📝 Əmirəlmöminin Əli əleyhissalam buyurur:

مَا جَفَّتِ‏ الدُّمُوعُ‏ إِلَّا لِقَسْوَةِ الْقَلْبِ وَ مَا قَسَتِ الْقُلُوبُ إِلَّا لِكَثْرَةِ الذُّنُوبِ

"Göz yaşının quruması qəlbin daşlaşmasına (rəhmsizliyinə) görədir, daşürəklilik isə günahların çoxlugundandır."

📚 Biharul-ənvar 67-ci cild 55-ci səhifə

😭 Allah üçün və eləcə də Allahın övliyalarının məhəbbəti yolunda ağlamaq Allah-taalanın insanlara gözün vasitəsilə bəxş etdiyi nemətlərdəndir.

🚫 Amma günah nəticəsində bu nemət insandan alınır.

t.me/axlaq

💠 Əxlaqın əsası "özünü islah" etməkdir.

✅ Özünü islah etmək -insanın özünü mənəvi cəhətdən təkmilləşdirməsi üçün çalışmaq və nəfsani qüvvələrini (şəhvət, qəzəb və xəyalı) ağıla tabe etdirərək onları yalnız Allah-taalanın razılığı olan işlərə istiqamətləndirmək, daxili istedadları üzə çıxararaq gözəl xasiyyətlərə yiyilənməklə dünya və axirət xoşbəxtliyinə nail olmaqdan ibarətdir.

🟢 Özünü islah etmək və özünü əxlaq və mənəviyyat baxımından düzəltmək istəyən, eləcə də pis və bəyənilməyən xasiyyətləri özündən uzaqlaşdırmaq və yaxşı xasiyyətlərə yiyələnmək istəyən şəxs uzun müddət ciddi səylə öz üzərində çalışmalı, iradə və əzmkarlığını günbəgün gücləndirməlidir.

📖 Dostlar, baxın, Qurani-kərimdə bəzi ayələrin təkrar işlədilməsinin hikmətlərindən biri də budur ki, Qurani-kərim hidayət kitabıdır, hidayətin isə əsas istiqaməti insanın islahıdır.
Deməli, Qurani-kərim "islah etmə" kitabıdır. İslah üçün isə təkrar zəruridir.

🏋 Dünya çempionu olmaq istəyən şəxs arzu etdiyi hədəfə çatacaq qədər məşq edib tər tökməlidir.

🟡 Hər bir insanın hümmət və cəhdi onun arzu, hədəf və məqsədləri qədərindədir.

⚠️ Deməli, hədəfi Allaha yaxınlaşmaq və kamillik olan şəxsə mənəvi işlərində təkrar və davamlı çalışmaq zəruridir.

t.me/axlaq

🌍 Bizim dünyadakı məqsədimiz!

❌ Bəzilərinin düşündüyünün əksinə olaraq, bizim bu dünyadakı məqsədimiz rahatlıq və asudəliyə çatmaq deyil.

🌐 İnsanın kamala çatması üçün Allah-taala bu dünyada onu çətinlik və müşküllər ilə calamışdır. Aşağıdakı ayəyə nəzər salaq:

📖 Qurani-kərim Bələd surəsinin 4-cü ayəsində buyurur:

لَقَدْ خَلَقْنَا الْإِنسَانَ فِی كَبَدٍ

"Şübhəsiz, Biz insanı zəhmətdə və məşəqqətdə yaratmışıq (kam almağı nakamlıqla, ləzzətləri acılıqlarla müşayət olunur)."

📖 Qurani-kərim həmçinin, İnşiqaq surəsinin 6-cı ayəsində buyurur:

یٰا أَیُّهَا الْإِنْسٰانُ إِنَّکَ کٰادِحٌ إِلیٰ رَبِّکَ کَدْحاً فَمُلاٰقِیهِ

"Ey insan, şübhəsiz, sən öz Rəbbin(in camal və cəlalını, savab və cəzasını görməy)ə doğru böyük bir səylə (yaradılışla və təbii yol ilə) çalışıb çabalayırsan. Beləliklə, sən Ona qovuşacaqsan."

📝 İmam Zeynul Abidin əleyhissalam bu barədə buyurur:

"Bu dünyada və bu dünyanın əhalisi üçün rahatlıq və asudəlik mövcud deyil. Həqiqi rahatlıq və asudəlik yanız cənnətdə və cənnət əhalisi üçündür."

