የኢትዮጵያ ህብረት ሥራ ኮሚሽን ኮሚሽነር አዋጭን ጎበኙ
የኢትዮጵያ ህብረት ሥራ ኮሚሽን ኮሚሽነር፣ ክቡር አምባሳደር ዶ/ር ሽፈራው ሽጉጤ፣ በዛሬው እለት በአዋጭ ቢሮ በመገኘት የስራ ከባቢውንና አሰራሩን ተመልክተዋል።
ኮሚሽነሩ በአዋጭ የቦርድ አመራር አባላትና ከፍተኛ የስራ ኃላፊዎች ደማቅ አቀባበል የተደረገላቸው ሲሆን፣ በጉብኝታቸው ወቅት፣ በየቢሮው የተመለከቱት የስራ አካባቢ እና አሰራር እንዳስደሰታቸውም ገልጸዋል።
የአዋጭ መስራችና ዋና ስራ አስፈፃሚ አቶ ዘሪሁን ሸለመ ስለ አዋጭ አመሰራረት እና እስከአሁን ስለደረሰበት እድገት አጭር ገለጻ ያቀረቡ ሲሆን የኅብረት ሥራ ማህበሩ ከፍተኛ የስራ ኃላፊዎችም ኮሚሽነሩ አዋጭን በመጎብኘታቸው ምስጋናቸውን አቅርበዋል።