‼️ Səudiyyə Ərəbistanında həkimlərin süni intellektlə əvəz olunduğu klinika açılıb.

Xəstələr öz simptomlarını neyron şəbəkəsinə təsvir edəcəklər, bundan sonra müayinə mərhələsi başlayacaq. Süni intellekt xəstəyə aydınlaşdırıcı suallar verəcək və həmçinin köməkçilər tərəfindən çəkilmiş xəstənin fotoşəkillərini emal edəcək.

Bundan sonra kompüter xəstəyə diaqnoz qoyacaq, uyğun müalicəni tövsiyə edəcək və lazım olduqda lazımi dərmanları təyin edəcək.

Klinikadan indiyədək onlarla insan istifadə edib. Layihə hələ sınaq mərhələsində olduğu üçün məsləhətləşmələr insan nəzarəti altında aparılır.

Blumberq

‼️ Bakıda gecə leysan yağacaq

Bu barədə Milli Hidrometeorologiya Xidmətindən məlumat verilib.

Bildirilib ki, yarımadanın ayrı-ayrı yerlərində yağışın leysan xarakterli olacağı, şimşək çaxacağı ehtimalı var.

🚨🚨🚨Ötən həftə 1291 ha ərazi minalardan təmizlənib

Azad olunan ərazilərdə mayın 12-dən 18-nə qədər 23 tank əleyhinə mina, 36 piyada əleyhinə mina, 377 partlamamış hərbi sursat (PHS) aşkarlanıb və zərərsizləşdirilib.

🚨🚨🚨Baş Dövlət Yol Polisi İdarəsi (DYP) dumanlı hava ilə bağlı xəbərdarlıq edib.

Axar.az xəbər verir ki, bu barədə DYP məlumat yayıb.

Bildirilib ki, sinoptiklərin məlumatına əsasən yağıntılı və dumanlı hava şəraiti ilə əlaqədar magistral yollarda görünüş məsafəsinin 500-1000 metrədək məhdudlaşacağı gözlənilir:

"Dumanlı hava xüsusilə səhər və axşam saatlarında sürücünün görünüş dairəsini əhəmiyyətli dərəcədə məhdudlaşdırır ki, bu da ağırlıq dərəcəsi yüksək olan qəzalara, o cümlədən zəncirvari toqquşmalara real zəmin yaradır".

Baş Dövlət Yol Polisi İdarəsi verilən xəbərdarlığı nəzərə alaraq, sürücülərdən dumanlı havada sürət həddini minimuma endirməyi, daha çox ara məsafəsi saxlamağı, xarici işıq cihazlarının sazlığından əmin olmağı, ötmə, manevr etmə, dayanma, durma, parklanma zamanı təhlükəsizlik qaydalarına ciddi əməl etməyi xahiş edir.

📢 Dövlət İmtahan Mərkəzi imtahan iştirakçılarına müraciət edib

Müraciətdə deyilir:

Məlum olduğu kimi, qarşıdakı həftələrdə ali təhsil müəssisələrinə qəbul imtahanlarının birinci cəhdi keçiriləcək. Mayın 25-də II və III ixtisas qrupu üzrə imtahan verənlər artıq DİM-in saytına daxil olaraq buraxılış vərəqələrini çap edirlər. Abitiriyentlər həmçinin imtahanla bağlı davranış qaydalarını özündə əks etdirən “Yaddaş kitabçası” ilə mütləq tanış olmalıdırlar.

Yaddaş kitabçasında imtahanın məzmunu, iştirakçılar üçün tövsiyələr və tələb olunan qaydalar ətraflı şəkildə izah olunur. Orada aydın şəkildə tələb olunan sənədlər, imtahan binasında olma vaxtı, qadağan olunan hallar və s. göstərilir.

🚨🚨🚨Pirəkəşküldə 19-23 may tarixlərində müddəti başa çatmış və istifadəyə yararsız olan döyüş sursatları məhv ediləcək.

Axar.az xəbər verir ki, bu barədə Müdafiə Nazirliyindən məlumat verilib.

Bildirilib ki, istismar müddəti başa çatmış və istifadəyə yararsız olan döyüş sursatlarının təhlükəsizlik qaydalarına riayət olunmaqla Pirəkəşkül qəsəbəsi yaxınlığındakı poliqonda məhv edilməsi prosesi həyata keçiriləcək:

"Partlayış səsləri ilə əlaqədar əhalini təşvişə düşməməyə çağırır və narahatlığa heç bir əsasın olmadığını diqqətə çatdırırıq".

🔴 Türkiyənin Maltadakı səfiri vəfat edib

Bu barədə Maltanın xarici işlər və turizm naziri İan Borq (Ian Borg) "X"də yazıb.

Nazir bu hadisədən dərin kədər hissi keçirdiyini vurğulayıb.

"Onun diplomatik fəaliyyəti və ölkəsinə xidməti hörmətlə xatırlanacaq",- deyə İ.Borq əlavə edib.