BIZ, REGISTONLIKLAR –TA’LIM SIFATI UCHUN KURASHUVCHILARMIZ!!!

Ta’lim – barcha davrlarda rivojlanishning tayanch nuqtasi bo‘lib kelgan. Ta’lim sifati qanchalik yuqori bo‘lsa, yashash darajasi ham shunga mutanosib bo‘lishi barchamizga ma’lum. Demak, biz siz bilan Vatanimizda ta’lim sifatini oshirish uchun kurashishimiz kerak.
Registonlik sifatida umrimizni bag‘ishlashga arziydigan oliy maqsadimiz bor! Bu maqsad yo‘lida ne-ne ajdodlarimiz kurashgan, biroq zamon va makon sabab maqsadlariga yeta olishmagan. Ularning maqsadlarini amalga oshirish endi bizning zimmamizga tushdi. Shu oliy maqsad ostida biz bir jamoa bo‘lib, sharafli yo‘lga chiqdik.
O‘zbekiston ta’limini dunyoda birinchi o‘ringa olib chiqish maqsadini Registonliklar bilan birga amalga oshira olamiz!
Buning uchun biz butun O‘zbekistonda yanada kengayishimiz lozim. Respublika bo‘ylab tashkil qilgan filiallarimizda ta’lim sifatini oshirsak, sifatning kafolati bo‘lgan yaxshi natijalarni ko‘paytirsak, maqsadimizga tezroq yetamiz. O‘zbekiston ta’limini, avvalo, o‘zimizning ichimizda Registonliklar bilan birga ko‘taramiz! Tasavvur qiling, O‘zbekiston bo‘ylab o‘quv markazimizning 200dan ziyod filiallari, 200dan oshiq maktablarimiz, 10dan ortiq texnikum va universitetimizning filiallari bo‘lsa, ularda o‘qiydigan o‘quvchilar, talabalar sonini yuz mingdan oshirsak, bu miqdordagi o‘quvchilarga sifatli ta’lim bera olsak, bizning bitiruvchilarimiz yaxshi natijalarga erisha olishsa, maqsadimizga juda yaqinlashgan bo‘lamiz! Registon ta’lim loyihasi siz bilan, albatta, bu marralarni zabt etadi!

t.me/avazbek_tulovov