🌍 Dünya öyüd-nəsihət almaq yeridir.

📝 Əmirəlmöminin Əli əleyhissalam buyurur:

مَنْ لَمْ يَعْتَبِرْ بِغِيَرِ الدُّنْيَا وَ صُرُوفِهَا لَمْ تَنْجَعْ فِيهِ الْمَوَاعِظُ

"Kim dünyəvi işlərin dəyişməsi və haldan-hala düşməsindən nəsihət və ibrət almazsa, sözlə deyilən moizə və nəsihət ona təsir etməz."

📚 Qurərul-hikəm 10804-cü hədis

💎 Daxili nöqteyi-nəzərdən qavrayış və qəbulların insanın qəlbinə və canına daxil olması üçün iki qapısı var. Biri göz (görmə) və digəri qulaq (eşitmə). İnsanlar normal olaraq bəzi şeyləri görür və bəzi şeyləri eşidirlər.

🟢 Şübhə yoxdur ki, görmə qabiliyyəti insanlara eşitmə gücündən daha çox təsir edir.
Əgər vizual (gözlə görmə) cəhətiniz sizə təsir etmirsə, bilin ki, eşitmə cəhətiniz də sizə təsir etmir.

🌍 Belə ki, əgər kimsə dünyanın dəyişdiyini və haldan-hala düşməsini görüb ibrət almırsa, yəni bu dünyanın “dili”ndən dərs almazsa, bilməlisiniz ki, insanların danışıq dili ona heç bir təsir göstərməyəcək.

🌍 Dünyanın "dili" belədir ki, bu dünya insanların hər zaman istədiklərinə nail ola bildikləri yer deyil. Arzularının bəzisinə nail olursan, bəzilərinə yox. Dünya eniş-yoxuşlarla doludur.

🌐 Bir gün var-dövləti, məqamı və s. olan bir insan görürsən, o biri gün isə həmin adamı gücsüz və zəlil görürsən. Bir gün şərəf zirvəsində, bir gün isə rəzil vəziyyətdə!

⭕️ Əgər gözün ilə gördüklərindən heç bir öyüd-nəsihət götürməsən, bil ki, qulağınla eşitdiklərin də səndə heç bir müsbət təsir buraxmaz.

🟡 İnsan bu dünya işlərinə diqqətsiz yanaşmamalıdır; Əksinə, düşünməli və öyüd-nəsihət götürməlidir.

🔵 Bütün məsələlərdə ibrətlər və dərslər var. İşdə, həyatda, rabitələrdə və ümumiyyətlə hər şeydə nəsihət, moizə və dərslər var.

🟠 Biz dünyada baş verən hadisələrdən, dəyişikliklərdən, eniş-yoxuşlardan ibrət və dərs almalıyıq. Gözünlə gördüyün şeylər daxildə sənə öyüd-nəsihət etməsələr, bil ki qulağına nə desələr, sənə təsir etməyəcək.

t.me/axlaq

🔆 Özünüzə dostlar tapın, amma...

✍ İmam Rza əleyhissalam buyurur:

عن محفوظ بن خالد ، عن محمد بن يزيد قال : سمعت الرضا
عليه السلام يقول : من استفاد أخا في الله استفاد بيتا في الجنة

“Allaha xatir (Allahın razılığı üçün) özünə dost seçən insan sanki cənnətdə özünə ev seçmişdir.”

📚 Vəsailuş-şiə 12-ci cild 16-cı səhifə 15521-ci hədis

1⃣ İslam dini ictimai dindir! Tərkidünyalıq, guşənişinlik, tənhalıq, cəmiyyətdən uzaqlaşma, dağlara çəkilmə, evdən çölə çıxmamaq dini deyil.

🔷 Hərçənd başqa din və məzhəblər guşənişinliyi və cəmiyyətdən uzaqlaşmağı fəzilət və üstünlük bilirlər, cəmiyyətdən kənar gəzən və dağlara çəkilən yaxud evdən çölə çıxmayan adamları az qala müqəddəs adam kimi qələmə verirlər.

🕋 Halbuki İslam dini hər bir müsəlmanı özünə daha çox dostlar tapmağa rəğbətləndirir. Fürui-dinin iki mühüm vacibatı olan “yaxşılıqlara dəvət” və “pisliklərdən çəkindirmə” pirnsipi İslamın ictimailiyə verdiyi dəyərin təzahürüdür.

