🚴‍♀️ Velomarofon g‘oliblari aniqlandi

Bugun Boysun tumani “Xo‘jamayxona” ziyoratgohi yo‘llari bo'ylab yoshlar o'rtasida ommaviy velomarofon musobaqalari bo‘lib o‘tdi. Musobaqa yakunlariga ko‘ra g‘oliblikni qo‘lga kiritgan quyidagi sportchilarga pul mukofoti sertifikatlari topshirildi:

1️⃣-o‘rin - Jamoliddin Menglimurodov, 5 mln so‘m (Bandixon tumani);
2️⃣-o‘rin - Sulton Abdumajidov, 4 mln so‘m (Boysun tumani);
3️⃣-o‘rin - Fayzliddin Ergashev, 3 mln so‘m (Termiz shahar);
4️⃣-o‘rin - Aslanbek Nodirov, 2 mln so‘m (Termiz shahar);
5️⃣-o‘rin - Akbar Xolmurodov, 1 mln so‘m (Termiz shahar).

Festival doirasidagi tadbirlar, sport musobaqalari, milliy o‘yinlar davom etmoqda.

Telegram | Facebook | Instagram | YouTube | Web-site | Twitter

Bugun Surxondaryo viloyati hokimi Ulug‘bek Qosimov ishlab chiqarish korxonalari faoliyati va mavjud muammolarini o‘rganish hamda yangi loyihalar taqdimoti bilan tanishish maqsadida Sherobod, Jarqo‘rg‘on va Termiz tumanlariga tashrif buyurdi.

Dastlab, Sherobod tumanida “Sherobod tekstil invest” MChJning ip-kalava ishlab chiqarish loyihasidagi muammolarni bartaraf etish bo‘yicha berilgan topshiriqlar ijrosi o‘rganildi. Mas’ullarning axborotlari tinglandi. Masalalarni qisqa muddatda hal etib, loyihani ishga tushirish topshirildi. Shuningdek, tumanga tashrif davomida “Sherobod ko‘p tarmokli savdo kompleksi” MChJning savdo majmuasi loyihasidagi qurilish ishlarining borishi ko‘zdan kechirildi.

Viloyat rahbari hududlarga tashrifini Jarqo‘rg‘on tumanida davom ettirib, “Alpomish un tegirmoni” un ishlab chiqarish korxonasi va “Surxonsementinvest” MChJ XKning sement ishlab chiqarish loyihalaridagi muammolarni o‘rgandi. Ikkala loyihada ham muammolarni hal etish, mavjud imkoniyatlarni ishlab solish, mahsulot ishlab chiqarishni qayta yo‘lga qo‘yish yuzasidan chora-tadbirlar belgilandi.

Hududlarga tashrif so‘ngida Termiz tumanida “Solar nature” MChJning foto elektr stansiyasi loyihasi qurilishiga start berildi. Qiymati 8 mln dollar bo‘lgan loyiha doirasida yillik elektr energiya generatsiyasi 15,3 GVtni tashkil etadi hamda 25 ta doimiy ish o‘rni yaratiladi.

#Surxondaryo #korxonalar #loyihalar #Solarnature #start

Telegram | Facebook | Instagram | YouTube | Web-site | Twitter

Ayni kunlarda ko‘hna Boysun tumanining Bibishirin mahallasida bunyod etilgan turizm kompleksida har ikki yilda bir marotaba o‘tkaziladigan “Boysun bahori” xalqaro festivali bo‘lib o‘tmoqda.

Bugun festivalning ikkinchi kunida asosiy tadbirlar boshlandi. Shu munosabat bilan xorijiy hamda mahalliy ommaviy axborot vositalari vakillari, blogerlarga xalqaro festivalning yetti kunlik dasturidan o‘rin olgan tadbirlar, ularning bo‘lib o‘tish vaqtlari, joylari hamda boshqa tashkiliy masalalar yuzasidan ma’lumot berish maqsadida festival matbuot markazida matbuot anjumani o‘tkazildi.

Media tadbirda Surxondaryo viloyati hokimining o‘rinbosari Jo‘rabek To‘rayev, viloyat hokimligi Axborot xizmati rahbari Murodbek Davlatov, viloyat madaniyat boshqarmasi boshlig‘i Shuxrat Normurodov hamda AOKA viloyat hududiy boshqarmasi boshlig‘i Zahiriddin To‘rayev ishtirok etdi.

Mutasaddilar anjuman ishtirokchilariga festival doirasidagi tadbirlar yuzasidan ma’lumot berdi. Jurnalist va blogerlarning savollariga javoblar berildi hamda ularning taklif va tavsiyalari tinglandi.

Ma’lumot uchun, “Boysun bahori” xalqaro folklor festivalida 10 dan ortiq xorijiy OAV va internet nashrlari vakillari ishtirok etmoqda.

#Surxondaryo #Boysunbahori #matbuotanjumani

Telegram | Facebook | Instagram | YouTube | Web-site | Twitter