələr və o mömin bilməz ki, bu qəm-qüssə niyə olub...

✅ Mömin xəta edib tövbə etməyi unuda bilər; yaxud bağışlanma diləməmiş olar; və ya tövbə etmiş, lakin tövbəsi qəbul edilməmiş ola bilər. Allah onu qəm-qüssə ilə pak etmək istəyir. Allah çox mehribandır!

✅ Bu baxımdan problemlər fərqli məna kəsb edir. Problemlər bizim Allah dərgahında bir yerimiz olduğuna və Allahla əlaqəmizin hələ də pozulmadığına işarədir. Əlbəttə, əgər Allaha qarşı bədgüman deyiliksə, problemlərə görə Allahı təqsirləndirmiriksə və Allaha etiraz etmiriksə...

t.me/axlaq

ایاک نعبد

"Biz yalnız Sənə ibadət edirik" ayəsini öz əməlimiz, rəftarımız, düşüncələrimiz və həyat tərzimiz ilə göstərə bilirikmi?!

🌱 Toxum səssiz böyüyür.

🌲 Amma yıxılan ağac yüksək səs çıxarır.

✅ Dağıntı səs-küylü, yaradılış isə sakitdir.
Bu, sükutun və səssizliyin gücüdür.

💠 Səssizcə inkişaf və tərəqqi edin!

@axlaq

⏰ Uzunömürlü olmaq üçün Yaponların 10 vərdişi.

1. Həmişə fəal, çalışqan və aktiv olun
Tənbəllik və səhlənkarlığı qətiyyən yaxına buraxmayın.

2- Aram, sakit və səs-küysüz yaşayın. Tələsmək, özünü göstərmək ömürün düşmənidir.

3- Yeməyinizin yalnız 80%-ini yeyin. Beləliklə, nə ac olun, nə də tox.

4- Yaxşı dostlarla vaxt keçirin, həmişə yadınızda olsun ki, tənhalıq ömrü qısaldır.

5. Hər gün bir az da olsa idman edin, hətta piyada gəzinti olsa da.

6- Gülümsəməyi unutmayın, təbəssüm üzünüzdən əskik olmasın. Şadlıq və sevinc ömrü artırır. Amma üzüturş, qaraqabaq və qaşqabaqlı olmaq ömrü azaldır.

7- Vaxtaşırı təbiətin qoynuna gedin, yaşıllıq, meşə, ağaclar insanın ruhunu dincəldir.

8- Kiçik şeylərə görə də təşəkkür edin. Həyatda minnətdar insan olun.

9- Bu anı yaşayın, fikriniz keçmişdə və ya gələcəkdə qalmasın.

10- Həyatın, yaşayışınızın mənasını tapın. Dünyada yaşamaq səbəbiniz nədir?!

t.me/axlaq

💠 Əxlaqın əsası "özünü islah" etməkdir.

✅ Özünü islah etmək -insanın özünü mənəvi cəhətdən təkmilləşdirməsi üçün çalışmaq və nəfsani qüvvələrini (şəhvət, qəzəb və xəyalı) ağıla tabe etdirərək onları yalnız Allah-taalanın razılığı olan işlərə istiqamətləndirmək, daxili istedadları üzə çıxararaq gözəl xasiyyətlərə yiyilənməklə dünya və axirət xoşbəxtliyinə nail olmaqdan ibarətdir.

🟢 Özünü islah etmək və özünü əxlaq və mənəviyyat baxımından düzəltmək istəyən, eləcə də pis və bəyənilməyən xasiyyətləri özündən uzaqlaşdırmaq və yaxşı xasiyyətlərə yiyələnmək istəyən şəxs uzun müddət ciddi səylə öz üzərində çalışmalı, iradə və əzmkarlığını günbəgün gücləndirməlidir.

📖 Dostlar, baxın, Qurani-kərimdə bəzi ayələrin təkrar işlədilməsinin hikmətlərindən biri də budur ki, Qurani-kərim hidayət kitabıdır, hidayətin isə əsas istiqaməti insanın islahıdır.
Deməli, Qurani-kərim "islah etmə" kitabıdır. İslah üçün isə təkrar zəruridir.

🏋 Dünya çempionu olmaq istəyən şəxs arzu etdiyi hədəfə çatacaq qədər məşq edib tər tökməlidir.

🟡 Hər bir insanın hümmət və cəhdi onun arzu, hədəf və məqsədləri qədərindədir.

⚠️ Deməli, hədəfi Allaha yaxınlaşmaq və kamillik olan şəxsə mənəvi işlərində təkrar və davamlı çalışmaq zəruridir.

t.me/axlaq