2⃣ Lakin İslam dininin dostluq ilə əlaqədar göstəriş və təlimatı qeyd-şərtsiz deyil. İslam dininə əsasən dostluq “əxən-fillah”, yəni “Allaha xatir dostluq” olmalıdır.

🔲 Allah üçün olmayan dostluq əslində dostluq deyil, xudbinlik və təkəbbürlükdür. Həmçinin Allahdan başqa hər şey fani və müvəqqəti olduğuna görə Allah üçün olmayan dostluqların hamısı müvəqqətidir.

📖 Odur ki, Qurani-kərim Zuxruf surəsinin 67-ci ayəsində buyurur:

الْأَخِلَّاءُ يَوْمَئذِ بَعْضُهُمْ لِبَعْضٍ عَدُوٌّ إِلَّا الْمُتَّقِينَ

“Təqvalılar (əməlisalehlər) müstəsna olmaqla, o gün (Qiyamət günü dünya) dostları bir-birinə düşmən olacaqlar.”

3⃣ Allaha xatir dostluq etmək insanın mənəvi təkamülünə səbəb olur və əslində bir növ ibadət sayılır.

💠 Ona görə də İmam Rza əleyhissalam bu hədisdə “özünə cənnətdə ev seçmişdir” deyə buyurur.

t.me/axlaq

❓ Həya pərdəsinin yırtılmasına nələr səbəb olur?

📝 İmam Rza əleyhissalam buyurur:

المذيع بالسيئة مخذول والمستتر بالسيئة مغفور له

"Aşkar günah edən və onu yayan şəxs xar olar. İlahi əfv isə günahını gizlədən şəxsə şamil olar."

📚 əl-Kafi 2-ci cild 428-ci səhifə

🔥 Günah açıq-aşkar ediləndə ondan olan qorxu hissi itir və insanın həya pərdəsi yırtılır, beləliklə, insanlar daha böyük günahlar etməyə ürəklənirlər. Buna görə də hədislərdə aşkar şəkildə edilən günahın gizli şəkildə edilən günahdan böyük olduğu qeyd edilib.

☑️ Buna görə də heç nədən çəkinmədən və ictimai fikrə əhəmiyyət vermədən aşkar günah edən şəxsin qeybətinin edilməsinə icazə verilib.

💢 Həmçinin bu səbəbdən günah aşkar ediləndə və xalq ondan xəbər tutanda həmin şəxsə aşkar cəza verilməsi göstərişi verilib. Bunun səbəbi günahın zəhmini yerinə qaytarmaq və ictimai abir-həya pərdəsinin yırtılmasının qarşısını almaqdır.

💥 İnsanların günahının ifşa edilməsi də onların ürəklənməsinə və həyasının azalmasına səbəb olur. Buna görə də onlar bəzən dil və ya əməlləri ilə "biz artıq rüsvay olmuşuq, islanmışın yağışdan nə qorxusu?!" və yaxud "iş-işdən keçib, daha heç nəyin faydası yoxdur" kimi sözlər deyirlər. Halbuki əgər bu kimi hallarda insan özünü bilməməzliyə vursa, günahkarın həyasının qorunmasına kömək etmiş olar.

🔰 Buna görə də İslam təlimlərində bəzən kiçik günahın yenidən təkrar edilməsi böyük günah sayılıb. Çünki günahın təkrar edilməsi insanın gözündə günahın çirkinliyinin azalmasına və onun həya pərdəsinin yırtılmasına səbəb olur.

t.me/axlaq

🌍 Hər gün özündən hesab çəkmək və özünə nəzarətin nəticəsi.

📝 İmam Rza əleyhissalam buyurur:

مَن حاسَبَ نَفسَهُ رَبِحَ، وَ مَن غَفِلَ عَنها خَسِرَ، وَ مَنِ اعتَبرَ اَبصَرَ

"Kim öz hesabını apararsa fayda görər, kim özünə (və əməllərinə) etinasızlıq göstərərsə zərər görər, ibrət götürən şəxs isə bəsirətli olar."

📚 Müsnədul-İmam Rza əleyhissalam 1-ci cild 302-ci səhifə

🌐 Həyatın gedişi hiss olunmur. Amma "mühasibə", yəni özü ilə hesablaşmaq onu hiss etdirir və bizə maddi, elmi, cismi və mənəvi sərmayələrinizin xərclənməsini göstərir.

