O‘zbekiston Respublikasi Milliy gvardiyasi qo‘mondonining tegishli buyrug‘i bilan podpolkovnik Jabborov Rustam Abdugaffarovich Milliy gvardiya Surxondaryo viloyati bo‘yicha boshqarmasi boshlig‘i lavozimiga tayinlandi.

R. Jabbarov 1985-yilda Samarqand viloyati Jomboy tumanida tug‘ilgan. 2007-yilda Mudofaa vazirligi Chirchiq oliy tank qo‘mondon-muhandislik bilim yurtini tamomlagan.

Tayinlovga qadar Milliy gvardiya Qashqadaryo viloyati bo‘yicha boshqarmasi boshlig‘ining birinchi o‘rinbosari lavozimida faoliyat yuritgan.

#Surxondaryo #Milliygvardiya #tayinlov

Telegram | Facebook | Instagram | YouTube | Web-site | Twitter

Surxondaryo viloyati hokimi, harbiy-ma’muriy sektor rahbari Ulug‘bek Qosimov Jarqo‘rg‘on tumanidagi Janubi-Gʻarbiy maxsus harbiy okrug tasarrufidagi Kakaydi garnizonida joylashgan harbiy qismga tashrif buyurib, yigitlik burchini bajarayotgan askarlar bilan uchrashdi.

Harbiy qismdagi sharoitlar, askarlarni ma’naviy yetuk, jismonan baquvvat, Vatan himoyasi uchun shay qilib tayyorlash ishlari bilan tanishdi.

Shuningdek, shu yerning o‘zida tumandagi "qizil" hudud toifasidagi mahallalar "yettiligi" va mutasaddilar ishtirokida ko‘makka muhtoj oilalar hamda yoshlar bilan uchrashuv o‘tkazildi. Unda mahallalarda ijtimoiy-ma’naviy muhitni barqarorlashtirish, aholi va yoshlar muammolarini hal etish bo‘yicha mutasaddilarga vazifalar belgilab berildi.

Telegram | Facebook | Instagram | YouTube | Web-site | Twitter

Viloyat hokimi, harbiy-ma’muriy sektor rahbari Ulug‘bek Qosimov Jarqo‘rg‘on tumanidagi Janubi-Gʻarbiy maxsus harbiy okrug tasarrufidagi Kakaydi garnizonidagi harbiy qismga tashrifini davom ettirib, avtomobillarga texnik xizmat ko‘rsatish shahobchasi faoliyati bilan tanishdi.

Mas’ullarga mavjud imkoniyatdan samaralai foydalangan holda tashkilot va korxonalar, xususan, obodonlashtirish va xizmat ko‘rsatish sohalaridagi og‘ir transport vositalarini ta’mirlash bo‘yicha harbiy qism bilan hamkorlikni yo‘lga qo‘yish vazifasi yuklandi.

Telegram | Facebook | Instagram | YouTube | Web-site | Twitter

Ulug‘bek Qosimov: "Biz kasallarni davolamasak, xatlov qilganimizdan odamlarga nima foyda?"

Surxondaryo viloyati hokimi Qiziriq tumaniga tashrifida oilaviy poliklinikada bo‘lib, patronaj xizmati ko‘rsatish bo‘yicha mavjud holatni tanqid qildi. Kasalliklarni aniqlashdan, ularni davolashgacha bo‘lgan samarali tizimni yo‘lga qo‘yish bo‘yicha ko‘rsatmalar berdi.

Telegram | Facebook | Instagram | YouTube | Web-site | Twitter

Fakt 24 | Boysunda dunyodagi eng katta so‘zana tiklanmoqdami?

Telegram | Facebook | Instagram | YouTube | Web-site | Twitter

❗️Gipertoniyaga chalingan bemorlar uchun 9 ta tavsiya

🩸Yuqori qon bosimi, ya’ni gipertoniya bugun aholi o‘rtasida eng ko‘p tarqalgan yurak-qon tomir kasalliklaridan biri hisoblanadi. Uni vaqtida davolamaslik yurak ishemik kasalligi, infarkt, insult, yurak yetishmovichiligi kabi jiddiy xastaliklarga olib kelishi mumkin.

Gipertoniya profilaktikasi uchun quyidagi tavsiyalarga amal qiling:

🥩 To‘g‘ri ovqatlaning. Qizil go‘sht, hayvon yog‘lari, tuz iste’molini kamaytiring, ko‘proq meva va sabzavotlar, baliq, yong‘oqlar, yog‘siz sut mahsulotlarini tannovul qiling.