📚 əl-Xisal 1-ci cild "dünya və axirət babı" 95-ci hədis

✅ Deməli, bizim bu dünyadakı məqsədimiz rahatlığa çatmaq deyil.

💠 Bizim məqsədimiz elə bir səviyyəyə çatmaqdır ki, dünyanın aldadıcı asudəlik və rahatlıqlarından asanlıqla keçə bilək. Yəni dünyanın yalançı və aldadıcı rahatlıqları bizi kamillik yolundan yayındıra bilməsin.

⬆️ Elə isə, bu son iki cümlə barədə yaxşı fikirləşək.

t.me/axlaq

💠 Möminin iftixarı.

📝 İmam Cəfər Sadiq əleyhissalam buyurur:

ثَلَاثَةٌ هُنَّ فَخْرُ الْمُؤْمِنِ وَ زِینَتُهُ فِی الدُّنْیا وَ الْآخِرَة
الصَّلَاةُ فِی آخِرِ اللَّیلِ
وَ یأْسُهُ مِمَّا فِی أَیدِی النَّاسِ
وَ وَلَایةُ الْإِمَامِ مِنْ آلِ مُحَمَّدٍ ص‏

"Möminin dünya və axirətdə qürur və zinət mənbəyi olan üç əsas vardır: Gecənin sonunda namaz qılmaq, insanların əlində olanlardan gözünü çəkmək və həzrət Muhəmmədin (s) ailəsindən olan İmamın (ə) vilayətini qəbul etmək."

📚 Əl-Əmali (Şeyx Səduq) 544-cü səhifə

1⃣ Gecə namazında xüsusi şəkildə insanın ruhi vəziyyətinin yüksək səviyyədə olduğu (ekstazı) üçün Qurani-kərim Müzzəmmil surəsinin 6-cı ayəsində buyurur:

إِنَّ ناشِئَةَ اللَّیلِ هِی أَشَدُّ وَطْئاً وَ أَقْوَمُ قیلاً

"Gecə vaxtı edilən ibadət daha möhkəm və daha sabitdir, danışıq baxımından da daha düzgün və daha əlverişlidir."

🕋 Allah-taala ilə münacat və zümzümə etmək üçün gecənin sonu çox gözəl bir fürsətdir, belə ki həmin şəxs həm istirahətini edib həm də ona mane ola biləcək kənar müdaxilələr yoxdur. Çünki həmin həmin vaxt iş vaxtı deyil, insanların da əksəriyyəti yuxudadır.
Gecə namazı sevimli Peyğəmbərimizə (s) vacib idi, bizə isə müstəhəbdir. Bu bizim iftixarımız, həm də zinətimizdir.

2⃣ Möminin ikinci iftixarı və zinəti onun camaatın əlində olanlara nisbətdə ümidsizliyidir. Yəni mömin ümidini insanların əlində olanlara bağlamayıb və camaatın heç nəyinə göz dikmir.

❓ Axı biz nə üçün başqalarının əlində olanın bizə çatması üçün həris olmamalıyıq? Əgər istəyiriksə, cidd-cəhdlə çalışaq və mənbəyindən istəsək, onu həmin şəxsə verən Allah bizə də verəcək.
Bizim yolumuz Allaha daha yaxındır, nəinki həmin sərvəti olan adama.

❓ Axı insan nə üçün başqaları tərəfindən işlədilən və artıq qalan şeylərə həris olmalıdır?!

3⃣ Möminin üçüncü iftixarı budur ki Əhli-beyt əleyhimussalamın vilayətindədir, yəni Qurani-kərimə, həzrət Muhəmmədə (s) və o həzrətin Əhli-beytinə (ə) tabedir.

🟢 Əhli-beytə (ə) tabe olmağın mənası budur ki biz onların İmamətini qəbul edək, göstərişlərinə can-başla təslim olaq və Əhli-beyti (ə) özümüzə nümunə və ideal bilək, onlara bənzəməyə çalışaq...

t.me/axlaq

🌍 Dünyanın ən mühüm xüsusiyyətlərindən biri də hiylədir.

⭕️ Dünyanın ən əsas və geniş yayılmış hiyləsi insanların zehnində illüziya yaratmaq, onların gözündə dünyanın ləzzətlərini, istəklərini, sərvətlərini, məqamlarını gözəl və cazibədar göstərməkdir.