⏰ İnsanların gündəlik məşğuliyyətlər ilə başını qatması və günlər, həftələr, aylar, illərin keçməsi insanı qəflət halına düçar edir və “necə getdi?” sualını cavabsız qoyur.

🕋 Dini rəhbərlərin əxlaqi tövsiyələrində qeyd olunan “hesablama” proqramı bizi bu qəflət və etinasızlıqdan uzaqlaşdırır, söz, hərəkət, xasiyyət, qarşılıqlı əlaqə və həyat nailiyyətlərinin qiymətləndirilməsində həssas və ayıq edir. Hesablamada həm əməldə, həm niyyətdə, həm motivasiyada, həm də sözdə diqqətli olmaq lazımdır, məsələn:

➡️ Bir gündə nə qədər danışırıq
➡️ Bütün bu sözlərin içində Allah bəyənən nə qədər xeyir və faydalı söz var və nə qədəri yalan, mənasız və faydasızdır?

➡️ Gün ərzində çoxlu insanlarla rastlaşırıq. Bəs bu rabitələr, qəzəb, gülüş, tənqid, təriflər, hörmətlər, laqeydliklər, ora-bura getmək nəyə görədir? Motivasiya nədir, halaldır, haramdır? Bu paxıllıqdanmı, yoxsa mərhəmətdənmi?

💠 Həyat qiymətli nemət və sərmayədir, bitdikdə bir daha geri qayıtmayacaq.
Bəs hara, kimə və nəyə görə xərclənir? Bizim xeyrimizədir, yoxsa zərərimizə? Allah yolundadır, yoxsa şeytanın və nəfsin yolunda?

t.me/axlaq

🌐 Əgər işinizi təxirə salmağa davam edirsinizsə, bunu bilməlisiniz:

1- Lazım olan bir işi etməmək sizdən onu etməkdən daha çox zehni enerji alır.

2- Cəmi beş dəqiqəlik bir şey etməyə qərar versəniz, çox güman ki, o işi nəticəyə qədər davam edəcəksiniz.

3- Bir işi nə qədər tez bitirsəniz, gününüz müsbət enerji və hədəfə doğru davam etmək üçün həvəs və motivasiya ilə dolacaq.

@axlaq

🟢  Nicat, yalnız itaət və əməl ilədir.

📝 İmam Məhəmməd Baqir əleyhissalam səhabəsi Cabir Cöfiyə buyurdu:

أَبْلِغْ شِیعَتَنا، أَنَّهُ لا یُنالُ ما عِنْدَ اللهِ إِلاَّ بِعَمَل

"Bizim şiələrimizə çatdır ki, Allahın bəxşiş və mərhəmətinə nail olmağın yeganə yolu əməl etməkdir."

📚 əl-Kafi 2-ci cild 300-cü səhifə

⭕️ Bəziləri elə bilirlər ki, möminlik iddiası etməklə, həmçinin Həzrət Muhəmməd (s) və Əhli-beytə (ə) sevgisini nümayiş etdirməklə vəzifələrini yerinə yetirmiş olurlar.

🔲 Əlini əlinin üstünə qoymaqla, heç bir iş görməməklə, gününü yalnız zikr saymaq və dua oxumaqla keçirənlər Allaha yaxınlaşdıqlarını güman edirlər.

⚠️ Halbuki İmam Məhəmməd Baqir əleyhissalam bildirir ki, xeyr, əsla belə deyil. Məqsəd, hədəf və arzulara əməlsiz çatmaq mümkün deyildir.

🕋 İmanlı insan itaət və əməl etmək, həmçinin vəzifə və öhdəliklərini yerinə yetirməklə Allaha yaxınlaşa bilər.
Allahın göstərişlərinə itaət edən və əməl əhli olan şəxs Allaha daha yaxındır.

✅ Həqiqət bundan ibarətdir ki  İslam dini əməli əsas sayır, həqiqi möminlər Əhli-beyt əleyhimussalama tabe olan və əməl əhli olan şəxslərdir. Necə ki, Əhli-beyt əleyhimussalam da əməl əhli olmuşlar.