☕️ Qahva ichishni kamaytiring. Kofein qon bosimini birdaniga oshirib yuborishi mumkin. Shuning uchun uning iste’molini kamaytirgan ma’qul.

🚬 Alkogol ichimliklarni iste’mol qilish, tamaki chekish kabi zararli odatlardan voz keching.

🏃‍♂️ Muntazam jismoniy mashqlarni bajarib turing. Yengil sport turlari, piyoda yurish, velosiped uchish, suzish arterial qon bosimini tushirishga yordam beradi. 

🧍‍♂️ Vazningizni nazorat qiling. Ortiqcha vazn gipertoniya rivojlanishi xavfini oshiradi.

🧘‍♂️ Stressli vaziyatlardan qoching. Meditatsiya va yoga bilan shug‘ullanish stress hissini kamaytirishning samarali usullaridan hisoblanadi.

😴 Uyqu rejimiga amal qiling. Gipertoniyaga chalingan bemorga kuniga kamida 8-9 soat uxlash tavsiya etiladi.

💊 Dorilarni o‘z vaqtida qabul qiling. Agar shifokor sizga qon bosimini tushirish uchun dorilar yozib bergan bo‘lsa, ularni o‘z vaqtida qabul qilishni unutmang.

👨‍⚕️ Davriy shifokor ko‘rigidan o‘tib turing. Bu organizmdagi salbiy o‘zgarishlarni vaqtida aniqlash va tezkor choralarni ko‘rish imkonini beradi.

Telegram | Facebook | Instagram | YouTube | Web-site | Twitter

Surxondaryo viloyati hokimi Ulug‘bek Qosimov Sho‘rchi tumanida ariqlarni betonlash, mahalliy o‘g‘it jamg‘arish hamda g‘alla parvarishi, dorilash texnikalarini mavsumga tayyorlash ishlarini ko‘zdan kechirdi.

Shuningdek, Denov tumanida oqova suvlarini tozalash inshootining qurilishi bilan tanishdi. Denov va Sariosiyo tumanlarida "kanalizatsiya" tarmoqlarini barpo etish ishlarini jadallashtirish bo‘yicha vazifalar belgilab berildi.

Telegram | Facebook | Instagram | YouTube | Web-site | Twitter

Surxondaryo viloyati hokimligi axborot xizmati jamoatchilik e’tirozlariga sabab bo‘layotgan yo‘l masalasida mas’ullardan izoh oldi

Xalqaro ahamiyatdagi “M41” “Bishkek – Dushanbe – Termiz” avtomobil yo‘lining Termiz, Jarqo‘rg‘on, Qumqo‘rg‘on, Sho‘rchi, Denov va Sariosiyo tumanlari hududlaridan o‘tgan 178 kilometr uzunlikdagi qismi 4 tasmaga o‘tkazgan holda rekonstruksiya qilinadi.

Qurilish-ta’mirlash ishlari 2025-yildan boshlanadi.

Telegram | Facebook | Instagram | YouTube | Web-site | Twitter

Prezident raisligida ijtimoiy sohadagi ustuvor vazifalarga bag‘ishlangan yig‘ilish bo‘lib o‘tmoqda

Mahalla raisi maktabda tarbiya va davomat masalalari, ota-onalar bilan hamkorlik qilish bilan qiziqmasa, tuman hokimlari, yoshlar va ijtimoiy masalaga mas’ul o‘rinbosarlari maktabda ma’naviyat va sport tadbirlarini tashkil etishga e’tiborsiz bo‘layotgani ta'kidlandi.

O‘tgan hafta maktabgacha va maktab ta’limi vaziriga yangi o‘rinbosarlar tayinlangani, ularning oldiga ta’lim, tarbiya va ma’naviyat bo‘yicha maktablarga yangi muhit olib kirish vazifasi qo‘yilgani aytib o‘tildi.
〰️〰️〰️

Davlatimiz rahbari Oliy ta’lim, fan va innovatsiyalar vazirligi faoliyatiga ham e’tiroz bildirdi.
〰️〰️〰️

So‘nggi yetti yilda tibbiyot tizimida 7 ta vazir almashdi, lekin sohani raqamlashtirish, tibbiy sug‘urtani joriy qilish sust kechmoqda.

Respublika markazlari bilan birlamchi bo‘g‘in o‘rtasida integratsiya yo‘qligi qayd etildi.
〰️〰️〰️

Bolalar tarbiyasini yaxshilashga, ota-onalar dunyoqarashini kengaytirishga xizmat qiladigan milliy kontentni mahalla va ta’lim muassasalariga yetkazib turish topshirildi.
〰️〰️〰️

Mutasaddilarga “maktab – ota-ona – mahalla” zanjiri asosida elektron muloqot platformasini ishga tushirish topshirildi.