🟥 Elə bu hiylə tarix boyu hər cür insanı yıxmaq üçün kifayət edib və dünya bu yolla nə qədər insanı aldadaraq məhv edib.
Halbuki dünyanın şəhvət, məqam və sərvəti əslində, insanların keçdiyi körpü, məqsədlərinə çatmaq üçün yol və vasitələrdir. Dünya özü məqsəd və hədəf deyil.

📖 Qurani-Kərimdə “azuqə toplayın” və “hazırlaşın” çağırışları, İmam Əli əleyhissalamın təbirincə desək, bu, həm də o deməkdir ki, hər bir insan bu dünyada öz azuqə və vasitələrini götürməli və onların köməyi ilə yaradıldığı və ona doğru hərəkət etdiyi son məqsədə çatmalıdır.

⬛️ Amma əfsuslar olsun ki, müxtəlif tarixi dövrlərdə dünyanın hiylələri həmişə çoxlarını öz cənginə almış, nəticədə bu dünya həyatı onlar üçün ləzzət və şəhvət axtarışı məkanına çevirmişdir.

🟫 Onlar həmin məqsədə çatmaq üçün yatmaq, yemək, şəhvət istəmək kimi ləzzətlər axtarır və dəyirmanın dördayaqlı çarxı kimi təkrarlanan və sonu olmayan bir dövrəyə girirlər.

t.me/axlaq

🗣 Danışmayınca kimliyin məlum olmaz!

📝 Əmirəlmöminin Əli əleyhissalam buyurur:

الْمَرْءُ مَخْبُوءٌ تَحْتَ لِسَانِهِ

"İnsan öz dilinin altında gizlənib (danışmayınca eyib və məharəti məlum olmaz)".

✔️ Çünki söz insanın ağlının dilmancı, onun ruhuna gedən yoldur. İnsanın ruhunda olan şeyin yaxşı və ya pis, uca və ya alçaq olması dili və sözləri ilə məlum olur.

⭕️ Adam bəzən zahirdə səliqəli, ciddi bir insana rast gəlir, amma həmin o insan ağzını açıb danışan kimi içinin nə qədər boş olduğunu görür. Həmçinin əksinə, bəzən bir şəxsin zahiri əsla ciddi təsir bağışlamır, amma danışmağa başlayan kimi onun savadlı və müdrik şəxs olması məlum olur.

📝 İmam Cəfər Sadiq əleyhissalam buyurur:

فَزِنْ کَلاَمَکَ وَاعْرِضْهُ عَلَى الْعَقْلِ وَالْمَعْرِفَةِ فَإِنْ کَانَ لِلَّهِ وَفِی اللَّهِ فَتَکَلَّمْ بِهِ وَإِنْ کَانَ غَیْرَ ذَلِکَ فَالسُّکُوتُ خَیْرٌ مِنْه

"Buna görə də sözünü ölç-biç, ağıl və idrakına təqdim et. Əgər onda Allahın razılığı varsa, onu dilinə gətir, əks təqdirdə elə danışmaqdansa, susmaq daha yaxşıdır."

📚 Biharul-ənvar 68-ci cild 285-ci səhifə

♻️ Ədib, fəqih, filosof, vəkil və astronom yalnız sözü (və danışığı) ilə tanınır, amma həkim, mühəndis və sairə həm sözü, həm də əməli ilə tanınır.
Hər halda, öz qardaşına yeni faydalı söz deyən şəxs ağıllı, alim, ədib, fəqih və filosofdur. Amma özlərindən sonra dəyərli söz qoyub getməyən fəsahət sahibləri minlərlə cild nəsr və nəzm əsərinə malik olsalar da, sofistdən (yəni açıqdan-açığa düzgün olmayan fikirləri məntiqcə düzgün görünə bilən hökmlərlə sübut etməyə çalışan adamdan) başqa bir şey deyildirlər".

t.me/axlaq

✅ Əxlaqın 4 sütunu var; Mərifət (elm), Təqva (iman), Tərbiyə və Təzkiyə.