🔰 Qurani-kərim də bu həqiqəti hamıya elan edir:

➡️ Yəhudilər özlərini İbrahim peyğəmbərə nisbət verib deyirdilər ki, İbrahim bizdəndir.
➡️ Xristianlar isə deyirdilər ki, xeyr, İbrahim bizdəndir.

📖 Qurani-kərim Ali-İmran surəsinin 68-ci ayəsində onların hər ikisinin sözünün yanlış olduğunu bildirərək buyurur:

إِنَّ أَوْلَى النَّاسِ بِإِبْرَاهِيمَ لَلَّذِينَ اتَّبَعُوهُ وَهَٰذَا النَّبِيُّ وَالَّذِينَ آمَنُوا

"Şübhəsiz, insanların İbrahimə ən yaxın və ən layiq olanı ona tabe olanlardır."

🔆 İbrahim peyğəmbərə tabe olmağın mənası əməl əhli olmaqdır.

t.me/axlaq

🕋 İmanın insan həyatında 6 mühüm faydası.

💠 Mehriban və əzəmətli Allaha, axirət aləminə, qiyamət gününə, insanların hidayətini və əbədi xoşbəxtliklərini öz həyat prinsipləri bilən ilahi Peyğəmbərlərə, xüsusilə də həzrət Məhəmməd (s ) və Əhli-beytə (ə) iman gətirmək möminlərin yaşayışına xüsusi təravət, nuranilik və rahatlıq və sair faydalar bəxş edir:

1⃣ Ümid.

🌍 Mömin insan Allah-taalaya və Onun vədələrinin düzgünlüyünə inandığı üçün qəlbi həmişə ümid və sevinclə doludur. Allahın heç vaxt əsirgəmədiyi lütfünə, mehribanlığına və mərhəmətinə həmişə ümidvardır.
Mömin insan Allahı qüdrətli, güclü və mehriban bilir. Elə bu cəhətdən də hər hansı bir çətinliklə üzləşdikdə Ona pənah aparır və ehtiyac əlini Ona tərəf açmaqla Rəbbinin qeybi yardımlarına göz dikir.

🌐 Mömin insan çətinliklərini həll etmək üçün çalışır və inanır ki, Allah möminlərin dostu və köməkçisidir. Mömin özünü aləmdə tənha və köməksiz bilmir, əksinə, həmişə Allahın köməyinə arxayın və ümidvardır.

⭕️ Həyatın ən dəhşətli hallarından olan ümidsizliyə möminin qəlbində yer yoxdur. Axı mömin bütün varlıq aləminin sahibi olan qüdrətli, alim və mehriban Allaha inandığı, iman gətitdiyi halda, nə üçün ümidsiz olmalıdır? O bütün qüdrətlərin, bütün kamil sifətlərin və bütün yaxşı işlərin mənbəyi olan yeganə Allaha inanır və Onu xeyirxahlıq yolunda çalışan insanların himayəçisi bilir.

🟢 Mömin insan Allahın sonsuz mehribanlığına və mərhəmətinə inandığı üçün heç vaxt Onun mərhəmətinə və bağışlamasına ümidsiz olmağı qəlbindən belə keçirmir. Ümid çırağı həmişə onun qəlbinə hərarət və nur bəxş edir.

⚫️ Bəs kafir necə?
Kafirin Allaha imanı yoxdur ki, çətinliklərlə üzləşdikdə Ona pənah aparsın. Zahiri səbəblərə və maddi amillərə sığınmaqdan nəticə almadığı üçün çətinliklərlə üzləşdikdə özünü tənha və pənahsız görür. Pərişan halda dəhşətli bir səhrada ümidsizliyə qapılır və hamını özünə qarşı biganə görür. Ümidsizlik çarəsiz xəstəlik kimi onun ruhuna, bədəninə daim əzab-əziyyət verir.

t.me/axlaq

🕋 İmanın insan həyatında 6 mühüm faydası

2⃣ Həyatın sonuna nikbin baxış.

🌐 Möminin məada və axirət aləminə olan imanı, ölümdən qorxmamağa və yaşayışın sonuna nikbin baxmağa səbəb olur. Mömin insan inanır ki, ölməklə məhv olmur, əksinə, bu aləmdən daha gözəl və əbədi axirət aləminə köçür.

