Bugun viloyat hokimi Ulug‘bek Qosimov Sho‘rchi tumaniga tashrifi davomida iqtisodiy kompleks tashkilotlari rahbarlari, shahar va tumanlar hokimlarining birinchi o‘rinbosarlari ishtirokida hududlarda tadbirkorlikni rivojlantirish, yangi ish o‘rinlari yaratish va soliq tushumlarini oshirish, yangi zaxiralarni aniqlash va ishga solish masalalari yuzasidan videoselektor yig‘ilishini o‘tkazdi.

Hududlar va sohalar kesimida prognoz ko‘rsatkichlarining bajarilishi, tadbirkorlikni rivojlantirish va kambag‘allikni qisqartirish bo‘yicha hokim yordamchilarining faoliyati, soliq tushumlarining ta’minlanishi yuzasidan mutasaddilarning axborotlari tinglandi.

Shuningdek, mahallalar “yettiligi” ish faoliyatini samarali tashkil etish bo‘yicha olib borilayotgan ishlar ham muhokama qilinib, mutasaddilarga kun tartibidagi masala yuzasidan vazifalar belgilab berildi.

Batafsil: https://surxondaryo.uz/blog/1901

#Surxondaryo #tadbirkorlik #ishurinlari #soliqtushumlari

Telegram | Facebook | Instagram | YouTube | Web-site

📢 Termiz shahrida o‘tkaziladigan katta kurash musobaqasiga marhamat!

"Navro‘z" umumxalq bayrami sayllari doirasida Surxondaryo viloyati hokimligi tashabbusi bilan joriy yilning 19-mart kuni Termiz shahri “San’at saroyi” majmuasi hududida katta kurash musobaqasi o‘tkaziladi.

🤼‍♂️ Ushbu kurash musobaqasiga vohamiz va yurtimizning barcha hududlari polvonlarini taklif etamiz. Kurash musobaqasi sovrin jamg‘armasidan tuya, ot, ho‘kiz va qimmatbaho sovg‘alar, pul mukofotlari hamda bosh sovrin uchun avtomobil o‘rin olgan.

Barcha polvonlar va kurash ixlosmandlarini ushbu musobaqaga taklif etamiz.

📞 Polvonlar ro‘yxatdan o‘tish uchun quyidagi raqamga bog‘lanishlari so‘raladi:
+998 91 365 76 97

Telegram | Facebook | Instagram | YouTube | Web-site | Twitter

Surxondaryo viloyati hokimi – ta’lim tizimini isloh qilish bo‘yicha hududiy kengash raisi Ulug‘bek Qosimov Termiz shahridagi 19-sonli maktabga tashrif buyurib, ta’lim jarayoni va maktab sharoitlari bilan tanishdi. Mutasaddilarning Termiz shahridagi 26 ta maktabda Termiz davlat universiteti tajribasi asosida “KPI” tizimini joriy etish, ta’lim maskanlarini to‘liq kameralashtirish ishlarining borishi yuzasidan axborotlari tinglandi.

Ta’lim sifatini oshirish, o‘quvchilar davomatini yaxshilash maqsadida maktab direktori va o‘rinbosarlari bilan mahalla “yettiligi” hamda Milliy gvardiyaning o‘zaro hamkorligini yo‘lga qo‘yish, bunda ta’lim jarayonlari maktab tomonidan, o‘quvchilarni ta’limga jalb qilish mahalla “yettiligi” va Milliy gvardiya tomonidan amalga oshirilishi qayd etildi.

Shundan so‘ng, “Alpomish” mahallasidagi ko‘chalar bo‘ylab amalga oshirilayotgan obodonlashtirish, yo‘llar infratuzilmasini yaxshilash ishlari ko‘zdan kechirildi. Mutasaddilarga “yashil hudud”larni kengaytirish, chiqindilarni o‘z vaqtida olib chiqish hamda hududda “AyTi” markazi tashkil etish vazifalari topshirildi.

Batafsil: https://surxondaryo.uz/blog/1902

#Surxondaryo #maktabtalim #KPI #mahalla

Telegram | Facebook | Instagram | YouTube | Web-site | Twitter

📸 Qishning so‘ngi kunlarida qor bilan qoplangan Termiz shahri manzaralari

O‘zgidromet xabariga ko‘ra joriy haftada vohamizda vaqti-vaqti bilan qor va yomg‘irli kunlar saqlanib turadi va hafta davomida havo harorati kechalari o‘rtacha 0-1 daraja sovuq, kunduzi 7-8 daraja iliqqacha ko‘tarilishi prognoz qilinmoqda.

Telegram | Facebook | Instagram | YouTube | Web-site | Twitter