Telegram | Facebook | Instagram | YouTube | Web-site | Twitter

Yangi o‘quv yilidan boshlab texnikumlarda o‘qitish “Akademik” va “Ishchi kasb” ta’lim komponentlarining uzviyligini ta’minlaydigan yangi tizim asosida yo‘lga qo‘yiladi.

Bunda:

➖ kollej-texnikumning 1-2 kursidagi ta’lim dasturlari, darsliklari, bilimni baholash mezonlari va muallimlarga talablar oliygohlar bilan bir xil bo‘ladi;

- texnikumlarda ham “kredit tizimi” joriy qilinib, fanni o‘zlashtirish bo‘yicha to‘plangan “kreditlar” oliygohlarda tan olinadigan tizim bo‘ladi.
〰️〰️〰️

Bilim va malakani baholash jarayonlari bosqichma-bosqich nodavlat tashkilotlarga o‘tkaziladi.

Oliy ta’lim vazirligiga bakalavr yo‘nalishlarini yiriklashtirish hisobiga ularning sonini 40 foizga qisqartirish, ushbu yo‘nalishlardagi ta’lim dasturlarini TOP-300 ga kirgan oliygohlar dasturi asosida yangilash topshirildi.
〰️〰️〰️

Oliy ta’lim, fan va innovatsiyalar vazirligiga 116 ta oliygohni o‘rganib, ularni yiriklashtirish dasturini ishlab chiqish, ularga “milliy”, “davlat” universiteti, akademiya yoki institut maqomini berishning aniq mezonlarini belgilash topshirildi.

“El-yurt umidi” jamg‘armasi Prezident Administratsiyasi huzuriga o‘tkazilishi va xorijda o‘qitish bo‘yicha yangi tizim joriy etilishi belgilandi.

Telegram | Facebook | Instagram | YouTube | Web-site | Twitter

Ustoz otangdek ulug‘ zot!

Dunyo yaralibdiki, insoniyat Ustozidan hayotning past-balandini o‘rganib, yuksaldi. Shu sababdan uch ming yillik tarixga ega o‘zbek xalqida bir naql bor: Ustoz otangdek ulug‘!

Ming afsuski, ayrim “tarbiyasiz” yoshlarimizning o‘zini yetuk inson bo‘lib kamol topishi uchun ta’lim-tarbiya berayotgan Ustoziga qo‘l ko‘tarishi holatlari ham uchramoqda. Jumladan, Qiziriq tumanida o‘qituvichisiga qo‘l ko‘targan o‘quvchi o‘z qilmishidan pushaymon bo‘lib, Ustozi va jamoatchilikdan uzr so‘rab chiqdi. Tengdoshlaridan ham bu kabi yomon ishlarga qo‘l urib, ota-onasi va yaqinlarining yuzini yerga qaratib qo‘ymasliklarini so‘radi.

Ushbu holatga diniy soha vakili ham o‘z fikrlarini bildirdi.

Telegram | Facebook | Instagram | YouTube | Web-site | Twitter

Ichimlik suvi o‘chirilayotgan mahallalarda maxsus texnikalar yordamida suv yetkazib beriladi

Termiz shahri Tahoriston ko'chasidan o'tuvchi, diametri 600 mm bo'lgan markaziy quvurda yuzaga kelgan nosozlikni bartaraf etish maqsadida ta'mirlash ishlari olib boriladi. Shu munosabat bilan ertaga, 6-fevral kuni soat 08:00 dan 17:00 gacha Termiz shahrining quyidagi mahallalarida suv ta’minoti vaqtincha o‘chiriladi:

➖ Shifokor;
➖ Jomiy;
➖ Ma'rifat;
➖ Eski shahar;
➖ Majnuntol;
➖ Turon;
➖ Baynalminal;
➖ Saxovat;
➖ Navro'z;
➖ Do'stlik mahallalari.

Suv ta’minoti vaqtincha o‘chirilayotgan mahallalar aholisiga zaruratga ko‘ra ichimlik suvi maxsus texnikalar yordamida yetkazib beriladi.

Shuningdek, ta'mirlash ishlari vaqtida Tahoriston ko'chasida transport harakati ham vaqtincha cheklanadi.

«Surxondaryo suv ta’minoti» MChJ yetkazilgan noqulayliklar uchun iste’molchilardan uzr so‘raydi.

Telegram | Facebook | Instagram | YouTube | Web-site | Twitter