🌍 Mömin dünyanı axirətin tarlası bilir. Onun baxışında, bu aləm əbədi axirət səadətini əldə etmək ləyaqətini qazanmaq üçün çalışmaq və insani fəzilətləri çiçəkləndirmək yeridir. Əməllərinin, ən kiçiyinin belə, nəticəsiz qalmayacağına və axirət aləmində əməllərinin tam şəkildə mükafat və savabına çatacağına əmindir.

♻️ Möminin baxışında, dünya həyatı puç və məqsədsiz deyil, əksinə, axirət səadətinə nail olmaq üçün hazırlıq əldə etmək və ruhu paklaşdırmaq mərhələsidir. Elə buna görə də tam nikbinlik və həvəslə nəfsini paklamağa çalışır, yaxşı işlər görmək və xalqa xidmət etməklə özünü kamilləşdirir.

⚫️ Kafir necə? Görəsən, həyatın sonuna nikbin baxırmı? Kafirin mǝada etiqadı yoxdur, buna görə də yaşayışın sonunu məhv olmaq və fəlakət bilir. O, yaşayışın puç və hədəfsiz olduğunu düşünür. Kafirin əqidəsinə görə, insanın yaşayışı yoxluqdan başlanır, inkişaf edir və uşaqlıq dövranını arxada qoyur. Gənclik çağında öz qüdrətinin uca zirvəsinə yetişir, amma, təəssüflər olsun ki, az bir müddətdən sonra bu güc-qüdrət tükənməyə başlayır. Zəiflik, gücsüzlük, xəstəlik və qocalıq bir-birinin ardınca gəlir. İnsan güc-qüdrətin uca zirvəsindən aşağıya tərəf gedir və tənəzzül edir. Bir müddət əziyyətlərə, işgəncələrə dözdükdən sonra axırda titrək qədəmlərlə yoxluq dərəsinə yuvarlanır. Puç olan bədəni daş-torpaq altında dəfn olunur. Necə də dəhşətli və dərdlidir. Puç bir yaşayış! Məgər yoxluqdan da dəhşətli bir şey varmı?

⬛️ Kafir qocalıq vaxtı görür ki, ömrünün bütün işləri başdan-başa əbəs və mənasız olmuşdur, çünki ömrü boyu çalışıb qazandıqlarını kənara qoyub ölməlidir. Sizcə, bu cür yaşamağa nikbin baxmaq olarmı? Belə bir şəxs necə yaxşı işlər yerinə yetirə bilər? Kimin üçün? Hansı bir məqsədlə? Axirət mükafatına və cəzasına inanmadığı halda, hansı bir ümidlə yaxşılıq edə bilər? Fədakarlıq və şəhidliyin belə şəxslər üçün düzgün bir mənası ola bilərmi?

🔴 Elə buna görə kafir həmişə ölümdən qorxur və ölümün barǝsində az da olsa, düşünmək istəmir.

t.me/axlaq

🕋 İmanın insan həyatında 6 mühüm faydası

3⃣ Həyatdakı vəzifəsini tanımaq.

🌍 İnsan həmişə müxtəlif məsələlər ilə (fərdi, ictimai, əxlaqi, siyasi və s.) qarşılaşdıqda onların qarşı-sında öz mövqeyini müəyyənləşdirməyə və münasib reaksiya göstərməyə məcburdur. Əgər Allaha və dinə güclü imanı olsa, vəzifəsinin nədən ibarət olduğunu dindən götürə bilər. Belə bir şəxsin vəzifəsi aydındır və heç bir şəkk-şübhəsi də yoxdur.

⭕️ Amma Allaha və dinə imanı olmasa, vəzifəsini yerinə yetirməkdə tərəddüd edəcək, həmişə o tǝrəf bu tərəfə gedərək çaşqın vəziyyətdə qalacaq.

🟢 Mömin insan əsl bəndə olduğu üçün öz yolunu, məqsədini və müxtəlif məsələlər qarşısında tutacağı mövqeyini Allahdan və Onun peyğəmbərlərindən öyrənərək xüsusi bir proqram üzrə hərəkət edir. O, hər hansı yeni bir hadisə ilə üzləşdikdə vəzifəsinin nədən ibarət olduğunu Allahın dinindən öyrənir və nikbinliklə, həvəslə öz vəzifəsini yerinə yetirir. Seçdiyi yola və məqsədə inandığı üçün vəzifəsini yerinə yetirməkdə fədakarlıq göstərir və böyük bir həvəslə Allah yolunda şəhid olmağa tələsir. Mömin insan özünü və bütün aləmi Allahın mülkü bilir. İnanır ki, Allah-taala insanın xeyirxahlığını istədiyi üçün səadət proqramı olan dini, peyğəmbərlər vasitəsi ilə insanların ixtiyarında qoymuşdur. Mömin inanır ki, dinin hökmlərinə və qanunlarına itaət onu həqiqi bir səadətə çatdıracaq. Özünü ixtiyarlı bilir və öz gələcəyi qarşısında məsuliyyət hiss edir.
İnamla, şəksiz və şübhəsiz, din məktəbindən öyrəndiyi vəzifəsinə əməl edir.