💠 Mərifət dedikdə insanın kamillik və İlahi-qürbə yetişməsi üçün ona lazım olan bilgilər,

⭕️ Təqva dedikdə insanın tərəqqisinə ən böyük əngəl olan günahlardan uzaq olması üçün ona lazım olan güc və iradə,

🟢 Tərbiyə dedikdə təkamül üçün zəmin yaradılması, istedad və qabiliyyətlərin son mərhələyə çatdırılması,

🔵 Təzkiyə dedikdə isə insanın mənəvi yüksəliş yolunda inkişafa mane olan, eləcə də keyfiyyət və kəmiyyətə mənfi təsir göstərən səbəblərin aradan qaldırılması nəzərdə tutulur.

t.me/axlaq

🕋 Allahı kim yaradıb?

🪐 Dostlar, bu sual səbəb-nəticə (səbəbiyyət) qanununun səhv başa düşülməsi üzündən yaranır.

🌐 Səbəbiyyət qanunu bildirir ki, ola və ya olmaya bilən hər şey bir səbəb tələb edir.

🕋 Lakin Allah bu qanundan ayrıdır, yəni səbəb-nəticə qanunu Allaha aid edilə bilməz;👇

👉 Çünki Allah mövcud olması mümkün olan deyil, əksinə, Onun həmişə mövcud olması vacibdir; Yəni Allahın varlığı zəruridir və olmaya bilməz. Məsələn, bütün parçaların (daşların) ard-arda düşdüyü bir domino təsəvvür edin. Heç kim birinci parçanı yerindən tərpətməsəydi, o biriləri düşməzdi.
Deməli, səbəbə ehtiyacı olmayan bir başlayan (təşəbbüskar) olmalıdır; Hər şeyi başlayan isə yalnız Allahdır.

@axlaq

✅ Dostluq böyük bir nemətdir.

🔰 Qədimdən belə bir söz vardır: Min dost azdır, bir düşmən isə çox.

🟢 Dost insanın yalnızlıqlarında həmdəmi,
pis və yaxşı gününün şəriki,
ehtiyac zamanı köməkçisi,
çətinliklər zamanı dayağı və şəkk-şübhə zamanı insana məşvərət verənidir.

⭕️ Bəzi insanlar malik olduqları özünüsevmək, dardüşüncəlik, çox və yersiz tələbkar olmaq və bunun kimi digər mənfi xislətlərinə görə özlərinə dost seçərək, tənhalıqdan canlarını qurtara bilmirlər.

⚫️ Bəzi insanlar isə nadanlıq və qanmazlıq səbəbilə elə bilirlər ki, tənhalıq yaxşı şeydir, bəziləri hətta heç bir dostunun olmamasını özünə iftixar sayırlar.

💠 Təqvalıların imamı Əli əleyhissalamın təbiri ilə desək dostu olmamaq, bir növ, insanın acizliyinin əlamətidir.

💎 Həm dost tapmaq hünərdir, həm dostu saxlamaq və həm də korlanmış dostluqları yenidən bərpa etmək.

📝 Əmirəlmöminin Əli əleyhissalam buyurur:

أَعْجَزُ النَّاسِ مَنْ عَجَزَ عَنِ اكْتِسَابِ الْإِخْوَانِ، وَ أَعْجَزُ مِنْهُ مَنْ ضَيَّعَ مَنْ ظَفِرَ بِهِ مِنْهُمْ

"Ən aciz insan dost tapa bilməyəndir. Ondan daha aciz olan isə qazandığı dostlarını saxlaya bilməyəndir".

📚 Biharul-ənvar 71-ci cild 278-ci səhifə

🌀 İnsanın dostlarını itirməyinə və yalqız qalmağına, yaxud da elə əvvəldən dost tapa bilməməyinə səbəb olan xislətlər, işlər, rəftarlar barəsində düşünməyi zəruridir.

t.me/axlaq

🔆 Sizi uğurlu və müvəffəqiyyətli edəcək 6 vərdiş:

1. Yeni ideyalar üçün: Hər gün sübh tezdən piyada gəzin.

2. Özünəinam və özgüvəni artırmaq üçün: Vacib namazları əvvəl vaxtında qılın.

3. Enerjinizi artırmaq üçün: qəzəbdən uzaq olun.

4. Çox fikir çəkməmək üçün: Kitab oxu və yazı yaz.

5. Stressi aradan qaldırmaq üçün: Qurani-kərimi avazla oxu.

6. Diqqəti artırmaq və zehin açıqlığı üçün: Gecə namazı qıl.

t.me/axlaq

💠 Möminin iftixarı.

