⌨️ Абнаўленьне нашых клявіятур да вэрсіі v12.07.2024!

👀 Што зьмянілася:
- Дадалі сымбалі ', ' і `.

ℹ️ Мы рэкамендуем выкарыстоўваць ' (U+2019 апостраф) у якасьці сымбаля апострафа, калі гэта неабходна, а таксама для знакаў прыпынку на сайтах, якія выкарыстоўваюць яго для фарматаваньня тэксту. Сымбаль ' (U+0027 Апостраф) будзе карысны рэдактарам Вікіпедыі, перакладчыкам праграм і праграмістам; ён можа фарматаваць тэкставыя й радковыя зьменныя. Абодва гэтыя сымбалі знаходзяцца на літары İ на крымскататарскай мове і Ŭ пры спалучэньні клявішаў Alt (альбо Option у macOS) і Alt+Shift (альбо Option+Shift). Сымбаль ` (U+0060 Grave Accent) выкарыстоўваецца для фарматаваньня тэксту ў Telegram і працы з радковымі зьменнымі ў некаторых мовах праграмаваньня. У крымскататарскай раскладцы ён знаходзіцца на 9+Alt+Shift (9+Option+Shift), а ў беларускай — ◌́+Alt+Shift (◌́+Option+Shift, дзе ◌́ ‌ — камбінаваны сымбаль акута).

🔄 Каб абнавіць ужо ўсталяваную клявіятуру ў Windows, запусьціце UpdateCRH.exe, у Linux запусьціце updateCRH.sh, а ў macOS проста паўтарыце ўстаноўку з выкарыстаньнем новых файлаў.

⚠️ Пры выкарыстаньні Windows 10 і Windows 11 вы можаце атрымаць папярэджаньне ад Windows Defender пры запуску InstallCRH.exe, UpdateCRH.exe альбо UninstallCRH.exe! Калі яно зьявіцца, абярыце «Яшчэ» -> «Запусьціць». Далей дайце праграме правы адміністратара й выконвайце інструкцыі ў праграме альбо мануале.

💻 Зьвярніце ўвагу, што інтэрфейс і графічная інфармацыя на вэб-сайце праекта будуць абноўлены празь некалькі дзён, але цяпер новая вэрсія даступная для спампоўкі.

⬇️ Як заўсёды, спампаваць можна па спасылцы: https://keyboard.aveteam.org

Абнаўленьне беларускае раскладкі клявіятуры да вэрсіі v20.02.2025!

👀Што новага:
- Абнаўлены спосаб ўвядзеньня мяккіх літараў з дапамогай акута;
- Зьменена працэдура абнаўленьня – цяпер яна ўключае дадатковую перазагрузку, пасьля чаго аўтаматычна запускаецца працяг інсталяцыі;
- З Git-рэпазыторыю прыбраныя файлы Ave Keyboard Installer. Іх мы апублікуем асобна ў бліжэйшыя дні.

ℹ️У папярэдніх вэрсіях была памылка, празь якую адну й тую ж мяккую літару можна было набраць двума рознымі спосабамі. Напрыклад, літара Ń магла ўводзіцца як Alt+Shift+N альбо як камбінацыя N + ◌́. Праблема была ў тым, што першы спосаб вяртаў сымбаль Ń (U+0143), а другі — аб'яднаньне двух сымбаляў N (U+004E) + ◌́ (U+0301).

⚠️ Цяпер абодва спосабы правільна вяртаюць адзін сымбаль (Ćć, Ĺĺ, Ńń, Śś, Źź). Пры гэтым, спачатку друкуецца акут, а потым адпаведная літара.

Таксама нагадваем, што літары Ćć, Ńń, Śś, Źź можна надрукаваць камбінацыяй Cc, Nn, Ss, Zz з Alt Gr альбо Ctrl+Alt, тады як адпаведныя камбінацыі з Ll вернуць Łł.

⬇️ Спампаваць, як і заўсёды, можна па спасылцы: https://keyboard.aveteam.org

🌐 Мы запускаем цалкам новы вэбсайт праекту Ave Keyboard!

👀 Што новага на сайце:
— Новы дызайн: больш зручны інтэрфэйс і лепшая адаптыўнасьць для розных прыладаў і памераў экранаў;
— Поўны сьпіс камбінацыяў клявішаў для кожнае раскладкі на ўсіх падтрымоўваных плятформах;
— Падтрымка чатырох моваў інтэрфэйсу асобна: украінскае, крымскататарскае, беларускае й ангельскае;
— Адпаведнасьць стандартам WCAG і эўрапейскім патрабаваньням да прыватнасьці;
— Наяўнасьць кантактаў арганізацыі;
— Выпраўлены шэраг памылак і праблемаў, якія існавалі раней.

ℹ️ Папярэдняя вэрсія сайту мела шэраг тэхнічных і дызайнерскіх абмежаваньняў, што ўскладняла карыстаньне рэсурсам і яго далейшае маштабаваньне. Новы сайт напісаны цалкам з нуля — гэта дазволіла ня проста ліквідаваць наяўныя праблемы, але й пераасэнсаваць падыход да падачы інфармацыі, забясьпечыць належную шматмоўнасьць і зрабіць рэсурс даступнейшым для ўсіх катэгорыяў карыстальнікаў незалежна ад мовы, прылады ці асаблівых патрабаваньняў.

Мы ганарымся вынікам і спадзяваемся, што новы сайт стане зручнаю й надзейнаю крыніцаю інфармацыі для ўсіх, хто карыстаецца нашымі раскладкамі ці толькі пачынае зь імі знаёміцца.

⬇️ Наведаць сайт можна па спасылцы: https://keyboard.aveteam.org