⚫️ Kafir necə? Haqqı qəbul etmədiyi və heç bir dinə inanmadığı üçün həmişə tərəddüd içində olur. Hansı bir yolu seçəcəyini və hansı yolla gedəcəyini bilmir. Öz nəfsi istəklərinin əsiri olur. Tərəddüd edir və hər hansı bir yolu seçərkən, hər hansı bir işi başlayarkən bu yolun, bu işin onun xeyrinə, ya zərərinə olduğunu müəyyənləşdirə bilmir.

🔴 Özünün həqiqi səadətini təmin etmək üçün aydın bir hədəf seçib onun ardınca gedə bilmir. Etimad olunası bir yol göstərənə və məqsədə bağlı deyil ki, iztirab və nigaranlıqlardan canı qurtarsın. Elə buna görə hər gün bir tərəfə cəzb olunur və bu da onun çətinliklərlə üzləşməsinə səbəb olur. Vəzifəsinin nədən ibarət olduğunu peyğəmbərlərdən öyrənmədiyi üçün hər kəs onun üçün vəzifə təyin edir. Allaha və Onun dininə təslim olmadığına görə dünyəvi məktəblərə aldanır. İlahi peyğəmbərlərin və övliyaların rəhbərliyini qəbul etməyənlər yalançı, fırıldaqçı adamların tələsinə düşür.

t.me/axlaq

🔆 Əgər həqiqətən də uğurlu insan olmaq istəyirsinizsə; Bu 8 xüsusiyyəti yadda saxlayın:

1. Əməl adamı olun, söz adamı yox. (Qərar verirsinizsə, ona əməl edin, ona sadiq qalın.)

2. Sakit yaşayın və hər kiçik uğur və ya uğursuzluqla bağlı hay-küy salmayın.

3. Həmişə yeni şeylər öyrənin.

4. Heç vaxt özünüzü sizdən üç-beş addım geridə və ya öndə olan biri ilə müqayisə etməyin.

5. Elastik olun, tərs olmayın; Bu, bir plana sahib olmaq, ancaq planınızın köləsi olmamaq deməkdir.

6. Həmişə nikbin, optimist olmağa çalışın.

7. Məqsədlərinizə çatmağınıza yol aça biləcək insanları və vəziyyətləri axtarın.

8. Ümidvar olun, sizə məyusluq və ümidsizliyi aşılamağa çalışan adamlara qulaq asmayın.

t.me/axlaq

🕋 İmanın insan həyatında 6 mühüm faydası.

4⃣ Rahatlıq.

🟢 Mömin insan öz Allahını tanıdığı üçün Onun elminə, qüdrətinə, lütfünə və mehribanlığına tam surətdə inanır. Mehriban Allahı bütün varlıq aləminin sahibi bilir. Onun qüdrətinin və iradəsinin hər yerə nüfuz etdiyini görür. Allahı hər yerdən və hər bir şeydən xəbərdar bilir.

🟩 Mömin insan inanır ki, Allah Öz bəndəsinin xeyrini və yaxşılığını istəyir. Rəhman və rəhimli Allah heç vaxt Öz fəzilətini bəndələrindən əsirgəmir. Elə buna görə möminin qəlbi aramdır, nigarançılığı da yoxdur. Qəlbi Allahı xatırlamaqla həmişə Onunla ünsiyyətdədir.

💠 Mömin insan öz həyat gəmisini bütünlüklə Allaha tapşırmış və inanır ki, Onun hidayəti ilə bütün burulğanların, dəhşətli dalğaların və tufanların arasından keçərək nicat tapacaq. Sonda öz məqsədinə və səadət sahilinə yetişəcək.