📝 İmam Cəfər Sadiq əleyhissalam buyurur:

ثَلَاثَةٌ هُنَّ فَخْرُ الْمُؤْمِنِ وَ زِینَتُهُ فِی الدُّنْیا وَ الْآخِرَة
الصَّلَاةُ فِی آخِرِ اللَّیلِ
وَ یأْسُهُ مِمَّا فِی أَیدِی النَّاسِ
وَ وَلَایةُ الْإِمَامِ مِنْ آلِ مُحَمَّدٍ ص‏

"Möminin dünya və axirətdə qürur və zinət mənbəyi olan üç əsas vardır: Gecənin sonunda namaz qılmaq, insanların əlində olanlardan gözünü çəkmək və həzrət Muhəmmədin (s) ailəsindən olan İmamın (ə) vilayətini qəbul etmək."

📚 Əl-Əmali (Şeyx Səduq) 544-cü səhifə

1⃣ Gecə namazında xüsusi şəkildə insanın ruhi vəziyyətinin yüksək səviyyədə olduğu (ekstazı) üçün Qurani-kərim Müzzəmmil surəsinin 6-cı ayəsində buyurur:

إِنَّ ناشِئَةَ اللَّیلِ هِی أَشَدُّ وَطْئاً وَ أَقْوَمُ قیلاً

"Gecə vaxtı edilən ibadət daha möhkəm və daha sabitdir, danışıq baxımından da daha düzgün və daha əlverişlidir."

🕋 Allah-taala ilə münacat və zümzümə etmək üçün gecənin sonu çox gözəl bir fürsətdir, belə ki həmin şəxs həm istirahətini edib həm də ona mane ola biləcək kənar müdaxilələr yoxdur. Çünki həmin həmin vaxt iş vaxtı deyil, insanların da əksəriyyəti yuxudadır.
Gecə namazı sevimli Peyğəmbərimizə (s) vacib idi, bizə isə müstəhəbdir. Bu bizim iftixarımız, həm də zinətimizdir.

2⃣ Möminin ikinci iftixarı və zinəti onun camaatın əlində olanlara nisbətdə ümidsizliyidir. Yəni mömin ümidini insanların əlində olanlara bağlamayıb və camaatın heç nəyinə göz dikmir.

❓ Axı biz nə üçün başqalarının əlində olanın bizə çatması üçün həris olmamalıyıq? Əgər istəyiriksə, cidd-cəhdlə çalışaq və mənbəyindən istəsək, onu həmin şəxsə verən Allah bizə də verəcək.
Bizim yolumuz Allaha daha yaxındır, nəinki həmin sərvəti olan adama.

❓ Axı insan nə üçün başqaları tərəfindən işlədilən və artıq qalan şeylərə həris olmalıdır?!

3⃣ Möminin üçüncü iftixarı budur ki Əhli-beyt əleyhimussalamın vilayətindədir, yəni Qurani-kərimə, həzrət Muhəmmədə (s) və o həzrətin Əhli-beytinə (ə) tabedir.

🟢 Əhli-beytə (ə) tabe olmağın mənası budur ki biz onların İmamətini qəbul edək, göstərişlərinə can-başla təslim olaq və Əhli-beyti (ə) özümüzə nümunə və ideal bilək, onlara bənzəməyə çalışaq...

t.me/axlaq

🕋 Möminlərə tövsiyə...

📝 İmam Cəfər Sadiq əleyhissalam belə buyurur:

"Sənə 9 şeyi tapşırıram və bunlar mənim Allah yolunun yolçularına tövsiyəmdir.
Allahdan istəyirəm ki, bunlara əməl etməkdə sənə müvəffəqiyyət bəxş etsin.
Bunlardan 3-ü nəfsin ədəb və tərbiyəsində, 3-ü səbir və dözümdə, son 3 hissəsi isə elm və bilik barəsindədir.
Bunları yadında saxla və məbada bunlara əməl etməkdə süstlük göstərəsən!"

✔️ Ünvan Bəsri deyir: "Qəlbimi o Həzrətin (ə) sözləri üçün (başqa xatirələrdən) boşaltdım".