🌍 Mömin insan yaşamağın məqsədini və bu məqsədə nail olmaq yolunu tanımışdır və inanır ki, o yolu keçməklə son məqsədinə və əbədi səadətə yetişəcək. Odur ki, dərin bir rahatlığa malikdir. Nə üçün də rahatlığı olmasın? Onun Allaha etiqadı var. Həmin Allah bütün xeyirlərin və yaxşılıqların mənbəyidir.

⚫️ Kafir necə?!
Onun baxışında aləm və onda baş verən hadisələr təlatümlü, tufanlı bir dəniz kimidir ki, bəla, əziyyət və müsibət dalğaları hər tərəfdən ona hücum edir. Nə nicat gəmisi var, nə də ürəyi yanaraq nicat verən birisi. Aləmdəki hadisələr onun nəzərində məqsədsiz və bir-birinə yaddır.

🔴 Kafir bu tufanlı dənizdə özünün gücsüz və pənahsız vəziyyətdə hər tərəfdən dalğaların hücumuna məruz qaldığını görür. Sanki, yorulmuş bir üzgüçüdür ki, ürəyi yanan və güclü bir xilaskar tanımır. O hər bir dalğanın sıçrayışından titrəyir, eşitdiyi hər bir səsin düşmən səsi olduğunu düşünür, heç bir şeylə rahat və sakit olmur. Nə üçün? Çünki hamının tələf və həlak olacağını fikirləşir.

⭕️ Bəs belə bir şəxsin necə rahatlığı, aramlığı və sakitliyi ola bilər? Əlbəttə ki yox.

⚠️ Çünki onun qəlbinin dərinlikləri qəm-qüssə, nigarançılıq, düşmənçilik, kin-küdurət, laqeydlik və məhəbbətsizliklə, eləcə də xəstəlik, yoxsulluq, qocalıq və ölüm qorxusu ilə dolmuşdur.

📌 Kafir belə bir vəziyyətdə necə rahat ola bilər? Özü üçün bu aləmdə güclü və ürəyi yanan bir pənah yeri tanımır ki, ona ürək bağlasın və bu vasitə ilə pərişan olan qəlbinə aramlıq bağışlasın.

t.me/axlaq

⭕️ Az danışmağın yeddi faydası:

1.Sirlərinizi açmırsınız.

2. Ağılsız və mənasız sözlər deməyəcəksiniz.

3. Siz danışdığınız zaman insanlar daha yaxşı dinləyirlər.

4. İnsanların şəxsi həyatınıza və daxili dünyanıza girməsi çətinləşir.

5. İnsanlar sizi daha yetkin, cazibədar və müdrik görürlər.

6. İnsanlar sizə və sərhədlərinizə daha çox hörmət edəcəklər.

7. Başqalarına qarşı təhqir və ya hörmətsizlik edən heç bir söz demirsiniz.

t.me/axlaq

🕋 İmanın insan həyatında 6 mühüm faydası.

5⃣ Səbir və müqavimət.

🌐 İnsan ömrü boyu çətinlik, əziyyət, müsibət, nakamlıq, xəstəliklər və s. ilə üzləşir. Bu cür halları insanın necə qarşılaması onun yaşayışında böyük rol oynayır. Bu hadisələrdən bəzisinin öncədən qarşısını almaq mümkündür, bəzilərinin isə yox. Baş verən hadisələrdən də bəzisinə ǝlac etmək olur, bəzisinə yox. Bu sadaladığımız bütün hallarda mömin və kafirin davranışları eyni ola bilməz.

💎 Mömin insan iman gücünün köməyi ilə və peyğəmbərlərin göstərişlərindən istifadə etməklə baş verəcək hadisənin qarşısını öncədən almağı və ya onların sayını azaltmağı başqalarından daha yaxşı bacarır. Həmçinin mömin insan əlacı mümkün olmayan hadisələr baş verən zaman Allahın əbədi gücündən köməklik almaqla, qeybi yardımlara ümid bəsləməklə, səbirli olmaqla, çətinliklərin həll olunmasında daha yaxşı səy göstərməklə çətinliklərə başqalarına nisbətən daha yaxşı qalib gələ bilər.

💧 Mömin insan aydın məqsədə və ilahi bir köməyə malik olduğu və bütün vəziyyətlərdə vəzifəsini yerinə yetirməyə çalışdığı üçün çətinliklər qarşısında başqalarından daha yaxşı dözüb müqavimət göstərir, onların həll olunması üçün çalışır, bu yolda heç bir qüvvədən qorxmur və özünü möhkəm bir dağ kimi göstərir.

♻️ Mömin insan Allaha, axirət aləminə, ilahi peyğəmbərlərin sözlərinin doğruluğuna inandığı və öz yaşayış proqramını peyğəmbərlərdən götürdüyü üçün aşağıdakı üstünlüklərə malikdir:

1. Öz nəfsi istəklərini idarə edə bilir və səbirlidir. Çünki onun zillət və bədbəxtliyinə səbəb ola biləcək işlərdən ciddi surətdə çəkinir.

2. Allahın qeybi köməklərinə inanır. Öz vəzifəsini yerinə yetirmək üçün çalışır və səbirlidir. Ciddilik və qarşısını almaq mümkün olan hadisələrin qarşısını əzmkarlıqla alır.

3. Yüksək səbir və dözümlə hadisələrlə mübarizə aparır və onların həll olunması üçün ciddi olaraq çalışır.

4. Ağır hadisələr və müsibətlərlə üzləşdikdə özünü ələ alır və öz daxili aramlığını əldən vermir. Allahın razılığı üçün səbir edir.

⚫️ Bəs kafir və imansız necə?
İmansız şəxs imanın ləzzətini duymadığı halda, belə bir səbirə və müqavimətə necə malik ola bilər?
O, nəfsi istəklərinin əsiridir. Bu istəklər hər an onu müxtəlif istiqamətlərə çəkir. Kafir nəfsi istəkləri qarşısında zəlildir.

📌 İmansız adamın çətinliklərlə mübarizə aparmaq yolunda söykənəcəyi dayaq nöqtəsi yoxdur. Elə bu səbəbə görə də çətinliklərlə üzləşdikdə öz müvazinətini itirir və məqsədə nail olmaqdan məhrum olur.

⭕️ İmansız adam qocalıq, bəzi xəstəliklər, ölümün yaxınlaşması, yaxınların ölümü və var-dövlətin əldən getməsi kimi əlacı mümkün olmayan hadisələr qarşısında özünün müqavimətini və səbrini əldən verir və bütün çıxış yollarının üzünə bağlandığını görərək qəm-qüssəyə qərq olur. Çünki bu cür hadisələrin baş verməsindən ciddi surətdə nigarandır. Amma əlindən başqa bir iş də gəlmir.

t.me/axlaq

⚠️ Çətinliklərin səbəbi.

🌍 Dünya həyatının həqiqətini dərk edən insan anlayır ki, bu həyatın əsasını çətinlik təşkil edir. Çətinliksiz həyat istəyən əslində həyatı heç istəmir.

🕋 Allaha şübhə ilə yanaşan və əbədiyyəti düşünməyən insan çətinliklər qarşısında səbir edə bilməz.

🌐 Əgər Allah-taala həyatımızda hər hansı bir problemi bizim qarşımıza çıxararsa, onu aradan qaldırmaq üçün bizə mütləq güc verər.

✅ Problemlər bəzən günahın cəzası, bəzən də tərəqqi və böyüməmiz üçün olur. Hər iki halda, Allah bizi tərk etməyib.

✅ Problemlər bizim inkişafımız üçün fürsətdir. Əgər bu fürsətlərdən istifadə edə bilməsək, mütləq peşman olacağıq. Problemlər Allaha çatmağın qısa yollarıdır. Problemlərin bizim üçün yaratdığı inkişaf fürsətindən istifadə edərək, ən qısa zamanda Allaha çata bilərik.

🔲 Şeytanın işi bizim inkişaf imkanlarımızı oğurlamaqdır. Şeytan çalışır ki, bizdə Allaha qarşı şübhə yaratsın. Şeytan bizi vəsvəsə edir ki, "sən səbir edə bilməyəcəksən, çünki sənin problemin fərqlidir".

✅ Səbri kiçik şey bilməyin. İnsanın inkişafında səbrin xüsusi yeri var. Digər tərəfdən, günahı da kiçik hesab etməyək. Bəzi insanlar qeybət, kobudluq, başqalarını təhqir etməyi günah saymırlar və buna görə də bu cür günahların cəzasını gözləmirlər.

t.me/axlaq