📝 İmam Cəfər Sadiq əleyhissalam buyurdu:
"Nəfsin tərbiyəsinə aid tö bunlardır:

1. Məbada (hec vaxt olmasın, əsla) iştahan çəkmədiyi şeyi yeyəsən! Bu, axmaqlıq və əbləhlik gətirər.

2. Yalnız ac olduğun vaxt ye!

3. Yeyərkən Allahın adı ilə başlayıb halal yemək ye! Və Həzrət Muhəmmədin (s) kəlamını yadına sal: "Adəm övladı hec bir qabı qarnından pis doldurmamışdır. Odur ki əgər yeməkdən başqa çarəsi qalmamışsa, o zaman qarnının bir hissəsini yemək, bir hissəsini su, bir hissəsini də tənəffüz (nəfəs almaq) üçün saxla".

Səbirə aid 3 tövsiyə bunlardır:

1. Əgər bir nəfər sənə desə ki, bir söz desən, on bərabərini eşidərsən, ona de: əgər onunu mənə desən, birini də eşitməzsən. (Yəni məni qəzəbləndirə bilməzsən).

2. Əgər kimsə səni söysə, sən ona belə de: "Əgər dediklərində doğrusansa, Allahdan istəyirəm ki, məni bağışlasın. Yox əgər yalan deyirsənsə, Allahdan istəyirəm ki, səni bağışlasın".

3. Əgər kimsə səni söyüşlə hədələsə, sən ona nəsihət et, ona qarşı öz tərəfindən xeyirxah və mülayim rəftar vədi ver (yəni ona bildir ki, sənə qarşı kinim yoxdur).

Elmə aid 3 tövsiyə isə bunlardır:

1. Bilmədiyini alimlərdən soruş. Amma məbada onları sınağa şəkmək üçün nəsə soruşasan.

2. Məbada öz rəyinlə və özbaşına bir iş görəsən. Ehtiyat mümkün olan bütün işlərində ehtiyatdan kənara çıxma!

3. Yırtıcı şirdən qaçdığın kimi, hökm verməkdən (yəni öz rəyinlə kiməsə hökm və göstəriş verməkdən) uzaq qaç. Muğayat ol ki, öz boynunu camaatın keçəcəyi körpü etməyəsən."

t.me/axlaq

İnsana məxsus xüsusiyyətlər...

💢 İnsanı qəflət yuxusundan oyadan itki.

💠 İnsanın qəflət yuxusundan oyanmasına səbəb olan nemət itkiləri əslində, zərər və ziyan sayılmır.

📝 İmam Cəfər Sadiq əleyhissalam dostlarından birinə yaxınını itirdiyinə görə başsağlığı verəndə belə buyurub:

إنْ كانَ هذَا الْمِيِّتْ قَدْ قَرَّبَكَ مَوْتُهُ مِنْ رَبِّكَ أوْ باعَدَكَ عَنْ ذَنْبِكَ فَهذِهِ لَيْسَتْ مُصيبَةٌ وَلكِنَّها لَكَ رَحْمَةٌ وَعَلَيْكَ نِعْمَةٌ وَإنْ كانَ ما وَعَظَكَ وَلا باعَدَكَ عَنْ ذَنْبِكَ وَلا قَرَّبَكَ مِنْ رَبِّكَ فَمُصيبَتُكَ بِقَساوَةِ قَلْبِكَ أعْظَمُ مِنْ مُصيبَتِكَ بَمَيِّتِكَ إنْ كُنْتَ عارِفاً بِرَبِّكَ

"Əgər itirdiyin bu şəxsin ölümü səni Allaha yaxınlaşdırıbsa, günahlardan uzaqlaşdırıbsa, o, müsibət deyil, (ilahi) rəhmətdir. O, sənin üçün böyük nemət sayılır. Amma əgər bu müsibət sənə öyüd verməyibsə, günahdan uzaqlaşdırmayıbsa, Rəbbinə yaxınlaşdırmayıbsa, bu daşürəkliyin müsibəti əldən çıxan həmin şəxsin müsibətindən daha böyükdür, (əlbəttə,) əgər Allahı tanıyırsansa!"

📚 Biharul-ənvar 82-ci cild 88-ci səhifə

✅ Bu mənalı hədisdə gördüyümüz kimi, insanın hətta ən əziz adamını itirməsi - onun qəflət yuxusundan oyanmasına səbəb olacağı təqdirdə - müsibət deyil.

☑️ Hətta əgər insan maddi ziyana düşsə və bu hadisədən səbir və şükür etməkdən başqa heç nə əldə etməsə və şükür edənlərin mükafatını qazansa, yenə mal itkisinə məruz qalmış sayılmır.

t.me/axlaq